Er ekki bara best að sleppa þessum "örvunarbólusetningum"?

Þetta Omicron afbrigði virðist vera svo milt að margir finna lítið fyrir veikindum og hrista þetta af sér eins og hverja aðra pest í gegnum tíðina.

Nýtt "bóluefni" gegn þessu afbrigði verður hvort eð er ekki tilbúið fyrr en í mars samkvæmt þessari frétt.

Enn fjölgar aukaverkununum

Ég tek daglega skjáskot af nýjustu tilkynningunum um aukaverkanir, og þetta er staðan í dag:

Frá því að byrjað var að bústa fólk hefur tilkynningum um aukaverkanir fjölgað um 523 og þar af 47 alvarlegum, og það vakti athygli mína að þeim alvarlegu fjölgaði hvorki meira né minna en um 3, bara núna yfir helgina.

Og samtals fjölgun tilkynntra alvarlegra aukaverkana frá 12. janúar er 10, eða tæplega 1 á dag!

Svona lítur flokkun tilkynninganna sem Lyfjastofnun sendir vikulega til EuroVigilance. 

Samkvæmt þessari frétt sem bloggað er við, er boðið upp á örvunarskammt með Moderna og Pfizer. Þann 12. janúar síðastliðinn gaf Lyfjastofnun út sundurliðun tilkynninga, og þann dag var búið að tilkynna um 131 alvarlega aukaverkun eftir Pfizer, en þær eru orðnar 138 í dag.

Alvarleg aukaverkun er aukaverkun eða óæskileg áhrif lyfs sem leiðir til dauða, lífshættulegs ástands, sjúkrahúsvistar eða lengingar á sjúkrahúsvist, veldur fötlun eða fæðingargalla hjá mönnum. Einnig eru þær tilkynningar sem taldar eru klínískt mikilvægar flokkaðar sem alvarlegar.

Comirnaty (BioNTech/Pfizer):

131 alvarlegar tilkynningar hafa borist.

• 26 þeirra varða andlát. 18 andlát vörðuðu aldraða** einstaklinga, 15 þeirra með staðfesta undirliggjandi sjúkdóma. Sex andlát vörðuðu eldri*** einstaklinga, fjórir þeirra með staðfesta undirliggjandi sjúkdóma. Tvö andlát varða einstaklinga á aldursbilinu 55-64 ára, þar sem annar þeirra var með staðfestan undirliggjandi sjúkdóm.
• 71 tilkynningar varða sjúkrahúsvist (þar af ellefu lífshættulegt ástand).
• 21 tilkynningar teljast klínískt mikilvægar og þar með flokkaðar sem alvarlegar****.
• Átta tilkynningar teljast alvarlegar, þar sem beðið er eftir viðbótar upplýsingum.
• Fimm tilkynningar varða fósturmiska.

Er ekki bara öruggast að láta þetta gott heita og fara ekki í fleiri sprautur?

Uppfærsla, enn ein ástæðan til að sleppa þeim bara:

Tveir með örvunarskammt hafa þurft á gjörgæslu

Tveir ein­stak­ling­ar með örvun­ar­skammt þurftu á gjör­gæslu fyr­ir ára­mót. Ann­ar í byrj­un des­em­ber og hinn í byrj­un nóv­em­ber. Báðir lögðust á gjör­gæslu þegar inn­an við fjór­tán dag­ar voru liðnir frá þriðju bólu­setn­ing­unni. Þetta staðfest­ir Hild­ur Helga­dótt­ir, verk­efna­stjóri far­sótt­ar­nefnd­ar á Land­spít­ala.

Senda ekki boð í örvunarskammt

Athugasemdir

[Ásgrímur Hartmannsson, 24.1.2022 kl. 17:56]

Á hegstofunni er þetta: "Árið 2021 dóu að meðaltali 44,7 í hverri viku eða aðeins fleiri en árin 2017-2020 þegar 43,4 dóu að meðaltali."

Það gerir 70 auka dauðsföll á árinu, ekki 35.

Árið áður dóu merkjanlega *færri* en árin á undan.  Sama hefur verið að gerast bæði í USA og UK.  Af sömu ástæðu, held ég.

... bara að segja.

[Kristín Inga Þormar, 24.1.2022 kl. 18:53]

Sæll Ásgrímur,

Ein af bókunum á skrifborðinu hans Bill Gates heitir "How to Lie with Statistics", og það kæmi mér ekkert á óvart þótt hún fyndist víðar.

Við getum verið 100% viss um að búið er að fiffa tölur hér líka og mig minnir að að það hafi nýlega þurft að leiðrétta einhverjar tölur hér um "faraldurinn" í kjölfar réttmætrar ábendingar.

En það fer lítið fyrir þeirri umræðu að 34 manneskjur létust á síðasta ári í kjölfar sprautanna, en það er töluvert meiri fjöldi en á að hafa látist "úr" Covid. 

Spáðu í það!

[Ásgrímur Hartmannsson, 25.1.2022 kl. 00:28]

Það var gaur hér á Mogga-blogginu einmitt eitthvað að fara yfir tölurnar.  Þetta er allt uppgefið á covid.is.

Var allt bull og þvæla hjá þeim.  Hefðu fallið í tölfræði að eilífu ef þeir hefði skilað þessu svona inn sem verkefni hjá HÍ á sínum tíma.

En það er ekki eins og venjulegt fólk sé nokkuð einu sinni að fást við jafnvel augljósostu staðreyndir.  Það er alveg ferlegt að hlusta á fólk oft.

[Ágúst Kárason, 25.1.2022 kl. 13:04]

Það væri gott að vita hvað margir liggja á spítala núna vegna alvarlegra aukaverkana.

[Kristín Inga Þormar, 25.1.2022 kl. 15:34]

Já ég held það hafi verið Þorsteinn Siglaugsson sem benti þeim á þetta.

Ég er löngu hætt að trúa einu einasta orði eða upplýsingum sem frá öllu þessu liði koma, alveg sama hvort það sé um fjölda smitaðra, veikra, á bráðamóttöku eða nokkuð annað.

[Kristín Inga Þormar, 25.1.2022 kl. 15:41]

Sæll Ágúst,

Þú getur bara látið þig dreyma um það, það mun aldrei verða!

Það er aldrei fjallað um þessar aukaverkanir, og þöggunin um þær er bókstaflega ærandi.

[Geir Ágústsson, 25.1.2022 kl. 22:34]

Þau fórnarlömb sem tjá sig fá lítið fyrir sinn snúð:

https://mobile.twitter.com/eddafalak/status/1485248647533154311

[Kristín Inga Þormar, 26.1.2022 kl. 08:05]

Sæll Geir,

Það er gott að sjá að Edda sé búin að tjá sig um sínar raunir eftir sprautu, vonandi fer hún ekki í fleiri slíkar - og vonandi fær hún aðra til að hugsa sig tvisvar um núna.

Einn sem kommentar undir, Jón Frímann trúir enn á sprauturnar: Þetta með blæðingar og covid bóluefni er ekki alveg þekkt afhverju en sérfræðingar eru á því að þetta hefur eitthvað með ónæmiskerfið að gera. Annars er bara að tala við lækni og athuga hvað er í gangi. Þú þarft þrjár sprautur til að fá fulla vörn (þetta árið) gegn covid.

Svo vísar hann í "niðurstöður" um tímabundnar breytingar á tíðahringnum frá nih.gov (af öllum stöðum!), blessaður maðurinn.... og hann virðist ætla í þriðju sprautuna þrátt fyrir háan blóðþrýsting í marga mánuði eftir fyrstu tvær.

Það þyrfti fleira fólk að þora að tjá sig svona opinberlega til þess að skapa umræður, það hefur því miður sárlega vantað hér á landi, þveröfugt á við það sem ég hef séð í öðrum löndum.

Hér á landi er nánast eina umfjöllunin leyfð í fjölmiðlum sem mærir eiturbrasið.