Nú fýkur grímuskyldan, er það ekki?

Hér útskýrir virtur læknir með 40 ára starfsreynslu, meðal annars í rannsóknum á efnavopnum og grímum hversu gagnslausar þær eru gegn örsmáum veirum, og að á sínum langa starfsferli hafi hún aldrei heyrt neinn segja þær gera nokkurt gagn gegn þeim.

Að þeim sem haldi því fram sé annað hvort greitt fyrir það, eða hafi verið plataðir.

Rifjum upp orð sóttvarnalæknis árið 2020:

Segir grímur gera lítið gagn fyrir almenning

„Að almenningur gangi með grímur er mjög vafasamt. Það er engin stofnun eða ábyrgur aðili sem mælir með því. Ég veit að í Bandaríkjunum hafa þeir verið að tala um þetta en ég alla vega set spurningamerki við þetta,“ svaraði Þórólfur.

Viðtal við hann 03.04.2020

Þórólfur mælir ekki með notkun á andlitsgrímum

Engin ástæða er fyrir íslensk yfirvöld að fylgja ráðleggingum Alþjóðaheilbrigðisstofnunnarinnar (WHO) um að fólk noti andlitsgrímur í fjölmenni til að draga úr kórónaveirusmiti. Þetta segir Þórólfur Guðnason sóttvarnarlæknir í samtali við fréttastofu. Rök skorti fyrir ákvörðuninni.

Viðtal við hann 07.06.2020

Ragnar Reykás?

Stuttu síðar vísaði hann í einhverjar nýjar "rannsóknir" sem bentu til annars, og grímuskyldu hefur verið skellt á okkur hvað eftir annað síðan.

En öllum ætti að vera löngu orðið ljóst að grímur virka ekki nokkurn skapaðan hlut gegn örsmáum veirum.

Fauskurinn

Meira að segja sagði Dr. Fauci það sjálfur hlæjandi í viðtali fyrir rúmum tveim árum að þær gerðu ekkert gagn.

Og hér getið þið séð hann rausa fram og tilbaka um grímur:

Grímur gera ekkert gagn, grímur gera rosa mikið gagn, þú þarft ekki að nota grímu ef þú ert bólusett/ur, vertu með tvær grímur inni hjá þér þótt þú sért bólusett/ur.....

Og hér getið þið séð nokkrar grímur í máli og myndum.

Ósk um málamiðlun

Mætti ekki að minnsta kosti gera grímunotkun valkvæða þangað til þið afléttið öllu?

Því ef þær verja svona vel, þá hlýtur að vera nóg að þeir sem vilja noti þær haldi því áfram eins lengi og þeir vilja.

Við sem höfum farið eins mikið og hægt er grímulaus í gegnum þennan "faraldur" erum enn á lífi og við hestaheilsu og viljum gjarnan fá að halda áfram að anda að okkur súrefni, ekki þeim úrgangsefnum sem lungun okkar þurfa að losa sig við.

Er þetta nokkuð ósanngjörn krafa?

 

Til skoðunar að aflétta meira og hraðar

Athugasemdir

[Ásgrímur Hartmannsson, 2.2.2022 kl. 21:56]

Ef ekki með grímum, hvernig á fólk á að halda bakteríum að vitum sér, og auka þar með líkurnar á bronkítis og ýmsu öðru skemmtilegu sem það er orðið útsett fyrir núna eftir 3. sprautu?

[Kristín Inga Þormar, 2.2.2022 kl. 22:42]

Sæll Ásgrímur,

Já segðu! En til þess er einmitt leikurinn gerður, plús það að ef engir væru með grímur, þá væru fáir að pæla í að við værum enn í einhverjum "faraldri".

En þeir veiruhræddu tví- og þrísprautuðu trúa öllu sem þeim hefur verið sagt og hlýða öllu í blindni og verja þau sem eru búin að svipta þau frelsi og sjálfsögðum mannréttindum í tvö ár núna.

Og virðast alveg æstir í áframhaldandi hömlur.

Flestir hafa greinilega engan áhuga á því að lesa sér til gagns og fræða sig um það sem er að gerast í heiminum fyrir allra okkar augum.

Ég er alveg við það að missa trú á þjóðinni okkar sem stærir sig á hátíðastundum yfir því að vera svo vel lesin og menntuð.

Enda er hún búin að láta narra sig í sprautur með einhverjum efnum sem enginn hefur hugmynd um hvað innihalda, hún gerir bara það sem henni er sagt.

Verst samt af öllu er að fólk sé núna að fara í sprautu númer tvö með börnin sín sem eru ekki í nokkurri hættu af því að veikjast, og hvað þá að deyja úr einhverri veiru.

[Guðjón E. Hreinberg, 3.2.2022 kl. 13:35]

Er einhver hérlendis að tala um nýju skýrsluna frá John Hopkins spítalanum? Nóg var vitnað í hann þegar afnám siðmenningar var réttlætt.

[Kristín Inga Þormar, 3.2.2022 kl. 15:12]

Sæll Guðjón,

Nei ekki sem ég hef séð, það minntist einn á hana í athugasemd á blogginu mínu í fyrradag og sendi mér svo hlekk á umfjöllun um hana.

Ég hef ekki enn haft tíma til að skoða hana almennilega, en sýnist í fljótu bragði niðurstaðan vera sú að allar þessar aðgerðir að grímunum meðtöldum fækkuðu ekki andlátum, en höfðu skelfilegar afleiðingar á efnahag, menntun og fleira.

Eitthvað sem öllum ætti að vera orðið ljóst í dag.

Vonandi munu þau næst senda frá sér skýrslu um hörmungina sem hlotist hefur af þessum hryllilegu "bóluefnum" út um allan heim.