Er enn einn "heimsfaraldurinn" í uppsiglingu núna?

Allir ættu núna að vera búnir að kynna sér Alþjóðaheilbrigðisglæpaapparatið (WHO) núna, og áætlanir þeirra sem þar eru við stjórn um yfirtöku á heilbrigðismálum heimsins.

Það myndi meðal annars þýða að hvenær sem þeim dytti í hug gætu þeir lýst yfir einhverju "neyðarástandi", skellt heiminum aftur og aftur í lás, og neytt okkur í einhverjar álíka sprautur og þær sem núna er búið að sprauta milljarða manna, kvenna og barna með, með skelfilegum afleiðingum og/eða dauða fyrir milljónir.

Þeir eru búnir að boða röð smitfaraldra næstu 10 árin (<- Lesið þetta!), en mistókst apabólufárið herfilega sem betur fer, svo nú hafa þeir snúið sér að fiðurfénaði.

En ætlar fólk virkilega að falla fyrir þessum lygum þeirra eina ferðina enn? Það er stóra spurningin.

Nú birtist þessi stórglæpamaður aftur á skjánum, alvarlegur á svip að vanda til að kynda undir hræðslu við einhverja fuglaflensu, og er að sjálfsögðu að vinna að því að næg bóluefni og lyf verði til staðar ef þetta verði að "heimsfaraldri".

Nema hvað!

Þetta allt saman óttalega fyrirsjáanlegt ...

Þetta sagði hann meðal annars:

Undanfarnar vikur hafa borist nokkrar tilkynningar um spendýr, þar á meðal minka, otra, refi og sæljón, sem hafa verið sýkt af H5N1 fuglaflensu, og í október 2022 hafi fuglaflensuveiran (H5N1) greinst í minkabúi í Galisíuhéraði á Spáni:

Nánari erfðagreining á H5N1 veirunni leiddi í ljós að hún tilheyrði núverandi stofni sem dreifðist í villtum fuglum og alifuglum í mörgum heimsálfum og er einna helst skyld stofni sem finnst í sjófuglum víðsvegar um Evrópu.

Vísindamennirnir komust að því að H5N1 vírusinn hefur sjaldgæfa stökkbreytingu sem hefur aðeins sést einu sinni áður í evrópsku dýri (polecat) og gæti hafa komið upp af sjálfu sér í dýrinu.

Einnig segir hér að fjórar manneskjur hafi greinst með H5N1 í fyrra og að ein þeirra hafi látist. Semsagt, yfirvofandi "heimsfaraldur".

Í Wales í Bretlandi fylgja þeir handriti WHO og eru byrjaðir að gala sama sönginn, og biðja fólk ef það finnur dauða fugla að tilkynna það inn.

Bandaríkjamenn fylgja líka handritinu og eru nú búnir að lýsa fuglaflensu sem mögulegri "faraldursógn".

Sjá alla frásögnina hér

Þessi vika táknar sjaldgæfan sigur fyrir fullveldi Ástralíu

WHO hefur - í bili fallið frá fyrirhuguðum breytingum á alþjóðaheilbrigðisreglugerðinni um skyldubólusetningar og lokanir (lockdowns). Þetta er vissulega sigur en heimsfaraldurssáttmálinn (Pandemic treaty), lúrir samt enn í skugganum og bíður nýs færis.

Sigur fyrir skynsemi, velsæmi og mannúð

Og sigur gegn hinu víðfeðma skrímsli ókjörinna og óábyrgra erlendra embættismanna hjá WHO.

Þú manst að WHO lagði til að breyta heilbrigðisreglugerðum sínum sem leiðbeina aðildarríkjum ef upp kæmu sjúkdómsfaraldur eins og COVID, úr því að leiðbeina aðildarríkjum í að vera skylda fyrir aðildarríki, þar á meðal Ástralíu.

Þetta og fleira segir ástralskur þingmaður í mögnuðu vídeói, sem hlýtur að vekja manni von í brjósti, en á sama tíma hugsa til þess hversu íslenskir ráðamenn eru spilltir og fúsir að fórna þjóð sinni með þögn sinni.

En fyrir hvað, peninga, völd og/eða feitar stöður úti í heimi?

Alheimsátak um að taka strax til aðgerða

Þrátt fyrir þessar jákvæðu fréttir frá Ástralíu, er samt tími kominn til að taka STRAX til aðgerða og dreifa boðskapnum um heiminn varðandi komandi fundi sem WHO hefur skipulagt. Þessi illmenni munu láta einskis ófreistað til að ná fram plönum sínum.

• Áframhaldandi samningaviðræður um fyrirhugaðar breytingar á alþjóðlegu heilbrigðisreglugerðinni (IHR) eru nú áætlaðar frá 20. febrúar 2023 til 24. febrúar 2023.
• Samningaviðræður varðandi fyrirhugaðan heimsfaraldurssáttmála eru nú fyrirhugaðar frá 27. febrúar 2023 til 3. mars 2023.
  
• Engar ákvarðanir hafa verið teknar.
• Engir sigrar hafa verið unnir.
• Nú er ekki tíminn til að draga neinar ályktanir.
• Nú er tíminn til að grípa til róttækra aðgerða, og það strax.

Einn ötulasti baráttumaður gegn þessum "heimsfaraldurssáttmála" er James Roguski.

Kynnið ykkur allar sannanirnar fyrir því hvað liggur að baki þessum skelfilega sáttmála.

Þegar þið hafið upplýst ykkur um fyrirhugaðar breytingar á alþjóðlegu heilbrigðisreglugerðinni og fyrirhuguðum "heimsfaraldurssáttmála", er það mikilvægasta sem þið getið gert að dreifa orðinu og hjálpa til við að vekja athygli allra á þessari ógn!

Hugsið um börnin ykkur og barnabörn og hvaða framtíð bíður þeirra ef þið haldið bara áfram að þegja og sofa. Sú framtíð er ekki björt.

Kynnið ykkur líka hvað raunverulega býr að baki Heimsmarkmiðum Sameinuðu þjóðanna.

WHO, SÞ, WEF, Bill Gates og fleiri eru sami grauturinn í sömu skál. Plönin þeirra eru að fækka mannkyninu - sem þeir eru að gera núna með "góðum árangri" með eitursprautunum, svipta þá sem eftir lifa öllu og hneppa þá í stafræn fangelsi.

Þið getið fundið nægar sannanir fyrir þessu ef þið nennið að kynna ykkur þessi áform sem búið er að gera um mannkynið að því forspurðu.

Lykilorðið hér er að nenna.

Athugasemdir

[Guðjón E. Hreinberg, 11.2.2023 kl. 18:31]

:) ég var óvart að skrifa um svipað og þú - skemmtileg samfelling (synchro) - (https://gudjonelias.blog.is/blog/logostal/entry/2287124/) - nema minn stíll er aðeins öðruvísi

[Sigurður Kristján Hjaltested, 11.2.2023 kl. 18:47]

Góður pistill að venju hjá þér.

En það er bara ekki allt sem sýnist.

Samningar sem voru gerðir í hruninu og enginn má sjá

í 110 ár, svo komi ekki fram landráðin sem þar voru framin,

eru gildir og þeim er framfylgt af stjórnvöldum þegjandi og

hljóðalaust. Þegar skoðuð eru þingmanna frumvörp, þá eru þau flest

öll í forskrift til að þjóna EU og þeirra reglugerðum.

Við vorum tekinn í gálga af alþjóða bankannum og samþykktum fyrir

hjálpina að beygja okkur undir eitt og annað sem við hefðum annars

aldrei gert. Þetta vissu Steingrímur og Jóhanna og sáu svo til þess 

að almenningur fengi ekkert að vita og þau horfinn af sviðinu

þegar loksins má sjá öll þau svik.

Af hverju er til dæmis enginn á þingi í dag sem fer framm á að

þetta verði gert opinbert..? Enginn áhugi að fá að sjá hvað í raun skeði.?

Einhver ástæða er fyrir þessari þögn stjórnmálamanna og áhugaleysis

á því hvað þar var falið. Við erum að samþykkja alskonar reglugerðir og

fyrirmæli frá EU, sem í raun eru okkar þjóð til skaða. Sumar tillögur

og frumvörp sem koma fram eru þanning að útilokað er að viðkomandi hafi

bara allt í einu dottið hún í hug.

Þrátt fyrir þúsunda tilfella og dauða vegna Covid sprautna er samt haldið

áfram að hræða almenning með þessu sprautu kjaftæði og ráðamenn halda kjafti.

Það er sko enginn tilviljun. Múlbundnir af samningum sem enginn má sjá.

Stórasta (spilltasta) land í heimi..??

Ég held það. 

[Kristín Inga Þormar, 11.2.2023 kl. 19:11]

Sæll Guðjón,

Skemmtileg tilviljun, og já við höfum mjög mismunandi stíl, sem er bara hið besta mál. Ég ætla að kíkja á bloggið þitt núna.

[Kristín Inga Þormar, 11.2.2023 kl. 19:47]

Sæll Sigurður og þakka þér fyrir.

Einmitt, við vitum að ekki er allt sem sýnist, en samt kjósum við sömu flokkana aftur og aftur, og þegar þeir rotta sig saman í ríkisstjórn eiga nýju framboðin engan séns.

Það mætti halda að múll sé settur á nýja og áhugasama þingmenn sem koma inn með eldmóð í brjósti en fyrr en maður veit af þá eru flestir þagnaðir.

Öllum ætti að vera orðið ljóst að við höfum orðið litla stjórn á eigin málum í okkar eigin landi, og nú síðast með frumvarpi heilbrigðisráðherra til nýrra sóttvarnalaga.

Þar er ennþá inni þetta vægast sagt ógeðfellda ákvæði:

Inngrip: Götun eða skurður í húð eða ísetning áhalds eða framandi efnis í líkamann eða rannsókn á líkamsholi. Með inngripi er ekki átt við læknisrannsókn á eyra, nefi og munni, hitamælingu með eyrna-, munn- eða hörundshitamæli, eða hitamyndatöku, heilbrigðisskoðun, hlustun, ytri þreifingu, sjónuspeglun, töku þvag-, saur- eða munnvatnssýnis utan frá, mælingu blóðþrýstings utan frá eða töku hjartalínurits.

Hugsaðu þér, þetta á að gera að lögum! Hvað er götun eða skurður í húð eða ísetning áhalds? Örflaga?

Og hvað er framandi efni í líkamann? Eitthvað svokallað "bóluefni"?

Við skulum bara ekki láta annað hvarfla að okkur en að þetta komi "að utan".

Sama má segja um tillöguna til þingsályktunar um aðgerðaráætlum gegn hatursorðræðu 2023-2026, sem gengur bara út á það að takmarka málfrelsi okkar.

Spillingin hér á þessu litla landi er ógeðsleg, það þyrfti að moka öllu þessu fólki út og fá erlenda aðila til að koma skikki á hérna.

Þá myndi fólk loksins fá að sjá hvað miklu er búið að ræna af - og svíkja okkur.

[Geir Ágústsson, 11.2.2023 kl. 22:03]

Ég legg til að fólk stofni knús-hópa fyrir skyldar sálir í næsta "heimsfaraldri". Nú hafa margar tengingar orðið til í þeim seinasta og minni ástæða til að líða einmana og eins og Palli einn í heiminum. 

Við kjósendur ráðum engu um hvað stjórnmálin ákveða, eins furðulegt og það er. Eina rétta ráðið er því að undirbúa knús-hópana. Ég lýsi þó eftir betra nafni á slíkar samkomur. Eitthvað minna áberandi.

[Guðmundur Ásgeirsson, 12.2.2023 kl. 01:23]

Sæl Kristín Inga.

Skilreiningin á hugtakinu "inngrip" í frumvarpi til nýrra sóttvarnalaga er vissulega dálítið hrollvekjandi.

En þetta er bara hugtaksskilgreining. Hefurðu fundið eitthvað efnislegt ákvæði í frumvarpinu sem fjallar um slíkt "inngrip"?

Samanber nýmælið "fiskari" í lögum um áhafnir skipa sem var mikið fár yfir, en svo þegar farið var að skoða efnisákvæði frumvarpsins nánar kom í ljós að hugtakið var eiginlega hvergi notað í lögunum en á hinn bóginn voru út um allt notuð gamalkunnug orð eins og sjómaður, vélstjóri o.s.frv.

Ef það er ekkert efnislegt ákvæði um "inngrip" þá skiptir hugtakið nánast engu máli, þess vegna spyr ég hvort þú hafir fundið slíkt ákvæði.

[Kristín Inga Þormar, 12.2.2023 kl. 08:53]

Sæll Geir,

Ég held að svoleiðis hópar séu alveg til, það er fullt af fólki hér sem hittist reglulega og heilsaðist og kvaddist með knúsum og kossum í Covid bullinu, grímulaust og óhrætt við nánd.

Skelfilegir sóttvarnabrjótar alveg ....

Öll erum við enn á lífi og við góða heilsu ósprautuð með öllu, og þar af leiðandi ekki að drepast úr aukaverkunum.

Allir eru velkomnir í þessa stækkandi hópa, sprautaðir eða ósprautaðir, og við reynum að hjálpa fólki að reyna að hreinsa óþverrann úr líkamanum eins og hægt er.

En það mætti kannski gera meira úr þessu og stofna knúshópa á Facebook með jákvæðni að leiðarljósi, það ætti að sleppa í gegnum nálarauga ritskoðunarinnar þar.

[Kristín Inga Þormar, 12.2.2023 kl. 08:54]

Sæll Guðmundur,

Þetta "inngrip" er vægast sagt loðið og hægt að túlka það á ýmsa vegu. Akkúrat þess vegna er það hrollvekjandi.

Fiskari er orðskrípi sem ég held að sjómenn og almenningur bara geri grín að og muni ekki nota, en það er engin möguleg hætta falin í því fyrir neinn. Ég sé ekki hvernig hægt er að bera þetta tvennt saman.

Ég vildi óska þess að í þessum sóttvarnalögum væri efnislegt ákvæði um hvað "inngrip" þýðir, en fyrst að svo er ekki heldur það áfram að vera hrollvekjandi.

[Loncexter, 12.2.2023 kl. 14:38]

Þegar reiðufé hverfur, verður hver persóna einhver smá talnaruna í risastórri ofurtölvu.

Ef menn eins og þeir sem stjórna feisbúkk hafa aðgang að þeirri ofurtölvu, er spurning hverjir verða ,,blokkaðir" og hverjir ekki á komandi árum.

Stafrænt fangelsi gæti orðið raunin, og á litla íslandi líka því miður.

[Kristín Inga Þormar, 12.2.2023 kl. 15:45]

Sæll Loncexter,

Ég sá frétt fyrir jólin um að Ísland væri eitt fimm tilraunalanda fyrir rafræn veski.

Um þessi veski segir glæpakvendið Ursula von der Leyen:

... for­seti fram­kvæmda­stjórnar ESB, hefur hins vegar sagt að veskið muni veita Evrópu­búum betri stjórn yfir upp­lýsingum sínum og koma í veg fyrir auð­kennis­þjófnað.

Lesist: Mun gefa yfirvöldum meiri stjórn yfir lífum okkar með rafrænu eftirliti.

Við vitum alveg hvernig það verður þegar búið verður að aðlaga þetta að hætti Kínverja, við munum enda í stafrænu fangelsi nema fólk fáist loksins til að vakna og berjast gegn þessum örlögum sem búið er að ákveða fyrir okkur án þess að hafa nokkurn tímann verið beðin leyfis!