Hæstvirtu leghafar og legleysingjar á Alþingi!

Af stakri virðingu við ykkur og öll 72 kynin sem komið hafa fram í dagsljósið undanfarin ár, þá ætla ég ekki að sýna ykkur þá vanvirðingu að uppnefna ykkur karla eða konur.

Af stakri virðingu við börnin mín líka - og til að móðga hvorki þau né öll hin kynin, þá mun ég hér eftir hugsa og tala um þau sem leghafana mína og legleysingjann minn.

En það er svo margt sem mig langar að þakka ykkur fyrir!

Sjáið til, ólán mitt er að vera svo gömul að hafa ekki vitað þegar ég var að ala börnin mín upp að ég væri að innræta þeim þá villutrú að þau væru kven- og karlkyns.

Og ósköp voru ljósmæðurnar fáfróðar í þá daga þegar þær kíktu milli fóta nýfæddra barna minna og tilkynntu mér "kynið" og klæddu þau í bleik eða blá föt.

Þær þurfa svo sannarlega á endurmenntun að halda!

Að alhæfa að barn sem fæðist með píku sé stelpa og barn sem fæðist með typpi sé strákur eru bara einhverjar kerlingabækur aftan úr fornöld!

En sem betur fer erum við orðin miklu upplýstari í dag, og við getum þakkað það að miklu leyti fjölmiðlum og samfélagsmiðlum sem standa sig frábærlega í að birta vandaðar fréttir af nýjum rannsóknum og uppgötvunum vísindafólks.

Kynfræðsla barna

Það er orðið svo langt síðan ég stóð í barnauppeldinu að á þeim tíma datt mér aldrei í hug að fræða börnin mín, úbbs afsakið, leghafana mína og legleysingjann um að þau væru kannski alls ekki það kyn sem kynfærin þeirra gæfu til kynna, eða hreinlega að þau gætu verið trans.

Þá hafði ég bara aldrei heyrt það orð!

Á þessari mynd má sjá frábært dæmi um hvernig kyn- og kynjafræðsla barna á yngsta skólastigi er orðin í dag - að minnsta kosti í sumum skólum og/eða bæjarfélögum, og ég verð að segja að glóbalistabærinn Kópavogur virðist standa sig einstaklega vel í þessum efnum.

Þökk sé ykkur kæru leghafar og legleysingjar við Austurvöllinn.

Mikið vildi ég að ég hefði verið upplýstari þarna á síðustu öld, og að kynfræðslan þeirra í skólanum hefði ekki bara verið ein opna í heilsufræðibókinni.

Kyn- og kynjafræðsla barna, allt niður í leikskólabörn er til mikils sóma í dag. Auðvitað þurfa þau að læra að það sé bara eðlilegt að þau séu ekkert endilega það "kyn" sem þeim er sagt að þau séu.

Og það segir sig sjálft að það er nauðsynlegt að þau læri að fróa sjálfum sér kynferðislega á unga aldri.

Hér getið þið sjálf náð ykkur í þetta vandaða kynfræðsluefni barna sem kemur úr smiðju WHO og annarra velgjörðarmanna mannkynsins.

Og mikið vona ég að þessi bók sem heitir "Sex Education for 8-12 Year Olds: Kids Book for Good Parents" verði snarlega þýdd á íslensku.

Í henni kemur fram að 8-12 ára börn ættu að horfa á foreldra sína stunda kynlíf. Ég er sannfærð um að íslenskir foreldrar tækju þessari bók fagnandi.

Með alla þessa fræðslu í farteskinu, þá munu börnin okkar fara sterk og sjálfstæð út í lífið, í einhverju af kynjunum sjötíu og eitthvað.

Kæru leghafar og legleysingjar á hæstvirtu Alþingi, takk fyrir allt sem þið eruð búin að gera í þágu þjóðar ykkar!

• Takk fyrir hvað þið fóruð afskaplega vel eftir fyrirmælum frá Alþjóðaglæpastofnuninni WHO og þeirra samverkafólks í heimsfaraldrinum ógurlega!
• Takk fyrir að vera að innleiða þessi dásamlegu Heimsmarkmið Sameinuðu þjóðanna hér á landi.
• Takk fyrir að vera að líka innleiða þessar öruggu 15 mínútna borgir hér á Íslandi.
• Takk fyrir ykkar rausnarlegu baráttu við þessa skelfilegu loftslagsvá, og farið nú að banna bændum að rækta þessar síprumpandi beljur sem eru allt lifandi að drepa. Pödduát er eina vitið fyrir mannkynið í framtíðinni, það sér það hver heilvita maður!
• Takk fyrir að vera að innleiða þetta vandaða kynfræðsluefni frá WHO.
• Takk fyrir að hvíla yfirkeyrða kennara og fela Samtökunum 78 að sjá um kynfræðslu barnanna okkar.
• Og já, bara takk fyrir allt hitt sem þið eruð líka að - og búin gera fyrir okkur!

Virðingarfyllst,

Kristín Þormar leghafi.

 

Athugasemdir

[Guðrún Bergmann, 30.4.2023 kl. 16:25]

Kannski væri rétt að kalla þingmennina "leg- og punghafa" eða "leghafar og tippalingar"? Bara svona smá hugmyndi í öll nýyrðin... :)

[Kristín Inga Þormar, 30.4.2023 kl. 16:45]

Sæl Guðrún mín,

Já við Íslendingar erum mjög dugleg við nýyrðasmíð, þetta eru bara fínustu tillögur í bankann!

[Geir Ágústsson, 30.4.2023 kl. 17:42]

Alþingismenn og aðrir stjórnmálamenn eru um leið hryggleysingjar og hjartalausir. 

Kynin eru vel á minnst orðin 81 talsins. 

[Loncexter, 30.4.2023 kl. 19:09]

Ef ég væri kennari með krakkahóp á alþingi, mundi ég segja við börnin; hér er svo allt þetta fólk hefur ákveðið að gefa land forfeðra ykkar erlendum peningabar-rónum.

Svo munu þessir peninga-bara-rónar selja ykkur lyf og meðferðir sem þið höfðuð enga þörf fyrir, en ykkur var talið trú um það. Viljiði taka í hendina á þessu ágæta fólki áður en þið farið út ?

Börnin; NEIIIIIIIIIIIIIIIIIIIIII !!

[Kristín Inga Þormar, 30.4.2023 kl. 21:30]

Sæll Geir,

Já þeir eru það svo sannarlega, og huglausir í ofanálag. Eini þingmaðurinn sem lýsti opinberlega vanþóknun sinni á á þessu ömurlega leghafa tali Willums Þórs var Sigmundur Davíð, ekki einu sinni þingkonurnar, leghafarnir sjálfir sögðu múkk!

Hvenær ætla Íslendingar að viðurkenna að búið er að afsala sjálfstæði okkar úr okkar eigin höndum, og að flest sem verið er að innleiða hér er gert samkvæmt erlendum tilskipunum, meira að segja þessi stórskaðlega "kynfræðsla" barnanna okkar?

Hvar eru foreldrarnir, hafa þeir enga hugmynd um hverju er verið að koma inn í kollinn á börnunum þeirra eða er þeim bara slétt sama?

Og nú jæja, eru blessuð kynin orðin 81 núna, það er greinilega til nóg af kynja"sérfræðingum" í heiminum í dag.

[Kristín Inga Þormar, 30.4.2023 kl. 21:32]

Sæll Loncexter,

Þau myndu pottþétt neita að taka í höndina á þessu landráðapakki ef þau fengju sannleikann svona beint í andlitið!

[Ágúst Kárason, 1.5.2023 kl. 01:43]

Glæsileg grein Kristín! Tek undir með Guðrúnu, leghafar og punghafar eru góð orð til að vekja fólk til umhugsunar um hversu fáráðnlegt þetta er orðið. Það er spurning hvort það ætti ekki bara að þvinga þingmenn til að nota bæði þessi orð í samskiptum sýn á milli því þá kannski vöknuðu þeir úr dáleiðslunni. "Hæstvirtur punghafi og aðrir pung og leghafar"

[Loncexter, 1.5.2023 kl. 08:16]

Þegar kynin voru orðin 69 í Sódomu, lét Drottinn umburðarlyndið lönd og leið.

Ef íslendingar ætla að ignora skilaboð þessarar sögu, er ekki von á góðu.

Ekki svo væla yfir því að engin varaði við, þegar ósköpin svo dynja yfir.

[Kristín Inga Þormar, 1.5.2023 kl. 08:56]

Sæll Ágúst og þakka þér kærlega fyrir.

Ég er alveg sammála þér, þetta var eitt af orðunum sem ég var búin að sjá fólk nefna í athugasemdum við þessa fáránlegu og niðrandi ræðu Willums heilbrigðisráðherra í garð kvenna, ég vildi bara leggja áherslu á að það eru einungis konur sem eru með leg, ekki karlar.

Jú það væri vissulega áhugavert að þvinga þau til að ávarpa hvert annað svona!

En við þurfum að gera okkur grein fyrir því að þetta orðaval Willums er hreint ekkert sprottið upp frá honum sjálfum, heldur kemur það "að utan".

Þú getur séð það svart á hvítu í hinum bloggunum mínum um kynfræðslu barna og útþurrkun konunnar.

[Kristín Inga Þormar, 1.5.2023 kl. 09:21]

Sæll aftur Loncexter,

Það sem verið er að gera er að splundra þessum hefðbundnu fjölskyldugildum og skapa ringulreið og sá fræjum sjálfsefa í hugum fólks, sérstaklega barnanna núna.

Það er engin tilviljun að þau séu núna að fá svona kyn"fræðslu", hún er komin beint úr smiðju WHO, þú manst, glæpaapparatinu sem Bill Gates bóluefnakóngur fjármagnar að stórum hluta til.

Ef þér tekst að rugla fólk svo mikið í ríminu að það trúi að það sé eitthvað annað kyn, þá er jafnvel auðvelt að sannfæra þig um að lausnin á þínu "vandamáli" sé að fara á hormónablokkera, skera af þér brjóst og/eða kynfæri.

Að gelda þig fyrir lífstíð svo þú sért ekkert að fjölga mannkyninu, enda er verið að fækka því núna eins og ég hef bloggað ótal sinnum um.

Hættumerkin eru alls staðar, við erum mörg sem erum búin að reyna að vara fólk við í þrjú ár núna síðan "heimsfaraldrinum" var skellt á heimsbyggðina.

Svo nei, ekki væla þegar allt er gengið yfir, þið hafið fengið ótal viðvaranir.

[Ágúst Kárason, 1.5.2023 kl. 10:34]

Það er alveg rétt hjá þér Kristín að ekkert af þessum undarlegu "málefnum" sem núverandi þingmenn eru að vinna að eiga uppruna sinn innanlands og fólk hlýtur að fara að átta sig á því að þetta er alþjóðlegt samsæri. Því fleiri sem tala um þetta því betur upplýsist fólk um alvarleikan á þessu.

[Kristín Inga Þormar, 1.5.2023 kl. 11:09]

Sæll aftur Ágúst,

Einhverra hluta vegna eru flestar, ef ekki allar "samsæriskenningar" okkar "álhattanna" að rætast þessi misserin, ég gerði það einmitt að umtalsefni í bloggi einhvern tímann.

Ég veit ekki hvað ég hef fengið mikinn óhroða og viðbjóð yfir mig undanfarin ár fyrir að reyna að fræða fólk um hvað verið er að gera okkur mannkyninu núna, ég sé klikkuð, þurfi greinilega að fara í geðrannsókn - eða eitthvað þaðan af verra.

En ég tek því ekkert persónulega og læt það ekkert á mig fá, ég lít svo á að þetta blessaða fólk sé svo fast í heilaþvottinum sem gekk yfir okkur nánast allan sólarhringinn árin 2020 og 2021, að það megni það hreinlega ekki að vakna.

Ég er algjörlega sammála þér, því fleiri sem tala um þetta, því betra. Fólk verður að fara að átta sig á því að stjórnvöld hér á Íslandi eru að vinna gegn þjóðinni sinni, ekki með henni eða fyrir hana.

[Loncexter, 1.5.2023 kl. 17:49]

Gott væri ef ekki ,,leftista" fólkið á íslandi gæti fundið nýja eyju til að lifa á.

Svo væri gamann að bíða og sjá hvenær fyrsti flóttamannabátur af útbrunnum ,,leftistum" birtist við þá eyju, og hvernig liðið reynir svo að plata sig inn á sósialinn.

Það mun reyndar ekki takast, því á eyjunni búa bara þeir sem föttuðu að læra af sögunni.

[Kristín Inga Þormar, 1.5.2023 kl. 18:42]

Sæll aftur Loncexter,

Víða um lönd er fólk farið að tala um að stimpla sig út úr þessum rotnu og spilltu kerfum sem við erum pikkföst í og stofna sín eigin samfélög, rækta sinn eigin matvæli og stunda skiptivinnu sín á milli o.s.frv. Sú hugmynd fer alltaf að verða meira og meira heillandi.

Sjáðu t.d. Amish fólkið, þau vilja reyndar ekki vera með rafmagn eða önnur nútíma"þægindi", en hvernig fóru þau út úr "heimsfaraldrinum"? Ætli margir þeirra séu orðnir farlama - eða dauðir eftir eitursprauturnar?

Það þykir mér harla ólíklegt.

[Loncexter, 1.5.2023 kl. 19:00]

Já, það lítur út fyrir að ,,ekki amish" lífsstíll, gangi ekki upp til frambúðar.

Nú þarf bara að stofnsetja fyrsta ,,amish" þorpið á íslandi. (Með Trump girðingu eða vegg :-)

[Kristín Inga Þormar, 1.5.2023 kl. 19:29]

Góð pæling, þá þarf bara að bretta upp hendurnar og fara að framkvæma þetta!

[Sigurður Kristján Hjaltested, 1.5.2023 kl. 21:23]

Þegar leghafinn Katrín Jakopsdóttir var spurð af því hvað væri kona,

gat hún ekki svarað því. Þegar forsetráðherra-leghafinn veit ekki

hvað er kona, en er samt móðir og á börn, styður fóstureyðingar framm

að fæðingu, þá er sko virkilega illa kommið fyrir Íslenskri þjóð.

Ef einhver hefði komið framm með svoa bull fyrir 20+ árum hefði viðkomand

verið spurður hvort allt væri í lagi í höfðinu á honum og bent á hið

snarasta að leita sér lækninga.

Því miður sýnist mér allt alþingið vera á þeim stað og þyrfti hið

snarasta að leita sér lækninga áður en mikið verra skeður.

Undantekningin er Sigmundur Davíð sem lætur í sér

heyra, enda sannur karlmaður með pung,á meðan allir

hinir legleysingjarnir hafa ekki lengur manndóm í sér að standa upp

sem  karlmenn og mótmæla þessari geðveiki en ekki vera einhverja liðleskjur

sem þora engvu. Skömm af þessu liði.

[Kristín Inga Þormar, 1.5.2023 kl. 22:47]

Sæll Sigurður,

Mikið er ég sammála þér, það er virkilega illa komið fyrir þjóðinni okkar að hafa þetta fólk við stjórnvölinn, og hvað er að þjóðinni, þykir henni bara krúttlegt að heilbrigðisráðherra tali um konur sem leghafa?

Og hvað finnst henni t.d. um þennan "kynfræðslu" viðbjóð barnanna okkar sem er kominn beint úr smiðju WHO og co - eða kennurunum þeirra?

Ég veit um kennara sem eru algjörlega á móti þessu en mæta svo mikilli andstöðu "rétttrúandi" starfsfélaga að þeir þora ekki að segja neitt.

Og já, punghafinn Sigmundur Davíð á mikinn heiður skilinn fyrir að hafa mótmælt harðlega þessari vanvirðingu gagnvart kynsystrum mínum. Hinir þarna á þinginu eru bara huglausir ræflar.

Hvernig er EKKI hægt að sjá að stjórnvöld séu að vinna gegn þjóð sinni en ekki með?

En þjóðin rís því miður aldrei upp á afturlappirnar og mótmælir fyrr en eitthvað er tekið af henni eins og í kjölfar hrunsins.

Er hún kannski bara að verða heimskari og heimskari eins og Kári "bóluefna"klappstýra lét hafa eftir sér í viðtali?