Fögnum komu Trúðsins!

Þær gleðifréttir bárust nú fyrir helgi að Justin Trudeau forsætisráðherra Kanada verður sérstakur (heiðurs?)gestur á samfundi forsætisráðherra Norðurlandanna sem verður haldinn í Vestmannaeyjum dagana 25. - 26. júní.

Þetta er mjög vel til fundið hjá Katrínu, enda hafa kynni þeirra verið með miklum ágætum í mörg ár.

Þessi mynd var birt á Twitter síðu hennar 4. desember árið 2019, og sýnir þau í þungum þönkum yfir einhverju alvarlegu málefni.

Eitt af þemum fundarins verður svokallaður viðnámsþróttur samfélaga - án þess að það sé útskýrt frekar, en ekki er ólíklegt að forsætisráðherra vor kynni þar glæsilega nýútkomna skýrslu sína um Vansældarhagkerfið á Íslandi.

Hann mun væntanlega koma á einkaþotu sinni, enda er tími hans dýrmætari en minn og þinn. Þess má geta að hann er vel menntaður, löngu útskrifaður úr "Young Global Leaders" skóla Klaus Schwab, sem við vitum að berst nú hörðum höndum við að bjarga mannkyninu frá loftslagsvánni, faröldrum og öðrum ógnum sem steðja að okkur - eða eru væntanlegar samkvæmt vísindalegum lestrum af vel pússuðum kristalsspákúlum þeirra.

Umsögnin um hann á heimasíðu The World Economic Forum (WEF) er afskaplega falleg og hjartnæm, og þar segir meðal annars að sýn hans fyrir Kanada sé sú að þar eigi allir að hafa sömu tækifæri í lífinu.

Enda er hann dýrkaður og dáður í heimalandinu.

Hér fyrir neðan má sjá mynd af öðru heiðursfólki sem útskrifað er úr sama skóla, og samkvæmt því sem Klaus Schwab segir sjálfur, er (sem betur fer!) búið að koma útskriftarnemunum fyrir í ríkisstjórnum margra þjóða.

Sá hinn sami sagði að heimsfaraldurinn skapaði einstakt tækifæri til að enduræsa heiminn. Við getum verið þakklát fyrir að einhverjir nenni að taka það að sér fyrir okkur.

 

Framganga Trudeau og ríkisstjórnar hans í heimsfaraldrinum ógurlega var til stakrar fyrirmyndar eins og sjá má í þessari stuttu upprifjun, og að sjálfsögðu tók hann föstum tökum öllum falsfréttunum um drápspestina ógurlegu, og kallaði fólk réttilega álhatta sem voru með einhverjar samsæriskenningar um hana.

Sömu sögu má segja um kanadíska lækna sem voru eitthvað að röfla yfir því að vera bannað að tjá sig eða rökræða um opinberu aðgerðirnar í heimsfaraldrinum. Þvílík frekja í þessu liði!

Talandi um frekju, þá fór þessi prestur út yfir öll mörk þegar hann dirfðist að halda messur í trássi við sóttvarnalögin, og var hann að sjálfsögðu handtekinn!

Eða þetta lið sem reyndi að reka blessaðan manninn úr bænum þegar hann kom í kurteisisheimsókn þangað!

Svona tók hann af festu á sóttvörnum í febrúar árið 2021

Forsætisráðherrann Justin Trudeau tilkynnti á föstudag að allir borgarar sem snúa aftur til Kanada yrðu að gangast undir nýjar ferðatakmarkanir sem myndu sjá til þess að þeir yrðu fluttir í einangrunaraðstöðu og gengjust undir Covid próf og að þeir myndu geta farið ef prófið væri neikvætt.

Ef þeir reyndust jákvæðir ætti að flytja þá á aðra ótilgreinda einangrunaraðstöðu þar sem þeir þyrftu að ljúka 14 daga sóttkví. Hann sagði einnig að stjórnvöld myndu rukka hvern ferðamenn um $2.000 til að standa straum af kostnaði af prófunum, gistingu og mat.

Sömu festu sýndu sem betur fer margir skólafélagar hans í sínum löndum, enda var jú alveg skelfilegur drápsfaraldur í gangi með lífslíkur upp á ca 99% væri maður ekki með marga undirliggjandi sjúkdóma eða hvort eð er kominn á grafarbakkann.

Þegar langþráðu bóluefnin komu loksins, þá var hann ekkert mikið að flækja málin og setti bólusetningarskyldu á opinbera starfsmenn, flug- og lestarfarþega, og þá sem störfuðu við að keyra vörur milli landa.

Að sjálfsögðu setti hann bólusetningarskyldu á sjálfan sig og lét margsprauta og bústa sig.

Fleiri starfsstéttir urðu auðvitað líka að undirgangast þessar skyldubólusetningar, og þeir sem skildu ekki nauðsyn þess að láta sprauta sig fengu eðli málssins samkvæmt að heyra það.

Líka þessi læknir sem var eitthvað að sá efasemdum í huga fólks um ágæti bólusetninganna og tala um einhverjar aukaverkanir. Hann var rekinn úr starfi sínu á bráðamóttökunni, og gott ef hann var ekki sviptur læknaleyfinu síðar.

Þeir sem litu á þetta sem harðstjórn skildu ekki að þetta snérist að sjálfsögðu einungis um að tryggja öryggi borgaranna, bjarga lífum og flýta fyrir því að koma þjóðinni út úr faraldrinum.

Það komst í heimsfréttirnar í fyrra þegar óforskammaðir flutningabílstjórar mótmæltu skyldubólusetningunum og öðrum hömlunum, söfnuðust saman í tugþúsundavís og mynduðu langar raðir.

Aumingja Trudeau varð að hrökklast með fjölskylduna í felur út af þessu!

Áfallið varð líklega til þess að hann steingleymdi því blessaður að hafa skyldað fólk í sprauturnar góðu, heldur hafi hann aðeins kosið að hvetja Kanadamenn til að láta bólusetja sig.

En svo steingleymdi hann því líka að hafa sagt það, og sagði hér að skyldubólusetningarnar væru leiðin til að forðast frekari takmarkanir.

Þetta neyðarástand með flutningabílstjórana kallaði vitaskuld á setningu neyðarlaga í landinu, og frystingu á greiðslum sem safnað var til stuðnings þeim. Reyndar varð hann að bakka með neyðarlögin stuttu síðar út af einhverri óþarfa afskiptasemi í einhverjum þingmanni.

Hér hefur aðeins verið stiklað á stóru um glæstan starfsferil Justins Trudeau forsætisráðherra Kanada. Öll hin afrekin hans væru efni í miklu lengri pistil.

Við skulum því taka því fagnandi að hann skuli heiðra okkur með komu sinni til landsins, ég er sannfærð um að hann muni geta uppfrætt norrænu forsætisráðherrana um hvernig best sé að stjórna þjóðum sínum - að forskrift Klaus Schwab leiðtoga hans, og stofnanda WEF.

Obbosí

Ég sé að ég mismælti mig í fyrirsögninni og kallaði Trudeau trúð, en einhverra hluta vegna sat það í mér, ég hlýt að hafa lesið það einhvers staðar.

Ég vona að WEF Kata vinkona hans erfi það ekki við mig.

 

 

 

 

Athugasemdir

[Loncexter, 18.6.2023 kl. 21:19]

Hmm,, er þetta ekki maðurinn sem lét ofsækja fólk fjárhagslega sem studdi við mótmæli trukkabílstjóra ?

Hvað hann gæti kennt Kötu skelfir mig.

[Guðjón E. Hreinberg, 18.6.2023 kl. 21:20]

Hversu margir hérlendis tóku eftir því á undanförnum fimm vikum, að heimspressan minntist varla á a) heimsókn ÍsQuislínga til Úkró, b) Reykjavíkurfund ÍsQuislínga með hátt í 40 "leiðtogum" Evrópu og c) óopinberri stríðsyfirlýsingu Lýðveldisins gegn Rússum? Einföldun: okkar ástkæru alvitru leiðtogar eru aðeins marktækir í eigin "fjölmiðlum."

[Kristín Inga Þormar, 18.6.2023 kl. 22:16]

Sæll Guðjón,

Örugglega sárafáir, enda ekkert minnst á það í hinum íslensku ruslmiðlum með RÚV "okkar allra" í fararbroddi.

Nefndi ég ekki við þig í svari við athugasemdinni þinni við síðasta bloggið mitt um að stjórnvöld stæðu í þeirri trú að við værum "stórasta" land í heimi?

Ruslmiðlarnir passa vel upp á að næra þessa gölnu trú þeirra.

[Kristín Inga Þormar, 18.6.2023 kl. 22:17]

Sæll Loncexter,

Jú það passar, ég kom einmitt inn á það hérna. Þessi skelfilegi maður er sami hryllilegi harðstjórinn og hún Jacynda Ardern fyrrverandi forsætisráðherra Nýja-Sjálands, sem WEF Kata mærði sem sjarmerandi manneskju þegar hún hrökklaðist frá störfum sínum. Ég setti hlekk á það í síðasta blogginu mínu.

[Guðrún Bergmann, 18.6.2023 kl. 22:26]

Það verður áhugavert að fylgjast með því hvaða "trúðalæti" Justin "Castro" Trúður ætlar að kenna ráðherrum Norðurlandanna... 

[Kristín Inga Þormar, 18.6.2023 kl. 23:00]

Sæl Guðrún mín,

Já það mætti gefa mikið fyrir að vera lítil fluga á vegg þarna í Vestmannaeyjum og hlusta á "snilli hans" og "góð ráð".

Ég reikna með því að ruslmiðlarnir muni flytja okkur gríðarlega góðar og jákvæðar fréttir af árangrinum sem náð verður á þessum fundi ...

Mikið getum við Íslendingar verið stolt af þessu mikla streymi stórmenna hingað til lands undanfarið, framkvæmdastjóri WHO í Evrópu afhenti WEF Kötu skýrsluna um vansældarhagkerfið á Íslandi um daginn, og þar rétt á undan var haldinn leiðtogafundur Evrópuráðsins þar sem helstu leiðtogar Evrópu komu saman.

Þar á meðal nokkrir staðfestir nemendur úr leiðtogaskóla Klaus Schwab.

Við hér á Íslandi erum greinilega á kortinu úti í hinum stóra heimi, enda mikilvæg sem þjóð á milli tveggja stórra heimsálfa.

Framtíð okkar verður björt ef WEF Kata og ríkisstjórn hennar ná að halda forystu sinni, er það ekki?

[Sigurður Kristján Hjaltested, 19.6.2023 kl. 10:05]

Kata litla og flokkurinn hennar (vinstri geðveikir), munu reyna allt

til slá um sig sem eitthvað voða merkilegt fólk.

Manni kvíður fyrir geiflubrosunum hennar þegar hún fer að lýsa

því hvurslags gríðarlega vel heppnaður fundur þetta var.

Kominn tími fyrir löngu að hafa stjórnarskipti og sækja

flest af þessu liði til saka fyrir glæpi gegn þjóð sinni.

[Kristín Inga Þormar, 19.6.2023 kl. 10:41]

Sæll Sigurður,

Manni dettur stundum orðið mikilmennskubrjálæði í hug, hvað heldur þessi manneskja að hún sé? Með "velsældar"hagkerfisskýrslunni sem hún kynnti fyrir okkur um daginn sannaði hún svart á hvítu hvaða herrum hún - og ríkisstjórnin þjóna, og það er ekki íslenska þjóðin.

Já það þyrfti að koma þessu fólk í burt sem fyrst og sækja til saka fyrir landráð, spurningin er þá hvaða fólk við fengjum í staðinn.

[Loncexter, 19.6.2023 kl. 16:08]

kata mun brátt verða verri persóna en nokkurn tímann Hitler sjálfur.

Þegar upp verður staðið, hefur Kata og hennar hirð valdið sex milljónum manna óbærilegri eymd og örbirgð.

[Kristín Inga Þormar, 19.6.2023 kl. 20:27]

Sæll aftur Loncexter,

Hún, ríkisstjórnin og stjórnendur þeirra landa sem vinna eftir þessum óskapnaði eru ábyrg fyrir eitursprautuhernaðinum í sínum löndum, og afleiðingarnar munu jafnvel koma fram á afkomendum þeirra sem létu blekkjast í þær.

Milljónir manna, kvenna og barna eru þegar látin eftir þær, bæði strax í kjölfar sprautanna, þ.á.m. einn ættingi minn, eða úr krabbameinum og/eða öðrum veikindum sem spruttu upp í kjölfarið.

Við hér á Íslandi slógum meira að segja nokkrum sinnum met í umframdauðsföllum á síðasta ári. Ég er búin að skrifa ótal sinnum um þetta með tilvísanir í sönnunargögn.

Það var ekki að ástæðulausu að ég þakkaði henni kærlega fyrir skýrsluna í síðasta blogginu mínu, þar sýndi hún og sannaði að hún og ríkisstjórnin öll eru að vinna eftir tilskipunum frá þessum djöflum sem ætla að koma á einni alheimsstjórn - og fara ekki einu sinni leynt með það!

Allt þetta fólk sem vinnur að sömu markmiðum og þau eru litlir Hitlerar.

[Tómas Ibsen Halldórsson, 19.6.2023 kl. 23:06]

Trú á lýðræðið í Kanada dó þegar Trudeau sýndi klærnar gegn vörubílstjórum og öllum þeim sem vildu lifa í friði fyrir ofstæki yfirvalda.

Þá dó trúin á réttlætið, sanngirni og heiðarleika þegar Trúdó (Trudeau) hnyklaði vöðva sína og sýndi þjóð sinni hvað í honum býr.

Hann ber þetta nafn ekki að ófyrirsynju, Trudeau eða á íslensku Trú-dó. Og nú ætlar Katrín og aðrir norðurlanda leiðtogar og færðast um hvernig eigi að fara að gegn þeim sem þeim er ekki að skapi í þeirri von að trú almennings á lýðræðið og sjálfstæði einstaklingsins deyi.

WEF verður tekin á þetta, en þar er Kata innanbúðar maður. Þú munt ekkert eiga og verða glaður, auk þess muntu lifa á pöddum og ekki kvarta undan því, að öðrum kosti værirðu vanþakklátur og ættir ekki skilið að lifa. Ef við hugsum eitthvað sem þeim er ekki að skapi verður okkur refsað, hvað þá ef við setjum þær hugsanir í orð hvort heldur í ræðu eða riti þá er voðinn vís.

[Kristín Inga Þormar, 20.6.2023 kl. 08:23]

Sæll Tómas,

Þú neglir þetta alveg í síðustu málsgreininni, þetta eru plönin sem WEF hefur handa okkur, og við eigum að búa í þessum 15 mínútna borgum sem byrjað er að hanna og reisa víða, líka hér í Reykjavík eins og ég sýndi fram á í bloggi.

Svo verður WHO komið með stjórn yfir heilbrigðismálum heimsins og getur lýst yfir einhverju "neyðarástandi" hvenær sem þeim dettur í hug og skellt heiminum í lás, t.d. út af einhverjum af smitfaröldrunum sem þeir eru búnir að boða næstu tíu árin, bloggaði líka um það. Þá má sprauta einhverjum "bóluefnum" í okkur með lögregluvaldi. Nú eða loka okkur inni til að "bjarga loftslaginu".

"Bóluefnin" sem þegar er búið að sprauta í stóran hluta mannkynsins eru genabreytandi líftæknivopn sem á að gera okkur "transhuman" að hætti heimselítunnar og/eða fækka okkur.

Og svona mætti lengi telja, þetta hljómar eins og argasta þvaður, en þetta er allt hægt að finna á vefsíðum WEF  niður í smæstu smáatriði, enda eru þeir ekkert að reyna að leyna fyrirætlunum sínum, sem þegar eru margar komnar til framkvæmda.

Trú á lýðræðið er dáin víða um heiminn enda hefur það aldrei verið minna en núna, og nú á að svipta okkur restinni af því, enda erum við einskis nýt elítunni og "nauðsynlegt" að fækka okkur niður í "ásættanlegan fjölda".

Hvaða erindi á kanadískur forsætisráðherra á samfund forsætisráðherra Norðurlandanna? Hann er einn sá allra grimmasti sem hefur útskrifast úr leiðtogaskóla WEF - fyrir utan Jacindu Ardern vinkonu Kötu.

Er það ástæðan fyrir því að honum er boðið hingað?

[Loncexter, 21.6.2023 kl. 20:15]

KATA - strophic future in iceland !

[Kristín Inga Þormar, 21.6.2023 kl. 22:18]

Já þetta er svo sannarlega Katastrófísk framtíð sem búið er að ákveða fyrir okkur án þess að spyrja okkur álits, þökk sé þessu landráðahyski með WEF Kötu í fararbroddi sem eru að vinna að endurræsingunni miklu með öllum þeim hryllingi henni fylgir fyrir okkur sem erum einskis nýt heimselítunni!

[Loncexter, 28.6.2023 kl. 18:38]

Ef kölski sjálfur mundi skríða upp úr einni spungunni við kötlu, yrði Kata Jak fyrst á staðinn með blóm og bús handa kappanum.

[Kristín Inga Þormar, 28.6.2023 kl. 21:46]

Miðað við fólkið sem hún er í góðu vinfengi við, eins og Boris Johnson, Macron, Jacinda Ardern, Trudeau og fleiri WEF landráðamenn, þá kæmi það hreint ekkert á óvart!