Flett ofan af þessum skelfilegu 17 heimsmarkmiðum Sameinuðu þjóðanna!

Sameinuðu þjóðirnar (SÞ) hafa samið, og þegar hafið í aðildarlöndum sínum innleiðingu 17 heimsmarkmiða með 169 undirmarkmiðum um það sem kallað er sjálfbær þróun.

Við hér á Íslandi tökum þessu verkefni alvarlega, erum með okkar eigin stofnun (Festu) í kringum heimsmarkmiðin, og 182 framúrskarandi fyrirtæki, sveitarfélög og stofnanir mynda samfélag Festu, eins og segir á heimasíðunni.

Eins og sjá má á myndinni hér fyrir neðan, þá eru þau afskaplega heillandi, og sett upp í fallegum og líflegum litum.

Búið verður bókstaflega að leysa öll vandamál heimsins og mannkynsins þegar þessu metnaðarfulla verkefni verður lokið.

Eða hvað?

Skyldi allt vera eins og sýnist, ætli það sé raunverulegur vilji ókjörinna alþjóðastofnana og margra samstarfsaðila þeirra að bókstaflega leysa öll vandamál heimsins fyrir okkur, og skapa frið á jörð?

Trúið þið því?

 

Staðreyndin er sú að þessu er því miður alveg öfugt farið, endatakmarkið með þessum heimsmarkmiðum er að svipta okkur öllu og koma á einni alheimsstjórn.

Eldri skrif mín um heimsmarkmiðin

• Hvað býr að baki heimsmarkmiðum Sameinuðu þjóðanna?
• Út á hvað gengur fjórða heimsmarkmið Sameinuðu þjóðanna?

Mér hefur gefist einstakt tækifæri til taka þátt í útvarpsþættinum Menntaspjallið á Útvarpi Sögu til að ræða um SÞ, undirstofnanirnar, og heimsmarkmiðin 17. Í þessum þætti fjallaði ég stuttlega um hvert þessara 17 heimsmarkmiða, hvað þau eru sögð eiga að gera, og hvað þau þýða í raun, og er það vægast sagt hrollvekjandi!

Í þættinum kom meðal annars fram að heimsmarkmiðin fjalli í raun um að stýra mannkyninu í ákveðna átt og breyta verulega lífsháttum manna að öllu leyti. Framsetningin á heimsmarkmiðunum sé sakleysisleg en að baki býr mikil grimmd sem fólk getur ekki séð í fyrstu.

Undirstofnanir Sameinuðu þjóðanna eru meðal annars World ecconomic Forum og WHO alþjóðaheilbrigðismálastofnunin og er þeim ætlað það hlutverk að framfylgja heimsmarkmiðum SÞ.

Bloggfærslur sem ég nefndi í þættinum:

• Hvað eru 15 mínútna borgir? Lausn á "loftslagsvánni", eða meiri fjötrar?
• Velsældarhagkerfið á Íslandi - Skýrsla Alþjóðaheilbrigðismálastofnunarinnar afhent forsætisráðherra Íslands 14. júní 2023

Umfjöllun okkar byrjaði viku fyrr þar sem við fórum m.a. yfir stofnun SÞ, WHO, WEF, fasisma og margt fleira, og þarna kom gríðarlega margt fram sem okkur er aldrei sagt frá eða kennt í skóla.

Þennan þátt má finna hér.

Tekið verði upp félagslegt stjórnunarkerfi þar sem fólki sem er undirgefið valdaöflunum sé umbunað. Þá sé stefnt að því að alþjóðastofnanir eins og WHO hafi völd yfir farsóttarmálum landa og geti teygt hugtakið faraldur út í hið óendanlega til þess að geta nýtt það til hræðslustjórnunar. Að öllu ógleymdu er einnig stefnt að því að koma á einni heimsstjórn.

Ekki er ólíklegt að við munum útvarpa fleiri þáttum um þessi mál.

Athugið, svona umfjöllun fengist aldrei birt í neinum af meginstraumsfjölmiðlunum, og á Útvarp Saga miklar þakkir skildar fyrir að halda vörð um málfrelsið, því það er því miður á hröðu undanhaldi, bæði hér og annars staðar í heiminum.

Það er gríðarlega mikilvægt fyrir okkur Íslendinga að vita hvað verið að, og búið er að gera okkur og öllu mannkyninu á bak við tjöldin, því framtíð okkar allra er í húfi!

Atburðir undanfarinna fjögurra ára eru bara forsmekkurinn að örlögunum sem okkar bíða - ef við spyrnum ekki á móti.

 

 

 

 

Athugasemdir

[Tómas Ibsen Halldórsson, 26.4.2024 kl. 21:02]

Heil og sæl Kristín Þormar.

Þessi grein segir meira en nokkur þorir að hugsa. Það sem í gangi er hjá SÞ, WHO og WEF, svo nokkur séu tekin, þá liggur ljóst fyrir að mannveran, hver og hvar sem hún lifir, á ekki um auðugan garð að gresja. Þessar stofnanir snúa málum sínum ekki á þann veg að við sem mannfólk fáum að velja um eitt eða neitt, frelsið sem GUÐ gaf okkur skal frá okkur tekið af þeim sem telja sig þess megnuga að fara með allt vald yfir smáum og stórum.

GUÐ blessi verk þín Kristín og gangi þér allt í haginn.

GUÐ BLESSI ÍSLAND.

[Kristín Inga Þormar, 26.4.2024 kl. 21:47]

Sæll og blessaður Tómas,

Einhver verður að segja sannleikann um hversu skelfileg þessi 17 heimsmarkmið eru, og eitt er víst, engir af meginstraumsfjölmiðlunum gera það!

Það er alveg óhugnanlegt hversu víða er verið að innleiða þau hér á landi, en ég er þó viss um að langflestir geri það í góðri trú, því hver vill ekki leggja sitt af mörkum til að gera heiminn betri fyrir okkur öll?

En því miður er sannleikurinn sá að hvert eitt og einasta heimsmarkmið lofar einu, en þýðir í raun akkúrat hið gagnstæða.

Krakka RÚV er meira að segja með sérstaka seríu um þessi markmið!

Heilaþvotturinn og innrætingin er alltaf að færast að yngri og yngri börnum, eins og má t.d. sjá í þessari hræðilegu kyn- og transvæðingu barnanna okkar.

En þetta er allt partur af þessum illu heimsmarkmiðum, eins og ég kom inn á í umfjöllun minni um þau í þættinum á miðvikudaginn.

Kærar þakkir fyrir falleg orð í minn garð Tómas, og Guð blessi Ísland og okkur öll.

[Jóhann Elíasson, 27.4.2024 kl. 09:41]

Það fór um mann kaldur hrollur að lesa þetta og svo til að kóróna þetta allt eru FORSETAFRAMBJÓÐENDUR hér á landi sem eru TENGDIR þessu OG ENGINN SPYR ÞÁ NOKKURRA SPURNINGA.  Mér finnst bara algjört lágmark að þær geri hreint fyrir sínum dyrum og upplýsi þjóðina í eitt skipti fyrir öll hvaða þýðingu þetta hefur og útskýringarnar verða að vera trúverðugar................

[Kristín Inga Þormar, 27.4.2024 kl. 11:04]

Sæll Jóhann,

Já þetta er vægast sagt skelfilegt, en við vitum að þær munu aldrei verða spurðar neinna spurninga í þessum meginstraumsruslmiðlum.

Ég vissi að Halla Hrund væri "Agenda Contributor" hjá WEF, en sá það bara fyrst í gær að árið 2019 var hún valin Young Global Leader hjá þeim, og kom að kortlagningu breytingaþátta Norðurslóða á vettvangi WEF!

Aðrir Young Global Leaders eru t.d. Emmanuel Macron, Justin Trudeau, Boris Johnson og Jacinda Ardern, og Klaus Schwab hefur stært sig af því að koma sínu fólki inn í ríkisstjórnir víða um lönd.

Það hefur hann gert til þess að geta framkvæmt þessi illu plön um örlög mannkynsins, eins og sjá má í heimsmarkmiðunum.

Og Katrín Jakobsdóttir var fullur þátttakandi í þessu í ráðherratíð sinni, og sagði meira að segja í fyrra að það yrði að hraða "Agenda 2030"!