Ánægjulegt að sífellt færri óttist að smitast, en áhyggjur af aukaverkunum virðast teknar við!

Það er gott að sífellt færri óttist að smitast af kórónaveirunni, er heimsfaraldurinn ekki bara löngu yfirstaðinn?

Hér hefur að minnsta kosti enginn látist í 7 mánuði vegna veikinda af hennar völdum og ekki heldur úr gömlu góðu flensunni, enda virðist hún hafa ákveðið að taka sér gott frí í ár. 

Hins vegar er greinilegt að margir hafa áhyggjur af aukaverkununum sem þeir hafa fengið eftir bólusetningarnar.

Það má sjá á mörgum færslum og umræðum í stórum Facebook hópi og þótt vissulega og sem betur fer hafi margir ekki fundið fyrir neinu, eru áhyggjurnar greinilega til staðar.

Nú eru þessi lyf enn í tilraunafasa, veit fólk almennt að það er að taka þátt í lyfjatilraunum sem lýkur ekki fyrr en 2023?

Eða veit það að lyfjarisarnir gulltryggðu sig gegn hugsanlegum skaðabótakröfum vegna aukaverkana og/eða andláta? Þeir eru bara algjörlega teflonhúðaðir!

Það ætti öllum að vera umhugsunarefni hversu margar aukaverkanir (1.217!) þegar er búið að tilkynna um á þessum fjórum og hálfa mánuði síðan bólusetningarnar byrjuðu, þar af 16 andlát.

Ef þetta væri ný bílategund á markaði sem væri sífellt að bila, og/eða hefði orðið völd að slysum og dauðsföllum í umferðinni, væri ekki löngu búið að kippa henni úr umferð?

 

 

Sífellt færri óttast smit

Eru sjaldnast samasemmerki milli bólusetninga og aukaverkana?

Við munum öll eftir því á síðasta ári þegar gamla fólkið dó úr Covid.

Þá birtust kertum skreyttar fréttir með samúðarkveðjum til ættingja þeirra látnu, eins og þessi hérna um andlát einstaklings á tíræðisaldri og kommentakerfin fylltust með tilheyrandi samúðarkveðjum og hjörtum.

Þetta er allt öðruvísi í dag, engar fréttir birtar um þá sem látist hafa eftir bólusetningarnar nema þegar fast hefur verið gengið eftir þessum upplýsingum.

Þá bregst varla að alltaf er sagt að viðkomandi hafi verið aldraður og/eða með undirliggjandi sjúkdóma, eitthvað annað en þegar gamla fólkið dó í fyrra, það dó bara úr Covid. Engar kertum skreyttar tilkynningar með tilheyrandi hjörtum og samúðarkveðjum núna!

En sem betur fer hefur enginn látist úr Covid í meira en hálft ár núna. Þessi veira olli víst dauða 28 Íslendinga á efri árum, og eins útlendings hátt á fertugsaldri sem var langt leiddur af einhverjum sjúkdómi.

Er Covid-19 eins hættulegt og af er látið?

Enginn Íslendingur undir ca 67 ára aldri hefur látist úr Covid, en samt er enn látið eins og þetta sé einhver hræðileg drápspest og nú stendur víst líka til að bólusetja blessuð börnin okkar sem eru ekki í mikilli hættu á smiti eða veikindum vegna þessarar veiru!

Og enginn virðist lengur muna eftir gömlu góðu flensunni sem nú virðist horfin af yfirborði jarðar, og fáir virðast gera sér grein fyrir því að öndunarfærasjúkdómar eru orsök 8,0% andláta hér á landi á hverju ári, eins og sjá má á vef Landlæknisembættisins.

Á fimmtudaginn í síðustu viku var birt í Morgunblaðinu og á mbl.is auglýsing þar sem spurt var hvort fólk hefði fengið aukaverkanir efir Covid bólusetningar.

Eins og búast mátti við, þá hrukku Lyfjastofnun og einhverjir læknar beint í gírinn og m.a. könnuðust ekki við einhverjar af þessum aukaverkunum. Jón Magnús Jóhannesson læknir hafði þetta að segja:

"Í fyrsta lagi er hér um hreinan hræðsluáróður að ræða. Mörg þeirra einkenna sem eru listuð upp eru ekki þekktir fylgikvillar bóluefna við COVID-19. Mörg eru algeng vandamál sem geta komið upp hvenær sem er, m.a. fyrir tilviljun eftir bólusetningu."

Svo hverjar eru þá þessar þegar tilkynntu 1.217 aukaverkanir hér á landi? Það virðist ekki nokkur lifandis leið að fá þessar upplýsingar hjá Lyfjastofnun!

Guðrún Bergmann hefur skrifað nokkrar vandaðar greinar byggðar á studdum gögnum um tilkynntar aukaverkanir í öðrum löndum, þær má sjá hér, hér og hér.

Svo hér með er þessum þvættingi læknisins vísað út í hafsauga!

Þó tókst blaðamanni DV í gær að fá upplýsingar frá stofnuninni um breytingar á blæðingum bólusettra kvenna.

Samkvæmt heimildum DV eru dæmi um að konur sem hafa gengið í gegn um breytingaskeiðið hafi skyndilega byrjað á blæðingum eftir að hafa verið bólusettar að loknu breytingarskeiðinu, og dæmi um blæðingar breytist með einhverjum hætti í kjölfar bólusetningar hjá konum sem fá reglulega blæðingar, og jafnvel að túrverkir aukist.

Þetta sagði kona vinkonu sinni á FB í dag, dóttir hennar varð sárlasin eftir Moderna sprautu!

Og að venju ítrekar Lyfjastofnun að ekki sé vitað um orsakasamhengi þarna á milli, svo það er á ábyrgð okkar allra að gera okkar sjálfstæðu athuganir á þessum mRNA líftæknilyfjum sem eru í tilraunafasa til 2023, því við mannfólkið erum tilraunadýrin!  

Ekkert smit greindist í gær

Tilkynntar aukaverkanir eftir bólusetningarnar eru orðnar 1.217!

Það er alltaf fróðlegt að fylgjast með fjölgun tilkynntra aukaverkana milli daga.

Í dag, þriðjudaginn 18. maí eru tilkynntar aukaverkanir komnar upp í 1.217, voru 1.182 í gær, svo þetta er fjölgun um 35.

Pfizer var með 423 tilkynningar, þar af 15 andlát og 24 aðrar alvarlegar.

Nú eru þær orðnar 434. Fjölgun um 11.

Moderna var með 212, þar af 8 alvarlegar.
Nú eru þær orðnar 220. Fjölgun um 8.

AstraZeneka var með 488, þar af 1 andlát og 27 aðrar alvarlegar.
Nú eru þær orðnar 497. Fjölgun um 9.

Janssen var með 59. Nú eru þær orðnar 66.
Fjölgun um 7.

Alvarlegar aukaverkanir eru nú 75, þar af 16 tilkynnt andlát, og alvarlegum aukaverkunum fjölgaði um 18 frá mánudeginum 10. maí. Eins og sjá má á vefsíðu Lyfjastofnunar, þá er skilgreiningin á alvarlegum aukaverkunum vegna lyfja þessi:

"Alvarleg aukaverkun er aukaverkun eða óæskileg áhrif lyfs sem leiðir til dauða, lífshættulegs ástands, sjúkrahúsvistar eða lengingar á sjúkrahúsvist, veldur fötlun eða fæðingargalla hjá mönnum og jafnframt aukaverkun eða óæskileg áhrif lyfs sem leiðir til dauða eða veldur ólæknandi eða langvarandi sjúkdómseinkennum hjá dýrum."

Engar upplýsingar fást frá stofnuninni frekar en fyrri daginn um í hverju þessar tilkynntu alvarlegu aukaverkanir felast þrátt fyrir ítrekaðar fyrirspurnir, en það virðist augljóst að 75 manneskjur hafi orðið alvarlega veikar í kjölfar bólusetninganna, fyrir utan þessar 16 manneskjur sem eru þegar látnar.

Á s.l. sjö mánuðum hefur ENGIN manneskja látist úr Covid, svo hvers vegna liggur svona gríðarlega á að bólusetja alla núna?

Og merkilegt nokk, Jóhannes Kristinsson læknir hélt því fram á spjallþræði í gær að þessar tölur Lyfjastofnunar væru falsaðar! Sjá meira um það hér.

Og þrátt fyrir að tilkynningarnar séu nú orðnar 1.217, þá er því enn haldið fram að ávinningurinn af bólusetningunum með þessum mRNA líftæknilyfjum sé meiri en áhættan.

Hvernig verður þetta í framtíðinni þegar það "verður nauðsynlegt" að bólusetja fólk gegn nýjum og nýjum afbrigðum?

Er ekki bara langbest fyrir flesta að styrkja ónæmiskerfið og leyfa því að gera það sem það kann, að vernda okkur gegn utanaðkomandi árásum?

Það vekur furðu að lítið sem ekkert hefur verið talað um ónæmiskerfið í þessum heimsfaraldri, heldur aðeins sagt að einhver bóluefni geti komið okkur út úr honum.

Eitt er víst, að ansi mörgum spurningum er ósvarað vegna alls sem viðkemur þessum faraldri!  

 

Eric Clapton fékk hrikalegar aukaverkanir eftir AstraZeneca sprauturnar!

Hann mátti þola miklar aukaverkanir í 10 daga eftir fyrri sprautuna, og enn verri eftir þá síðari.

Hann segir líka að vegna taugasjúkdóms hefði hann aldrei átt að fá þetta bóluefni en hafi fallið fyrir stanslausum áróðri um að bóluefnið væri algjörlega öruggt fyrir alla. Það er nákvæmlega eins og hér á landi!

Það er ekki oft sem maður sér umfjallanir hér á Íslandi um fólk sem hefur fengið slæmar aukaverkanir, heldur er hamrað á því hversu örugg og virk þessi bóluefni séu.

Hvernig hægt er að fullyrða þetta og veita fyrirfram loforð er óskiljanlegt, sérstaklega þar sem þau eru í tilraunafasa til ársins 2023.

Í þessari frétt segir líka að aukaverkanirnar sem hann lýsi séu í samræmi við upplýsingar stjórnvalda um mögulegar aukaverkanir af bólusetningu en svo mikil veikindi séu þó sjaldgæf aukaverkun.

Tilkynntar aukaverkanir hér á landi vegna AstraZeneka eru komnar upp í 488, þar af eru 27 alvarlegar og 1 andlát svo spurning er hvort ofangreind fullyrðing standist.

Fréttina á RÚV má lesa Fréttina á RÚV má lesa hér, og frétt frá Bretlandi hér.

Tilkynntar aukaverkanir mánudaginn 17. maí 2021

Það er mjög áhugavert að fylgjast með nýjustu tölum um tilkynntar aukaverkanir eftir bólusetningarnar sem birtast á vefsíðu Lyfjastofnunar og hef ég um skeið birt þær alla virka daga á Facebook síðu minni.

Í dag, mánudaginn 17. maí eru tilkynntar aukaverkanir komnar upp í 1.182, voru 1.114 á föstudaginn, svo þetta er fjölgun um 68 á þrem dögum.

Pfizer var með 399 tilkynningar, þar af 15 andlát og 24 aðrar alvarlegar.
Nú eru þær orðnar 423. Fjölgun um 24.

Moderna var með 202, þar af 7 alvarlegar.
Nú eru þær orðnar 212. Fjölgun um 10.

AstraZeneka var með 459, þar af 1 andlát og 27 aðrar alvarlegar.
Nú eru þær orðnar 488. Fjölgun um 29.

Janssen var með 54.
Nú eru þær orðnar 59. Fjölgun um 5.

Alvarlegar aukaverkanir eru nú 74 (69 á föstudaginn), þar af 16 tilkynnt andlát, og alvarlegum aukaverkunum fjölgaði um 17 frá mánudeginum 10. maí. Eins og sjá má á vefsíðu Lyfjastofnunar, þá er skilgreiningin á alvarlegum aukaverkunum vegna lyfja þessi:

Alvarleg aukaverkun er aukaverkun eða óæskileg áhrif lyfs sem leiðir til dauða, lífshættulegs ástands, sjúkrahúsvistar eða lengingar á sjúkrahúsvist, veldur fötlun eða fæðingargalla hjá mönnum og jafnframt aukaverkun eða óæskileg áhrif lyfs sem leiðir til dauða eða veldur ólæknandi eða langvarandi sjúkdómseinkennum hjá dýrum.

Engar upplýsingar fást frá stofnuninni um í hverju þessar tilkynntu alvarlegu aukaverkanir felast þrátt fyrir ítrekaðar fyrirspurnir, en það virðist augljóst að 74 manneskjur hafi orðið alvarlega veikar í kjölfar bólusetninganna.

Og þrátt fyrir að tilkynningarnar séu nú orðnar 1.182, þá er því enn haldið fram að ávinningurinn af bólusetningunum með þessum mRNA líftæknilyfjum sé umtalsvert meiri en áhættan.

Það er erfitt að skilja hvernig hægt er að lofa fyrirfram öryggi og virkni lyfja sem verða í tilraunafasa allt til ársins 2023.

Áróður, falsfréttir og krísuleikarar!

Ef grannt er skoðað, þá má sjá að fréttaflutningur í heimsfaraldrinum hefur verið ákaflega einhliða og áróðurskenndur - og nánast allur í sömu átt.

Oft er erfitt að sjá hvaða fréttir eru réttar og hverjar ekki, enda er fólk vant að treysta þessum helstu meginstraumsfjölmiðlum og ríkisfjölmiðlum, bæði hér á landi og annars staðar.

En að efni þessa pistils, þá hafa Bretar áhyggjur af því að ungt fólk hafni bólusetningunum í ríkjandi mæli skv. þessari frétt á BBC og verið er að hvetja það til að þiggja sprauturnar þessa dagana.

Ungt fólk í biðröð eftir bóluefnum eftir fjölgun smita af indverska afbrigði kórónaveirunnar

Þetta er titillinn á stuttu vídeói sem hið breska Evening Standard birti á YouTube rás sinni 15. maí s.l., sem sýndi fólk upp úr tvítugu bíða í langri röð eftir bólusetningu eftir að bólusetningarmiðstöð var opnuð í hverfinu.

Í bakgrunninum má heyra einhvern segja "action", sem getur táknað að tökur eigi að hefjast. Svo er birt viðtal við tvo kornunga menn sem segja miklar umræður hafi verið um að ungt fólk vilji ekki láta bólusetja sig og að um leið og þeir hafi frétt af þessu á Facebook, þá hafi þeir drifið sig á staðinn. Þeir vilji drífa þetta af til að vernda fólkið í kringum sig.

Var þetta sviðsettur atburður?

Vinsæll bloggari sem heldur úti síðunni hugotalks.com gerir þetta að umtalsefni sínu í gær og velti upp spurningunni hvort þetta hafi verið sviðsettur atburður.

Hann bendir á að til séu fyrirtæki sem bjóða upp á úrval leikara (crisis actors/krísuleikara) til leigu ef það það þarf að sviðsetja atburði í fjölmiðlum, eins og t.d. fyrirtækið crisiscast.com sem vinnur m.a. með bresku ríkisstjórninni og lögreglunni!

Það er hreint sláandi að sjá hvers konar þjónustu þetta fyrirtæki býður upp á, og með tæknibrellum sínum getur það sviðsett nánast hvað sem er!

Án þess að Hugo sé að fullyrða nokkuð um að þetta hafi verið sviðsettur atburður, þá biður hann fólk að vera sérstaklega vel á varðbergi þessa dagana og skoða allar fréttir með mjög krítískum augum, því blekkingarnar séu alls staðar.

Hversu áreiðanleg eru PCR prófin sem eiga að greina smit?

Samkvæmt staðfestingu sem ég fékk frá Landlæknisembættinu (sjá mynd), þá eru og hafa alltaf verið notaðir 40 snúningar á PCR prófunum.

 

Er þetta skýringin á fjölda greindra smita hér á landi?

Sjálf Alþjóðaheilbrigðismálastofnunin (WHO) viðurkenndi mistök í janúar á þessu ári, einu ári eftir að ákveðið var að þessi próf skyldu notuð til greininga á smitum.

Nú sögðu þau að nota skyldi færri en 35 snúninga og helst ekki fleiri en 25-30 og að allt yfir 35 snúningum gæfi falskar jákvæðar niðurstöður!

Meira að segja sjálfur Anthony Fauci hefur viðurkennt það:

"… if you get a cycle threshold of 35 or more, that the chances of it being replication competent are minuscule.

… you almost never can culture virus of a 37 threshold cycle … even 36 you gotta say, you know, it’s dead nucleotides, period."

Sjá vídeóið þar sem hann viðurkennir þetta hér.

Þetta vekur þá vissulega upp spurningar um hversu mörg raunveruleg "jákvæð smit" hafi í raun greinst hér á landi frá upphafi faraldursins?

Erlendir dómstólar dæma PCR prófin óhæf til greininga

Austurrískur dómstóll hefur nú í kjölfar portúgalskra, þýskra og hollenskra úrskurða dæmt þau óhæf til greininga á COVID-19 smitum og að útgöngubönn séu hvorki byggð á lagalegum né vísindalegum forsendum. Sjá má ítarlegri umfjöllun um PCR prófin hér.

Það má því velta fyrir sér hvers vegna enn séu notaðir 40 snúningar hér á landi þegar það liggur fyrir að ekki sé hægt að treysta niðurstöðum þessara prófa.

Fimm greindust með smit – allir í sóttkví

Enginn öruggur fyrr en búið er að bólusetja alla!

Þessu hélt Klaus Schwab stofnandi The World Economic Forum (WEF) fram í janúar s.l. á Davos ráðstefnu, þrátt fyrir yfirgnæfandi sannanir um fjölda andláta, alvarlegra aukaverkana og hugsanlegra áhrifa á frjósemi fólks eftir bólusetningarnar.

Það er langt síðan hann lýsti yfir ánægju sinni með Covid-19 faraldurinn og sagði hann einstakt tækifæri til að innleiða endurræsinguna miklu, eða The Great Reset. Í nýlegri bók sinni COVID-19: The Great Reset, sagði hann að reglubundnar bólusetningar væru eina leiðin til að stöðva vítahring útgöngubanna, annars muni veiran vera stöðug ógnun við heilsu okkar.

Bólusetningarnar eru pólitísk áskorun

Hann talaði um pólitísku áskorunina sem fælist í því að bólusetja nógu margt fólk á heimsvísu, og fagnaði almennum vilja (hlýðni) fólks til bólusetninga, en lýsti jafnframt áhyggjum sínum yfir stækkandi hópi andstæðinga þeirra, sem að hans sögn gætu sett áætlunina í hættu.

Svo staðhæfði hann að það yrði erfitt að berjast gegn COVID-19 án árangursríkrar meðferðar eða bóluefna. Þangað til væri árangursríkasta leiðin að gera regluleg próf á fólki, setja "smitaða" í einangun, rekja ferðir fólks með þar til gerðum rakningaröppum og setja þá í sóttkvíar sem hafi umgengist þá "smituðu." Ákall hans um að öll heimsbyggðin yrði bólusett til varnar gegn COVID-19 er samt í mótsögn við hans eigin orð í bók hans.

Er þessi faraldur ekki svo hættulegur eftir allt saman?

Klaus Schwab sagði beint að kórónu faraldurinn (hingað til) væri einn minnst banvæni heimsfaraldur síðustu 2000 ár! Að öllum líkindum, ef hann ekki þróaðist í ófyrirséðar áttir, yrðu afleiðingarnar hvað varðar heilsu og dánartíðni vægar miðað við fyrri faraldra. Jafnframt sagði hann að COVID fæli ekki í sér tilvistarógn eða áfall sem myndi skilja eftir spor sín á mannkyninu næstu áratugi.

Þrátt fyrir þessi orð, hefur WEF átt stóran þátt í verkefni sem felst í að þróa bólusetningarvegabréfin, sem eiga að verða "heilsupassar", (kölluð græn vegabréf hér á landi) fólks eftir faraldurinn, sem mun skera úr um það hvort fólk fái að ferðast í framtíðinni, en þar munu verða geymdar upplýsingar um heilsufar fólks og bólusetningar þess. Á sama tíma og Schwab kallar eftir alheimsbólusetningum á mannkyninu til að verja það gegn COVID-19, hunsar hann varnaðarorð margra heimskunnra og virtra lækna og sérfræðinga sem hafa gefið út viðvaranir vegna þessara tilraunaefna/líftæknilyfja (mRNA) sem hafa verið þróuð í miklum flýti.

Varnaðarorð Dr. Michael Yeadon

Fyrrum aðstoðarforstjóri Pfizer, Dr. Michael Yeadon, hefur algjörlega afneitað nokkurri nauðsyn á bólusetningunum: "Ég hef aldrei heyrt annan eins þvætting um bóluefni. Maður bólusetur ekki fólk sem er ekki í neinni áhættu gegn tilteknum sjúkdómi. Né heldur skipuleggur maður bólusetningar á milljónum heilbrigðra og hraustra manneskja með bóluefnum sem hafa ekki verið þaulprófuð á mennskum sjálfboðaliðum".

Varnaðarorð Dr. Theresa Deisher

Dr. Theresa Deisher, sem skrifaði doktorsritgerð sína um sameinda- og frumulífeðlisfræði frá Stanford háskólanum, hefur líka algjörlega hafnað nauðsyn á þessum bólusetningum, þar sem dánartíðni sé einungis 0,03%, og að 92% þeirra sem þó látist, hafi haft aðra undirliggjandi sjúkdóma. Við erum að þróa bóluefni á ljóshraða gegn veiru sem engin þörf er á bólusetningum gegn, sagði hún. Hún bætti einnig við, það er mögulegt, en ég trúi því ekki að það sé æskilegt, né heldur að það sé öruggt, þegar allt að 15% mjög heilbrigðra ungra sjálfboðaliða verða fyrir verulegum aukaverknunum. Greinar um aukaverkanir má finna hér, hér, hér, hér, hér, og hér.

Geta bóluefnin haft áhrif á frjósemi og æxlunarfæri kvenna?

Ekki nóg með það, heldur hefur verið gefin út viðvörun um Pfizer bóluefnið um að forðast skuli getnað í tvo mánuði eftir bólusetningu og að mjólkandi mæður ættu ekki að fá það. Einnig að engin þekking liggi fyrir um möguleg áhrif tilraunaefnanna á frjósemi. Íslensk yfirvöld virðast ekki á sama máli og telja að óhætt sé að bólusetja þungaðar konur, sjá hér. Margar konur í Bandaríkjunum hafa tilkynnt um fósturlát, vandamál með brjóstagjafir og breytingar á blæðingum eftir sprauturnar, sjá hér.

Í rúmt ár er búið að telja heiminum trú um að bólusetningarnar séu eina leiðin út úr þessum faraldri, en þrátt fyrir að nú sé búið að bólusetja gríðarlegan fjölda fólks, þá ráðleggja margir sérfræðingar að fólk eigi áfram að bera grímur og forðast nálægð við annað fólk! Svo hver er þá tilgangur bólusetninganna eiginlega? Nú er því líka haldið fram að bólusetja verði fólk reglulega gegn nýjum og "hættulegum afbrigðum" af veirunni, og miðað við að Íslendingar hafi tryggt sér kaup á 1,4 milljónum skammta fyrir 360 þúsund manna samfélag, þá má ætla að það sama sé í bígerð hér á landi.

Bönnuðu lyfin

Hræódýr lyf eins og Hydroxychloroquine og Ivermectin eru talin gríðarlega árangursrík í meðferð þeirra sem veikjast af veirunni, en notkun þeirra er bönnuð í mörgum löndum, þar sem haldið er fram að aðeins bólusetningarnar geti kvatt þennan faraldur í kútinn. Íslenskur læknir, Guðmundur Karl Snæbjörnsson (Kalli Snæ) hefur mikið fjallað um Ivermectin á sinni FB síðu, sjá hér.

Hvað er raunverulega í gangi?

Það ætti flestum að vera orðið ljóst að það sem er að eiga sér stað í heiminum í dag snýst ekki, og hefur aldrei snúist um baráttu gegn neinni veiru, heldur um alræði og yfirtöku á mannkyninu, eins og sjá má í smáatriðum á vefsíðu WEF, um þörfina á endurræsingu heimsins og nauðsyn þess að bræða saman menn og vélar, svo fátt eitt sé nefnt.

Þessi grein er lauslega byggð á þessari heimild.