Hvaðan kemur þessi kyn- kynlífs- og trans"fræðsla" barnanna okkar?

Þann 19. október 2024 hélt áhugafólk um verndun og velferð barna ráðstefnu þar sem haldin voru ýmis fræðsluerindi, eins og sjá má á auglýsingunni hér til hliðar.

Þið takið kannski eftir því að hvorki voru fyrirlesararnir nefndir á nafn né staðsetning ráðstefnunnar, og var það af marggefnu tilefni, enda málefnið gjarnan mistúlkað og þaggað niður, svo viðbúið var að allt yrði gert til að koma í veg fyrir að hún yrði haldin.

Málefnið var kyn- kynlífs- og trans"fræðsla" barnanna okkar sem fer fram í a.m.k. einhverjum skólum landsins, þöggun, áhrif samfélagsmiðla, menning og trú, hvaða óafturkræfu afleiðingar transmeðferðir hafa á þau bæði andlega og líkamlega, og hvaðan þessi "fræðsla" er komin.

Oft fer hún fram án vitundar foreldra sem fá jafnvel ekki að vita að hún standi til, hverjir veiti hana, né út á hvað hún gangi, og það er staðreynd.

Athugið, líklega verður reynt að segja þessa ráðstefnu hafa verið hatursáróður gegn transfólki, en ég vil taka það skýrt fram að hún var það svo sannarlega ekki.

Ekki var um að ræða neinn áróður eða hatur gegn fullorðnu fólki sem tekur þá erfiðu ákvörðun að fara í transmeðferðir - enda ekkert slíkt til staðar, einungis áróðurinn sem snýr að saklausum börnum, allt niður í leikskólaaldur.

Það að fullorðinn einstaklingur sem búinn er að taka út sinn þroska taki þessa ákvörðun, á ekkert skylt við það að börnum sé kennt í skólunum að þau séu kannski ekki fædd í "réttu kyni", sem hægt sé að "leiðrétta".

Vissulega eru til börn sem þjást af kynama frá unga aldri, og ber að taka það alvarlega, en það er ekkert rétt við það að segja við ungt barn að það eigi eftir að ákveða hvort það verði stelpa eða strákur, við hljótum öll að geta verið sammála um það.

Fyrirlesararnir

Hér sjáið þið sex af sjö ræðumönnum, en ekki tókst að finna mynd af Arndísi Ósk Hauksdóttur hjúkrunarfræðingi og presti sem hélt líka erindi, og nokkur erindi féllu niður vegna forfalla.

WHO, SÞ OG WEF

Mín ræða var út frá örlítið öðrum vinkli en hinna, en þar fjallaði ég um hvaðan þessi kyn- kynlífs- og transvæðing barnanna kemur.

Ef þið hafið áhuga á að horfa á hana (sem ég mæli með!), þá er hér hlekkur á Facebook með upptöku af henni, því miður eru örlitlar truflanir í henni á köflum, en það ætti ekki að koma að sök.

Það kæmi mér ekki á óvart ef mörgum bregði í brún við að heyra að alþjóðastofnanir eins og Sameinuðu þjóðirnar og Alþjóðaheilbrigðismálastofnunin eru búnar að gefa út viðurstyggilegar, og hreinlega skaðlegar leiðbeiningar um hvernig kynfræðslu barna eigi að vera háttað, og að slík "fræðsla" sé að raungerast í sumum íslenskum skólastofum í dag.

Eins og einhverjir sem lesið hafa eldri bloggin mín kannski muna, þá er ég búin að skrifa margar greinar um illgjörðir þessara stofnana sem Ísland er aðili að.

Hér eru nokkrar, og erlent efni:

• Hinar djöfullegu áætlanir Alþjóðaheilbrigðismálastofnunarinnar um börnin!
• Er kynfræðsla barna á Íslandi á réttri vegferð?
• Útþurrkun konunnar, kynlífsvæðing ungra barna, barnaníð - og opið bréf til ráðherra Íslands og annarra er málið varðar
• Að umbera allt er uppskrift að hörmungum - og ákall til foreldra skólabarna!
• Út á hvað gengur fjórða heimsmarkmið Sameinuðu þjóðanna?
• Getur lesbía ekki bara áfram verið amma og hommi afi?
• Ert þú samþykk/ur því að hryðjuverkamaður fái algjört einræði yfir heilbrigðismálum þjóðarinnar - og alls heimsins?
• Schools must equip children to have sexual partners, so say the UN and the WHO.
• The UN’s DARK Agenda: What You’re Not Being Told About Agenda 2030

Skoðum aðeins réttindi barna:

Barnalög - Réttindi barns.

1. gr.

• Barn á rétt á að lifa, þroskast og njóta verndar, umönnunar og annarra réttinda í samræmi við aldur sinn og þroska og án mismununar af nokkru tagi. Óheimilt er að beita barn hvers kyns ofbeldi eða annarri vanvirðandi háttsemi.
• Það sem barni er fyrir bestu skal ávallt hafa forgang þegar teknar eru ákvarðanir um málefni þess.
• Barn á rétt á að láta skoðanir sínar í ljós í öllum málum sem það varða og skal tekið réttmætt tillit til skoðana þess í samræmi við aldur og þroska.

Foreldraskyldur og forsjá barns.

28. gr.

• Foreldrum ber að sýna barni sínu umhyggju og nærfærni og gegna forsjár- og uppeldisskyldum sínum svo sem best hentar hag barns og þörfum.
  
• Foreldrum ber að afla barni sínu lögmæltrar fræðslu og ala með því iðjusemi og siðgæði. Foreldrum ber að stuðla eftir mætti að því að barn þeirra fái menntun og starfsþjálfun í samræmi við hæfileika þess og áhugamál.

Siðareglur kennara:

3. Kennurum ber að hafa jafnrétti allra nemenda að leiðarljósi í skólastarfi. Kennarar eiga að vinna gegn fordómum og mega ekki mismuna nemendum t.d. vegna kyns, þjóðernis eða trúarbragða.

7. Kennurum ber að hafa samvinnu við forráðamenn eftir þörfum og gæta þess að upplýsingar sem þeir veita forráðamönnum séu áreiðanlegar og réttar.

 

Hlutverk grunnskóla:

2. gr Markmið

Hlutverk grunnskóla, í samvinnu við heimilin, er að stuðla að alhliða þroska allra nemenda og þátttöku þeirra í lýðræðisþjóðfélagi sem er í sífelldri þróun. Starfshættir grunnskóla skulu mótast af umburðarlyndi og kærleika, kristinni arfleifð íslenskrar menningar, jafnrétti, lýðræðislegu samstarfi, ábyrgð, umhyggju, sáttfýsi og virðingu fyrir manngildi. Þá skal grunnskóli leitast við að haga störfum sínum í sem fyllstu samræmi við stöðu og þarfir nemenda og stuðla að alhliða þroska, velferð og menntun hvers og eins.

Til foreldra skólabarna á Íslandi:

Af ofantöldu fæ ég ekki betur séð en að verið sé að brjóta á ýmsum lögvörðum réttindum barna, og ekki farið eftir siðareglum kennara né hlutverki grunnskóla að öllu leyti. Ég veit t.d. um börn sem var neitað um að sleppa við svona "fræðslu", þótt hún færi gegn trúarlegum skoðunum og siðferðislegum gildum þeirra.

Fólk verður að átta sig á því þarna liggur illur ásetningur illra afla að baki, það er engin tilviljun að verið sé að brengla huga saklausra sálna, eins og ég kom inn á í erindi mínu.

Mig langar að benda á frábært erindi Helgu Birgisdóttur hjúkrunarfræðings og ljósmóður, en hún fjallaði m.a. um transmeðferðir barna og hvaða óafturkræfu afleiðingar þær hafa á þau, og það má finna hér.

Allir fyrirlestrarnir voru teknir upp af myndatökumanni, en sökum stærða skránna er ekki hægt að deila þeim hér að svo stöddu. Þeir munu fara síðar í dreifingu.

Það er hlutverk og skylda okkar foreldra að vernda börnin okkar eftir fremsta megni, og í raun skylda samfélagsins alls.

Þess vegna er svo gríðarlega áríðandi að foreldrar skólabarna geri sér grein fyrir því hvaða hugmyndum og fræjum verið er að sá inn í huga barna þeirra í dag.

Foreldrar í nágrannalöndum okkar hafa stofnað samtök gegn þessari innrætingu, og það þurfa íslenskir foreldrar líka að gera!

Að lokum vil ég benda á að til stendur að halda framhaldsráðstefnu um þessi mál - og önnur þann 17. nóvember n.k. Áhugasamir geta skráð þátttöku sína með því að senda tölvupóst á netfangið [e-mail].