Hinar djöfullegu áætlanir Alþjóðaheilbrigðismálastofnunarinnar um börnin!

Alþjóðaheilbrigðismálastofnunin er nú að vinna að því að ná einræði yfir heilbrigðismálum aðildaþjóða sinna, en það er ekki það eina.

Það sem fólk hefur almennt ekki hugmynd um, er að hún hefur gefið öllum stefnumótandi yfirvöldum í Evrópu og þeim sem hafa yfirumsjón með heilbrigðis- og kennslumálum um allan heim staðla um hvernig kynfræðslu barna skuli háttað.

Íslensk stjórnvöld hafa samþykkt þessa staðla stofnunarinnar, sem og samsvarandi staðla sem Sameinuðu þjóðirnar gefa út.

Eru þau þegar farin að innleiða þau í íslenskum skólum, en hvað felst raunverulega í þessum stöðlum, og ...

... hvað á að gera börnunum?

Guðrún Bergmann rithöfundur og stjórnarmaður í mannréttindasamtökunum Mín Leið - Mitt Val, hefur skrifað tvær ítarlegar og vandaðar greinar um þessi mál, og var sú fyrri opið bréf til Ásmundar Einars Daðasonar mennta- og barnamálaráðherra, Willums Þórs Þórssonar heilbrigðisráðherra og til foreldra og forráðamanna barna og unglinga.

• Hvað á að gera börnunum?
• Meira um börnin

Þetta eru greinar sem allir foreldrar, afar og ömmur, og þeim sem er umhugað um velferð barna verða að lesa!

Íslensk stjórnvöld og WHO - nokkur atriði

Stefna fyrir íslenska heilbrigðisþjónustu til ársins 2030 var kynnt þann 4. júní 2019 af þáverandi heilbrigðisráðherra, Svandísi Svavarsdóttur, en hún var unnin í samstarfi við WHO.

Þann 14. júní 2023 var haldið velsældarþing í Hörpu þar sem framkvæmdastjóri WHO í Evrópu afhenti Katrínu Jakobsdóttur forsætisráðherra Íslands skýrslu stofnunarinnar um "Velsældarhagkerfið á Íslandi".

Sama dag var Katrín skipuð sendiherra þessa velsældarhagkerfisverkefnis stofnunarinnar, eitthvað sem lítið eða ekkert var fjallað um í fjölmiðlunum.

Það má því gefa sér það miðað við þetta nána samstarf milli WHO og íslenskra ráðamanna, að ekki sé mikill vilji þar á bæ til að hafna því að þessi ókjörna stofnun fái einræðisvald yfir okkar eigin heilbrigðismálum.

Við hljótum öll að þurfa að spyrja okkur hvers vegna íslensk stjórnvöld eru að vinna gegn okkur þjóðinni en ekki fyrir okkur eins og þau voru kjörin til.

WHO og SÞ - Burtu með perraputtana frá börnum!

Sjónvarpsstöðin Kla.TV hefur nýlega birt fréttaumfjöllun um það sem raunverulega býr að baki þessari svokölluðu "kynfræðslu" þessara stofnana. Það sem þarna kemur fram er ólýsanleg illska í garð barna!

Þarna segir:

Sérhver heilvita maður veit að sannur kærleikur verndar börn. Sérstaklega verndar hann börn gegn kynferðisofbeldi og afskræmingu. Hins vegar er það sem WHO og SÞ selja með ómannúðlegum krafti sem frelsi fyrir börn er einfaldlega viðurstyggileg persónueyðing á öllum þroskastigum þeirra.

Athugasemd frá ritstjórninni: Kla.TV biður alla foreldra að taka fyrst þá ákvörðun eftir að hafa skoðað útsendinguna, hvort þeir treysti börnum sínum eða ungmennum til að sjá hana!

Í niðurlaginu með fréttaumfjölluninni segir:

Við höfum öll þann valkost að loka augunum og verða samsek með þögn okkar - eða vera hugrakkt fólk sem stendur upp og upplýsir mannkynið með því að dreifa þessari útsendingu, gera skólum, kennurum og fóstrum viðvart...

Börn geta ekki varið sig gegn þessum skrímslum. Gerum það fyrir þau!

Börnin okkar hér á landi

Nú fer skólastarf bráðum að hefjast aftur. Byrjað er að innleiða þessa "kynfræðslu" í að minnsta kosti einhverjum íslenskum skólum, og vitað er til þess að hún hefur farið fram í einhverjum skólum að minnsta kosti, án þess að foreldrarnir hafi haft neina vitneskju þar um.

Því er gríðarlega áríðandi að foreldrar og forráðamenn barna fari fram á að fá að sjá kynfræðsluefni barna þeirra fyrir næsta skólaár, og ekki hvað síst hverjir eigi að sjá um þessa fræðslu!

Nýleg skrif mín um mál þessu tengt:

• Er kynfræðsla barna á Íslandi á réttri vegferð?
• Útþurrkun konunnar, kynlífsvæðing ungra barna, barnaníð - og opið bréf til ráðherra Íslands og annarra er málið varðar
• Hæstvirtu leghafar og legleysingjar á Alþingi!
• Að umbera allt er uppskrift að hörmungum - og ákall til foreldra skólabarna!
• Út á hvað gengur fjórða heimsmarkmið Sameinuðu þjóðanna?

Það er ekki nóg með að verið sé að - eða búið í mörgum íslenskum skólum að innleiða þetta "kynfræðsluefni" WHO og SÞ - sem gengur út á að kynlífsvæða þau, heldur er ríkisstjórn Íslands um það bil að afsala sér fullveldi okkar í heilbrigðismálum (sem einnig fela í sér þessa "kynfræðslu") til þessara hreinræktuðu glæpamanna sem stjórna WHO.

Nákvæmlega þetta sama er að eiga sér stað í öllum 194 aðildarlöndum þessarar ókjörnu stofnunar.

Mig langar að biðla til fólks að kynna sér vel og vandlega það sem hér er skrifað, og/eða leita sér upplýsinga annars staðar en í þeim innlendu fjölmiðlum sem eru á ríkisstyrkjum, þar finnið þið ekki stafkrók um þetta.

 

 

 

 

 

 

Athugasemdir

[Guðrún Bergmann, 30.7.2023 kl. 11:02]

Algerlega frábær samantekt hjá þér Kristín á þeim hryllingi sem við blasir gagnvart börnunum og fólk er almennt alls ekki meðvitað um. Treysti því að það kynni sér kennsluefni um kynfræðsluna - ekki bara í skólum - heldur líka í leikskólum, því næsta sem má vænta er að "samræðisaldur" verði lækkaður niður í núll. Ekki segja "ÉG TRÚ'ESSU EKKI!" Kynntu þér frekar málið, svo hægt sé að vernda börnin. 

[Kristín Inga Þormar, 30.7.2023 kl. 12:00]

Sæl Guðrún mín og þakka þér kærlega fyrir!

Því miður er fólk almennt alls ekki meðvitað um þennan hrylling sem verið er að innleiða hér á landi eins og annars staðar, í boði íslenskra stjórnvalda, bæja- og sveitastjórna og hér í höfuðborginni líka, eins og sjá má á vefsíðu hennar.

Sannanirnar um það blasa við öllum þeim sem vilja sjá það.

Fólk VERÐUR bara að trúa þessu því þetta sé raunverulega að eiga sér stað, svo nú verður þjóðin að sýna samtakamátt sinn og gefa íslenskum yfirvöldum skýr skilaboð um að við segjum NEI við afsali á fullveldi okkar í okkar eigin heilbrigðismálum til þessara illu glæpasamtaka!

Skrifum öll undir ákallið NÚNA!

[Agný, 7.8.2023 kl. 04:01]

Takk fyrir  frábær skrif vinkona, en það er hrikaleg afneitun í gangi hjá  megin þorra fólks því miður.. Og flestir koma með þessa setningu ,, ég  trúi  þessu ekki, þú  ert að bulla." Nú  eða ,,Það getur ekki verið." Afneitunin er rosaleg!! En ég  er búin að vera að pikka í  ( eins og Villi spæta) fólk í x áratugi um ýmis málefni sem öll tengjast þessu á  einn eða annan hátt..En ég  hætti ekki að fræða ( ekki hræða) fólk  en svo er þeirra valið... I give it up to God...

[Kristín Inga Þormar, 7.8.2023 kl. 12:09]

Sæl Agný og þakka þér kærlega fyrir.

Það virðist vera erfitt fyrir fólk að trúa að svona nokkuð sé sannleikur, jafnvel þótt því séu sýndar beinharðar sannanir fyrir því.

Oft er viðkvæðið: Þetta getur ekki verið, ég hef ekki séð neitt um þetta í fréttunum!

En það er akkúrat mergurinn málsins, það er aldrei fjallað um mál eins og þessi í meginstraumsfjölmiðlunum, en ég held að við þurfum að vera í ansi mikilli afneitun ef við erum ekki enn farin að átta okkur á hversu mikið þeir hafa afvegaleitt okkur, sérstaklega undanfarin þrjú og hálft ár - og það með RÚV fremst í fararbroddi.

Það er t.d. búið að senda þeirri stofnun fyrirspurnir um hvenær fjallað verði um þennan skaðræðis heimsfaraldurssáttmála, en þeim er að sjálfsögðu aldrei svarað.

Aðeins "ein umræða" er leyfð, ekki bara hér á landi, heldur alls staðar í heiminum, en ef fólk nennir, þá er ekkert mál að finna aðrar hliðar mála á óháðum og frjálsum miðlum og vefsíðum.

En fæstir nenna því, því miður.