Átakanleg frásögn um aldraða íslenska Alzheimers sjúklinga sem voru sprautaðir með þessum tilraunaefnum án upplýsts samþykkis þeirra.

Í gærkvöldi skrifaði ég blogg um þessar tilraunabólusetningar sem virðist eiga að halda áfram út í það óendanlega, og sagði meðal annars þetta:

Þekkið þið einhverja bólusetta sem hafa látist skyndidauða öllum að óvörum, eða þjást af aukaverkunum eftir sprauturnar, en tengja kannski nýtilkomin veikindi ekki við þær? Ef svo er, þá megið þið gjarnan senda mér einkaskilaboð á Facebook síðunni minni ef þið viljið tjá ykkur um þær.

Í morgun fékk ég skilaboð frá manni undir nafni, sem sagði mér hræðilega sögu um foreldra sína og fleira fólk. Ég spurði hann hvort ég mætti skrifa um þetta þannig að það væri ekki rekjanlegt beint til hans og gaf hann mér fúslega leyfi til þess.

Það þarf að tala um þetta jafnvel þótt fáir séu með eyrun opin... sagði hann líka.

"Sælar Kristín. Datt í hug að senda þér línu eftir að hafa lesið bloggið þitt áðan. Ég hef einungis óbeina reynslu af genasprautumaníunni sem að nú gengur yfir.

Foreldrar mínir voru sprautaðir x2 hvort án upplýsts samþykkis en bæði eru þau greind með Alzheimer, mamma er á hjúkrunarheimili og pabbi heima. Undir venjulegum kringumstæðum hefðu þau bæði harðneitað að láta sprauta sig.

Síðan þá hefur heilsa pabba míns farið ört hrakandi og hefur hann farið á bráðamóttökuna ansi oft. Síðast fór ég með honum inn og þar var miðaldra maður í næsta rúmi að sækja sér þjónustu vegna aukaverkana af asta-sprautunni.

Ég hef þurft að hringja nokkuð oft í heimahjúkrun (bæjarfélagsins sem hann býr í) vegna pabba á þessu ári. Eftir að starfsfólk í umönnunargeiranum var fyrst sprautað fyrr á árinu skertist heimahjúkrunarþjónustan til muna vegna mikilla veikinda starfsfólks. Það kom skýrt fram í samtölum mínum við skrifstofu heimahjúkrunar.

Á mínum vinnustað eru um 95% starfsfólks fullsprautað. Vel flestir urðu veikir og fjarverandi í 1-3 daga. Við það skertist þjónustan við skjólstæðinga okkar til muna. Hér var heldur ekki um upplýst samþykki að ræða heldur var starfsfólki smalað saman án nokkurra málalenginga eða útskýringa rétt eins og í tilfelli foreldra minna.

Systir mín var sprautuð og hefur aldrei orðið svona veik á ævinni. Ekkert af þessum tilfellum sem að ég hef minnst á hafa ratað í aukaverkanabanka Lyfjastofnunar leyfi ég mér að fullyrða.

En allar þessar aukaverkanir hafa ekki bara haft áhrif inná við (líkamann) heldur einnig út á við (atvinnu). Bestu kveðjur XXXXXX"

Rétt áðan sendi hann mér meiri upplýsingar:

"Mætti kannski bæta við myndrænum anga við frásögnina af foreldrum mínum og þá sérstaklega pabba. Hann býr einn og nýtur heimaþjónustu frá (bæjarfélaginu hans) þar sem að hann er orðinn býsna slappur og með Alzheimer í ofanálag.

Nema hvað, hann hefur þurft að gangast undir x4 PCR próf og 2 sprautur. Áður en hann var sprautaður fyrst þá mættu heim til hans x2 manneskjur klæddar í plastgalla frá toppi til táar án þess að hann gerði sér grein fyrir ástæðunni fyrir heimsókn þeirra eða aðstæðum yfir höfuð.

Þessi aðgerð olli honum miklum líkamlegum óþægindum og andlegum því fyrir honum voru komnar heim til hans x2 plastgeimverur sem hann kunni engin deili á til þess að troða löngum pinna nánast upp í heila. Síðan fékk hann sprauturnar, báðar á spítala og í bæði skiptin neitaði hann.

En hann átti ekki við margnum á spítalanum eins og hann sagði og lét undan þrýstingi. Til að bæta gráu ofan á svart þá þurfti hann að gangast x3 í viðbót undir þessa sársaukafullu PCR aðgerð EFTIR að hafa fengið x2 sprautur.

Eðlilega velti hann fyrir sér tilgangum því hann var jú fullsprautaður í bak og fyrir. Þetta var leiðinlegt að horfa upp á því mannvirðing hans var fótum troðin x6 af heilbrigðisstarfsfólki án upplýsts samþykkis."

Er ekki kominn tími til að tengja, eins og sagði í laginu forðum?

Íslendingar þurfa að fara að VAKNA! Margir þekkja einhverja sem hafa fengið hræðilegar aukaverkanir, og dauðsjá eftir að hafa látið undan þessum gegndarlausa þrýstingi.

Svo eru því miður margir sem vilja hvorki viðurkenna það fyrir sjálfum sér eða öðrum að nýir kvillar eða veikindi sem koma í kjölfarið séu nokkuð tengd sprautunum.

Ég er búin að lesa óteljandi erlendar frásagnir um raunverulegt fólk sem er skaðað fyrir lífstíð eða dáið eftir að hafa fengið þessum efnum sprautað í sig, allt niður í ung börn.

Og nú er mikill vilji hjá yfirvöldum að fara að sprauta börnin okkar með þessum efnum!

Þessi maður á miklar þakkir skildar fyrir að leyfa mér að segja þessa sögu um foreldra sína opinberlega, og ég er honum hjartanlega sammála þegar hann segir að þurfi að tala um þetta jafnvel þótt fáir séu með eyrun opin.

Ef fleiri vilja segja segja sögu sína eða annarra, þá megið þið gjarnan senda mér einkaskilaboð á Facebook þá skal ég fúslega fjalla nafnlaust um það hér, því þetta er allt eitthvað sem kemur okkur öllum við sem þjóð.

 

 

Athugasemdir

[Helga Kristjánsdóttir, 9.7.2021 kl. 00:32]

Eg er merkileg manneskja háöldruð með tánings sál til hálfs.Þegar ég kom fyrst í bloggið var hér fjölmargt fólk bráðskemmtilegt og gaman að gantast við það og hélt ég þetta yrði svona alltaf.Ég spyr mig hvernig gerðist þetta að þjóðin var allt í einu eins og tvö lið í keppni að vinna eitthvað mikilvægt sem erfitt er að festa auga á eða skilja.Ég giska að það tengist veraldlegum eignum Íslands á láði og legi sem flest okkar vilja verja gegn ágirnd erlendra.

Það eru nú ekki allir á þeirri línu og þessvegna tökum við sárreiðu til að andæfa og sést ekki yfir vandlætingu stjórnvalda sem nú munu etja kappi við þau framboð sem vinna að heilindum fyrir land sitt Ísland.- -

Ágæta Kristín Þormar! Eftir að hafa lesið frásögnina hér á undan og hugðist skrifa annað snerist mér snögglega hugur,en þakka þér innilega fyrir framtak þitt.  

  

[Kristín Inga Þormar, 9.7.2021 kl. 09:11]

Sæl Helga,

Kærar þakkir fyrir falleg orð í minn garð. Miðað við hvað ég er búin að rannsaka mikið "hina hliðina" á þessum meinta faraldri og eiturgjöfum, þá bara get ég ekki setið heima og þagað!