Drápsfaraldurinn mikli - sagan endalausa!

Ég tók mér nokkurra vikna bloggfrí, svo það er fróðlegt að skoða hvað gerst hefur í þessum ægilega "drápsfaraldri" síðan ég bloggaði síðast.

"Faraldurinn" hefur víst verið í svakalegri uppsveiflu í allt sumar, þrátt fyrir að búið sé að sprauta stærsta hluta fullorðinna hér á landi með einhverjum tilraunaefnum sem áttu að sögn að veita vernd gegn alvarlegum veikindum.

Að vera bólusettur eða ekki óbólusettur virðist vera orðið teygjanlegt hugtak í dag, eins og Anna Tara Andrésdóttir fjallaði um í innsendri grein á Vísi fyrr í mánuðinum.

Fjölmiðlar birta daglega nýjustu "smittölurnar", svona til að passa að við hættum ekki að vera hrædd við drápsveiruna ógurlegu, og forsætisráðherra vor "ruglaðist á" reglu um grímuskyldu á fótboltaleik í gær, rétt eins og Kári sjálfur sem náðist á mynd grímulaus á bensínstöð nýlega.

Eins og mig grunaði sterklega, þá var aflétting grímuskyldunnar bara tímabundin, og nú þurfa allir enn á ný að bera þennan súrefnisheftandi óþverra fyrir vitunum og spritta sig í drasl.

Þórólfur sóttvarnarlæknir segir ekki útilokað að takmarkanir geti varað að einhverju leyti næstu árin, og að faraldrinum ljúki ekki hér á landi fyrr en honum ljúki um allan heim.

Og hvenær skyldi það nú verða, kannski þegar búið verður að koma sprautu(m) í hvern einasta handlegg á jarðríkinu?

Góðu fréttirnar eru þó þær að óþolið gagnvart öllum þessum fáránlegu sóttvarnarreglum er ört vaxandi þessa dagana, eins og sjá má í pistlum sem hafa fengist birtir í fjölmiðlum undanfarið.

En kíkjum nú aðeins á hvað gerst hefur varðandi tilkynntar aukaverkanir/afleiðingar á einum mánuði:

Tilkynntar aukaverkanir 21.7.2021

 

Svona voru tölurnar 21. júlí s.l.:

Pfizer var með 983 tilkynningar, þar af 21 andlát og 45 aðrar alvarlegar.
Nú eru þær orðnar 994. Fjölgun um 11.

AstraZeneka var með 679, þar af 4 andlát og 54 aðrar alvarlegar.
Nú eru þær orðnar 682. Fjölgun um 3.

Janssen var með 280, þar af 1 andlát og 6 alvarlegar.
Nú eru þær orðnar 286. Fjölgun um 6.

Moderna var með 388, þar af 16 alvarlegar.
Óbreytt staða.

Alvarlegar aukaverkanir eru nú 147, þar af 26 tilkynnt andlát.

Tilkynntar aukaverkanir 19. ágúst

Tilkynntar aukaverkanir voru 2.350, en eru nú komnar upp í 2.908, sem er aukning upp á 558 á þessum fjórum vikum vegna þessara tilraunalyfja sem eru víst svo "góð og örugg", og veita svo mikla "vernd", að stór hluti þeirra sem eru að veikjast núna "úr covid" eru þegar fullbólusettir!

Eins og þessir fjórir af fimm sem eru/voru í öndunarvél.

Skoðum núna breytingarnar á þessum fjórum vikum: Ég sé að það hefur orðið mikið framfaraskref hjá Lyfjastofnun, hún birtir núna sérstaklega fjölda alvarlegra tilkynninga! Hún mætti líka gjarnan bæta einum lit í súlurnar sem sýnir andlát eftir hvert efni.

Pfizer var með 983 tilkynningar, þar af 22 andlát og 55 aðrar alvarlegar.
Nú eru þær orðnar 1.281. Fjölgun um 298.

AstraZeneka var með 679, þar af 4 andlát og 61 aðrar alvarlegar.
Nú eru þær orðnar 730. Fjölgun um 51.

Janssen var með 280, þar af 1 andlát og 12 alvarlegar.
Nú eru þær orðnar 416. Fjölgun um 136.

Moderna var með 388, þar af 26 alvarlegar.
Nú eru þær orðnar 481. Fjölgun um 93.

Uppfærsla 20. ágúst

 

Tilkynningum fjölgaði um 23 síðan í gær, og þar af þrem alvarlegum!

Og nú er byrjað að sprauta börnin sem eru ekki neinni einustu hættu vegna veirunnar með þessum efnum!

Grein í Kjarnanum 14. júlí s.l.:

"Hjartavöðvabólga tengd mRNA bóluefnum – Ekki mælt með bólusetningu hraustra barna

Lyfjastofnun Evrópu hefur staðfest aukna tíðni gollurshússbólgu og hjartavöðvabólgu eftir bólusetningar með efnum Moderna og Pfizer. Fáein slík tilfelli hafa komið upp hér á landi.

Sóttvarnalæknir mælir ekki með bólusetningum hraustra barna í bili." (Áherslubreytingin er mín)

Hvað breyttist Þórólfur, hvers vegna viltu láta sprauta hraust börn núna?

"Örvunar"sprauturnar

Þeir sem hafa rækilega kynnt sér allt í kringum þennan meinta drápsfaraldur, vissu upp á hár að "bólusetningunum" yrði hvergi nærri lokið þótt fólki væri talin trú um að það væri komið með góða vernd.

Svo nú er farið að nota svokallaða Mix & Match aðferð, sem felst í að fólk "þarf núna" að fá örvunarsprautu með öðru tilraunalyfi en það var fyrst sprautað með.

"Örvunin" fór greinilega ekki vel í konuna hér á myndinni!

Þrjár konur hafa lamast í kjölfarið, og að sjálfsögðu eru það tómar tilviljanir eins og alltaf.

Hver getur ekki lent í því einhvern daginn að lamast upp úr þurru þótt mænan sé heil!?

"Tvær konur hérlendis til viðbótar stúlku sem lamaðist eftir bólusetningu gegn Covid-19 finna fyrir lömunareinkennum sem þær telja að tengja megi við örvunarskammt bóluefnis. Þetta staðfesta áreiðanlegar heimildir Fréttablaðsins.

Nítján ára stúlka, sem hafði fengið Janssen-bóluefni og fékk örvunarskammt af Moderna fyrir fimm dögum, lamaðist fyrir neðan mitti. Hún greinir frá því á samfélagsmiðlum að segulómun sýni ekkert athugavert við mænu hennar og að læknar telji lömunina eiga eftir að ganga til baka.

Læknar hafa sagt að enn sem komið er hafi ekki fundist óyggjandi merki um tengsl milli bólusetningar og lömunareinkenna."

Endalausar lygar og blekkingar!

Það er alveg með ólíkindum hvað læknar, Þórólfur, Kári, Lyfjastofnun, og fleiri aðilar komist endalaust og gagnrýnislaust upp með þetta afneitunarþvaður og lygar í fjölmiðlunum, bæði hér á landi og annars staðar!

Og við höfum nú öll heyrt um allar konurnar sem þjást af aukaverkunum í móðurlífinu eftir sprauturnar, sumar verið á blæðingum í margar vikur, aðrar hafa ekkert farið á blæðingar, og einhverjar hafa meira að segja byrjað aftur á blæðingum eftir tíðahvörf! Það eru núna held ég hátt í tvö þúsund konur í lokaðri FB grúppu sem hafa fengið slíkar aukaverkanir.

Að lokum....

Hvernig getur nokkur manneskja með vott af heilbrigðri skynsemi og rökhugsun ennþá trúað því að þessi tilraunaefni (sem okkur kemur víst ekkert við hvað innihalda), geti ekki verið skaðleg, nú þegar búið er að tilkynna um hátt í 3.000 aukaverkanir, þar af 27 andlát og 157 lífsógnandi?

Við getum ekki endalaust blekkt okkur með því að þau sem létust eftir sprauturnar hafi verið gömul og með undirliggjandi sjúkdóma, þegar aldrei var á það minnst þegar gamla fólkið dó víst "úr covid" í fyrra!

Ætlar fólk virkilega að trúa að það þurfi að láta sprauta sig með reglulegu millibili með einhverjum "örvunarefnum" þegar einhver ný "afbrigði" skjóta upp kollinum?

Og ætlar fólk virkilega að gera börnin sín að tilraunadýrum fyrir lyfjarisana sem eru búnir að gulltryggja sig gegn skaðabótakröfum vegna hugsanlegra afleiðinga á heilsu þeirra (og allra hinna líka!) um ókomna framtíð?

Ég var að enda við að lesa þessa fínu grein eftir Þórarin Hjartarson sem ber yfirskriftina Meðvirkni og ófyrirsjáanleiki, og mæli eindregið með henni!

 

Athugasemdir

[Guðjón E. Hreinberg, 20.8.2021 kl. 16:50]

Velkomin aftur í slaginn. Við höfum öll saknað þín.

Guðlaun.

[Kristín Inga Þormar, 20.8.2021 kl. 16:56]

Kærar þakkir Guðjón minn.

[Þórdís Björk Sigurþórsdóttir, 20.8.2021 kl. 18:56]

Gott að sjá þig aftur, búin að sakna þín!
Love, þórdís

[Þórdís Björk Sigurþórsdóttir, 20.8.2021 kl. 18:59]

p.s. einn var að losna af gjörgæslu, fullbólusettur. Fékk covid en mældist ekki með neitt mótefni!

[Kristín Inga Þormar, 20.8.2021 kl. 19:32]

Ástarþakkir elsku Þórdís mín.

[Kristín Inga Þormar, 20.8.2021 kl. 19:38]

Blessaður maðurinn, treysti Þórólfi, Kára og co og lét líklega sprauta sig til að fá ekki covid, og nú rétt sloppinn af gjörgæslu mótefnalaus!

Eigi hann ung börn, þá ætla ég rétt að vona að hann láti ekki sprauta þau líka.

[Daníel Sigurðsson, 20.8.2021 kl. 19:59]

Já Kristín, maður var virkilega farinn að sakna þín. Uppörvandi að sjá þig aftur hérna á ritvellinum. Því miður eru upplýsingarnar sem þú færir okkur ekki sama marki brenndar.  Eigi að síður áttu heiður skilinn að birta þær í allri þögguninni sem ríkir.

[Kristín Inga Þormar, 20.8.2021 kl. 20:27]

Sæll Daníel,

Það yljar mér svo sannarlega um hjartarætur að fá svona fallegar kveðjur frá ykkur hérna.

Nauðsyn þess að fjalla um hinar hliðar "drápsfaraldursins" hefur því miður ekkert minnkað á þeim tíma sem ég var fjarverandi, og nú er maður mest hræddur um börnin núna þegar skólarnir eru að byrja.

Það er ekkert annað en glæpur að ætla að sprauta þessum efnum í heilbrigð börn sem eru ekki í neinni hættu, ekkert barn hér á landi hefur veikst alvarlega úr þessari flensu, en nokkur hafa fengið hjartatengdar aukaverkanir að því er mig minnir!

[Helgi Viðar Hilmarsson, 20.8.2021 kl. 20:32]

Drápsfaraldrinum mikla er ætlað taka við af stríðinu gegn hryðjuverkum. Stríðið gegn hryðjuverkum er búið að vera gríðarlega dýrt þó svo að litlar líkur séu á að almenningur verði fyrir barðinu á hryðjuverkum. Dánartíðin þar er sem sagt mjög lág. Kostnaðinn við stríðið báru ríkissjóðir þeirra landa sem tóku þátt í því. Og hvert fóru peningarnir? Til þeirra sem sköffuðu lausnirnar við þeim uppblásna vanda. Hergagnaframleiðendur hafa fengið stærstu sneiðina og svo fjölmargir aðrir sem hafa tekjur af stríðsrekstri. Þetta blessaða stríð sem gerði syni mína ríka sagði frúin, það var að vísu sagt um annað stríð. Síðan hafa vöktun og öryggiskröfur verið stórhertar út af þessu öllu sem þýðir skert lýðréttindi. Nú eru það lyfjarisarnir sem fá að moka úr sjóðum almennings og tækifærið notað til að sauma enn frekar að réttindum almennings. Og svona í lokin: Þegar flugvélar fljúga á mannvirki þá mölbrotna þær en ekki mannvirkið.

[Kristín Inga Þormar, 20.8.2021 kl. 21:20]

Sæll Helgi,

Það ætti flestum að vera orðið ljóst að þetta yfirstandandi stríð gegn einhverri veiru er bara yfirvarp yfir eitthvað allt annað og miklu meira en það, og nú eru það einmitt lyfjarisarnir og þeir sem eiga í þeim, sem hafa mikinn fjárhagslegan hag af því að þetta "stríð" standi sem lengst yfir.

Auðvitað eru þetta ekki bara lyfjarisarnir, þeir sem nenna ættu auðveldlega að geta aflað sér upplýsinga um öll öflin sem standa að baki þessu.

Því miður nennir fólk því ekki, heldur leggur skilyrðislaust traust á þríeykið og Kára nokkurn, sem mokar inn stjarnfræðilegum upphæðum vegna lífsýnanna sem hann er búinn að safna úr fúsum Íslendingum í eitt og hálft ár núna með þessum fölsku PCR prófum, svo ekki sé minnst á "nammið" sem hann hefur beina fjárhagslega hagsmuni af líka.

Það er búið að vega grimmilega að frelsi okkar, og því á víst ekkert að ljúka næstu árin. Ég var einmitt að horfa á vídeó um það sem þessir bóluefnapassar eru í raun og veru, og ef fólk fer ekki að vakna og spyrna við fótum, þá verða vestræn samfélög bráðum að útibúum frá Kína, þar sem fylgst er með hverri hreyfingu okkar, og okkur refsað ef við gerumst "óþæg".

Þetta vídeó má sjá hér: https://rumble.com/vlfy0b-naomi-wolf-has-important-covid-19-warning.html