17 sjúk­ling­ar liggja á bráðal­egu­deild­um spít­al­ans og eru 6 þeirra óbólu­sett­ir. Eru þetta góð meðmæli með tilraunabóluefnunum?

Á gjör­gæslu eru nú fimm sjúk­ling­ar og eru þeir all­ir í önd­un­ar­vél, tveir eru óbólu­sett­ir. Fækk­ar um einn á gjör­gæslu á milli daga. Sjúk­ling­um á legu­deild­um Land­spít­ala með Covid-19 fjölg­ar um einn á milli daga og eru þeir 22, segir í þessari frétt.

Hvert fór flensan okkar?

Eins og fyrir einhverja töfra, þá hvarf flensan sem við höfum getað "treyst á" að heimsæki okkur á hverju ári, rétt um það leyti sem sem fyrsta Covid tilfellið greindist hér á landi.

Hefur hún ekki greinst síðan í viku 9 í fyrra, enginn fékk flensu, en 29 lekanda árið 2020 segir í þessari frétt.

Drápsveiran ógurlega virðist hafa útrýmt öllum tegundum og stofnum flensunnar alveg á núll einni, kannski með frekju og yfirgangi ekki leyft henni að komast að.

Við vitum jú að hún er alveg bráðsnjöll, eða kannski sveigjanleg í samningagerð? Hún veit t.d. að hún má ráðast á fólk meðan það gengur inná veitingastað og pantar sér mat, en má ekki smita meðan það nýtur veitinganna.

Hugsið ykkur, í viku 9 árið 2020 greindust 43 einstaklingar með flensu, hvað ætli þeir hefðu orðið margir eiginlega ef blessuð drápsveiran hefði ekki hrakið hana á brott? Meira að segja greindust þessa vikuna næstum helmingi fleiri en vikuna áður? Var flensan í veldisvexti áður en Covid kom okkur til bjargar?

Hjúkk, takk kæra Covid!

"Flensur og aðrar pestir – 9. vika 2020

Staðfest inflúensa á veirufræðideild Landspítala og fjöldi sýna
Í síðustu viku var inflúensan staðfest hjá 43 einstaklingum, sem er næstum helmingi fleiri tilfelli en í síðustu viku. Þar af voru 18 með inflúensu A(H1) pdm09, 7 með inflúensu A(H3), 17 með inflúensu B og 1 með inflúensu B sem ekki var búið að tegundargreina.

Frá því um mánaðarmótin september – október hafa samtals 301 einstaklingur verið greindir með staðfesta inflúensu. Flestir hafa greinst á höfuðborgarsvæðinu en inflúensan hefur líka verið staðfest víða annars staðar.

Inflúensan í heilsugæslu og á bráðamóttökum
Fjöldi þeirra sem leituðu til læknis með einkenni inflúensu í 9. viku jókst miðað við vikuna á undan skv. upplýsingum frá heilsugæslunni og bráðamóttökum, sjá mynd 1."

Hérna sjáið þið bara púff, flensan hvarf eins og töfrasprota væri veifað!

En svona grínlaust, sér enginn neitt athugavert við þetta? Það var ekki einu sinni farið að skikka okkur að bera grímur á þessum tíma, enda sagði Þórólfur gera takmarkað gagn (gegn örsmárri veiru sem smýgur auðveldlega í gegn um möskva kínagrímanna).

En svo sagði hann okkur í fyrrasumar frá nýjum "vísindum" sem sönnuðu hið gagnstæða. Síðan þá höfum við verið meira og minna múlbundin og súrefnisheft.

En að þessari grein sem ég er að skrifa við

Mér dettur ekki í hug að gera lítið úr veikindum fólks og vona innilega að það nái allt bata aftur, alveg eins og þeir átta sem hafa tilkynnt um lömun eða skerta hreyfigetu eftir sprauturnar, og allir þeir 2.982 sem eru búnir að tilkynna um aukaverkanir síðan um áramót, þar af 160 lífsógnandi (og 27 látnir).

Við skulum aldrei gleyma því að þessi maður ber stóra ábyrgð á því að nokkrir íslenskir unglingar urðu öryrkjar fyrir lífstíð eftir svínaflensusprauturnar.

Þessi sami maður er (ásamt öðrum) búinn að lokka stærsta hluta þjóðarinnar í lyfjatilraun sem stendur til ársins 2023.

Eins og fyrir 12 árum síðan, þá er hann búinn að lofa fyrirfram virkni og öryggi tilraunaefna sem þegar eru búin að skaða tæplega 3.000 manns hér á landi.

Þessi loforð hans eru ekki merkilegri en það að nú eru sprautaðir hvattir í "örvunarbólusetningar" vegna "vonbrigða" hans með virkni þeirra.

Þrjár konur eru nú með óskilgreinda lömun eftir þær, og kona þekkti hvorki mann sitt né barn eftir "örvunina".

Nú er farið að sprauta börnin börnin af miklu kappi þótt ekkert barn hafi látist hér á landi úr Covid.

Í gær þurfti faðir að fara með unga dóttur sína á spítala með lömun í andliti og fæti.

Þetta verður að sjálfsögðu "rannsakað af óháðum aðilum" og niðurstaðan mun verða að ekkert bendi til samasemmerkis þarna á milli, frekar en venjulega.

Fyrst átti að vernda gamla fólkið og viðkvæmustu hópana, svo var farið að læða því inn hjá fólki að það yrði að sprauta sig svo það gæti farið að ferðast aftur, og að hjarðónæmið væri alveg að nást.

En hver er staðan núna?

17 sjúk­ling­ar liggja á bráðal­egu­deild­um spít­al­ans og eru 6 þeirra óbólu­sett­ir. Meðal­ald­ur inn­lagðra er 62 ár. 5 í öndunarvél, 3 bólusettir og 2 ekki.

11 bólusettir versus 6 óbólusettir, hvað segir þetta okkuð um gæði og öryggi þessara líftæknilyfja?

Eftir þessa herfilegu vangetu sóttvarnarlæknis að ná hjarðónæmi hjá þjóð sem er búið að sprauta nánast alla með þessum "góðu og öruggu" efnum, hvert verður næsta skref?

Á að setja skyldubólusetningu á óþekka (eða skynsama?) fólkið sem hefur ekki minnsta áhuga á að vera tilraunarottur fyrir lyfjarisana, eða senda það út í Grímsey eins og Kári vill?

Í bloggi í júlí fjallaði ég um "Hypnotist REVEALS Government BRAINWASHING Tactics"

Þar segi ég meðal annars:

"Gamalreyndur breskur dávaldur segir frá því að þegar "heimsfaraldurinn" hófst í fyrra, þá trúði hann ekki því sem var að gerast fyrir framan augun á honum, um leið og Covid fjölmiðlaherferðin hófst.

Hann sá það greinilega að stjórnvöld væru að nota nákvæmlega sömu aðferðir og tækni og hann notaði þegar hann starfaði sem dávaldur snemma á tíunda áratugnum.

Hann vill sýna okkur hvað þessi hræðsluáróður sem staðið hefur yfir í á annað ár hefur valdið miklum ótta, þjáningum og angist hjá fólki."

Sjón er sögu ríkari, horfið endilega á þetta vídeó með honum!

Lokaorð

Það er erfitt að viðurkenna að maður hefur verið blekktur, en sá dagur mun renna upp að þeir sem enn þjást enn af aukaverkunum löngu eftir sprauturnar, og að ættingjar fólks sem hefur látist skyndilega og öllum að óvörum stuttu eftir þær, fari að tengja sprauturnar við andlátin.

Þjóðirnar í kringum okkur eru löngu vaknaðar og löngu farnar að mótmæla "bólusetningunum" og hömlunum sem búið er að setja á mannréttindi og frelsi þeirra.

Fólk verður bara að fara að vakna og sjá að búið er að beita það stórkostlegum blekkingum í á annað ár núna. Þetta hefur aldrei snúist um einhvern "heimsfaraldur", heldur eitthvað miklu stærra og skelfilegra, eins og auðvelt er að sannreyna ef maður nennir að leita sér upplýsinga.

 

 

 

 

 

 

 

Allir á gjörgæslu í öndunarvél

Athugasemdir

[Tómas Ibsen Halldórsson, 25.8.2021 kl. 13:23]

Sæl Kristín.

Það er eitthvað mikið bogið við þá staðreynd að nærri allar þjóðir heims kappkosta að "bólusetja" alla, allir hvattir með ýmsum ráðum að fara í "bólusetningu". Þrátt fyrir allar þær alvarlegu aukaverkanir sem komið hafa í ljós, skal halda áfram að "bólusetja" og það að meira að segja börn einnig.

Það getur ekki farið framhjá neinum að eitthvað bogið er við þetta allt saman, samt halda yfirvöld áfram að berja hausnum við steininn og þrjóskast við.

Er þarna eitthvað að baki sem ekki má koma í ljós, enginn má vita um, einhver hvati til yfirvalda sem þrýstir á að þetta sé svona. Yfirvöld þjóðfélaga og heilbrigðisyfirvöld taka allsstaðar þátt í þessum hildarleik. Yfirvöld sem hafa neitað og ekki viljað vera með hafa fengið að kenna á því, sumir látist skyndilega öðrum ýtt úr embætti. Hvað er í gangi?????

Sumir hafa talað fjálglega um "New World Order" eins og Bush eldri gerði ítrekað. Er þetta hluti af því????? Eru öfl sem kaupa stjórnmálamenn og heilbrigðisyfirvöld og/eða beita þeim hótunum svo þeir þora ekki annað en að hlíða????????

En það sorglegasta er að meirihluti almennings kyngir öllu sem að þeim er rétt og trúa því sem þeim er boðað af yfirvöldum og fjölmiðlum. Það er eins og fólk hafi misst getuna til að hugsa gagnrýnið um hvað er á seiði og sér ekkert athugavert við þetta allt saman.

Guð gefi að þjóð okkar fari að vakna af þessum væra svefni sem þó er fullur af martröðum yfirvalda.

[Kristín Inga Þormar, 25.8.2021 kl. 14:20]

Sæll Tómas,

Ég er sammála öllu sem þú segir, og það ætti ÖLLUM að vera orðið löngu ljóst að allt þetta snýst ekkert um baráttu gegn einhverri veiru, en það er bara búið að heilaþvo sjálfstæða hugsun úr fólki með gegndarlausum óttaáróðri í á annað ár núna.

Skoðum til dæmis hvað er að gerast í Ástralíu og Nýja Sjálandi núna þar sem ástandið er hvað verst, ekki út af neinum veikindum, enda eru logið til um tölur þar eins og annars staðar, heldur er verið að svipta fólk sjálfsögðum mannréttindum þar í stórum stíl og læsa það inni.

Það er búið að senda öllum alþingismönnum og ráðamönnum hér á landi ótal tölvupósta og ábyrgðarbréf með fyrirspurnum og upplýsingum bóluefnin og fleira, en allt er hunsað og engu svarað.

Við verðum bara að kyngja því að íslensk yfirvöld eru ekki að vinna með þjóð sinni heldur gegn henni, hvort sem þau hafa verið þvinguð til þess eða selt okkur.

[Tómas Ibsen Halldórsson, 25.8.2021 kl. 14:44]

Algerlega sammála.