Tilkynningum um alvarlegar aukaverkanir eftir "bólusetningarnar" fjölgaði um fjórar um helgina, telst það ekki fréttnæmt?

Fréttaflutningur af þessum "heimsfaraldri" er alveg óboðlegur, gjörsamlega einhliða og allt gert til að viðhalda ótta. Alla daga fáum við fréttir um "smit" gærdagsins, en aldrei um hversu margar tilkynningar bárust vegna aukaverkana.

Og eins og segir hér á myndinni, fjölmiðlar sýna ykkur bara hluta raunverulegu sögunnar.

Alvarlegar aukaverkanir tóku gríðarlegt stökk núna um helgina, fjölgaði úr 211 í 215, og heildarfjöldi jókst úr 3.254 í 3.270.

Hvað veldur þessu eiginlega, er ekki verið að sprauta miklu færri núna en á meðan "bólusetningarhátíðin" stóð sem hæst?

Hvað telst alvarleg aukaverkun?

"Alvarleg aukaverkun er aukaverkun eða óæskileg áhrif lyfs sem leiðir til dauða, lífshættulegs ástands, sjúkrahúsvistar eða lengingar á sjúkrahúsvist, veldur fötlun eða fæðingargalla hjá mönnum."

Semsagt, um helgina bættust 4 við með alvarlega aukaverkun!

Föstudagurinn 8. október 2021

Mánudagurinn 11. október 2021

Alla mánudaga birtast sundurliðanir á aukaverkunum á vef Lyfjastofnunar, og eins og sjá má, þá eru þær alveg skelfilegar.

 

Lyfjastofnun - Lygastofnun

Þann 4. október síðastliðinn birtu 3 konur sem eru starfsmenn Lyfjastofnunar fordæmalausa grein í Morgunblaðinu, þar sem þær gera lítið úr aukaverkununum, og fjallaði ég um það hér.

Nokkrum dögum síðar eru birtar niðurstöður "óháðrar rannsóknar" þessarar sömu stofnunar á röskun á tíðahring kvenna eftir sprauturnar, sem var ekkert annað en kjaftshögg í andlit kvennanna sem um ræðir.

Óboðlegt fúsk, engin kölluð inn í rannsóknir, bara tekin símaviðtöl við örfáar þeirra, sjá meira hér.

Ég held að trúverðugleiki þessarar stofnunar geti varla náð meiri lægðum en með þessu!

93 kórónuveirusmit á þremur dögum - passið að hætta ekki að vera hrædd!

Hvað eiga þessar "smit"tölur að segja okkur, annað en að viðhalda óttanum? Við erum jú í miðjum faraldri segir sóttvarnarlæknir! Nei Þórólfur, það er enginn faraldur í gangi, þessi hræðsluáróður þinn er orðinn ansi þreyttur.

Eini faraldurinn sem er í gangi er manngerður, faraldur ótta og aukaverkana eftir þessi genabreytandi líftæknilyf! Og þar berð þú fulla ábyrgð!

"Alls greind­ust 93 kór­ónu­veiru­smit inn­an­lands um helg­ina og á föstu­dag.

Þar af greind­ust 38 eft­ir sýna­tök­ur á föstu­dag, 28 á laug­ar­dag og loks 27 í gær. 

Þetta kem­ur fram í upp­færðum töl­um á covid.is. 

Fimm manns liggja inni á sjúkra­húsi með sjúk­dóm­inn. Eng­inn þeirra er á gjör­gæslu."

Er enn verið að greina "smit" með þessum 40 snúninga PCR prófum sem gefa allt að 97% falskar jákvæðar niðurstöður?

1.917 manns núna frá vinnu og/eða skóla!

448 manns eru í ein­angr­un vegna smits og 1.469 til viðbót­ar í sótt­kví. Eru þessir 448 eitthvað mikið lasnir?

Vissuð þið að fólk veiktist og jafnvel dó úr alls konar sjúkdómum fyrir covid? Það mætti halda að það hafi bara aldrei áður gerst í veraldarsögunni að fólk veikist og deyi!

Hvers vegna fáum við ekki líka daglegar fréttir um fjölda annarra sýkinga eða veikinda?

Það er merkilegt hvað það er auðvelt að blekkja fólk, og fá það til dæmis til að trúa að það geti verið veikt án einkenna.

Ef maður hefði farið til læknis fyrir tveim árum síðan og beðið um lyf við einkennalausum veikindum, eða að láta taka sýni úr sér til að sjá hvort maður væri ekki örugglega veikur, þá hefði læknirinn væntanlega bara sent mann heim aftur, eða til sálfræðings.

Núna flykkist einkennalaust fólk í sýnatökur, og það er beinlínis hvatt til þess, af því að við erum víst í miðjum heimsfaraldri! Og fólk virðist því miður endalaust trúa þessari blekkingu, þrátt fyrir að sannanirnar um hið gagnstæða blasi við öllum þeim sem vilja sjá það.

Einn af töframáttum kórónaveirunnar, hún útrýmdi flensunni nánast í fyrra!

Einmitt, mjög trúverðugt!

93 kórónuveirusmit á þremur dögum

Athugasemdir

[Geir Ágústsson, 11.10.2021 kl. 18:16]

Kristín,

Komdu til Danmerkur í heimsókn. Ég býð þér á næturklúbb og við förum í keppni hver getur fengið flest handabönd og faðmlög án þess að fólk hlaupi eins og tryllt naut að næsta sprittbrúsa. Ég heyrði ummæli Þjóðverja sem er hér í landi og hann sagði að honum liði eins og hann væri að ferðast aftur í tímann - gamla normið!

Og vel á minnst 500-600 smit á dag að greinast í Danmörku (sem svarar til um 35-40 smita á Íslandi m.v. höfðatölu). Danmörk er miklu "smitaðra" en Ísland, með öðrum orðum.

Annars skiptir ekki máli hvað gerist á meðan núverandi heilbrigðisráðherra situr í stól sínum. Plebbarnir undir honum fylgja línunni frá ráðuneytinu. Eða réttara sagt: Einn plebbinn er með ótakmarkaða áheyrn ábyrgs ráðherra. Nýr ráðherra þarf að byrja á að hreinsa út, jafnvel kalla Harald Briem inn frá eftirlaunum. Þar er maður sem stóð í lappirnar í "heimsfaraldri" (og jafnvel nokkrum slíkum):

https://timarit.is/page/5735944?iabr=on

[Kristín Inga Þormar, 11.10.2021 kl. 19:48]

Sæll Geir,

Ertu að segja mér að lífið sé að verða eðlilegt aftur í Danmörku? Ég var að koma úr Hagkaupum núna, og það voru þó nokkuð margir þarna með ástkæru munnbleyjurnar sínar, og sprittbrúsarnir eru enn á sínum stað! Maður hristir bara hausinn yfir þessari vitleysu.

Er ekki eitthvað verið að tala um að Sjálfstæðisflokkurinn fái heilbrigðisráðuneytið í komandi ríkisstjórn. Það yrði frábært að losna við núverandi heilbrigðisráðherra, en hvern fengjum við þá í staðinn?

[Geir Ágústsson, 11.10.2021 kl. 20:11]

Lífið í Danmörku innanlands er búið að vera fullkomnlega eðlilegt í mánuð, og fyrir allmarga ríkisborgara líka á landamærunum. Sprittið er á sínum stað og annað smotterí sem mætti teljast til almennra hreinlætisaðgerða en enginn að fylgjast með þér og klaga þig til lögreglu. Haustpestirnar komnar aftur, fólk að fá hósta, hálsbólgu og kvef eins og enginn sé morgundagurinn, en engu lokað. 

En já, ekkert víst að það komi neitt betra í staðinn fyrir núverandi heilbrigðisráðherra nema Sigríður Andersen verði boðuð í ráðherrastól (og hún þiggur). 

[Kristín Inga Þormar, 11.10.2021 kl. 20:29]

Sæll aftur Geir,

Heyrðu, getur ekki einhver sagt Þórólfi frá þessu? Karlgreyið heldur ennþá að við séum í miðjum faraldri!

Hér á landi stekkur fólk í sýnatöku ef það fær smá hor í nös, og meira að segja þótt það finni ekki til neinna einkenna, og örugglega margir þeirra tví- ef ekki þrísprautaðir.

Heilaþvotturinn gekk nánast fullkomlega upp hér á landi! Og já, Sigríður væri flott í stólinn, hún myndi örugglega snarlega senda Þórólf á eftirlaun og aflétta öllu þessu rugli.

[Geir Ágústsson, 11.10.2021 kl. 20:45]

4 ára sonur bróður míns fékk pinna í nefið í dag eftir einhvern hósta (á Íslandi). Börnin eru fallbyssufóður áróðursprestanna. 

Þórólfur segist annars fylgjast vel með stöðunni á Norðurlöndunum. Það er lygi:

https://geiragustsson.blog.is/blog/geiragustsson/entry/2270213/

[Kristín Inga Þormar, 11.10.2021 kl. 21:00]

Sæll aftur Geir,

Æ æ, já hugsaðu þér, það er alveg skelfilegt að leggja þetta á lítil börn, en svona er hysterían og klikkunin hér á landi verð ég bara að segja.

Þórólfur mun halda áfram að ljúga í fjölmiðlunum eins lengi og hann kemst upp með það, enda er hann aldrei spurður alvöru spurninga sem hann er krafinn svara við.

[Helga Kristjánsdóttir, 11.10.2021 kl. 23:36]

Sæl! Hernig ætli ráðning hans hafi farið fram? Laun+skylda heilaþvottur +afköst/bónus 

[Kristín Inga Þormar, 12.10.2021 kl. 08:27]

Sæl Helga,

Það er spurning sem við fáum örugglega aldrei svör við, hver ætli verðskráin sé fyrir að blekkja þjóð sína, halda henni í stöðugum ótta og narra hana í eitursprautur?

[Þröstur R., 12.10.2021 kl. 10:27]

Sæl Kristín,

Þeir í UK ætla nú að selja almenningi að ef þú ert bólusettur og með kvef þá er það ekki kvef heldur Covid.

Hérna er linkur frá Mirror

https://www.mirror.co.uk/news/uk-news/double-jabbed-brits-suffering-worst-25179317?utm_source=twitter.com&utm_medium=social&utm_campaign=sharebar

Og hérna er frétt frá Zerohedge um fréttina frá Mirror

https://www.zerohedge.com/covid-19/media-now-claims-double-jabbed-brits-who-have-bad-colds-are-actually-suffering-covid

Leyfi fólki að lesa þetta og mynda sínar eigin skoðun útfrá því.

[Kristín Inga Þormar, 12.10.2021 kl. 11:02]

Sæll Þröstur,

Þetta er alveg kostulegt. Það er búið að vera vægast sagt mjög fróðlegt að fylgjast með Bretlandi í þessum "faraldri", og ætli þeir "neyðist ekki" til þess að skella öllu í lás núna eina ferðina enn og aflýsa jólunum?

Það virðist allt stefna í það! Ljóta vitleysan!