Skýringin á hvers vegna tilkynntum aukaverkunum fjölgaði um 721 í gær!

Landlæknisembættið hefur einhverra hluta vegna setið á ríflega 2.000 tilkynningum, sem nú er búið að senda til Lyfjastofnunar.

Það gefur augaleið, að þetta hefur hingað til skekkt stórkostlega daglegar tilkynningar stofnunarinnar, sem voru þó nógu margar fyrir.

Það er svolítið merkilegt að upplýsingar um aukaverkanir og andlát eftir sprauturnar virðast ákaflega lítið hreyfa við fólki almennt!

Enda er búið að sannfæra það að allt sé betra en að fá Covid, og kerfisbundið búið að viðhalda hræðsluáróðrinum með daglegum "smittölum", sem allir ættu núna að vita að eru byggðar á prófum sem gefa allt að 97% falskar jákvæðar niðurstöður.

Óskiljanleg fjölgun tilkynninga

Í fyrradag, 20. október skrifaði ég um fjölgun um 88 á einum degi, og þótti líklegast að það tengdist "örvunar"sprautunum, enda voru þær allar vegna skaðlegasta efnisins sem notað er til þess.

Í gær, 21. október skrifaði ég um sprengingu í tilkynningum, þær voru allt í einu komnar upp í 495 á einum degi, og breytti síðan færslunni þegar Lyfjastofnun fjölgaði þeim upp í 721.

Síðan kom í ljós að Lyfjastofnun birti færslu dagsetta 21. október:

"Tilkynningum vegna gruns um aukaverkun fjölgar til muna

Embætti landlæknis hefur sent Lyfjastofnun ríflega 2.000 tilkynningar um aukaverkun. Þær varða allar bóluefni gegn COVID-19.

Lyfjastofnun hafa borist ríflega 2.000 tilkynningar vegna gruns um aukaverkun frá embætti landlæknis. Embættið hefur safnað gögnunum saman frá því hafist var handa við bólusetningar gegn COVID-19 í lok síðasta árs. Þessar upplýsingar hafa nú verið sendar Lyfjastofnun og nú stendur yfir skráning þeirra í aukaverkanagrunn Lyfjastofnunar samkvæmt leiðbeiningum um lyfjagát.

Allar tilkynningarnar varða einstaklinga sem hafa verið bólusettir en hafa greinst með COVID-19 smit. Þessar upplýsingar hafa áður birst í daglegum smittölum frá sóttvarnalækni en hafa ekki verið færðar inn í aukaverkanagrunn Lyfjastofnunar fyrr en nú.

Tölur á upplýsingasíðu með fjölda tilkynntra aukaverkana í kjölfar bólusetningar gegn COVID-19 munu smám saman endurspegla þessa aukningu."

Var þessi tilkynning send til fjölmiðlanna?

Hvort hún hafi verið send eða ekki, þá hefur hún að minnsta kosti ekki birst í neinum af þessum stærstu fjölmiðlum hérna, ekki einu sinni RÚV, sem segist vera okkar allra!

En það er að sjálfsögðu rækilega passað upp á að segja okkur daglega frá "smittölum" gærdagsins.

Bólusettir en hafa greinst með smit

Hvað þýðir þetta í rauninni? Hefur þetta blessaða fólk bæði fengið aukaverkanir og greinst með "smit"? Það hlýtur að vera fyrst það er verið að bæta þeim við fjölda aukaverkana.

En hvers vegna þurfti að taka þessar tölur til hliðar þangað til þær voru komnar yfir 2.000 og fyrst þá bæta þeim í gagnagrunninn?

Og miðað við að þann 20.10. voru birtar tölur um 3.420 aukaverkanir, og verið sé að bæta ríflega 2.000 við, þá hljóta "réttar" tölur að vera milli 5 og 6.000!

Lyfjastofnun hefur verið staðin margoft að því að segja bara hálfa söguna um þessar aukaverkanir, fyrir utan þessa nánast hlægilegu fyrirvara um að ekkert bendi til samasemmerkis á milli sprautanna og aukaverkananna!

Nýjustu tölur kl. 11:00 þann 22.10.

Það hafa "aðeins" 2 tilkynningar um aukaverkanir bæst við síðan í gær, en ég mun fylgjast með því hvort Lyfjastofnun uppfæri tölurnar eins og hún gerði í gær.

Við þurfum að fara að átta okkur á svolitlu!

Það er búið að halda þjóðinni í hlekkjum ótta við einhverja veiru, taka af henni mannréttindi með lokun fyrirtækja, einangrun aldraðra, rústun efnahagslífsins og að neita fólki um lífsbjargandi læknisaðgerðir svo fátt eitt sé nefnt.

Ég las minningargrein í morgun um íslenska konu sem féll í hyldýpi þunglyndis eftir að allar þessar aðgerðir hófust hér á landi. Hún sá enga leið út, og tók sitt eigið líf.

Og haldið þið að hún sé eina dæmið? Ónei! Það hefur orðið aukning í áfengis- og vímuefnanotkun, heimilisofbeldi og ýmsum samfélagslegum vandamálum, en það er lítið sem ekkert fjallað um það.

Allar þessar aðgerðir hafa aldrei snúist um að vernda líf, ömmu gömlu og heilbrigðiskerfið!

Ég ráðlegg öllum að kynna sér hvað er að gerast í Ísrael, Ástralíu, Nýja Sjálandi, Kanada, Frakklandi, Ítalíu og fleiri löndum, þar sem verið er að innleiða harðstjórnir, og neyða fólk í þessar svokölluðu "bólusetningar".

Og spyrjið ykkur svo, var raunverulegur heimsfaraldur í gangi, eða býr eitthvað miklu stærra og hræðilegra þarna að baki?

 

 

 

Athugasemdir

[Ásgrímur Hartmannsson, 22.10.2021 kl. 18:04]

Mér sýnist landlæknir ver að trassa þarna.

Hvers vegna veit ég ekki, en þetta eru jú allt ríkisstofnanir.  Ekki hægt að ætlast til að þær virki.

Ríkið er mjög Downs á öllum sviðum.

[Kristín Inga Þormar, 22.10.2021 kl. 19:21]

Sæll Ásgrímur,

Ég held að þetta sé frekar í takt við þöggunina sem er búin að eiga sér stað í kringum þessar aukaverkanir, það er alltaf látið eins og þær séu bara tómar tilviljanir og tengist ekkert sprautunum.

Þótt að það sé vissulega gott að verið sé að setja þær í gagnagrunninn, þótt seint sé, þá vekur það óhug að þær séu svona gríðarlega margar.

Og hvar er Alma, er hún hlaupin í felur?

[Ásgrímur Hartmannsson, 22.10.2021 kl. 21:12]

Mig grunar að Alma sjái alveg að það er eitthvað gruggugt.  Það getur líka verið að hún sé í tenglzlum við veruleikann, en ekki bara Twitter, eins og virðst vera með gjörsamlega alla aðra.

[Kristín Inga Þormar, 22.10.2021 kl. 21:36]

Sæll aftur Ásgrímur,

Við skulum ekki gleyma því að hún og eiginmaður hennar sem er hjartalæknir forðuðu aldraðri móður hans sem er á hjúkrunarheimili frá sprautunni í ársbyrjun, á meðan allir hinir fengu sinn fyrsta skammt (af þremur líklega).

Það lak út, sem leiddi til þriðju gráðu yfirheyrslna hjá starfsfólkinu til að finna þann "seka".

Lekinn var kærður til lögreglu, en ég veit ekki hvernig það mál endaði að lokum.

Ég held að hún hafi ekki alveg hreina samvisku í þessari glæpsamlegu bólusetningarherferð á þjóðinni, svo kannski er það ástæðan fyrir því að Þórólfur verður alltaf fyrir svörum þessa dagana.

Sem er svolítið skrítið, því hún er yfirmaður hans!

[Tómas Ibsen Halldórsson, 22.10.2021 kl. 22:35]

Þakka þér Kristín fyrir að standa vaktina.

Nú þegar verið er að "létta" höftum og veita okkur meira frelsi en við höfum haft í eitt og hálft ár, þá velti ég því fyrir mér hvort stefna eigi að endurnýjun hafta og lokana fyrir jól. Þegar "létt" var á höftum snemma sumars hugsaði ég að stefnt yrði að lokun fyrir verslunarmannahelgi, og hvað gerðist?

Nú eru það loftslagsmálin sem eru að taka sviðið og mun þotuliðið streyma til Glasgow í Skotlandi til að fjalla um mengunina sem allir aðrir valda. Síðan mun þetta lið setjast að víndrykkju fyrir framan opinn arineld áður en það stígur upp í einkaþotur sínar til að komast til síns heima.

[Kristín Inga Þormar, 23.10.2021 kl. 11:24]

Sæll Tómas,

Ég get bara ekki horft þegjandi upp á það sem er að gerast í heiminum í dag, og takk fyrir að lesa bloggin mín.

Ég vissi líka nákvæmlega að verslunarmannahelginni yrði aflýst, maður er farinn að þekkja þetta mynstur.

Nú er verið að tala um að aflýsa jólunum aftur í Bretlandi, og ég held að bandaríski "Fauskurinn" sé búinn að gefa í skyn að jólin þar verði bara fyrir þá "bólusettu."

Og já já, loftslagsváin mikla, hún er næsta plágan! Mikið er gott að til séu svona margir einkaþotueigendur til að hafa vit fyrir okkur hinum!