Bóluefnahryðjuverk? - Setur Pfizer hagnað ofar lífum?

Mikil leynd hefur hvílt yfir þeim bóluefnasamningum sem ríkisstjórnir skrifa undir fyrir hönd þjóða sinna, og er sú íslenska þar ekki undanskilin.

Samningurinn sem mörg lönd hafa gert við lyfjarisann Pfizer, hefur lekið út á netið, og er hann vægast sagt skelfilegur!

Public Citizen, sem eru óhagnaðardrifin samtök eru með hann undir höndum og þau segja að Pfizer geti komið í veg fyrir að þjóðir tali um samningana, geti stöðvað bóluefnasendingar, einhliða breytt afhendingaráætlunum og krafist opinberra eigna sem tryggingar, verði ákvæði samningsins ekki uppfyllt.

Semsagt, Pfizer ræður öllu!

Stutt samantekt:

• Public Citizen hefur farið yfir og birt leynisamninga milli Pfizer og Albaníu, Brasilíu, Kólumbíu, Chile, Dóminíska lýðveldisins, framkvæmdastjórnar Evrópusambandsins, Perú, Bandaríkjanna og Bretlands.
• Samningarnir sýna að þjóðirnar hafa framselt áður óþekkt vald til Pfizer, og í nánast öllum aðstæður eru hagsmunir Pfizer í fyrirrúmi.
• Sum lönd, þar á meðal Brasilía, Chile, Kólumbía, Dóminíska lýðveldið og Perú, hafa sett ríkiseignir sem tryggingu gegn málsóknum vegna aukaverkana, þar á meðal varasjóði banka, herstöðvar og sendiráðsbyggingar.
• Samningarnir tryggja ekki aðeins hugverkarétt Pfizer, heldur ef Pfizer yrði fundið sekt um að hafa stolið hugverkaréttindum annarra, færa sumir samninganna ábyrgðina yfir á ríkiskaupendur. Pfizer getur stolið hugverkum annarra án afleiðinga í að minnsta kosti fjórum löndum.
• Samningarnir veita Pfizer einnig rétt til að þagga niður í stjórnvöldum. Í Brasilíu er embættismönnum bannað að gefa "nokkrar opinberar tilkynningar um tilvist, efni eða skilmála [samningsins]" án skriflegs samþykkis fyrirtækisins. Svipuð ákvæði um þagnarskyldu eru innifalin í samningum við framkvæmdastjórn Evrópusambandsins og bandarísk stjórnvöld. Eini munurinn er sá að reglur um þagnarskyldu gilda um báða aðila.

Heimild - Athugið, vegna ritskoðunar og aðfarar að málfrelsi mun þessi síða verða tekin niður aðfararnótt 4. nóvember, og annað tímabundið efni sett inn.

Í þessu vídeói er farið yfir hvernig fyrirtækið kúgar lönd til að láta sprauta þegna sína.

Hún kallar þetta réttilega bóluefnahryðjuverk, og við skulum gera okkur grein fyrir að samningurinn sem skrifaður var undir fyrir Íslands hönd var gerður í gegnum Evrópusambandið, svo flest ef ekki allt ofantalið á við okkur líka!

 

Mannréttindasamtökin Mín leið - Mitt val eru líka með afrit af samningnum undir höndum, og fjölluðu í júlí um þennan samning sem var leyndur fyrir Alþingi og íslensku þjóðinni árið 2020.

Hér getið þið lesið ítarlega umfjöllun um hann, hlaðið honum niður, og meðal annars séð þær lagagreinar sem búið er að brjóta gegn íslensku þjóðinni, sem og ákall sem samtökin sendu alþingismönnum og ríkisstjórn Íslands þann 17. júní 2021.

Athygli vekur að ákallið vakti engin viðbrögð! nema frá umboðsmanni Alþingis sem staðfesti móttöku, og gaf því málsnúmer. Síðan hefur ekkert heyrst frá honum.

Ég birti þetta ákall líka hér í bloggfærslu sama dag:

Til alþingismanna og ríkisstjórnar Íslands

Þið hafið samkvæmt samningi ykkar við Evrópusambandið um bóluefnakaup,
sem lekið hefur verið á Netið, (sjá viðhengi) samþykkt leynilega
bóluefnatilraun á íslensku þjóðinni, án hennar vitundar. Í samningnum
stendur skýrt og greinilega:

„The risk of failure is very high in this experimental trial“ eða
„Áhættan á mistökum er mjög mikil í þessari tilraun.“

Með því að samþykkja leynilega bóluefnatilraun á íslensku þjóðinni án
hennar vitundar hafið þið brotið flestar greinar Laga um
vísindarannsóknir á heilbrigðissviði, Nuremberg siðareglurnar sem og
Mannréttindasáttmála Evrópusambandsins.

Alla færsluna getið þið séð hér.

Öll "bóluefnin" hafa valdið miklum skaða!

Öll "bóluefnin" sem notuð hafa verið hér á landi hafa valdið gríðarmiklum skaða, jafnvel óafturkræfum, og að allra minnsta kosti 32 andlátum.

Ekki bara hér á landi, heldur um heim allan.

Samt er haldið áfram að sprauta þessum efnum í fólk, og þann 26. október 2021 samþykkti matvæla- og lyfjaeftirlit Bandaríkjanna að framlengja neyðarnotkun Pfizer bóluefnis fyrir börn á aldrinum 5 til 11 ára!

Margir sérfræðingar vara við að þetta sé mjög vanhugsað og óþarft og muni gera mun meiri skaða en gagn, þar sem börnum stafar engin hætta af þessari veiru.

Þessar myndir eru af OpenVAERS.com, og takið sérstaklega eftir línuritinu neðst, sem sýnir andlát eftir að þessar svokölluðu "bólusetningar" byrjuðu.

 

 

Áhugaverð grein

Mjög áhugaverð grein birtist á síðunni Neistar.is þann 20. nóvember 2020, og þar segir meðal annars:

"Ferill Pfizers er ekki beint glæsilegur hvað spillingu og vafasama viðskiptahætti varðar. Þeir hafa verið fundnir sekir 80 sinnum um ýmis brot og borgað á fimmta milljarð bandaríkjadala í bætur vegna þessa (sjá hér). Pfizer er sérstaklega þekkt fyrir ágengar, villandi og óheiðarlegar kynningarherferðir, og stundað tilraunir sem leiddu til dauða tuga barna m.a. Full ástæða er til að vera tortrygginn gagnvart yfirlýsingum þessa fyrirtækis.

Gagnrýna þarf harkalega tengsl Moderna og Amgen, móðurfyrirtækis Íslenskrar Erfðagreiningar. Í sumar réð Moderna David Meline sem áður vann hjá Amgen, til að starfa sem fjárhagslegur ráðgjafi fyrir Moderna. Moderna sótti einnig Ray Jordan frá Amgen til starfa í góða stöðu. Fleira starfsfólk virðist hafa verið flutt frá Amgen til Moderna að undanförnu. Fyrr í sumar snarhækkuðu hlutabréf einmitt í Moderna, Amgen og fyrirtækinu Novavax þar sem þessi fyrirtæki voru talin líklegust til að “sigra” í kapphlaupinu um bóluefni gegn Covid-19."

Og í framhaldinu af þessu: Íslensk erfðagreining hagnaðist um 10,2 milljónir bandaríkjadala á síðasta ári, rúmlega 1,3 milljarða króna, á gengi dagsins, og var afkoman tífalt betri en árið áður.

Tilviljun?

Ef við skoðum það sem ég vil kalla afleiðingar inngjafa á þessu tiltekna "bóluefni", hér á landi þá eru þær þessar:

Sundurliðun tilkynninga vegna gruns um alvarlega aukaverkun í kjölfar bólusetningar, dagsett 26. október.

Comirnaty (BioNTech/Pfizer):

105 alvarlegar tilkynningar hafa borist.

• 24 þeirra varða andlát. 18 andlát vörðuðu aldraða** einstaklinga, 15 þeirra með staðfesta undirliggjandi sjúkdóma. Fimm andlát vörðuðu eldri*** einstaklinga, fjórir þeirra með staðfesta undirliggjandi sjúkdóma. Eitt andlátið varðaði einstakling á aldursbilinu 60-64 ára með staðfestan undirliggjandi sjúkdóm.
• 56 tilkynningar varða sjúkrahúsvist (þar af níu lífshættulegt ástand).
• 16 tilkynningar teljast klínískt mikilvægar og þar með flokkaðar sem alvarlegar****.
• Fjórar tilkynningar teljast alvarlegar, þar sem beðið er eftir viðbótar upplýsingum.
• Fimm tilkynningar varða fósturmiska.

Og í dag, þriðjudaginn 2. nóvember 2021 er búið að tilkynna um samtals 5.501 aukaverkun vegna "bóluefnanna", þar af 2.242 vegna Pfizer.

Hvers vegna er ekki löngu búið að stöðva þetta?

Í ljósi alls þessa ætti að sjálfsögðu hafa verið löngu búið að stöðva allar "bólusetningar", og alls ekki hvetja fólk til að fara í "örvunar"sprautur.

Og takið eftir, hvorki sóttvarnalæknir, landlæknir, Kári, Svandís né aðrir hafa mikið tjáð sig um aukaverkanirnar, ef nokkuð, heldur hvetur fólk núna til að fá sér enn eina sprautu.

Langflestar aukaverkanir eru talaðar niður og sagt að lítið sem engin tenging sé þarna á milli, eins og ég fjallaði um hér, og hér, og aldrei eru birtar kertum skreyttar fréttir í fjölmiðlunum þegar einhver deyr eftir sprauturnar, bara þegar einhver "deyr úr" pestinni.

Það er alveg ljóst að það stendur ekkert til að hætta að sprauta þessum efnum í fólk, enda er búið að tryggja okkur 1,4 milljónir skammta af Pfizer fyrir næstu tvö ár!

Er ekki hægt að stöðva þetta vegna einhverra þessara skelfilegu ákvæða í bóluefnasamningunum sem skrifað var undir fyrir hönd þjóðarinnar?

 

 

 

Athugasemdir

[Guðjón E. Hreinberg, 1.11.2021 kl. 23:04]

Hrunin siðmenning.

[Kristín Inga Þormar, 1.11.2021 kl. 23:35]

Já heldur betur!

[Helgi Viðar Hilmarsson, 2.11.2021 kl. 17:26]

Ursula von der Leyen skrifaði undir samninginn án vitundar Evrópuþingsins og sennilega án þess að lesa hann.

[Kristín Inga Þormar, 2.11.2021 kl. 17:44]

Sæll Helgi,

Já það getur verið, hún hefur þá væntanlega fengið væna umbun fyrir þann gjörning!

[Ari Tryggvason, 2.11.2021 kl. 18:57]

Þakka þér fyrir þetta, Kristín. Óhuggulegt er það við fyrstu sýn.

[Kristín Inga Þormar, 2.11.2021 kl. 19:34]

Sæll Ari,

Já þetta er alveg skelfilegt, og útskýrir kannski hvers vegna það er "nauðsynlegt" að sprauta helst hvert mannsbarn hérna og með áframhaldandi "örvunar"sprautum næstu árin.

Og sérðu hvað það er búið að brjóta mörg lög gegn okkur með þessu? Þetta er allra stærsti glæpur sem framinn hefur verið gagnvart þjóðinni!

[Jónas Gunnlaugsson, 4.11.2021 kl. 00:07]

Hafa bóluefna fyrirtækin blekkt samningamenn og lækna og stundum eru notuð orðin hryðjuverk um margar af þessum gerðum? 

Er þá kominn tími á að framganga bóluefna fyrirtækjanna verði skoðuð sem blekkingar. 

Fá góða lögfræðinga til að líta á málefnið og síðan skattleggja þá í botn fyrir, ja, var spurning, svindl og svínarí? 

Gera stórárás á gerninginn, samsæri sem hefur leitt til allskonar tjóns fyrir fólkið, og efnahaginn. 

Sókn er besta vörnin. 

Egilsstaðir, 04.11.2021   Jónas Gunnlaugsson

[Kristín Inga Þormar, 4.11.2021 kl. 08:39]

Sæll Jónas,

Lyfjarisarnir hafa greinilega færa lögfræðinga á sínum snærum sem skrifa samningana fyrir þá, væntanlega gegn vænum þóknunum.

Þeir eru margir búnir að fá marga dóma fyrir blekkingar, markaðsmisnotkun og mútugreiðslur, og þurft að greiða milljarða dala í sektargreiðslur, svo siðferði þeirra er löngu orðið augljóst.

Vonandi verður hægt að taka þá niður, sem betur fer eru herir heiðarlegra lögfræðinga og sérfræðinga á fullu við að undirbúa málsóknir gegn þeim sem standa fyrir þessum falska "heimsfaraldri".

[Jónas Gunnlaugsson, 4.11.2021 kl. 11:48]

Við verðum að gera það sýnilegt að hægt er að búa til senur til að gera stjórnmálamenn og hverja sem er óvirka. 

Gömlu aðferðirnar, láta aðila drekka ólyfjan og stilla aðilum upp með unglingum, börnum, og hóta birtingu. 

Svo er hægt að nota nýjustu tækni, taka mynd af einhverjum, gera hitt og þetta. 

Síðan er hægt að setja hvern sem er í hlutverkið með einföldu forriti. 

Hvernig frelsum við okkur frá rándýrinu, lygaranum í okkur? 

Við erum eins og pólitíkusarnir, venjulegt fólk. 

slóð

search results - Trump singing (bing.com).

Egilsstaðitr, 04.11.2021   Jónas Gunnlaugsson

[Kristín Inga Þormar, 4.11.2021 kl. 12:26]

Sæll aftur Jónas,

Það eru til margar aðferðir til að "taka fólk úr umferð", verðum við ekki bara að bíða þangað til spilaborgin hrynur á heimsvísu, þá gerist það sjálfkrafa?