Hann sagði hlæjandi fyrir rúmum tveim árum síðan að grímur gerðu ekkert gagn!

Nú er eina ferðina enn búið að setja á grímuskyldu á eina mest "bólusettu" þjóð í heiminum, þrátt fyrir að marg sannað sé að þær geri lítið eða ekkert gagn gegn örsmáum veirum sem smjúga auðveldlega í gegn um hlutfallslega risastóra möskva grímanna.

Það er svolítið merkilegt að sóttvarnalæknir Bandaríkjanna sagði það sjálfur í viðtali á Bloomberg í maí 2019.

Þáttastjórnandinn spurði hann hver væri besta leiðin til að verjast smitsjúkdómum, og hvort hann ætti að nota grímu.

Þá greip Dr. Fauci hlæjandi fram í og sagði, nei nei nei, þú átt að forðast allar öfgar (avoid all the paranoid aspects) og gera eitthvað jákvætt eins og að reykja ekki eða drekka, fá nægan svefn, hreyfa þig og borða hollan mat.

Bingó! Man einhver eftir því að hann, Þórólfur eða Alma hafi komið með svipuð ráð til þjóða sinna í þessum "heimsfaraldri"? Ónei, þau hafa ekkert gert nema kynda undir hræðslu fólks og viðhalda henni!

Hvers vegna verið er að birta daglegar tölur um nýjustu "smitin", er bara til að gefa fólki aldrei frí frá óttanum.

Meira að segja sagði Alma á einum hræðslufundinum í fyrra þegar hún var spurð að því hvort fólk ætti að taka D vítamín, að það væri ekkert sem benti til þess að það hefði nokkuð að segja.

Ég fann fyrir tilviljun í fyrra grein í Læknablaðinu um starfssystur Ölmu, Sif Hansdóttur lungna- og gjörgæslulækni sem hafði lokið doktorsritgerð undir heitinu D-vítamín er vörn gegn veirum.

Þar kemur meðal annars fram að skortur á D-vítamíni tengist aukinni tíðni sýkinga í öndunarvegi og bólgusjúkdóma í lungum, til dæmis astma.

Hefði þríeykið ekki átt að leita ráða hjá henni?

Fauskurinn og "vísindin"

Í tölvupósti frá febrúar 2020 sagði hann, grímur eru í raun fyrir smitað fólk til að koma í veg fyrir að það dreifi smiti til fólks sem er ekki smitað frekar en að vernda ósmitað fólk gegn smiti.

Í viðtali hjá 60 Minutes í maí 2020 sagði hann nákvæmlega það sama og í tölvupóstinum, og að á þessari stundu eigi fólk ekki að nota grímur, það sé engin ástæða til þess.

Í miðjum faraldri láti það fólki kannski finnast það öruggara, og það gæti komið í veg fyrir dropasmit, en veiti fólki ekki þá fullkomnu vörn sem það haldi.

Og hér sagði hann í febrúar 2020 að fólk ætti frekar að hafa áhyggjur af flensunni, og að grímur veiti enga vörn gegn veirum, þar sem þær komist auðveldlega í gegnum þær.

Svo tóku "vísindin" hans 180 gráðu viðsnúning, allt í einu urðu grímur "nauðsynlegar", svo jafnvel tvær eða þrjár, og nú boðar hann að fólk verði jafnvel að nota þær árið 2022 svo hægt verði loksins að snúa tilbaka til eðlilegs lífs.

Hér segir: Það er einföld staðreynd að Dr. Fauci laug um grímur og hann laug um hjarðónæmi. Þessi fjölmiðlastjarna faraldursins er ekkert annað en lygari og pólitískt sinnaður embættismaður. Hann lætur eins og hann sé að reyna að bjarga Ameríku, en það eina sem hann geri sé að fylgja pólitískum vindum hvers tíma.

Merkilegt hvað þetta er allt svipað og við heyrum frá þríeykinu og þeim öllum sem ætla koma nálum í hvern handlegg hér á landi!

Lygarnar um grímurnar

Þessi hér segir, vaknið gott fólk, þessar grímur eru mjög skaðlegar heilsu ykkar, og sýnir það með mælitæki, og hér sýnir húsamálari það líka svart á hvítu. Og hér er enn eitt um þessa sóttvarnageðveiki.

Og flestir hafa séð myndir af elítunni sem segir okkur að nota grímur en gerir það ekki sjálft nema fyrir myndavélina.

Íslendingar eru ótrúlega trúgjarnir og hlýðnir upp til hópa

Það hvarflar ekki að þeim að staldra við og hugsa hvort allt sé með felldu, og hvernig það geti staðist að eftir allar sprauturnar séum við í enn einni bylgjunni!

Ef eitthvað er sagt gert til að vernda fólk og passa upp á öryggi þess, þá er tilgangurinn akkúrat þveröfugur. Við erum því miður búin að gleyma sögunni, sem átti aldrei að fá að endurtaka sig!

Farið að kynna ykkur það sem er að gerast í löndunum eins og til dæmis Kanada, Írlandi, Nýja Sjálandi, Ástralíu, þar sem verið er að svipta fólk öllum mannréttindum og frelsi með fasískum hætti, allt í nafni öryggis!

 

 

Athugasemdir

[Geir Ágústsson, 7.11.2021 kl. 19:04]

Þú ert eitthvað að misskilja. I upphafi 2020 vissu menn ekkert um veirur og faraldra. Ekkert. Síðan hafa menn verið að prófa sig áfram og byggt skipulega upp meiri og meiri visku. Meðal annars er búið að komast að því að fleiri sprautur eru betri en færri og fleiri grímur betri en færri.

[Kristín Inga Þormar, 7.11.2021 kl. 21:00]

Sæll Geir,

Haha, góður! Já auðvitað er þetta svona, ég hefði alveg átt að geta sagt mér það sjálf!