Kristín Þormar

20.11.2021 | 15:27

Hvort er hann trúverðugur, eða þau?

Við munum öll hræðilegu fréttirnar í ársbyrjun 2020 um að einhver skæður vírus hefði blossað upp á einhverjum matarmarkaði í Kína, og fengum við að sjá margar ógeðslegar myndir þaðan af dauðum dýrum.

Við fengum líka að sjá fólk detta dautt niður á götuhornum, og Kínverja lóða aftur dyrnar hjá veiku fólki.

Svo varð þetta að stórhættulegum "heimsfaraldri", og heimsbyggðin fylgdist hrædd með, enda var hræðsluáróðurinn settur á yfirsnúning í fjölmiðlum og hjá stjórnvöldum.

Við hér á Íslandi fengum þríeyki sem hélt okkur "upplýstum" um stöðuna með daglegum "hræðslufundum", og fékk heiðursorður fyrir vel unnin störf við að kveða faraldurinn í kútinn þann 17. júní 2020.

En því miður var björninn ekki unninn, og ný "bylgja" af einhverju nýju afbrigði fór að láta að sér kræla, og verslunarmannahelgin var blásin af, sællar minningar.

En það var samt vonarglæta, mörg lyfjafyrirtæki voru að leggja mikið kapp á að þróa ný bóluefni gegn pestinni, sem að sögn þeirra sjálfra lofuðu góðu.

Á mettíma tókst að hraða þróun og rannsóknum sem venjulega taka að minnsta kosti 7-10 ár niður í örfáa mánuði, vel gert! Það er gott að þau hlustuðu ekkert á Bill Gates.

Og heimsbyggðin andaði léttar. Fyrstu skammtarnir komu til landsins rétt fyrir áramótin, og byrjað var að sprauta gamalmennin á hjúkrunarheimilunum. 8 þeirra létust í janúar, en að sjálfsögðu var lítið eða ekkert sem benti til samasemmerkis þarna á milli, þau voru öll hvort eð er eldgömul og með allskonar undirliggjandi sjúkdóma.

Ef við hraðspólum til dagsins í dag, þá er búið að tilkynna um 5.567 aukaverkanir vegna þessara lyfja, þar af 32 andlát og 199 lífsógnandi aukaverkanir, flestar að sjálfsögðu tómar tilviljanir eins og Lyfjastofnun bendir yfirleitt á.

Aldrei kemur múkk frá sóttvarnalækni eða landlækni um þessar aukaverkanir, enda líklega aldrei spurð um þær.

En hvað um það, bólusetningarhátíðin var sett af stað með pompi og prakt í ársbyrjun, og tæplega 90% þjóðarinnar 12 ára og eldri þáði glöð skotin, enda myndi lífið færast aftur í samt lag og allir gætu farið að ferðast aftur.

En búmm, aftur kom upp enn ein bylgjan í sumar, og sóttvarnalæknir sagði að það ylli honum svolitlum vonbrigðum að virknin hefði ekki verið eins mikil og hann vonaði.

Nú voru áður fullbólusettir, skilgreindir sem grunnbólusettir, og þriðja sprautan varð nauðsynleg, þá yrði loksins hægt að ná fram langþráðu hjarðónæmi.

Jafnframt var ýjað að því að fjórða sprautan yrði líka nauðsynleg á næsta ári, jafnvel í tveim-fyrir-eina sprautu af þessum bóluefnum og flensubóluefni.

Samt heldur greindum "smitum" áfram að fjölga, og AHA, það er þessum ósprautuðu að kenna! Er ekki best bara að taka Austurríki á þetta lið og setja það í útgöngubann?

Eða skyldubólusetningu eins og búið er að ákveða þar núna? "Valið" stendur um sprautu eða peningasektir / fangelsi!

Fauskurinn (Dr. Fauci)

3. júní 2021 sagði hann:

Ég held að miðað við landið í heild, þá staðreynd að núna eru um 50% fullorðinna fullbólusett og um 62% fullorðinna sem hafa fengið að minnsta kosti einn skammt sem þjóð, þá er ég nokkuð viss um að þú munt ekki sjá sams konar bylgjur og við höfum séð áður.

En þann 12. nóvember 2021 sagði hann í viðtali:

Embættismenn eru nú farnir að sjá eitthvað minnkandi ónæmi gegn bæði sýkingu og sjúkrahúsvist nokkrum mánuðum eftir fyrstu bólusetningu.

Hann segir líka að í Ísrael séu þeir farnir að sjá minnkandi ónæmi gegn sýkingum, og aukingar í sjúkrahúsinnlögnum og jafnvel dauðsföllum hjá fólki í öllum aldurshópum, ekki bara í öldruðum.

Svo heldur hann áfram og segir að hann telji að "örvunar"skammtur verði algjörlega nauðsynlegur, ekki bónus, ekki lúxus, en algjörlega nauðsynlegur partur af prógramminu.

Þarna er hann svona mjúklega að viðurkenna að efnin hafi ekki virkað nógu vel.

Boris Johnson

Hann er á sömu blaðsíðunni í handritinu og Fauskurinn, og hvetur Breta líka til að fá sér "örvun", til að forðast takmarkanir á daglegu lífil.

Það yrði harmleikur ef fólk sem hafi gert rétt og fengið tvöfalda bólusetningu veiktist alvarlega eða týndi lífi með því að fá ekki "örvunina".

Svo útilokar hann ekkert útgöngubönn yfir jólin ef fólk hlýðir ekki.

Lygavaðallinn um þessi svokölluðu "bóluefni"

Hér er frábær samantekt á lygunum og froðunni í Biden, Walensky, Gates og Fauci.

Þetta hefur aldrei snúist um heilsu og að bjarga lífum

Dr. Ryan Cole er "board-certified" meinafræðingur sem rekur stærstu sjálfstæðu rannsóknarstofuna í Idaho. Hér segir hann meðal annars:

Síðan 1. janúar hef ég séð á rannsóknarstofunni 20-falda aukningu á leghálskrabbameini umfram það sem ég sé á ársgrundvelli, 20-falda aukningu og ég er alls ekki að ýkja.

Ég er að sjá ágeng sortuæxli í yngri sjúklingum. Venjulega grípum við þau snemma og þetta eru þunn sortuæxli. Ég er að sjá þykk sortuæxli stækka upp úr öllu valdi á síðustu tveim mánuðum.

Það sem sé að gerast er að ónæmiskerfi fullbólusetts fólks veiklist. (Innskot mitt: Gæti þetta verið skýringin á því hvers vegna það er svona mikið af smitum í löndum með 90-100% bólusetningarhlutfall?) Hvort það sé varanlegt eða ekki, verði að koma í ljós. Hann segir líka að bólusettu fólki sé hættara við að fá krabbamein.

Þetta sé umfangsmikil tilraun við að fikta í ónæmiskerfinu sem muni líklegast hafa hrikaleg og varanleg áhrif á þá sem kjósa að taka þátt í henni!

Hér getið þið líka séð hann tala um niðurstöður krufninga á fólki sem lést stuttu eftir sprautu.

Hvort skyldi hann, eða Biden, Fauci, Walensky, Johnson og Gates vera að segja sannleikann um þessi svokölluðu bóluefni?

Flokkur: Bloggar | Breytt s.d. kl. 17:40 | Facebook

Athugasemdir

Tedros fullyrðir í nýlegu samtali við Bolsonaro að eitursprauturnar eigi ekki að sporna við útbreiðslu "smitsins" heldur lækka líkurnar á veikindum og dauða. Marxista hræsnin á sér engin takmörk.

Guðjón E. Hreinberg, 20.11.2021 kl. 15:46

Sæll Guðjón,

Já einmitt, og Þórólfur er í sama flokki, það nýjasta er að nú "vonast hann eftir" hjarðónæmi eftir 3ju sprautuna.

Og hlýðinn landinn hleypur glaður í Laugarvaxhöllina.

Kristín Inga Þormar, 20.11.2021 kl. 16:00