Í dag greindist 99,973% þjóðarinnar EKKI með veiruna!

Með fyllstu virðingu fyrir þessari manneskju sem lést víst vegna veirunnar í gær, þá þykir mér það stærri frétt að 99,973% þjóðarinnar sé EKKI greind með hana í dag.

Samt er þjóðinni haldið í hlekkjum, svipt frelsi og sjálfsögðum mannréttindum, neydd til að fara í hraðpróf til að geta farið í jarðarfarir eða leikhús, og neydd til að hefta súrefnisflæðið með grímum sem gera ekkert gagn!

Ég fann í hendingskasti nokkrar nýlegar fréttir sem lýsa sturluninni sem er í gangi í heiminum í dag.

Konu neitað um heilbrigðisþjónustu

Rakel Þorleifsdóttir frá Akureyri lenti um síðustu helgi í því óhappi að brjóta illa á sér fingurinn þegar hún var að festa lok á pott sem var utandyra. Hún festi fingurinn í pottlokinu og í þann mund kemur vindhviða sem leiddi til þess að fingurinn á Rakel brotnaði illa.

Rakel leitaði beint á bráðamóttöku á Sjúkrahúsinu á Akureyri en þegar hún segir frá því að hún sé í sóttkví er henni sagt að koma sér heim, ekki sé hægt að gera að sárum hennar.

Millilending í Osló breyttist í martröð fyrir jólin

Það sem henni blöskri mest sé ósveigjanleikinn sem hún upplifi sem gróft brot á sínum mannréttindum. „Hver mistökin á fætur öðrum, ósveigjanleiki sem meira að segja birtist í neitun á að koma til mín eigin farangri. Reglurnar eru flóknar, ruglingslegar, síbreytilegar og mótsagnarkenndar. Og framkvæmdin er köld og ómanneskjuleg,“ skrifar Auður á Facebook en færslu hennar er hægt að lesa hér að neðan.

Konu sem legið hefur á spítalanum síðan á fimmtudag sagt að koma sér heim því hún neitar PCR prófi

Ung kona sem er mikið veik og hefur legið á Landspítalanum síðan á fimmtudag hefur mætt dónaskap frá starfsfólki þar sem hún er ekki bólusett. Það uppgötvaðist í dag að hún væri ekki bólusett og var henni þá gert að fara í tvö hraðpróf sem reyndust neikvæð. Nú er konunni hins vegar gert að fara einnig í PCR próf en hún neitar því enda er ekki óalgengt  að fólk skaðist við að fá pinna upp í  nefkok og ofan í munnkok. Spítalinn hefur ekki boðið henni að taka munnstroku eða blóðprufu í staðinn.

Ungt par sem á von á barni flokkast sem óbólusett á Landspítalanum því þau hafna örvunarskammti

Ungt par sem er statt núna á fæðingadeild Landspítalans hefur sætt mikilli óvild og hótunum þar sem parið hefur hafnað örvunarskammti af Covid bóluefni.

Málsatvik eru þau að konan fór í 16 vikna sónar og mældist fóstrið þá alheilbrigt. Hún fór svo svo stuttu síðar í bólusetningu samkvæmt ráðleggingu læknis og ljósmóður. Í 20 vikna sónar greindist barnið aftur á móti með hjartagalla. Konan fór síðan aftur í sónar gengin sex mánuði á leið og greindist barnið þá vaxtarskert. Sökum þessa treysti parið sér ekki í örvunarskammtinn.

Parið mætti síðan á fæðingadeildina í gær en þar sem þau höfnuðu örvunarskammtinum var þeim tjáð að maðurinn gæti ekki verið viðstaddur fæðingu barnsins þar sem þau teljist óbólusett því sex mánuðir eru liðnir frá síðasta skammti. Parið var mjög ósátt við þetta og mótmælti en mættu þá dónaskap og hótunum frá starfsfólki spítalans.

Í dag greindust 99,973% þjóðarinnar EKKI með veiruna!

Haldiði virkilega ennþá að þetta snúist um baráttu gegn einhverri veiru?

Andlát vegna veirunnar í gær

Athugasemdir

[Arnór Baldvinsson, 11.12.2021 kl. 15:31]

Ég skil ekki svona færslur, fullar af heift og hatri.  Því miður þekki ég fólk, sem hefur látist af Covid og ungt, hraust fólk, sem hefur veikst illa og á eftir að eiga við alvarlega eftirköst árum saman, jafnvel alla ævi. Og svo sér maður svona pósta frá fólki sem getur ekkert annað en hatast út í aðra, sem það veit ekki nokkurn skapaðan hlut um!  Þetta fólk, sem sér ekkert annað en brjálæðislegar, sjúklegar samsæriskenningar í hverju horni allra þjóðfélaga er algjörlega blint á staðreyndir og einföld rök.  Algjört skeytingaleysi fyrir lífi og líðan annaara en þeirra sjálfra segir allt sem segja þarf.

[Geir Ágústsson, 11.12.2021 kl. 16:27]

Þarf ekki að verja þetta bólusetta heilbrigðisstarfsfólk á besta aldri gegn veirusmiti? 

[Sigurður Kristján Hjaltested, 11.12.2021 kl. 17:38]

Það er magnað að sjá og heyra í þessu fólki sem styður þessar

tilgangslausu bólu setningar. Alveg sama hvað tölur og staðreyndir

sýna, þá er ekkert sem breytir þeirra skoðunum.

Og svo til upplýsingar um þann sem lést í gær og "gleymdist" að minnasst

á í fréttinni, þá var sá aðili þrí bólusettur og að öllum líkindum

örvunar sprautan sem hjálpaði honum yfir. En að sjálfsögðu er enginn

tenging þar á milli og tilkynningar sem eru að nálgast 6000 manns eru

bara algjörar tilviljanir. Já, það er alveg ótrúlegt eftir að þessi

"Sprautufaraldur" fór af stað hversu mikið af tilviljunum hafa orðið

hjá fólki eftir að það var sprautað. 

Og landlækni, ásamt sótta er drullusama.

Til hvers var þetta fólk ráðið.??

[Kristín Inga Þormar, 11.12.2021 kl. 18:50]

Sæll Arnór,

Lastu ekki færsluna almennilega? Ég er svo lánssöm að enginn hefur látist af völdum Covid í kringum mig, hinsvegar lést ættingi minn í kjölfar fyrstu sprautu með þessum svokölluðu "bóluefnum".

Vissirðu að þetta eru ekki bóluefni eins og við höfum þekkt þau hingað til?

Ef maður vissi ekki betur, þá mætti halda að fólk hafi aldrei veikst illa af flensu og jafnvel látist úr henni, samt hefur heiminum aldrei áður verið skellt í lás, fullkomlega heilbrigt fólk skikkað í sóttkvíar og einangranir, og allir neyddir til að nota grímur sem sannanlega gera ekkert gagn.

Þetta er búið að standa yfir í tæp tvö ár núna með hörmulegum afleiðingum fyrir marga, bæði andlegum og fjárhagslegum, fyrir utan þá sem hafa ekki fengið læknishjálp, jafnvel lífsnauðsynlega á þessum tíma.

Ég veit um nokkra sem buguðust út af öllum þessum aðgerðum, og tóku eigin líf.

Finnst þér réttlætanlegt að að 99,973% þjóðarinnar þurfi að þjást fyrir það að 0,006% smitaðra liggi á spítala núna? Og gerirðu þér grein fyrir því að líkurnar á að lifa veikindi af eru 98-99% og að veiran leggst verst á aldraða og/eða fólk með undirliggjandi sjúkdóma, ekki fólk með heilbrigt ónæmiskerfi, og hvað þá börnin sem á að fara að sprauta núna?

Sérðu ekkert athugavert við að eina ferðina enn er búið að setja takmarkanir á heimsóknir aldraðra á hjúkrunarheimilum þrátt fyrir að þau séu flest núna þrísprautuð og ættu þar af leiðandi að vera komin með vörn gegn veirunni?

Hefurðu aldrei velt fyrir þér hvers vegna snemmmeðferðir með áratuga gömlum lyfjum sem sannanlega hafa bjargað mörgum lífum eru bannaðar, en talið öruggt að sprauta allt mannkynið með líftæknilyfjum sem engin reynsla var komin á þegar byrjað var að sprauta þeim í fólk?

Hefurðu kynnt þér glæpaferla þessara lyfjarisa í gegnum söguna, sem sumir hverjir hafa þurft að greiða milljarða dollara í sektir fyrir vörusvik, mútugreiðslur og fleira?

Hefurðu kynnt þér hversu margir eru látnir eftir þessar sprautur í heiminum í dag? Vissirðu að það er búið að tilkynna um 5.826 aukaverkanir hér á landi eftir þær, þar af 32 andlát og 219 aðrar lífsógnandi, og að það er fullt af fólki hér á landi sem mun aldrei ná aftur fyrri heilsu eftir þær?

Hvers vegna tala Þórófur og Kári aldrei um þetta blessaða fólk?

Vissirðu að þessi maður sem sagður er hafa núna látist úr Covid varð fárveikur eftir fyrstu tvær sprauturnar, og fór í örvunarsprautu viku áður en hann lést? Ónæmiskerfið hans hrundi, hann fékk blóðtappa í lungu og fót, 40 stiga hita og 3 tegundir sýkinga, líffærin fóru á endanum að gefa sig hvert af öðru svo hann lést.

En hann dó víst úr Covid, blessaður þrísprautaður maðurinn.

Hefurðu aldrei velt fyrir þér hvort allar þessar aðgerðir geti hugsanlega haft einhvern annan tilgang en að bjarga lífum og heilbrigðiskerfinu?

Hefurðu kynnt þér hvað er að gerast núna í löndum eins og Ástralíu, Nýja Sjálandi, Kanada, Þýskalandi og Austurríki?

Ég verð því miður að hryggja þig með því að allt sem ég er búin að skrifa um á þessum vettvangi í marga mánuði eru engar samsæriskenningar, heldur naprar staðreyndir, og það sem gerðist fyrir miðja síðustu öld átti aldrei að fá að gerast aftur, er samt að gerast.

Og því miður er það fólk með sömu viðhorf og þú sem neitar að horfast í augu við, eða kynna sér hvað er að eiga sér stað í heiminum núna, sem mun leyfa að við verðum að lokum svipt öllu.

Það er búið að ákveða fyrir mína hönd og þína að okkur forspurðum, að árið 2030 munum við ekkert eiga, og vera hamingjusöm.

Heldurðu að það sé samsæriskenning? Prófaðu að gúggla það.

[Kristín Inga Þormar, 11.12.2021 kl. 18:54]

Sæll Geir,

Jú það hlýtur að vera, vonandi nær það að jafna sig eftir þriðju sprautuna áður en sú fjórða sem búið er að boða kemur næsta haust!

[Kristín Inga Þormar, 11.12.2021 kl. 19:01]

Sæll Sigurður,

Ég var að enda við að svara herramanni sem sendi mér athugasemd vegna þessarar færslu, ég vona innilega að hann fari að afla sér staðreynda og upplýsinga annars staðar en á RÚV eða hinum miðlunum sem færa okkur nánast eingöngu skaðlegan og einhæfan fréttaflutning af þessum meinta faraldri.

[Þorsteinn Siglaugsson, 12.12.2021 kl. 11:17]

Varðandi þennan mann sem dó af sprautunum, er til traust heimild fyrir þessu?

[Kristín Inga Þormar, 12.12.2021 kl. 11:55]

Sæll Þorsteinn,

Þetta sem ég skrifaði um hann tók ég af FB færslu dóttur hans þar sem hún var að segja frá þessu. Sjálf hefur hún sagt í opinberu viðtali að hún hafi fengið eina sprautu af AZ, og líður eins og níræðri konu eftir það, en hún er 36 ára.

[Loncexter, 12.12.2021 kl. 12:11]

Nú kemur í ljós að ákveðið tryggingafélag neitar að greiða bætur vegna alvarlegra aukaverkana bóluefna. Því má spurja hvort það sé hægt að fá bætur hjá sama tryggingafélagi ef maður veikist illa af covid en fékk engin bóluefni ?

Segja þeir þá; ..nei, þú færð engar bætur vegna þess að þú neitaðir að bólusetja þig með vafasömu bólufni sem veikir fólk, og það sama fólk fær heldur engar bætur !!

https://frettin.is/2021/12/08/konu-hafnad-um-lif-og-sjukdomatryggingu-vegna-aukaverkana-eftir-bolusetningu/

[Ásgrímur Hartmannsson, 12.12.2021 kl. 12:32]

Mér sýnist það svo komið núna að vírus sé bara hættulegur þeim bólusettu.

Við ættum að haga okkur samkvæmt því.

[Kristín Inga Þormar, 12.12.2021 kl. 12:53]

Sæll Loncexter,

Ég var búin að sjá þetta, allir vita jú hvernig tryggingafélögin passa að hafa nógu mikið af smáu letri sem þau vísa í til að hafna bótum.

En það er svolítið sérstakt ef þau eru komin með einhverja nýja skilmála sem lúta að því hvort maður sé sprautaður með þessu eitri eða ekki. Vita þau eitthvað meira en við?

[Kristín Inga Þormar, 12.12.2021 kl. 12:55]

Sæll Ásgrímur,

Já því miður er allt sem bendir til þess, samkvæmt því sem heiðarlegir erlendir vísindamenn segja. Okkar innlendu "vísindamenn" segja öllum að sprauta sig og geta ekki beðið eftir að komast líka í litlu krakkana!

[Loncexter, 12.12.2021 kl. 13:40]

Eg hef lesið á nokkrum vefsíðum, að viss öfl hafa ákveðið að fylla evrópu af flóttamönnum. Kannski verður meira pláss fyrir flóttamennina ef evrópúar hrynja niður vegna bóluefna. Þá má spyrja hvort öflin sem vilja sem flesta flóttamenn í evrópu séu þá líka höfundar bóluefnana ?

[Kristín Inga Þormar, 12.12.2021 kl. 14:03]

Sæll aftur Loncexter,

Ég hef líka séð þetta einhvers staðar en hef ekki hugmynd um hvort eitthvað sé til í því, tíminn einn verður að leiða það í ljós.

[Helga Kristjánsdóttir, 12.12.2021 kl. 14:47]

Góðan dag Kristín! Sá þennan afbragðs pistil þinn eftir sólarhrings afslöppun í sveitinni,ef hann hrífur ekki og fær fólk til að hugsa rökrett og láta ekki afvegaleiða sig í afarkosti sem veikir það og börnin,þá er ég illa svikin. Þakka þér. (líkja má því við ræðu Jóns okkar forseta; "Ver mótmælum allir") Við höfum ekki mikinn tíma.    

[Kristín Inga Þormar, 12.12.2021 kl. 15:19]

Sæl Helga og þakka þér kærlega fyrir.

Þú sást nú kannski að einn herramaður brást hinn versti við pistlinum en ég vona að hann hafi þó vakið einhverja aðra til umhugsunar.

[Helga Kristjánsdóttir, 14.12.2021 kl. 03:28]

 Já hann Arnór,hann birtist mér í bloggi mínu fyrir mörgum árum,fræðandi um Drómasýki,án ávítana um þekkingarleysi,sem mér lærðist svo að sækja til Googgle.

Sé hann stundum í athugasemdum og var létt mál að greina hann sem einn af "góða fólkinu" reynandi að tuska bjargvætti þessa lands til sem leggja á sig ómælda vinnu til að bjarga börnum frá voða með sprautum þessara tilraunalyfja. En þarf að lesa pistil þinn gaumgæfilega, já rækilega til að skynja hættuna.   

[Kristín Inga Þormar, 14.12.2021 kl. 08:11]

Sæl Helga,

Hann virðist vera í þeim hópi sem er fastur í veiruhræðslunni því hann trúir öllu sem hann sér í fjölmiðlunum, og það kæmi manni ekkert á óvart að hann væri þegar þrísprautaður.

Hann er lýsandi dæmi um þá sem "þurfa" að ríghalda í óttann sinn og þola ekki að aðrir hafi aðrar skoðanir, og akkúrat fólk eins og hann mun í meðvirkni sinni leyfa það að öll mannréttindi og frelsi verði tekin af okkur - í nafni "öryggis" okkar.