Í júní sagði Þórólfur að samfélagslegt ónæmi væri að nást með bólusetningum ....

.... en hver er staðan núna? Það kom í ljós að þetta stóðst bara engan veginn, ný bylgja kom upp kortér í verslunarmannahelgi, svo það reyndist "nauðsynlegt" að fara í þessar svokölluðu örvunarsprautur.

Þórólfur Guðnason sóttvarnalæknir segir samfélagslegt ónæmi vera að myndast hér á landi í kjölfar bólusetninga gegn Covid-19. „Þessi smit sem eru að greinast bæði hér innanlands og á landamærunum eru ekki að dreifa úr sér, sem segir okkur að það er komið nokkuð gott samfélagslegt ónæmi,“ segir hann.

Athugið, þetta sagði hann í júní!

Staðan í dag

Nú er svo komið að 91% þjóðarinnar 12 ára og eldri er núna tví- eða þrísprautuð, en samt kom upp enn ein bylgjan í nóvember og settur var í gang enn einn skimunarfaraldurinn.

Hvar er samfélagslega ónæmið Þórólfur?

"Árangurinn" af skimunarfaraldrinum er sá að "smitfjöldi" er í hæstu hæðum núna, en brandarafréttin 17. janúar var sú að 98% á göngudeildinni voru einkennalitlir eða einkennalausir! (Getur maður verið veikur án þess að finna fyrir einkennum?)

Hvað með þessar 23.000 manneskjur sem eru núna í einangrun eða sóttkví, hvað ætli margar þeirra séu hreint ekkert lasnar, og hvað kosta þessar sífelldu einangranir og sóttkvíar samfélagið?

Og þá er ég ekki bara að tala um peninga því þetta verður að skoðast í miklu stærra samhengi.

Það kom fram í fréttum um daginn að kostnaður vegna skimana væri líklega 50-100 milljónir á dag, svo það blasir við að búið er að henda hundruðum milljóna út um gluggann til að finna einkennalítið eða einkennalaust fólk, á meðan fjársvelt heilbrigðiskerfið vælir og gólar.

Ætli það sé enn verið að nota PCR prófin á 40 snúningunum hér á landi? Sjáið meira um þessi fölsku próf hér.

Þetta sagði Þórólfur meðal annars 21. júní 2021:

Aspurður hvort fólk þyrfti að hræðast Janssen bóluefni umfram önnur sagði hann:

„Það geta verið aukaverkanir með þessum bóluefnum, þær eru mjög sjaldgæfar og miklu sjaldgæfari heldur en af Covid-sýkingu,“ útskýrir Þórólfur. „Og það eru bara tveir kostir í boði, annaðhvort að fá Covid eða að fá bólusetningu,“ bætir hann við.

Þannig að ungar konur ættu ekki að hræðast bólusetningu með Janssen?

„Nei, nei,“ segir Þórólfur.

Eins og við vitum í dag, þá er þetta haugalygi, búið er að tilkynna um 6.037 aukaverkanir, þar af 240 alvarlegar og 35 andlát.

Andlátin eftir sprauturnar voru 34 á síðasta ári, sem er svipað og andlátin samtals "úr" Covid 2020-2021.

En það þykir ekki fréttnæmt.

Gleymum ekki heldur þessum hátt í 3.000 konum sem fengu ofsablæðingar, hættu á blæðingum, fór að blæða aftur eftir tíðahvörf, og ungu stúlkunum sem fór að blæða þrátt fyrir að vera ekki byrjaðar á reglulegum blæðingum.

Konan sem elskar bóluefnin

Ragnheiður Ósk Erlendsdóttir, framkvæmdastjóri hjúkrunar hjá Heilsugæslu höfuðborgarsvæðisins, tekur í sama streng og Þórólfur. „Öll bóluefnin eru góð,“ segir Ragnheiður. „Við erum að tala um aukaverkanir sem eru svo örlitlar að það er örugglega meiri hætta af því að bara fara út í búð,“ bætir hún við.

Það að þetta fólk hafi verið kosið fólk ársins 2021 er mér gjörsamlega fyrirmunað að skilja!

Vissulega er fullt af fólki lasið í dag, mismikið lasið þó sem betur fer, en hvernig stendur á því að hjá einni mest bólusettu þjóð í heimi séu svona mörg smit?

Það er búið að blekkja nánast alla þjóðina í tvær eða þrjár sprautur, en samt eru þeir sprautuðu að veikjast. Hvað varð um samfélagslega ónæmið Þórólfur?

Þetta er komið gott af sprautum sem virka ekki og síendurteknum skerðingum á mannréttindum, grímuskyldu og öðrum hömlum sem hafa ekki virkað í neinni af þessum bylgjum, en er samt skellt á okkur aftur og aftur.

Nú þarf fólk að spyrja sjálft sig, vill það virkilega fara inn í þriðja árið í þessari hringavitleysu - og láta jafnvel sprauta sig enn meira með líftæknilyfjum sem eru í tilraunafasa til ársins 2026?

Gleymum því ekki að íslensk stjórnvöld eru búin að skuldbinda sig til að kaupa 1.4 milljón bóluefnaskammta fyrir 370 þúsund manna þjóð, sem á að duga fyrir næstu tvö ár eða svo!

Þetta mun ekki enda nema fólk rísi upp og segi nei við hraðprófum, fleiri sprautum, fölskum PCR prófum, og neiti að fara sjálft eða setja börn sín í endalausar og tilgangslausar sóttkvíar og einangranir - eða láti sprauta þau líka!

Skyldulesning!

Ég las í dag alveg frábæra og vel rökstudda grein um afnám lýðræðis, sem varpar ljósi á hvað er á bak við þennan "heimsfaraldur".

Valdarán hefur átt sér stað fyrir opnum tjöldum. Ákvarðanir sem gilda fyrir alla heimsbyggðina eru í æ meira mæli teknar á samráðsfundum risafyrirtækja þar sem enginn fær að fara sem ekki hefur fengið boð.

Mikilvægasti samráðsvettvangurinn fyrir þessa nýju heimsstjórn er Alþjóðaefnahagsráðið, sem starfað hefur í hálfa öld og lengi unnið því markmiði að taka völdin úr höndum þjóðríkja og færa það stórfyrirtækjunum. Áætlanir sem unnar voru fyrir mörgum árum, og jafnvel áratugum, eru nú orðnar að veruleika. Covid-19 spilar þar lykilhlutverk.

Forsætisráðherra okkar

Hér er mynd af Katrínu Jakobsdóttur, sem er "Agenda Contributor" hjá The World Economic Forum, sem er að "endurræsa heiminn" núna fyrir okkar hönd, að okkur öllum forspurðum. Meltið það aðeins!

Athugasemdir

[Guðjón E. Hreinberg, 19.1.2022 kl. 22:54]

Við verðum að flýja áður en það er of seint.

[Kristín Inga Þormar, 20.1.2022 kl. 08:31]

Sæll Guðjón,

Þá er það bara spurningin hvert? Kannski til Spánar, þau segjast núna vilja snúa tilbaka til eðlilegs lífs og líta á pestina sem venjulega flensu, sem er að sjálfsögðu löngu orðið tímabært.

[Geir Ágústsson, 20.1.2022 kl. 20:44]

Þórólfur segir það ekki beint en hann veit í raun aldrei hvað hann er að segja og segir því bara eitthvað. Stöku sinnum er honum bent á það en hann er eins og steikarpannan: Með sérstaka húð sem hrindir af sér öllu sem gæti tollað fast. 

Þar með er ekki sagt að einhver annar viti meira, en það er til hugtak - auðmýkt - þar sem manneskja viðurkennir að hún sé að reyna og rembast en í raun að fikra sig áfram í myrkri. Slík manneskja viðurkennir vanþekkingu sína og biður um hjálp, endurgjöf og upplýsingar.

En ekki Þórólfur. Hann er hrokafullur, ólesinn hrokagikkur sem kemur vel fyrir blaðamenn. En þarf að fara.

[Kristín Inga Þormar, 20.1.2022 kl. 22:24]

Sæll Geir,

Já blessaður vertu, hann má eiga það að hann hefur liðugan talanda og fær alltaf óhindrað að segja það sem honum sýnist án nokkurra athugasemda viðmælenda, enda aldrei beðinn um að sýna fram á gögn máli sínu til staðfestingar.

Og þetta með auðmýktina, það er ekki erfitt að fyrirgefa fólki sem hefur gert mistök og viðurkennir þau heiðarlega, en ég man ekki til þess að hann hafi beðist afsökunar á þeim lygum og rangfærslum sem hann hefur botið á borð fyrir okkur.

Nú síðast á hræðslufundi gærdagsins þar sem hann sagðist ekkert vita um innihald bóluefnasamningsins, en sem betur fer er búið að reka það ofan í hann á öðrum vígstöðvum.

Hann er hrokagikkur sem virðist ekki almennilega fatta að það er raunverulega til fólk sem sækir sínar upplýsingar til annarra en hans sjálfs og RÚV, og sem betur fer er það fólk sífellt að verða háværara í fjölmiðlum og á samfélagsmiðlum.

Ég kom aðeins inn á það í nýjasta blogginu mínu hvernig fólk muni minnast hans í fyllingu tímans.

[Guðjón E. Hreinberg, 20.1.2022 kl. 23:39]

Hvert er ekki spurningin kæra Kristín, heldur að við föttum nauðsyn þess og hefjum umræðuna. Oft er besti þrýstingurinn falinn í Aikido tækni, að snúa áróðri andstæðingsins upp á hann sjálfan. Þeir þora varla að ræða Gúlag á meðan ég krefst þess að fá Gettó.

Varðandi  hvert, þá er það auðvelt að leysa ef til kemur. Aðal atriðið er að andófsfólkið fatti lausnina í að snúa umræðunni við og eignast hana.

Bestu kveðjur.

[Kristín Inga Þormar, 21.1.2022 kl. 09:30]

Sæll Guðjón,

Mér sýnist það sem betur fer vera að gerast í meira mæli að fólk, og jafnvel þingmenn sem fylgja ekki þessum eina "leyfða" málstað sé farið að fá greinar birtar eftir sig í fjölmiðlum.

Andófið er sem betur fer að aukast með hverjum deginum sem líður.