Mannréttindasamtökin Mín Leið - Mitt Val berjast gegn valdatöku einkahlutafélagsins WHO á fullveldi Íslands í heilbrigðismálum

Mannréttindasamtökin MÍN LEIÐ - MITT VAL berjast af fullum krafti gegn valdatöku einkahlutafélagsins WHO á fullveldi Íslands í heilbrigðismálum, og krefjast svara.

Forseti Íslands og ráðamenn fá 7 daga til að svara neðangreindu bréfi sem sent var í morgun mánudaginn 16.05.22 með stefnuvottum frá Héraðsdómi, og samhljóða fréttatilkynning verður send öllum helstu fjölmiðlum landsins.

Mannréttindasamtökin MÍN LEIÐ – MITT VAL hafa í dag 16.O5.22, sent eftirfarandi aðilum það bréf sem hér fylgir með.

Bréfið er sent á heimilisfang þeirra með stefnuvottum, en umræddir aðilar eru:

1. Guðni Th. Jóhannesson forseti Íslands
   
2. Katrín Jakobsdóttir forsætisráðherra Íslands
   
3. Willum Þór Þórsson heilbrigðisráðherra
   
4. Sigurður Ingi Jóhannsson innanríkisráðherra 
5. Þórdís Kolbrún Reykdal Gylfadóttur utanríkisráðherra

Bréfið

Ágæti viðtakandi

Þér er hér með bent á að allar aðgerðir til að stuðla að stofnun, breytingum, framlagningu og/eða samþykktum samninga eða sáttmála, sem reyna að sniðganga, grafa undan og/eða skaða fullveldi Íslenska lýðveldisins, eins og sett er fram í stjórnarskránni, og/eða framselja þessa heimild, að öllu leyti eða að hluta, til erlendra ríkja eða annarra aðila, eru brot á stjórnarskrá Íslands.

Þátttaka í slíkum aðgerðum er talin landráð og einstaklingar sem fundnir eru sekir um brot geta átt yfir höfði sér sektir eða fangelsi í samræmi við íslensk lög. Þú ert eindregið hvött/hvattur til að stöðva allar frekari tilraunir sem passa við þessa lýsingu með tilliti til breytinga á Alþjóða heilbrigðissáttmálanum skv. í 12. kafla, liðum 2., 3. og 5. sem lagðar eru til og/eða til skoðunar á 75. Alþjóðaþingi WHO í Genf dagana 22.-29. maí 2022.

Ennfremur er óskað eftir nákvæmum upplýsingum um hverjir þeir aðilar eru, sem hafa umboð frá forseta Íslands, samkvæmt 21.gr. 1.mgr. Stjórnarskrár lýðveldisins til að fara fyrir hönd Íslenska lýðveldisins á fund Alþjóðaheilbrigðismálastofnunarinnar dagana 22.-29. maí í Genf í Sviss, þar sem fulltrúar frá 192 þjóðum munu mæta.

Svar óskast innan 7 daga frá dagsetningu þessa bréfs.

Með kveðju

f.h. félaga í Mannréttindasamtökunum
MÍN LEIÐ — MITT VAL

Sigurlaug Þ. Ragnarsdóttir, formaður

VIÐAUKI I:

Bendum jafnframt á eftirfarandi greinar í almennum hegningarlögum:

X. kafli. Landráð.
86. gr.

Hver, sem sekur gerist um verknað, sem miðar að því, að reynt verði með ofbeldi, hótun um ofbeldi, annarri nauðung eða svikum að ráða íslenska ríkið eða hluta þess undir erlend yfirráð, eða að ráða annars einhvern hluta ríkisins undan forræði þess, skal sæta fangelsi ekki skemur en 4 ár eða ævilangt.

XI. kafli. Brot gegn stjórnskipan ríkisins og æðstu stjórnvöldum þess.
98. gr.

Veki maður eða stýri uppreisn í þeim tilgangi að breyta stjórnskipun ríkisins, þá varðar það fangelsi, ekki skemur en 3 ár eða ævilangt.

Hver, sem tekur þátt í þess konar uppreisn, svo og hver sá, sem sekur gerist um verknað, er miðar að því að breyta stjórnskipuninni á ólögmætan hátt, skal sæta fangelsi allt að 8 árum.

 

 

 

 

 

Frekari heimildir - sem fjölmiðlar fjalla lítið sem ekkert um!:

• Fljótum við sofandi að feigðarósi?
• WHO hefur áform um áframhaldandi faraldra smitsjúkdóma næstu 10 ár!
• Sex dagar í að WHO fái gríðarleg völd yfir heilbrigðismálum 194 landa – Málið hefur ekki enn verið rætt á þingi
• Barist gegn valdatöku WHO á fullveldi Bandaríkjanna í heilbrigðismálum
• Öldungadeildarþingmaðurinn Rick Scott varar við því, að ríkisstjórn Bidens veiti Kína og WHO þjóðarfullveldi yfir heilbrigðismálum Bandaríkjanna
• AÐVÖRUN! Stefnt að afnámi þjóðlegs fullveldis í heilbrigðismálum á komandi Alþjóðaheilbrigðisþingi WHO 22. – 28. maí

Ritari þessarar bloggfærslu er gjaldkeri í mannréttindasamtökunum Mín Leið - Mitt Val.

Athugasemdir

[Guðjón E. Hreinberg, 17.5.2022 kl. 00:54]

Mjög fínt.

Guðsblessun.

[Kristín Inga Þormar, 17.5.2022 kl. 08:09]

Sæll Guðjón,

Þakka þér fyrir, nú er Sigurlaug búin að senda þessa fréttatilkynningu á alla fréttamiðla, sjáum til hvað margir þeirra "sjái sér fært" að birta hana!

[Gerður Pálma, 17.5.2022 kl. 10:49]

Frábært, þið eruð stórkostlegar manneskjur sem standið vörð og berjist fyrir mannkynið allt. Það sem hér á sér stað er, eins og allir vita, hluti af heildaráætlun heimsvaldasinna sem vinna að fækkun mannkyns. Fólk flest lokar vitundinni sér til verndar frá öllu illu, en því miður gengur það aldrei upp. Minnir mig á litla lófa fyrir augun ´týndur´ og svo gleðibrosið þegar lófarnir voru fjarlægðir og í ljós kom að þetta var bara gabb. Takk Kristín, takk Cilla og þið öll sem eruð svo ótrúlega rík að þekkingu og kraftmikil,og gefið okkur aðgang og orku til að vera með. 

[Kristín Inga Þormar, 17.5.2022 kl. 11:25]

Sæl Gerður,

Þakka þér sömuleiðis, ég veit að þú hefur svo sannarlega ekki látið þitt eftir liggja í baráttunni gegn því sem er að eiga sér stað í heiminum í dag.

Þið eruð ótrúlega mörg sem hafið sent ráðamönnum og fjölmiðlum ógrynni upplýsinga, verið virk á samfélagsmiðlunum, ég hef bloggað, en eins og alls staðar í heiminum er allt þaggað niður!

En við munum aldrei gefast upp!

[Tómas Ibsen Halldórsson, 17.5.2022 kl. 12:34]

Takk fyrir þetta Kristín, þetta eru góðar fréttir. Óskandi að forseti og ráðherrar taki við sér og vakni til lífsins og átti sig á því hvert stefnir ef þau halda áfram á þeirri braut sem þau hafa verið á, það yrði þeim ekki til framdráttar nema síður sé.

Það er skelfilegt til þess að hugsa ef áformum Villa Hlið (BG) nái fram að ganga í gegnum HVER (WHO). En svo virðist sem næsta skref þeirra sé að svelta heimsbyggðina til hlýðni.

Þetta er illt fólk með öfgafullar illar hugsanir.

[Helga Kristjánsdóttir, 17.5.2022 kl. 15:26]

Ég var alltaf að vona af því ég veit að Ísland á þvílíkar stórbrotnar manneskjur.. Guð sé lof að þið fylgist með hvað er á seiði,ekki hefði ég hróið glöggvað mig á þessari tilkynningu WHO. Vona að Lína viti af þessu.Takk fyrir.

[Kristín Inga Þormar, 17.5.2022 kl. 17:30]

Sæll Tómas,

Maður skilur ekki hvað fer fram í hugum þessa fólks, ég held að þau séu öll löngu búin að fá nægar upplýsingar um hvað felst í þessum samningi!

Næst á dagskrá - og er einmitt byrjað, að svelta heimsbyggðina, keyra upp verðbólgu og senda fólk í fátækt. Svo verða pappírspeningar teknir úr umferð, allt verður gert rafrænt og sett á okkur "Social credit score" kerfi til að fullkomna eftirlitið og stjórnina á okkur.

Þetta hljómar eins og skelfileg skáldsaga, en er lítið mál að sannreyna ef maður leitar sér upplýsinga allt annars staðar en í meginstraumsfjölmiðlunum og samfélagsmiðlunum.

[Kristín Inga Þormar, 17.5.2022 kl. 17:31]

Sæl Helga,

Hinn venjulegi Íslendingur hefur ekki hugmynd um þetta því þetta er ekkert í fréttunum, og ekki sér maður stjórnvöld tala um þetta heldur.

Það verður fróðlegt að fá að vita hverjir eiga að fara til Genfar til að skrifa undir þennan hrylling fyrir hönd þjóðarinnar!

[Guðmundur Ásgeirsson, 21.5.2022 kl. 21:54]

Sæl Kristín Inga.

Þið hafið væntanlega kynnt ykkur samningsdrögin sem um ræðir.

Gætirðu vísað mér á þau svo ég geti skoðað þau? Tengill kæmi sér vel.

Ath. Ég er ekki að biðja um tengil á "heimildir" sem eru bara önnur blogg eða síður eins og frettin.is sem vísa bara í aðrar sambærilegar síður en aldrei neinar frumheimildir. Ég er að biðja um frumheimildina.

[Kristín Inga Þormar, 22.5.2022 kl. 22:06]

Sæll Guðmundur,

Dugar þetta?

https://www.who.int/about/governance/world-health-assembly/seventy-fifth-world-health-assembly

https://apps.who.int/gb/ebwha/pdf_files/EB150/B150_40-en.pdf