Þetta er ekkert annað en gamalkunnug hræðslustjórnun!

Það mun væntanlega ekki líða á löngu þar til fráfarandi eða nýr sóttvarnalæknir muni skella grímuskyldu á okkur aftur.

Enda hefur Þórólfur ítrekað sagt þegar hann hefur mælt með höftum á okkur að hann sé að fylgja fyrirmælum (glæpastofnunarinnar) WHO.

Er ekki bara öruggast að við lokum okkur inni það sem eftir er?

„Á þess­um tíma í fyrra talaði ég við ykk­ur um nýja bylgju Covid-19 sem gekk yfir svæðið, knú­in áfram af Delta-af­brigðinu, sem kom í kjöl­far af­náms sam­komutak­mark­ana og auk­inn­ar fé­lags­legr­ar blönd­un­ar,“ sagði Hans Klu­ge for­stjóri Evr­ópu­skrif­stof­unn­ar.

Verið hrædd, alveg skíthrædd!

Sérfræðingar hæddust að grímunotkun fyrir Covid-19

Sjá hér.

Heiðursorðuhafinn

Þórólfur hefur hangið eins og hundur á roði á grímuskyldunni, enda veit hann að þegar hann aflýsir henni, þá mun ganga verr að halda okkur óttaslegnum og fá okkur til að hlýða enn og aftur.

Hann sagði grímur gera lítið gagn fyrir almenning - hvað breyttist?

„Að almenningur gangi með grímur er mjög vafasamt. Það er engin stofnun eða ábyrgur aðili sem mælir með því. Ég veit að í Bandaríkjunum hafa þeir verið að tala um þetta en ég alla vega set spurningamerki við þetta,“ svaraði Þórólfur.

Viðtal við hann 03.04.2020

Þórólfur mælir ekki með notkun á andlitsgrímum

Engin ástæða er fyrir íslensk yfirvöld að fylgja ráðleggingum Alþjóðaheilbrigðisstofnunnarinnar (WHO) um að fólk noti andlitsgrímur í fjölmenni til að draga úr kórónaveirusmiti. Þetta segir Þórólfur Guðnason sóttvarnarlæknir í samtali við fréttastofu. Rök skorti fyrir ákvörðuninni.

Viðtal við hann 07.06.2020

Nokkrum vikum síðar vísaði hann í einhverjar nýjar "rannsóknir" sem bentu til annars, og grímuskyldu hefur verið skellt á okkur hvað eftir annað eftir það.

Hver nennir þessu tilgangslausa og jafnvel stórhættulega grímubulli eina ferðina enn?

Bólusetningar og grímuskylda - en ekki hvað?

Skrif­stof­an hef­ur gefið út stefnu fyr­ir haustið og vet­ur­inn til að hjálpa til við und­ir­bún­ing kom­andi bylgja.

„Það verður of seint að bíða eft­ir haust­inu,“ sagði Klu­ge.

Hluti af stefn­unni er að hvetja til frek­ari bólu­setn­inga ásamt grímu­skyldu inn­an­dyra og í al­menn­ings­sam­göng­um.

Það ætti að vekja furðu allra að enn og aftur sé verið að hvetja til aðgerða sem svo sannarlega hafa ekki borið árangur hingað til.

Hvers vegna dugðu sprauturnar ekki betur en það að búið er að margsprauta margt fólk og samt er það að veikjast, jafnvel oftar en einu sinni af pestinni? Ég veit þónokkur dæmi þess.

Trúir einhver virkilega að það að framkvæma misheppnaðar aðgerðir aftur og aftur leiði allt í einu til farsællar útkomu?

Og enn er verið að hvetja fólk í fleiri sprautur þrátt fyrir að alvarlegum og lífsógnandi aukaverkunum sé enn að fjölga.

Vissuð þið um allt unga sprautaða íþróttafólkið sem dettur niður dautt þessa dagana? Eða um hjartaáföllin?

Fróðleikur um grímur sem þið finnið ekki á RÚV

Hann sagði hlæjandi fyrir rúmum tveim árum síðan að grímur gerðu ekkert gagn
Grímur í máli og myndum
Fauskurinn, grímurnar og vísindin
... og sittvað um grímur
Öllum ætti að vera löngu orðið ljóst að grímur gera ekkert gagn

Hinn skelfilegi máttur hræðslustjórnunar

Sjáið handritið sem búið er að nota á alla heimsbyggðina, til að lama hana af - og halda í stöðugum ótta. Finnst ykkur þetta ekki eitthvað kunnuglegt?

Horfið svo á þetta magnaða vídeó með gamalreyndum breskum dávaldi sem segir að þegar "heimsfaraldurinn" hófst, þá trúði hann ekki því sem var að gerast fyrir framan augun á honum um leið og Covid fjölmiðlaherferðin hófst.

Hann sá það greinilega að stjórnvöld væru að nota nákvæmlega sömu aðferðir og tækni og hann notaði þegar hann starfaði sem dávaldur snemma á tíunda áratugnum.

Hann vill sýna okkur hvað þessi hræðsluáróður hefur valdið miklum ótta, þjáningum og angist hjá fólki. Þetta er skylduáhorf!

Ætlar fólk bara að halda áfram að sofa sínum dásvefni?

Nú er enn og aftur farið að hræða okkur með nýjum Covid bylgjum, apabólu og fleiri pestum sem geta víst allar verið ægilega hættulegar, enda er WHO búið að boða áframhaldandi faraldra næstu 10 árin.

Hvað segið þið gott fólk, eruð þið til í að endurtaka síðastliðin tvö og hálft ár, og að svona verði líf ykkar sem eftir er?

Nýr og "hættulegur faraldur" - öllu skellt í lás - grímuskylda, og svo sprautur sem öllu "bjarga".

Endurtekið "eftir þörfum".

Það mun svo sannarlega raungerast, nema þið standið upp og segið:

Hingað og ekki lengra, við neitum að hlýða áfram í þessum endalausu hömlum og skerðingum á lífum og lífsgæðum okkar - og við neitum að verða áfram tilraunadýr fyrir spilltu og fégráðugu lyfjarisana.

En munið þið gera það áður en það verður orðið allt of seint og búið að svipta okkur öllu?

Orð að sönnu

Sameinaðir stöndum vér, sundraðir föllum vér.

Uppfærsla:

Hann Geir Ágústsson var að hvetja mig í athugasemd hér fyrir neðan til að setja inn færslu sem ég setti nýlega á Facebook vegginn minn, svo að sjálfsögðu verð ég við því!

Þessi ágæti maður passaði aðdáunarvel upp á sóttvarnir í sóttmenguðu norsku sjávarlofti á tveggja tíma skemmtisiglingu í Osló.

 

Með þaulæfðri handsveiflu svipti hann grímunni frá munninum reglulega meðan hann tók sér sopa af bjórnum sínum, krækti henni svo strax aftur fyrir eyrað og þrýsti vel aftur á andlitið.

 

Ætli hann hafi aldrei heyrt að drápsveiran smitar ekki meðan maður situr á rassinum og nýtur veitinga?

 

Varar við krefjandi vetri og hvetur til grímuskyldu

Athugasemdir

[Sigurður Kristján Hjaltested, 20.7.2022 kl. 01:28]

Sael Kristín.

Thetta er med ólíkindum ef thessi vel "LAESA OG MENNTADA"

thjod aetlar ad taka thátt í thessu aftur. Thá er fólk sennilega

ordid ruglad af sprautunum. Thetta er ekki ad virka en samt skal haldid áfram.

Hvada gedveiki er í gangi og hvernig stendur á thví ad laeknar og

stjórnmálamenn taka thátt í thessu..? Thad hljóta ad vera peningar á bak vid.

Greinin hans Arnars Thórs Jónssonar sem birtist sl.Mánudag 18,júlí býdur

laeknum ad standa nú upp og svara fyrir thessa vitleysu. Skyldu their thora.?

Mjog athyglisvert sem hann bendir á med rannsóknir í Hollandi og Kanada..

Ef fram­an­greind­ar at­huga­semd­ir um ör­yggi lyfj­anna duga ekki til að slíkt áhættumat sé fram­kvæmt, ættu efa­semd­ir um ár­ang­ur þeirra að fram­kalla slíkt mat: Lyf­in hindra ekki smit; óvissa rík­ir um end­ing­ar­tíma þeirra, auk þess sem vís­bend­ing­ar eru nú komn­ar fram í Kan­ada og Hollandi um að tvísprautaðir séu lík­legri til að leggj­ast inn á sjúkra­hús vegna C19 en ósprautaðir og auk þess lík­legri til að deyja úr C19. Sama töl­fræði bend­ir til að þrísprautaðir séu álíka lík­leg­ir til að leggj­ast inn á sjúkra­hús og ósprautaðir, en auk þess jafn lík­leg­ir til að deyja vegna C19. Þess­ar töl­ur eru ald­urs­leiðrétt­ar hlut­fallstöl­ur, þ.e. fjöldi í hverj­um hópi skipt­ir hér ekki máli.

Skyldi sprautudrottningin í sprautuhollinni segja thetta lýgi.

Nógu mikid lýgur hún.

Vona bara ad greinin hans Arnars veki nú einhverja af thessum

thyrnirósar-sprautu-svefni.

M.b.kv.

[Kristín Inga Þormar, 20.7.2022 kl. 08:56]

Sæll Sigurður,

Já það er með ólíkindum ef svo verður, en við erum því miður ljósárum á eftir öðrum þjóðum sem eru löngu byrjaðar að mótmæla þessum áætlunum viti firrtra auðkýfinga um okkar örlög, án þess að spyrja okkur.

Margir erlendir læknar þora ekki að mótmæla til að missa ekki störf sín, og aðra lækna er væntanlega búið að kaupa. Þeir einu sem þora að tala vinna sjálfstætt eða eru hættir störfum, og eru því engum háðir.

Við getum þakkað Guðmundi Karli (Kalla Snæ) lækni fyrir að vera eini íslenski læknirinn sem hefur verið óþreytandi í baráttunni gegn sprautunum og öllum þessum illu ráðagerðum.

Ætli það sama eigi við um stjórnmálamennina? Margir þeirra gefa sömu loforðin fyrir allar kosningar til að halda í þægilegu stólana sína, án þess að uppfylla þau nokkurn tímann, enda treysta þeir á gullfiskaminni þjóðarinnar.

Það er búið að senda þeim öllum gríðarlegt magn af efni um skaðsemi þessara svokölluðu "bóluefna", en það heyrist ekki múkk í þeim!

Greinin hans Arnars er alveg frábær, og það verður fróðlegt að sjá hvort hann fái einhver viðbrögð við henni.

Ragnheiður sprautudrottning sagði nú að öll bóluefnin væru góð og að það væri meiri áhætta að fara í búðina en að láta sprauta sig.

Fávís þjóðin kaus hana sem manneskju ársins 2021, og nú er búið að skreyta hana með heiðursorðu fyrir baráttu hennar í "heimsfaraldrinum".

Ég vissi ekki hvort ég ætti að hlæja eða gráta þegar ég sá það.

[Geir Ágústsson, 20.7.2022 kl. 11:42]

Settu nú inn færsluna af grímuklædda Norðmanninum sem þú deildir á fésinu. Það þarf að gera grín að þessu út í eitt og svo þegar kemur að næstu grímuskyldu þá líði fólki eins og blábjánum fyrir að setja á sig tuskurnar og hugleiði jafnvel að ... sleppa því!

[Kristín Inga Þormar, 20.7.2022 kl. 12:08]

Sæll Geir,

Búið og gert, ég bætti henni við sem uppfærslu við bloggið. 

[Theódór Norðkvist, 21.7.2022 kl. 13:47]

https://www.youtube.com/watch?v=--hMJPUBwMc

[Kristín Inga Þormar, 21.7.2022 kl. 17:31]

Sæll Theódór,

Eimitt, verið bara alveg skíthrædd!

[Theódór Norðkvist, 21.7.2022 kl. 18:03]

Mér datt strax í hug þetta atriði úr bíómyndinni The Fly, þegar ég las setninguna Verið hrædd, alveg skíthrædd! frá þér, hélt kannski að þú hefðir haft þessa bíómynd í huga. Er hissa á að yfirvöld hafi ekki notað þetta atriði úr The Fly í sínum áróðri.

Vonandi er ég ekki að gefa Sóttvarnarfræðsluráði, eða réttara sagt Sóttvarnarhræðsluráði, of góðar hugmyndir, ef þeir lesa Moggabloggið.

[Kristín Inga Þormar, 21.7.2022 kl. 18:40]

Sæll aftur Theódór,

Nei ég hef ekki séð þessa mynd síðan hún kom út held ég, en þetta er boðskapurinn með þessum endalausa hræðsluáróðri.

Ef við erum nógu hrædd, þá er svo auðvelt að fá okkur til að trúa og hlýða nánast hverju sem er, eins og sannast hefur síðastliðin tvö og hálft ár.

Ef þú horfðir á vídeóið sem ég mælti með, þá sérðu að hræðsluáróðurinn er þaulskipulagður til að ná sem bestum árangri - og það hefur svo sannarlega svínvirkað!