Rýnt í hvítskúraða ársskýrslu Lyfjastofnunar

Það var fróðlegt að lesa yfir ársskýrslu Lyfjastofnunar fyrir árið 2021, og svo því sé haldið til haga, þá skoðaði ég eingöngu umfjallanir um "grun um aukaverkanir" eftir "bólusetningarnar", eða öllu heldur hvítþvottinn á þeim.

Prófarkalestur virðist þó hafa verið svo slakur að ætla mætti að stofnunin sé ekki alveg með fjölda tilkynntra aukaverkana eftir "bóluefnin" á hreinu.

Ótrúlegt misræmi!

Samkvæmt þessari síðu var tilkynnt um 3.233 aukaverkanir vegna bóluefnanna árið 2021.

Hér segir að að meðaltali hafi borist 335 tilkynningar á mánuði, eða 4.016.

Mismunurinn er 783 ef mér reiknast rétt til.

Ég á til skjámyndir af þessum síðum ef ske kynni að tölum verði breytt.

Síðasta tilkynning ársins 2021 vegna "gruns um aukaverkanir":

Ef við skoðum þessa mynd, þá sjáum við að þarna eru allt aðrar tölur, eða 5.917.

Það er bara engin glóra í þessum tölum frá Lyfjastofnuninni sjálfri.

Framan af ári voru tilkynningar rúmlega 200 að meðaltali á mánuði, fjölgaði síðan til muna eftir að bólusetningarátak hófst fyrir alvöru á vordögum, en fór fækkandi með haustinu. Að meðaltali bárust 335 tilkynningar á mánuði árið 2021. (Áherslan er mín)

Hér "gleymir" Lyfjastofnun að nefna ríflega 2.000 aukaverkanir sem Alma Möller hélt eftir í einhverja mánuði og var bætt við í nokkrum lotum á haustmánuðum.

Skoðum tilkynntar aukaverkanir í desember 2021

Ég hef haft það fyrir vana að taka yfirleitt skjámyndir af þessum daglegu tilkynningum, og gefið þeim heiti dagsins sem hún er tekin.

Og til að taka af allan vafa um hugsanlegt sannleiksgildi þeirra, þá getið þið séð að þessar skjámyndir eru teknar 2. desember og 30. desember 2021.

Reyndar á ég ekki skjámynd frá 1. desember, kannski hafa ekki verið birtar tölur þann daginn, en síðustu tölur ársins voru birtar 30. desember.

 

Skrítnar Janssen tölur

 

Eins og sjá má, þá virðist aukaverkunum vegna Janssen hafi "fækkað" í desember, hvernig sem það á að geta gerst.

Aukaverkanir í desember skv. ársskýrslu Lyfjastofnunar

Tilkynningar í desember - sundurliðun eftir bóluefnum

Í desember bárust 210 tilkynningar vegna gruns um aukaverkun. Af þeim tengdust 187 bóluefnum gegn COVID-19;
117 vegna Comirnaty frá BioNTech/Pfizer, 47 vegna Spikevax frá Moderna, 12 vegna bóluefnis Janssen, og 11 vegna Vaxzevria frá AstraZeneca. Tuttugu og þrjár tilkynninganna tengdust öðrum lyfjum.

Fjöldi tilkynninga í desember eftir alvarleika

Tilkynningar vegna gruns um alvarlega aukaverkun voru 27. Fimmtán þeirra tengdust bóluefnum gegn Covid-19; 10 vegna Comirnaty frá BioNTech/Pfizer, 3 vegna Vaxzevria frá AstraZeneca, 2 vegna Spikevax frá Moderna, 0 vegna bóluefnis Janssen. Tólf tengdust öðrum lyfjum. (Áherslan er mín)

Ég setti þetta ekki upp í töflu, en auðvelt er að sjá að það er lítið að marka þessar tölur sem Lyfjastofnun gefur út, enda virðist hún ekki kunna að telja eða halda utanum tölfræði.

Meira úr ársskýrslunni

Glímt við vanda tengdan heimsfaraldrinum

Í ársbyrjun 2021 ríkti mikil bjartsýni eftir þrengingar og lokanir vegna heimsfaraldursins. Fyrsta bóluefnið gegn COVID-19, Comirnaty frá BioNTech/Pfizer, var samþykkt til notkunar hérlendis 21. desember 2020, og rétt fyrir áramót var byrjað að bólusetja viðkvæmasta hópinn, aldraða á hjúkrunarheimilum, auk framlínustarfsmanna í heilbrigðisþjónustunni.

Fyrsta tilkynningin um aukaverkun vegna COVID-19 bóluefnis barst rétt fyrir árslok 2020, og fleiri komu í kjölfarið strax fyrstu vikuna í janúar. Meðal þeirra voru fimm tilkynningar um alvarlega aukaverkun eftir bólusetningu, þar af voru fjögur andlát. Í öllum þeim tilvikum var um að ræða aldraða einstaklinga á hjúkrunarheimilum með undirliggjandi sjúkdóma, en í ljósi þess að um nýtt bóluefni var að ræða ákváðu landlæknir, sóttvarnalæknir og forstjóri Lyfjastofnunar að fá óháða aðila til að fara gaumgæfilega yfir þessi fimm atvik. Niðurstaða lá fyrir seinnihluta janúar og talið ólíklegt að tengsl væru milli bólusentninganna og þeirra andláta sem um ræddi. (Áherslan er mín)

Einmitt ...

Sérstök áhersla hefur verið lögð á að sprauta viðkvæmasta hópinn, en ef einhver þeirra deyr eftir sprauturnar, þá er það ekki sprautunum að kenna, heldur að þetta hafi verið aldrað fólk með alls konar undirliggjandi sjúkdóma.

Svo þetta með niðurstöður "óháðra sérfræðinga" á athugunum á tilkynningum um "grun um aukaverkanir". Ég skrifaði á sínum tíma tvö blogg um hvítþvott þessara "sérfræðinga" sem sjá má hér og hér.

Niðurstaða mín

Ég gæti skrifað heila ritgerð um þessa ársskýrslu, eða öllu heldur hvítþvottinn í henni.

Hugsanlegar aukaverkanir vegna bóluefnanna voru víst rannsakaðar ítarlega af "óháðum sérfræðingum", og niðurstaðan yfirleitt sú að í nær öllum tilvikum væri hægt að tengja tilvikin við undirliggjandi sjúkdóma eða áhættuþætti, eða að þetta væru afskaplega sjaldgæfar aukaverkanir.

Sjaldnast virðist sjálfum "bóluefnunum" beint um að kenna. Engin umfjöllun er um þá einstaklinga sem höfðu tilkynnt aukaverkanir, eða þær 259 alvarlegu og lífsógnandi, og jafnvel banvænu. Bara birtar einhverjar tölur sem eins og sjá má hér að ofan að er ekkert að marka.

Fólkið er bara tölur á blaði stærstu lyfjatilraunar sem gerð hefur verið á mannkyninu, sem sannanlega hefur valdið dauða og/eða örkumlum milljóna manna, kvenna og barna um allan heim, líka hér á landi.

Með fullri þátttöku og samþykki þeirra sem stjórna þessari þjóð.

Forstjórinn, Rúna Hauksdóttir Hvannberg nefnir í ávarpi sínu fólk sem kom með "ýmsar staðleysur um bóluefni og bólusetningar", sem og áratuga gamla "sníkjudýralyfið Ivermectin", sem hefur verið sprautað í milljarða manna - og dýra með frábærum árangri.

Það þótti ekki nógu öruggt, öfugt við mRNA bóluefnin sem voru búin til á undraskömmum tíma en voru víst samt mjög örugg og veittu mikla vernd.

Trúverðugleiki þessarar stofnunar er enginn.

Það er að mínu mati glæpsamlegt að þessar "bólusetningar" voru ekki stöðvaðar strax og tilkynningar um "grun um aukaverkanir" og andlát eftir þær fóru að berast, eða að minnsta kosti gert tímabundið hlé á þeim meðan orsakirnar væru rannsakaðar niður í kjölinn.

Það væri gert í löndum þar sem læknaeiðurinn "Fyrst, ekki skaða", er í heiðri hafður.

Þau lönd virðast vera orðin fá eftir.

 

 

 

 

Athugasemdir

[Þorsteinn Siglaugsson, 23.7.2022 kl. 20:56]

Afar einkennilegt að tilfellunum fækki. Líklega ekki mikið að marka tölurnar.

[Ásgrímur Hartmannsson, 23.7.2022 kl. 20:57]

Fólk gerir víst það sem það fær greitt fyrir.

Lyfjastofnun fór að hegða sér illa innan árs.  Hagstofan þarf að evra með rétt gögn, að eina sem þei hafa breytt er línuritið - það var líka farið að líta mjög illa út.

Næstu gögn frá þeim ættu að birtast undir lok næsta mánaðar.

Einhver með exel þarf að fara yfir þetta, búa til gáfulegri línurit.

[Kristín Inga Þormar, 23.7.2022 kl. 21:30]

Sæll Þorsteinn,

Nei það er ekkert að marka neinar tölur frá þessari ótrúverðugu stofnun sem gerir allt hvað hún getur til að fela aukaverkanirnar eftir þessi svokölluðu "bóluefni".

Þetta fær mann til að hugsa hvort eitthvað fleira sé falið þarna, kannski í skúffunum hjá landlækni sem lúrði á yfir 2.000 aukaverkunum í einhverja mánuði?

[Kristín Inga Þormar, 23.7.2022 kl. 21:32]

Sæll Ásgrímur,

Einmitt, er það ekki málið að þetta snúist um peninga? Ég fékk þessa athugasemd undir færslunni minni á Facebook:

Rúna Hvannberg hefur setið í stjórn Frumtaka í mörg ár sem eiga að hafa eftirlit með Lyfjastofnun. Rúna á líka mörg fyrirtæki sem eru tengd við Kára. Eitt þeirra heitir Lyfjarannsoknir ehf.

Segir þetta kannski allt sem segja þarf?

Ég treysti ekki lengur neinu sem kemur frá opinberum stofnunum, vonandi munu einmitt einhverjir sem eru færir í tölfræði setja gögnin sem þau birta upp í línurit sem gefur réttar upplýsingar.