Heimurinn hitnar tvöfalt hraðar en restin af heiminum!

Skilur einhver þetta?

Svipaður fréttaflutningur og þessi hefur dunið á okkur í gegnum árin og áratugina, sérstaklega þegar keyra þarf einhvern málstað í gang, venjulega til að hræða úr okkur líftóruna, því þá er auðvelt að stjórna okkur.

Eins og sjá má hér að neðan, þá nota þessar fréttaveitur sömu stöðluðu fyrirsagnirnar um loftslagshlýnun í grunninn, eina breytan eru staðirnir.

Maður fær ekki betur séð en að verið sé að nota sama handritið þarna alls staðar.

Þetta minnir á fréttaflutninginn af "heimsfaraldrinum" sem var í svipuðum dúr alls staðar, líka hér á landi.

Frasarnir voru hinir sömu, við erum öll í þessu saman, við erum öll ábyrg, og hreiðrum um okkur í jóla- og páskakúlum. Nákvæmlega sömu frasarnir og ég sá í enskumælandi löndum.

Sama "fréttin", sitthvort landið

Týpískur hræðsluáróður

Það er búið að hræða okkur í áratugi með því að hlýnunin sé svo mikil að heilu þjóðirnar geti þurrkast út vegna hækkandi sjávarmáls ef hnattrænu hlýnuninni yrði ekki snúið við fyrir árið 2000, og að við munum hætta að fá snjó.

Árið er 2022 núna, og engar þjóðir hafa þurrkast út og við fáum ennþá snjó, og stundum mikið af honum.

Og á sama hátt er búið að hræða okkur með hverri heimsplágunni á fætur annarri, og Covid óttaherferðin heppnaðist svo vel að núna er búið að sprauta stóran hluta mannkyns með einhverjum efnum sem þegar eru búin að skaða og/eða drepa milljónir manna, kvenna og barna um heim allan.

Hér má sjá langan lista af ámóta heimsendafréttum.

Faraldurinn sem dó út þegjandi og hljóðalaust

Og í vor var reynt að hræða okkur eina ferðina enn, þegar þegar kynntur var til sögunnar nýjasti "heimsfaraldurinn", apabólan, en við megum víst eiga von á faröldrum á færibandi næstu árin.

Netverjar tóku sem betur fer hressilega við sér og upprættu þessa pest snarlega með háðsglósum og gríni, enda hefur lítið til hennar spurst síðan ...

Fleiri bergmáls"fréttir"

Þarna má sjá tugi fréttaþula kyrja sömu rulluna "This is extremely dangerous to our democracy", - þetta er mjög hættulegt lýðræðinu okkar.

Hvaðan fengu þau þessar "fréttir" sínar?

Ég skrifaði blogg fyrir tæpu ári síðan undir heitinu Fjórða valdið - fjölmiðlarnir.

Þar skrifaði ég um grein sem var skrifuð í léttum dúr, þar sem blaðamaðurinn ljóstraði í raun upp í hverju blaðamannsstarfið væri fólgið í dag, að það væri orðið hálfgert kyrrsetustarf sem fælist helst í að finna upplýsingar á netinu, og nota símann til að ná viðbrögðum eða viðtölum.

Þetta segir Wikipedia um fjórða valdið:

Fjórða valdið er hugtak sem vísar til fjölmiðla (á eftir löggjafarvaldi, dómsvaldi og framkvæmdavaldi). Hugtakið vísar til þess að fjölmiðlar geta oft, beint eða óbeint, stýrt atburðarás ákveðinna mála, með umfjöllun sinni. (Áherslan er mín)

Hverjir eiga fjölmiðlana og geta þar af leiðandi stjórnað fréttaflutningi til okkar?

Þessi ágæta grein kom upp í leitarvél, ekki Google samt, þegar ég sló inn leitarstrenginn "who owns the media".

There we are again, watching the news or reading an article. No matter which news outlet we tune into, we really get the same story, don’t we? One news outlet spins it left, one spins it right, but in the end, they all talk about the same subject.

Whether or not we realize it, the subject matter and the ensuing spin leads us to think, believe, and vote a certain way. It also leads us to purchase certain products and services. This all has a profound effect on us and society as a whole.

We are not just tuning into news.

We are tuning into television programming that persuades us to accept the worldview being promoted by the media we are listening to.

Lokaorð greinarinnar

Before we accept the next news report, perhaps we would be better off to question the motives behind the news report.

Is it really the truth that is being reported, or could this information benefit the billionaires and governments who are sharing it with us?

Þessi lokaorð ættum við öll að taka til okkar, og við ættum líka að spyrja okkur hverjir stýra innlendum fjölmiðlum og umræðunni hér á Íslandi.

Öllum ætti að vera löngu orðið ljóst að t.d. RÚV, sem segist vera "okkar allra", heldur uppi ákaflega einhliða málflutningi um það sem er að eiga sér stað í heiminum, hvort sem það er varðandi "heimsfaraldurinn", stríðið í Úkraínu, eða loftslagsmálin svo eitthvað sé nefnt.

Greta Thunberg

Þessi sænska táningsstúlka kom með miklum látum fram á sjónarsviðið fyrir nokkrum árum síðan með einhvern loftslagsboðskap, án þess að hafa nokkra menntun til þess að tjá sig um það málefni. Það má velta því fyrir sér hvers vegna hún var talin trúverðugur boðberi nokkurra vísinda yfir höfuð.

Núna hefur hún viðurkennt að það voru engar vísindalegar sannanir fyrir því að fólk ætti að örvænta yfir loftslagsmálunum.

Greta terrified people around the world when the World Economic Forum gave her the stage in the fall of 2019 to tell us that ’Our house is on fire’ and ’I want you to panic...I want you to feel the fear I feel everyday."

At COP25, the UNFCCC even hosted a session with Greta called "Unite Behind the Science". The media and environmental groups repeated these phrases endlessly. In April of 2021, when testifying to the US Congress....suddenly Greta had a different story. "Let me clear that up....it’s just a metaphor....no science made me come to that conclusion".

Er heimurinn í raun að farast núna af okkar völdum?

Eru auðkýfingar sem fljúga í hundraðavís á loftslagsráðstefnur um allan heim í einkaþotum sínum trúverðugir málstaðnum um verndun loftslagsins, eins og t.d. John Kerry sem á einkaþotu, tvær snekkjur, sex hús og tólf bíla?

Ég held að við getum öll verið sammála um að hægt er að gera miklu betur í loftslags- og umhverfismálum, en ég hef hvergi séð umhverfisverndarsinna t.d. lýsa áhyggjum sínum af þeirri gríðarlegu mengun vegna allra þessara milljarða gríma sem fólk hefur verið neytt til að bera í þessum "heimsfaraldri", og enda á ruslahaugum og í hafinu.

Hræsnin er þvílík.

Það sem okkur er aldrei sagt um "loftslagsvána"

Við erum orðin svo vön að vera mötuð í gegnum fjölmiðla, að það hvarflar ekki að mörgum okkar að skoða mál ofan í kjölinn, að gera okkar eigin sjálfstæðu rannsóknir á því sem okkur er sagt alla daga í fréttunum.

Hér fyrir neðan er efni sem vert er að skoða, sem aldrei fengist birt í þessum spilltu meginstraumsfjölmiðlum.

• Bill Gates Caught Admitting ‘Climate Change Is WEF Scam’ to Inner Circle
• The “97% of Scientists agree” with climate alarm thing turns out to have been a giant fib
• On The Death Of Climate Scientist Dr. Tim Ball
• WITNESS: The Climate Crisis Lie
• Look out! Climate Fibbing crisis!
• The Man who invented Climate Change and influenced Schwab’s Great Reset Agenda
• The Rockefeller Way: The Family’s Covert ‘Climate Change’ Plan
• Net-Zero Energy Generation – its a trap!

Persónur og leikendur í þessum loftslagsmálum eru að miklu leyti til þeir sömu og í "heimsfaraldrinum".

Þetta er fólkið sem er núna að endurræsa heiminn og sníða hann eftir eigin geðþótta.

En flestum virðist vera sama, eða nenna ekki að kynna sér hvað búið er að ákveða um örlög þeirra að þeim forspurðum.

 

 

 

 

Athugasemdir

[Guðjón E. Hreinberg, 21.11.2022 kl. 22:41]

... og aldrei minnast þessir Davosmiðlar á að kommúnistastofnunin IPCC sem er á bak við þetta allt, notar eingöngu tölvulíkön til að búa til þessa vitleysu.

[Kristín Inga Þormar, 21.11.2022 kl. 23:05]

Sæll Guðjón,

Nei að sjálfsögðu ekki, og gleymum ekki heldur að tölvulíkön voru líka notuð til að "spá fyrir um" að milljónir myndu deyja úr "drápspestinni" ógurlegu.

Allt byggt á tölvuspám en ekki vísindum frá alvöru vísindafólki, enda fær málstaður þess lítinn sem engan hljómgrunn hjá þeim sem stjórna fréttaflutningi og vilja hafa í frammi einhvern ákveðinn málflutning sem hentar þeim hverju sinni.

[Jóhann Elíasson, 22.11.2022 kl. 10:26]

Góður pistill og þarfur Kristín Inga.  Ég hef skrifað talsvert um "þessa svokölluðu hlýnun" sem stafar af færslu Segulpólsins, en á síðustu áratugum hefur verið mikil færsla á honum sem skilar sér í því að mikil hlýnun verður á sumum svæðum en kólnun á öðrum,  En hlýnun af mannavöldum er ENGIN.  Þetta hefur fengið mjög litlar undirtektir (fyrir þessu eru sterkar heimildir eins og til dæmis NASA) en þetta hentar ekki "LOFTLAGSTRÚARBRÖGÐUNUM". Prófaðu að  googla  "The Magetic Pole"..........

[Kristín Inga Þormar, 22.11.2022 kl. 11:17]

Sæll Jóhann og þakka þér fyrir.

Málflutningur gegn þessari svokölluðu "loftslagsvá", rétt eins og gegn "bóluefnunum" fær engan hljómgrunn neins staðar, enda hentar það ekki trúboðum þesara málefna, sem oftar en ekki eiga ríkulegra fjárhagslegra hagsmuna að gæta.

Enda er verið að "endurræsa" heiminn núna og fækka mannkyninu með þessum hryllilegu eitursprautum, og þeir sem eftir lifa munu ekkert eiga og vera hamingjusamir, búa í "smart borgum", og fá skammtaðan rafeyri sem hægt verður að svipta þá ef þeir "gera eitthvað af sér", eins og að kaupa "of mikið" kjöt, eða fara yfir götu á rauðu ljósi.

Þetta eru því miður engar samsæriskenningar, þetta má sjá á vefsíðu WEF og víðar, en það sorglega er að fólk virðist ekki nenna að kynna sér þessar aðgerðir þeirra sem eru í fullum gangi núna.

[Rúnar Már Bragason, 22.11.2022 kl. 11:37]

Góður pistill.

Orkuskorturinn, sem reyndar er af eigin völdum EU, er að vekja ansi marga til lífsins um þessi umhverfismál og svokölluðu umhverfisvá. Þegar farið er í saumana á loftlagsvánni þá virðast náttúrulögmálum vera vikið til hliðar og hvað þá að spyrja hvort við höfum nóg af náttúrulegum efnum til að búa til allar vindmyllurnar og sólersellurnar sem eiga að skapa alla orkuþörfina.

Macron forseti Frakklands sagði á ráðstefnu að hann vildi einpóla heim, líklega með formerkjum WEF án þess að nefna það.

Þetta fólk er stórhættulegt en samt er mín trú að þeim mun ekki verða að ósk sinni.

[Kristín Inga Þormar, 22.11.2022 kl. 14:04]

Sæll Rúnar og þakka þér fyrir.

Þessi orkuskortur núna er mannanna verk og vonandi er fólk að vakna til vitundar um það, rétt eins og um þennan "heimsfaraldur" sem notaður var til að réttlæta þessar svokölluðu "bólusetningar" á mannkyninu.

Tilhugsunin um einhverja alheimsstjórn er skelfileg, en auðvitað er það eitt af markmiðum WEF, og vonandi verður hægt að koma í veg fyrir það.

[Ágúst H Bjarnason, 22.11.2022 kl. 15:20]

Takk fyrir góðan pistil Kristín.

FLOP27

https://mailchi.mp/074d0660af5a/as-predicted-cop27-was-a-flop-yet-again-192623

[Kristín Inga Þormar, 22.11.2022 kl. 15:54]

Sæll Ágúst og þakka þér fyrir.

Ætli FLOP27 sé ekki einmitt frekar réttnefni en COP27 fyrir þessar ráðstefnur.

"Without fail, we are told that time is running out, that it’s one minute to midnight, and that it’s the last chance to save the world from doomsday."

... en við getum bjargað því ef við fáum milljarða dollara frá ykkur ...

Er ekki löngu kominn tími til að fólk fari aðeins að vakna?

[Loncexter, 22.11.2022 kl. 16:24]

Var að sjá frétt rétt í þessu, þar sem er sagt frá gríðarlegum snjó í denmark, sweden og nágrenni. 

Ætli veðurmælingarmenn sleppi því að skrá þetta í tölvuna sem þeir nota til að fá ,,rétta" sýn á málið ?

[Kristín Inga Þormar, 22.11.2022 kl. 17:07]

Sæll Loncexter,

Ætli þessu verði ekki bara sleppt úr tölvulíkönunum yfir þróun veðurfarsins?

Veðurfræðingar eiga stundum erfitt með að spá fyrir veðurfari næstu daga, og ef sólarveðurspá bregst, þá afsaka þeir sig með því að ekki allar spár rætist.

Enda eru þetta bara spár.

[Ásgrímur Hartmannsson, 22.11.2022 kl. 18:54]

Ekki vanmeta heimsku fólks.

[Kristín Inga Þormar, 22.11.2022 kl. 19:40]

Sæll Ásgrímur,

Nei, og ekki leti heldur, allt of mörgum virðist bara þykja þægilegast að láta segja sér hvað þeir eigi að hugsa, og trúa engu nema það komi frá þessum meginstraumsfjölmiðlum.

Nú eða fyrrverandi sóttvarnalækni svo nærtækt dæmi sé tekið, hann sagði í fyrra: Það geta verið aukaverkanir með þessum bóluefnum, þær eru mjög sjaldgæfar og miklu sjaldgæfari heldur en af Covid-sýkingu, og það eru bara tveir kostir í stöðunni, annað hvort fá Covid eða að láta bólusetja sig.

Eða Ragnheiði Ósk sem sagði að öll bóluefni væru góð, aukaverkanirnar væru svo örlitlar að það væri örugglega meiri hætta af því að bara fara út í búð.

Og almenningur trúði og treysti þessu fólki í blindni.

[Geir Ágústsson, 22.11.2022 kl. 19:49]

Geggjaðar pistill. Það er einhver rauður þráður í þessum áróðri, og alþjóðlegur: Hræðast, breytast, ella farast.

Loftslag, veira og núna erum við öll fædd í röngum líkama og borðum of mikið kjöt og ferðumst of mikið, erum fordómafull og þurfum bóluefna- og kolefnispassa, annars hætta greiðslukortin með falspeningunum að virka.

Glaðvakandi fólk eins og þú er gulls ígildi.

[Kristín Inga Þormar, 22.11.2022 kl. 20:24]

Sæll Geir og þakka þér kærlega fyrir.

Þú dregur hérna saman í stuttu máli akkúrat það sem mannkynið stendur frammi fyrir og er að glíma við þessa dagana, en margir sem lesa þetta munu alveg koma ofan af fjöllunum og halda að þetta sé argasta bull.

Það eru þeir sem í leti sinni nenna ekkert að að fræða sig og munu svo ekkert skilja þegar við verðum komin undir boðaða alheimsstjórn, og búið að svipta okkur öllu.

Það er allt þetta fólk sem mun leyfa þessu að raungerast, því miður.

[Geir Ágústsson, 23.11.2022 kl. 08:34]

RÚV lepur auðvitað upp vitleysuna:

https://www.ruv.is/frett/2022/11/23/tvofalt-meiri-hlynun-i-svithjod-en-a-heimsvisu

[Kristín Inga Þormar, 23.11.2022 kl. 09:10]

Sæll aftur Geir,

Ég verð að viðurkenna að ég hló upphátt þegar ég sá fyrirsögnina á þessari "frétt". En styður þetta ekki fullkomlega við það sem ég skrifaði um fjölmiðla og fréttamennsku hér að ofan?

Ég held að við getum varla fundið skýrara dæmi en þetta, RÚV þýðir erlendar "fréttir" og flytur þær, og almenningur trúir þessu, því þetta er jú RÚV "okkar allra".