Kristín Þormar

19.8.2023 | 20:11

Hvað er svona erfitt að skilja eða horfast í augu við?

Vilja Íslendingar ekki skilja hvað er í húfi fyrir okkur þjóðina, og í raun heiminn allan ef Alþjóðaheilbrigðismálastofnunin fær einræði yfir heilbrigðismálum heimsins?

Forstjóri stofnunarinnar er glæpa- og hryðjuverkamaður, svo hvernig gat það átt sér stað að maður sem vílaði ekki fyrir sér fjöldamorð á sinni eigin þjóð sé um það bil að verða einráður í heilbrigðismálum heimsins?

Hvers vegna hann var skipaður í þetta embætti, og svo endurkjörinn í það?

Þykir þér hann vera rétti maðurinn til að fá lögbundið leyfi til að svipta þig sjálfsákvörðunarrétti yfir þínum eigin líkama og þinni eigin heilsu?

Svari hver fyrir sig!

Hvað þýðir það ef hann fær þessi völd?

Hafið þið kynnt ykkur heimsfaraldurssáttmálann sem hann og WHO eru að reyna að koma í gegn, og hvers vegna við þjóðin verðum að hafna honum? Hann gengur í stórum dráttum út á það að hann getur lýst yfir "neyðarástandi í heiminum" út af einhverjum smitfaröldrum sem stofnunin er búin að boða næstu 10 árin - eða jafnvel "neyðarástandi í loftslagsmálum".

Stofnunin mun ekki lengur vera ráðgefandi, heldur munum við þurfa að hlýða öllum skipunum sem frá henni kemur, eins og að loka okkur inni, loka fyrirtækjum, nota grímur, fara í líkamsskoðanir (jafnvel með lögregluvaldi) og láta sprauta í okkur einhverjum "bóluefnum" sem stofnunin segir "nauðsynleg" til að ná tökum á einhverjum "smitfaraldri".

Orð forstjórans verða lög.

Ritskoðunin verður algjör, og okkur verður ekki leyft að birta neinar skoðanir sem ekki samræmast þeirra aðgerðum og tilmælum. Ég fjallaði ítarlega um drögin að heimsfaraldurssáttmálanum nýlega, sjá hér.

Hafi ykkur þótt Covid tímabilið erfitt, þá skuluð þið átta ykkur á að það var barnaleikur miðað við það sem koma skal þegar Tedros verður kominn með einræðið yfir heilbrigðismálum okkar og lýsir yfir næstu faröldrum.

Áætlanir WHO um börnin

Hér ættu allir sem umhugað er um börn sín og annarra að staldra við. Íslensk stjórnvöld unnu stefnu fyrir íslenska heilbrigðisþjónustu til ársins 2030 í samstarfi við WHO - sem er að stórum hluta til fjármagnað af Bill & Melinda Gates Foundation.

Inni í þessari stefnu eru staðlar um hvernig kynfræðslu barna skuli háttað, en hún felst meðal annars í því að kenna þeim að vera kynverur frá unga aldri, að kynin séu fjöldamörg, og að það sé bara eðlilegt að vera trans.

Þegar maður kynnir sér hvað felst í þessari svokölluðu "kynfræðslu", þá getur maður ekki annað en fyllst óhugnaði og viðbjóði.

Því miður er þegar búið að innleiða þetta "kynfræðsluefni" í mörgum skólum hér á Íslandi, jafnvel án þess að það hafi verið kynnt fyrir foreldrunum.

Ég hvet ykkur til að kynna ykkur þessar djöfullegu áætlanir WHO um börnin, og sérstaklega að lesa líka öll skrif mín um mál þessu tengt, alla hlekki á þau má finna þar.

Þess má geta að mannréttindasamtökin Mín Leið - Mitt Val birtu í vor opið bréf til ríkisstjórnar Íslands, Ásmundar Einars Daðasonar, Willums Þórs Þórissonar, starfsmanna Barnaheilla - Save the Children á Íslandi, UNICEF á Íslandi, umboðsmanns barna og grunnskólakennara á Íslandi með áskorun til þeirra um að stöðva þetta sem er ekkert annað en óhugnanleg og skaðleg kynvæðing barna hér á landi.

Það náði ekki eyrum neinna frekar en önnur áköll og jafnvel bréf með stefnuvottum til þeirra, allt er hunsað af öllum, líka af forseta Íslands.

Nú er skólastarf um það bil að hefjast aftur hér á landi, og allir foreldrar þurfa nauðsynlega að kynna sér námsskrár barna sinna, í hvaða námsgreinum kynfræðslan á að eiga sér stað, og ekki hvað síst hverjir eigi að sjá um hana.

Ég skora á ykkur foreldra skólabarna að gera það strax áður en skólastarfið hefst, ef þið kærið ykkur ekki um að börnin ykkar fái svona "kynfræðslu"!

En hvernig getur þetta gerst hér á Íslandi?

Þótt Alþingi hafi enga heimild til þess, þá virðist það vera smátt og smátt að framselja vald til erlendra stofnana, þar með talið til WHO.

Með því er verið að gera það kleift að evrópskar reglur verði teknar fram yfir íslenskar lagareglur.

Jón Steinar Gunnlaugsson lögmaður og fyrrverandi hæstaréttardómari segir forgangsreglu ESB og bókun 35 (sem verið er að reyna að koma í gegn á Alþingi), gangi í berhögg við stjórnarskrá Íslands, og vera fullveldisafsal!

Við hljótum öll að vera farin að sjá að það er eitthvað mikið að í íslensku stjórnkerfi núna.

Við, þessi friðsama þjóð erum orðnir þátttakendur í stríðsrekstri annarrar þjóðar með milljarða fjárframlögum sem við fáum ekkert að vita um hvernig er varið, og nú eru skæðustu sprengjuþotur heimsins mættar á Keflavíkurflugvöll!

Hér er gegndarlaust innstreymi fólks frá öðrum þjóðum sem kostar okkur að minnsta kosti 20 milljarða á ári, fyrir utan allan óbeinan kostnað eins til dæmis heilbrigðisþjónustu.

Nýjasta fréttin er að Hótel Glymur í Hvalfirði muni hætta starfsemi í 24 mánuði til að hýsa allt að 80 hælisleitendur í boði Vinnumálastofnunar sem er í eigu ríkisins, og í allt þetta fara skattpeningarnir okkar.

Á meðan eru innviðir okkar sársveltir og heimilislausir Íslendingar fá ekki sama skilning og ókunnugir útlendingar um heimilisleysi sitt, hvað þá úrræði.

Ekki fæst betur séð en að við séum þegar orðin ofurseld erlendum tilskipunum - sem við erum búin að samþykkja að gangast undir. Reyndar ekki við þjóðin, heldur íslensk stjórnvöld.

Ætlar þjóðin bara að hafa augun áfram lokuð og hunsa þetta?

Og nú ætla þau að samþykkja einræði WHO í heilbrigðismálum þjóðarinnar án þess að við þjóðin höfum nokkuð um það að segja, enda er séð til þess að þetta fái enga umfjöllun á RÚV eða þessum helstu fjölmiðlum hér á landi.

En þótt við sjáum þetta ekki í fréttum þessara miðla, þá er þetta að gerast á bak við tjöldin.

Er erfitt að skilja - eða horfast í augu við að þetta sé raunverulega að gerast, og ef svo, þá hvers vegna?

Er það vegna þess að við sjáum þetta ekki í fréttunum eða að við viljum ekki trúa því að íslensk stjórnvöld séu að gera okkur þetta?

Ég verð að játa að ég er mjög hugsi yfir öllum þeim þúsundum manna og kvenna hér á landi sem búin eru búin lesa allar upplýsingarnar og sannanirnar fyrir þessu yfirvofandi skaðræði, en virðast bara láta það sem vind um eyrun þjóta.

Ef þið trúið þessu ekki, leitið þá endilega sannana fyrir því gagnstæða.

Vandamál hverfa aldrei með því bara að stinga hausnum í sandinn - eða ætlast til þess að einhverjir aðrir leysi þau fyrir mann.

Það er á ábyrgð okkar allra að veita stjórnvöldum aðhald, og nú er svo komið að við verðum að senda þeim skýr skilaboð og segja hingað og ekki lengra, við ætlum ekki að leyfa ykkur að komast upp með að samþykkja þennan landráðasamning og krefjumst þess að við yfirgefum WHO!

Það gerum við hér með því að skrifa undir til að segja NEI við yfirvofandi einræði WHO í heilbrigðismálum þjóðarinnar með glæpa- og hryðjuverkamanninn Tedros Ghebreyesus í forsvari!

Þegar þið skrifið undir undirskriftalistann þá fáið þið strax tölvupóst þar sem þið eruð beðin um að smella á hlekk til að staðfesta að ykkar netfang hafi verið notað til að skrifa undir, og til að undirskriftin ykkar verði virk, þá verðið þið að smella á hann.

Margir póstþjónar hafa öflugar varnir og senda marga pósta í ruslmöppuna, svo það er gríðarlega mikilvægt að þið leitið þar ef þið finnið póstinn ekki strax.

Sameinumst núna áður en það verður of seint fyrir okkur öll

Sameinumst um að stöðva þetta landráð áður en það verður allt of seint fyrir okkur, þegar þessi lög verða komin á, þá verða þau ekki aftur tekin!

Nokkur ný ummæli þátttakenda sem vita hvað er í húfi:

Sjálfsákvörðunarréttur fólks er smám saman að verða að engu. Stórhættuleg þróun.
eg er á móti því að einkafyrirtæki sé gefið alræðisvald yfir velferð okkar í heilbrigðismálum og það til manns sem á heima fyrir dómstólum fyrir stríðsglæpi
WHO á ekki hafa neitt vald yfir Íslandi eða neinni annari þjóð
Ísland er fullvalda ríki, og ræður sér sjálft, og við höfnum svona innrás í landið
Vil ráða sjálf yfir mínum líkama
Stoppa þessa glæpamenn og föðurlandsvikara
Ísland ræður fyrir íslendinga
ég vil að forseti og ríkisstjórn íslands og aðrir ráða menn,hafni fyrirhuguðum breytingum á alþjóðlegri heilbrigisreglugerð WHO, IHR og alþjóðlegum heimsfaraldurssamningi.
Ástæða mín fyrir þátttöku er að ég vil hafna yfirþjóðlegri stjórn yfir fullveldi lýðveldisins Íslands.
Sjálfstæði og sjálfræði Íslands skiptir höfuðmáli og verndun lýðræðis á dögum aukins fasisma og ofstækis á heimsvísu!
Að gera who æðra íslenskum lögum er glæpsamlegt alræði,brot á stjórnarskrá hegningarlögum og þetta fólk eru landráðamenn og ætti að setja umsvifalaust í fangelsi!

Flokkur: Bloggar | Breytt 8.9.2023 kl. 12:03 | Facebook

Athugasemdir

Öflug áminning hjá þér Kristín, sem við verðum að treysta að vekji einhverja.

Guðrún Bergmann, 19.8.2023 kl. 21:28

Sæl Guðrún mín,

Ég veit hreinlega ekki hvað þarf til að vekja fólk, kannski verður það ekki fyrr en það megi ekki lengur ferðast nema láta sprauta einhverju í sig, það er eins og þorri Íslendinga bregðist aldrei við neinu fyrr en eitthvað bítur á þeim sjálfum, en ég er nokkuð viss um að fæstir kæri sig um fleiri sprautur.

En þá verður það því miður orðið allt of seint.

"Bólusetningar" eru lausn WHO á öllu, eins og sjá má ef maður gefur sér tíma til að skoða drögin að heimsfaraldurssáttmálanum þeirra.

Vonandi fer fólk loksins að gera sér grein fyrir þessu skaðræði - og hreinlega landráði sem íslensk stjórnvöld virðast ætla að samþykkja með þögn sinni.

Kristín Inga Þormar, 19.8.2023 kl. 22:08

Takk enn og aftur fyrir frábæran pistil.

Því miður mun ekkert gerast í þessum málum og Íslendingar

munu láta teyma sig eins og hvert annað sauðfé till slátrunar.

Rétttrúnaðurinn og woke bullið ræður för og þegar hatursorð lögin

henna Kötu í vinstri geðveikum fara í gegn, þá verður fólk eins og

við tekið á teppið og jafnvel fangelsað. Við meigum ekki mótmæla eða

skrifa um eitthvað sem er gegn rétttrúnaðinum. Flest allt fólk á þessu

aumingja alþingi, (get ekki lengur skrifað með stóru a), hefur aldrei

unnið handtak alla sína ævi og telur sig upphafið yfir alla.

Eina sem gæti bjargað þjóðinni væri algjört hrun þar sem byrja þyrfti allt

uppá á nýtt og þá meina ég frá núlli. Ég ritaði einu sinn öllum þingmönnum

bréf fyrir 14 árum síðan vegna sms lánanna og benti þá á í hvað myndi stefna

fyrir mörg ungmenni ef þetta yrði ekki stöðvað. Eina og einu svörin voru

þakkir fyrir brýninguna og ekkert gerðist. Allir vita hvernig það fór og

ég segi í boði alþingis. Sama mun nú gerast í öllum þessu rétttrúnaðarbulli

og það í boði alþingis þar sem hver og einn einasti þingmaður verður búina

að svíkja þingmannaeiðin og forseti Íslands verðu líka í þeim hópi.

Það virðist allt verða Íslandi að ógæfu með þessu fólki sem treyst var

til þess með eiði að verja það og virða.

Skömm þeim öllum.

Sigurður Kristján Hjaltested, 20.8.2023 kl. 09:17

Sæll Sigurður og þakka þér kærlega fyrir.

Já, blessaða vel menntaða og vel lesna bókaþjóðin okkar hefur mikið langlundargeð og virðist ekki geta risið upp á afturlappirnar fyrr en það er orðið allt of seint eins og í hruninu þegar þúsundir fjölskyldna voru að missa heimilin sín.

Hún er lýsandi myndin sem ég setti þarna inn, annað hvort skilurðu söguna eða þú treystir stjórnvöldum, þú getur ekki gert hvort tveggja.

Það eru ekki nema örfá ár síðan hrunið - sem gerði þá ofurríku ennþá ríkari varð, og nú er verið að gera okkur nákvæmlega það sama aftur, ekki bara með okurvöxtunum, heldur á líka að hneppa okkur í ánauð WHO í boði íslenskra stjórnvalda.

Ein vinkona mín segir oft að eymd sé valkostur, flest bendir til þess að stærstur hluti þjóðarinnar ætli að kjósa eymdina enn og aftur.

Verði þeim þá bara að góðu þegar næsti "heimsfaraldur" skellur á og þeir munu ekki hafa neinn sjálfsákvörðunarrétt lengur um eigin líkama og heilsu, þeir verða sprautaðir með lögregluvaldi með einhverju nýju eiturglundri úr smiðju lyfjakrimmanna og Bill Gates.

Kristín Inga Þormar, 20.8.2023 kl. 10:44