Kristín Þormar

28.10.2023 | 19:34

Nokkrar athugasemdir við viðtal við Guðrúnu Aspelund sóttvarnalækni

Enn og aftur fær sóttvarnalæknir að vaða uppi með gaslýsingum og lygum í drottningarviðtali í íslenskum fjölmiðli, og nú þegar hún var meðal annars beðin að tjá sig um frábæra grein eftir Helgu Birgisdóttur hjúkrunarfræðing og ljósmóður sem birtist í Morgunblaðinu nýlega, en hana má finna í viðhengi hér neðar.

Þarna var skautað yfir ansi margt af því sem Helga gerir að umræðuefni í grein sinni, og það er eftirtektarvert að Guðrún var ekki krafin svara við mörgu af því sem þarna kemur fram, heldur fékk hún að dásama þessi "bóluefni" algjörlega gagnrýnislaust, og gera eins og venjulega lítið úr aukaverkunum.

En í rauninni er það kannski ekkert eftirtektarvert, heldur akkúrat það sem mátti búast við af þessum aumu meginstraumsfjölmiðlum hér á landi.

Skoðum nokkur ummæli hennar:

Þetta á ekki við rök að styðjast. Bóluefnin eru mjög örugg og virka gegn veikindum, sérstaklega alvarlegum veikindum og andlátum í Covid.

Það er vægast sagt undarlegt af henni að reyna að hrekja rök með engum rökum til að sanna mál sitt, heldur órökstuddri og ósannaðri fullyrðingu. Og hvers vegna var hún þá ekki beðin um heimildir til að sanna ummæli sín um öryggi og virkni þessara "bóluefna"?

Sóttvarnalæknir segist hafa orðið vör við aukna gagnrýni á bólusetningar. Raddirnar hafi orðið háværari í kórónuveirufaraldrinum. Hún telur óþarfa að óttast, langflestir séu bólusettir. Aukaverkanir hafi verið sjaldgæfar og flestar vægar.

Já er það Guðrún? Yfir 400 læknar frá 34 löndum lýstu yfir alþjóðlegu neyðarástandi (medical crisis) vegna sjúkdóma og andláta sem tengjast Covid-19 "bóluefnunum" í september 2022, og yfir 1.000 ritrýndar (Peer reviewed) rannsóknir segja að bóluefnin séu hættuleg.

Krabbameinin

Það eru engin bóluefni sem valda krabbameinum. Og þar að auki veit ég ekki hvaðan þetta kemur, að krabbamein hafi aukist. Það eru upplýsingar á síðu Krabbameinsfélagsins, þar eru töflur og mælaborð, og þar er hægt að skoða tíðni krabbameina hér á Íslandi aftur í tímann.

Hér eru nokkrar heimildir Guðrún:

Og hvað tölfræði varðar hér á Íslandi, þá treysti ég henni ekki fyrir horn, sérstaklega varðandi allt sem viðkemur "faraldrinum" og þessum eitursprautum, þöggunin var nánast áþreifanleg, og ég persónulega veit um fólk sem er að glíma við eða hefur látist úr krabbameinum undanfarin tvö ár eða svo, stundum sjaldgæfum og illviðráðanlegum - og jafnvel á stuttum tíma.

.... fyrir utan allt blessaða fólkið sem verður bráðkvatt, slíkar dánartilkynningar má lesa nánast á hverjum degi, jafnvel tvær til þrjár.

Ef þetta eru ekki lygar, þá veit ég ekki hvað eru

Guðrún segir bóluefnin hafa verið gefin í milljörðum skammta og að því væri komið í ljós ef það væri „stóraukning á fylgikvillum“ í tengslum við bóluefnin. Hún segist ekki ætla að deila við höfund greinarinnar, til dæmis með því að kalla skrifin óábyrg, og leggur áherslu á mikilvægi bóluefna.

Hefurðu séð þetta, þetta eða þetta Guðrún, eða þetta?:

Já einmitt, mjög sjaldgæfar og fátíðar ....

Síðan hafa verið sjaldgæfar og alvarlegri aukaverkanir. Hjartabólgur og gollurshúsbólgur í hjarta þar á meðal. En voru mjög fátíðar og miklu sjaldgæfari heldur en þessir sömu fylgikvillar eftir Covid-sýkinguna.

Það sem Guðrún Aspelund og aðrir læknar og vísindamenn "gleyma alltaf" að nefna varðandi Covid sprauturnar er að þær innihalda ekki eiginleg bóluefni eins og við höfum þekkt þau hingað til.

Munurinn á hefðbundnum bóluefnum og mRNA Covid líftæknilyfjunum

Bóluefni er efni sem bætir ónæmiskerfi dýra gagnvart tilteknum smitsjúkdómi. Bóluefni eru unnin úr veikluðum veirum eða bakteríum eða innihalda efni sem finnast í sýklum. Bóluefnið virkar þá þannig að þegar því er sprautað inn í líkama bregst ónæmiskerfi dýrsins við með því að mynda mótefni gegn bóluefninu. Þannig ber ónæmiskerfið kennsl á efnið næst þegar það kemst í tæri við það og myndar þá öflugri vörn en ella.

Markvissar og almennar bólusetningar barna hafa dregið úr tíðni margra barnasjúkdóma, svo sem mislinga, barnaveiki, kíghósta og lömunarveiki.

Fyrsta bóluefnið var þróað gegn bólusótt og dregur því nafn sitt af því. Með því að sýkja viljandi einstaklinga af mildara afbrigði bólusóttar, það er kúabólu, urðu einstaklingarnir ónæmir fyrir svæsnara bannvæna afbrigðinu. Af því dregur ennfremur enska heitið nafn sitt frá latínu, vacca - kýr.

Wikipedia

mRNA COVID-19 efnin eru enn kölluð "bóluefni", jafnvel þó að þau uppfylli allar skilgreiningar á genameðferð og enga skilgreiningu á bóluefni.

Sú staðreynd að þau eru genameðferð, og heilu þjóðfélögin voru skylduð til að fara í þessar sprautur án fullnægjandi prófana, bætir enn einu svívirðilegu lagi við hin mörgu grimmdarverk sem áttu sér stað í COVID-19 heimsfaraldrinum.

Raunveruleikinn

Hér er nýtt skjáskot úr Facebook grúppu sem heitir Died Suddenly News, en þar fær fólk að tjá sig um reynslu sína og/eða ástvina af þessum "góðu og öruggu bóluefnum".

Ég er búin að lesa þúsundir svona frásagna undanfarin tvö ár í sambærilegum grúppum og víðar og hef birt þær í eldri bloggum mínum.

Hvað varð um Hippókratesareiðinn: Fyrst, ekki skaða?

Hippókratesareiðurinn er eitt af elstu bindandi skjölum í sögunni, skrifaður af Hippókratesi, og enn haldinn heilagur af læknum: Að meðhöndla sjúka eftir bestu getu, að varðveita friðhelgi sjúklings, að kenna næstu kynslóð leyndarmál læknisfræðinnar og svo framvegis.

Okkur ætti að vera orðið ljóst að hann er ekki lengur haldinn heilagur af Guðrúnu Aspelund, Ölmu Möller, Þórólfi Guðnasyni, Kára Stefánssyni og öðrum slíkum sem blekktu þjóð sína í þessar sprautur.

Og það er orðinn ansi holur hljómur í Guðrúnu sem kannast sjaldan eða aldrei við neitt neikvætt við "bóluefnin" eða afleiðingarnar fyrir marga af þeim, eða við rannsóknir sem henni hefur verið bent á.

Hér getið þið séð hvað læknastéttin hefur brotið á okkur undanfarin ár, og einnig er þar hlekkur á eina af mörgum þeim færslna sem ég hef skrifað, sem sýnir hvað liggur þarna að baki.

Það mun taka langan tíma fyrir marga að fara að treysta heilbrigðiskerfinu aftur, ef það mun þá nokkurn tímann gerast.

Skrár tengdar þessari bloggfærslu:

Grein Helgu Birgisdóttur hjúkrunarfræðings og ljósmóður

Flokkur: Bloggar | Breytt 29.10.2023 kl. 19:39 | Facebook

Athugasemdir

Ekki að valda krabbameini, ha...

Þetta er á vef *LANDLÆKNISEMBÆTTISINS* hérna: https://app.powerbi.com/view?r=eyJrIjoiMjdkYTI0ZWUtZGU5OS00Y2IxLThkYzctZTE4MTYyYTFjNjA1IiwidCI6Ijc2NGEzMDZkLTBhNjgtNDVhZC05ZjA3LTZmMTgwNDQ0N2NkNCIsImMiOjh9&pageName=ReportSectiond0d948dfa3bb68e7494d

Leiktu þér aðeins að þessu, og sjáðu hvað þú færð út.

Krabbameinið er byrjað. Eins og spáð var.

Ásgrímur Hartmannsson, 28.10.2023 kl. 20:33

Frábær pistill að venju.

Því miður er allt embættismanna kerfið á Íslandi ásamt stjórnvöldum

meira og minna skipa vanvitum. Fólk sem hefur engvan áhuga á því að

þjóna almenning vegna sérhagsmuna sinna og eigin þarfa.

Læt fylgja hér athugasemd sem ég setti inná síðu hjá Geir Ágústsyni

stórbloggara...

Þetta er alveg magnað hversu langt er hægt að stinga höfðinu í sandinn.

Það er alveg á hreinu að stjórnvöld brugðust sínum þegnum þegar

mest þurfti á þeim að halda og vita uppá sig sökina.

Tek ofan fyrir sóttvarnarlækni Svíþjóðar sem fór eftir áratuga

reynslu af svona faröldrum og vissi eftir sína menntun að það tekur mörg

ár að þróa bóluefni. Hann lét ekki undan þrýstingi, svipað og Ragnar okkar

reykás gerði. Snerist við á örfáum mánuðum og sveik sína þjóð og fékk

fálkaorðu fyrir. Það þurfti ekki mikla skynsemi til að sjá að þessi bóluefni

búin til á 5 mánuðum gátu aldrei staðið undir þeim væntingum sem þeim hafði

verið lofað og merkileg að forsvarsmenn allra þessara svikafyrirtækja skulu

ekki vera komnir bak við lás og slá fyrir glæpi gegn mannkyni.

Sagt er að menntun sé máttur.

Hvar var sá máttur hjá ríkisstjórn Íslands þegar mest

þurfti á honum að halda..??

M.b.kv.

Sigurður Kristján Hjaltested, 28.10.2023 kl. 20:38

Sæll Ásgrímur,

Já krabbameinið er vissulega byrjað, og ég er búin að lesa ótal greinar og horfa á ótal viðtöl um það eftir heiðarlega erlenda lækna sem eru ekki háðir styrkjum og peningagreiðslum frá lyfjamafíunni.

Má þar sérstaklega nefna kanadíska krabbameinslækninn Dr. Makis sem skrifar reglulega á Substack.

Ég veit um fleiri krabbameinstilfelli í mínu nærumhverfi en talist getur eðlilegt, og þar af nokkrar konur á besta aldri með brjóstakrabbamein.

Við eigum því miður líklega eftir að sjá afleiðingar genasprautanna á næstu árum og áratugum eins og mikið er búið að vara við, en fær að sjálfsögðu enga umfjöllun í meginstraumsruslmiðlunum.

Kristín Inga Þormar, 28.10.2023 kl. 21:09

Sæll Sigurður og þakka þér kærlega fyrir.

Hann Geir er alltaf með puttann á púlsinum og hefur skrifað marga frábæra pistla um það sem er efst á baugi hverju sinni, og margt annað líka, alveg frábær bloggari.

Ég tek algjörlega undir þessa athugasemd þína, og hún á alveg eins vel við það sem ég hef skrifað hérna núna.

Kristín Inga Þormar, 28.10.2023 kl. 21:10

Þakka þér kærlega fyrir Kristín.

Siðleysi/blinda valdafólks er loksins orðið augljóst.

Skúli Jakobsson, 29.10.2023 kl. 10:13

Sæll Skúli, og þakka þér sömuleiðis.

Það er bara spurning hvort eða hvenær þjóðin verður tilbúin að horfast í augu við hvaða glæpi búið er að fremja gagnvart okkur undanfarin ár.

Guðrún Aspelund hefur unnið að mörgum rannsóknum með hinum alræmda Anthony Fauci sem stýrði "heimsfaraldrinum" í Bandaríkjunum og blekkti sína þjóð líka í þessar eitursprautur.

Hvað ætti það að segja okkur?

Kristín Inga Þormar, 29.10.2023 kl. 11:26

Líkur sækir líkan heim.

Skúli Jakobsson, 29.10.2023 kl. 11:39

Sæll aftur Skúli,

Já nákvæmlega, svo má líka velta því fyrir sér hvort peningagreiðslur komi þarna við sögu, enda er vitað að margir sem dásömuðu sprauturnar gerðu það ekki ókeypis.

Kristín Inga Þormar, 29.10.2023 kl. 11:53

Óskammfeilni "elítunnar" er ótrúleg - en Vísindakirkja rangsnúnings eða falskrar siðbótar og loginnar endurreisnar og myrkvaðrar upplýsingar, er innfallin, þó jarðýtan sé ekki mætt á svæðið er það einungis tímaspursmál, held ég.

Mig grunar að drulluskánin fái að sitja þar til nægilega hátt hlutfall af fjöldanum átti sig á umfangi lýginnar. T.d. var margsannað fyrir 1910 að bóluefni Edward Jenner og lærisveina hans stöðvuðu engar farsóttir eða veikir, en ullu umfangsmiklu tjóni, og fjöldi rekjanlegra rita hafa staðfest þetta allar götur síðan.

Formáli Kennedy á annarri bók J. Mikovits, stendur eins og klettur í hafi.

Að tveir þriðju mannkyns fær nú að upplifa á eigin blóði, afleiðingar þess að hafa tekið mark á þeim lygum að bóluefnin séu mesta afrek "læknisfræðinnar" að óathuguðu máli, er afar áhugavert í ljósi sögu siðmenningar, því síðan 1910 hafa svo margir ábyrgir aðilar borið vitni um þetta með rekjanlegum hætti.

Bestu kveðjur, og Guðsblessun.

Guðjón E. Hreinberg, 29.10.2023 kl. 13:54

Sæll Guðjón,

Já það hlýtur að vera bara tímaspursmál hvenær allir glæpir heimselítunnar verði komnir upp á yfirborðið, en hér á Íslandi hefur því miður verið erfitt að vekja fólk til vitundar um alla þessa glæpi sem búið er að fremja gegn okkur og heiminum öllum.

Mig langaði til að fjalla um skaðsemi þessara hefðbundnu bóluefna og öll eiturefnin í þeim, ég er mikið búin að lesa um það undanfarin ár, en það er eiginlega frekar sjálfstætt umfjöllunarefni.

Hefði ég vitað þá það sem ég veit í dag, þá hefði ég aldrei látið sprauta börnin mín með neinum af þessum efnum, en svona var maður í denn, trúði bara og treysti öllu sem læknarnir sögðu manni, því að sjálfsögðu vildi maður aðeins það besta fyrir börnin sín.

Heimsbyggðin mun því miður eiga eftir að þurfa að líða fyrir það um ókomna framtíð að hafa treyst læknum, vísindunum og sínum eigin stjórnvöldum.

Kristín Inga Þormar, 29.10.2023 kl. 14:29

Magnaður pistill hjá þér að vanda kæra Kristín! Takk fyrir að taka allar þessar heimildir saman og sýna svo ekki verði um villst að heilbrigðisyfirvöld eru því miður að ljúga að okkur.
Ef þau hafa ekki kynnt sér allar þessar heimildir eru þau ekki stafi sínu vaxin. Ef þau hafa kynnt sér þær og eru ekki að segja okkur sannleikann, eru heldur ekki starfi sínu vaxin.

Guðrún Bergmann, 30.10.2023 kl. 12:45

Sæl Guðrún mín og þakka þér kærlega fyrir.

Það er bara óboðlegt hvað þetta fólk fær endalaust að ljúga að þjóðinni - og áfram blekkja ákveðna hópa í fleiri sprautur, verst þykir mér að þau séu enn að hvetja barnshafandi konur í þær. Man læknastéttin ekki eftir Thalidomide hryllingnum?

Ég hefði getað sett inn miklu fleiri heimildir, því þar er svo sannarlega af nógu að taka, og það skal enginn segja mér að allt þetta hámenntaða fólk sem stýrir heilbrigðismálum hér á landi viti bókstaflega ekkert í sinn haus.

Framkoma þeirra og stjórnvalda er nákvæmlega eins og sjá má hjá fólki í sambærilegum stöðum í öðrum löndum, kannast ekki við neitt og afneita öllu.

Það er löngu kominn tími til að þjóðin fari að horfast í augu við að það er búið að fremja hræðilega glæpi gegn henni með skelfilegum afleiðingum fyrir marga.

Kristín Inga Þormar, 30.10.2023 kl. 19:15