Ef virkir í athugasemdum fengju að ráða ...

... þá myndi þessi "heimsfaraldur" líklega ekki enda fyrir en árið 2026 þegar tilraun lyfjarisanna lýkur og búið verður að sprauta okkur með þessum a.m.k. 1,4 milljónum skömmtum af líftæknilyfjunum sem búið er að "tryggja okkur" fyrir næstu ár.

Næst eru 5-11 ára börnin á dagskrá, enda á að byrja að sprauta þau eftir áramótin.

Nú á eina ferðina enn að skella öllu meira og minna í lás út af kvefpest sem almennt leggst ekki illa í fólk sem er ungt og hraust, eða ef það hefur gott ónæmiskerfi og ekki með undirliggjandi sjúkdóma.

Þessar aðgerðir eru orðnar hlægilega fyrirsjáanlegar. Í hvert skipti sem einhverjar hátíðir eru framundan þar sem fólk kemur saman og gleðst hvert með öðru, þá koma upp "ný smit", og allir eru hvattir til að fara í sýnatökur.

Óttaáróðursmaskínan fer í gang og Víðir kallaður inn, enda vanur að hundskamma okkur ef við erum óþekk. Auðvitað viljum við öll hlýða Víði, enda er búið að kenna okkur að gera það.

Í nýlegu viðtali við hann segir hann meðan annars:

Við erum að fá fólk inn sem er ein­kenna­laust en grein­ist í hraðpróf­um, fer svo í PCR-próf og fær staðfest­ingu á smiti. (áherslan er mín)

Settur er í gang skimunarfaraldur, og þar af leiðandi finnast fleiri "smit". En engar áhyggjur krakkar mínir, þriðja sprautan er leiðin út úr faraldrinum ...

Þá hljótum við að ná langþráðu hjarðónæmi, skammist ykkar þessi ósprautuðu 10% þjóðarinnar sem hafið hingað til komið í veg fyrir að það náist!

Pestargemlingarnir mínir

Yngri dóttir mín var greind með kvefpestina á sunnudaginn, hún fann alveg fyrir því að vera lasin og leið illa fyrstu dagana, en er sem betur fer orðin hressari og er núna með nefkvef. Nú á fimmta degi er hún hinn hressasta, en mun dvelja í einangrun yfir jólin hjá vini sínum sem líka í einangrun með pestina, en er álíka hress og hún.

Hann ætlaði að eyða jólunum í útlöndum með fjölskyldunni, sem er núna farin utan án hans.

Pabbi hennar er hins vegar kominn í sóttkví og þarf líklega að eyða jólunum aleinn heima, eitthvað sem var ekki á planinu.

Eldri dóttir mín fékk pestina í september, engan hita, smá stíflur í kinnholum og smá kvef. Hún segir að þetta sé auðveldasta flensa sem hún hefur nokkurn tímann fengið. Hún þurfti að dúsa ein í einangrun með 3 börn í 10 daga sem smituðust ekkert af mömmu sinni.

Ég skal fúslega játa að mér datt ekki til hugar að láta hana þurfa dúsa þarna aleina með börnin svona lengi, svo ég fór nokkrum sinnum til hennar með vistir og smá félagsskap.

Þrátt fyrir knús og faðmlög við komu og brottför, þá hafði veiruskrattinn engan áhuga á því að smita mig, frekar en fyrri daginn.

Gæti það verið vegna þess að ég er með afskaplega gott meðfætt ónæmiskerfi sem hefur reynst mér nánast fullkomlega í áratugi, enda vel við haldið?

Ef þessir virku í athugasemdum fengju að ráða ...

Þeim sem eru orðnir þreyttir á þessu bulli og þykir vera nóg komið eru sem betur fer farnir að tjá sig meira og meira í fjölmiðlunum, bæði í greinum og viðtölum, og ekki síður í athugasemdakerfum fjölmiðlanna.

Ég hef svolítið gaman að því að lesa þær, sérstaklega hjá þeim sem verja Þórólf og meiri skerðingar á frelsi okkar út í rauðan dauðann, og stundum legg ég orð í belg ef vel liggur á mér.

Mér datt í hug að gamni mínu að taka saman nokkar athugasemdir þessa blessaða veiruhrædda fólks, sem því miður leyfir sér allt of oft að sýna öðru fólki dónaskap, ég hef alveg fengið minn skammt, þótt ég hafi verið mjög málefnaleg.

Ég hef fengið að vita að ég sé heilalaus, flatjörðungur, geðveik, og fleira í þeim dúr.

Myndgæðin eru bölvanleg, en með því að smella á myndirnar má sjá þær í betri upplausn.

Andrea er komin með nóg og er hætt eftir fréttir dagsins - þetta er fullkomlega óboðlegt

Mun færri smit og miklu harðari aðgerðir síðustu jól

Vilji að tveggja metra regla verði tekin upp aftur

Leggur til 20 manna samkomubann og frestun skóla

Þórólfur vill endurvekja sóttkví við komuna til landsins

 

Myndi þetta fólk standa á öðrum fæti og gelta ef Þórólfur segði að það myndi binda enda á faraldurinn?

Hvernig fólki er haldið eins og hömstrum í hjóli

Framundan er hátíð með alls konar skemmtilegum viðburðum

• Verum búin að kynda undir áhyggjur af "nýjum smitum"
• Sendum alla í próf, svona til öryggis
• Metfjöldi (jafnvel einkennalausra) smita greinist
• Lýsum yfir gríðarlegum áhyggjum af stöðu faraldursins
• Réttlætum þær til magna óttann (enda auðvelt verk), og boðum hertar aðgerðir
• Endurtökum þetta eins oft og þarf

Ég er löngu komin með nóg af því að fólk láti endalaust teyma sig áfram og hlýði öllu sem því er sagt.

Hvernig getur það ennþá trúað því að aðgerðir sem eru margoft búnar að mistakast herfilega, fái allt í einu nýja útkomu?

Lesið endilega þessa færslu mína frá því í ágúst og horfið á vídeóin. Ég kalla fólk þarna glæpahyski - og það með réttu.

Þau eru meira og minna öll á sporslum frá lyfjafyrirtækjunum og/eða eiga hlutabréf í þeim, eins og þessi sem ég nefndi hér.

Meira um það síðar!

 

 

Athugasemdir

[Ásgrímur Hartmannsson, 21.12.2021 kl. 21:29]

Allir heilaþvegnir...

Á meðan fáum við þetta: https://www.nature.com/articles/s41591-021-01630-0

Vísindi, maður, vísindi.

Stutta útgáfan: 1 af hvejum 100 fær hjartabilun, (bara einhverja random hjartabilun) og 1 af hverjum 5000 deyr úr hjartabilun eftir að hafa fengið mRNA lyfið.

Útskýrir sitthvað...

Hvíta húsið gaf þetta út: https://cdn.minds.com/fs/v1/thumbnail/1319831121772417036/xlarge/

Í alvöru: https://cdn.minds.com/fs/v1/thumbnail/1319548359953879055/xlarge/

Þeir gætu haft rétt fyrir sér... að hálfu leiti.

[Kristín Inga Þormar, 21.12.2021 kl. 21:59]

Sæll Ásgrímur,

Ég er alltaf að heyra í fleirum og fleirum hér á landi sem eiga vini eða ættingja sem eru búnir að vera mikið veikir eftir sprauturnar, og einhverjir þekkja fólk, jafnvel innan við þrítugt sem dó úr hjartaáföllum, en þetta er að sjálfsögðu allt tómar tilviljanir.

Hver setur tíkall í þessan trúð sem búið er að dubba upp sem forseta Bandaríkjanna?

[Tómas Ibsen Halldórsson, 22.12.2021 kl. 11:21]

Ætti ekki að vera nóg fyrir okkur óbólusettu að fara bara í örvunarskammtinn ???

[Kristín Inga Þormar, 22.12.2021 kl. 12:01]

Sæll Tómas,

Þetta er alveg kostulegt, tvær fyrstu sprauturnar dugðu ekki nógu vel svo það er núna "nauðsynlegt" að fara í þá þriðju.

Svo já það er spurning, væri nóg fyrir okkur að sleppa tveim fyrstu og fara bara beint í bústið?

Eða bara sleppa því alveg og láta ónæmiskerfin okkar halda áfram að gera það sem þau kunna?

Í mínum huga, og örugglega þínum líka er valið ekki erfitt.

[Tómas Ibsen Halldórsson, 22.12.2021 kl. 12:32]

Nei Kristín, valið er ekki erfitt, of mörg dæmi um gagnsleysi sprautunnar hjálpa til við valið.

[Kristín Inga Þormar, 22.12.2021 kl. 12:47]

Sæll aftur Tómas,

Já svo sannarlega hjálpar það til við valið. Ég er búin að lesa, horfa og hlusta á þúsundir frásagna fólks sem er orðið öryrkjar fyrir lífstíð eftir þessar eitursprautur, og frásagnir harmi lostinna foreldra og ættingja þeirra sem létust í kjölfarið, allt niður í ung börn.

Það skal enginn segja mér að þessar "bólusetningar" hafi neitt að gera með að bjarga lífum, heldur er það þvert á móti.

[Ana Marija Korbar, 22.12.2021 kl. 23:36]

Vísindin - á að halda áfram að trúa á vísindin? Kovid vísindi eru þó ekki visindi - þetta er orðið trúfélag (eða þannig: má ekki efast eða spyrja erfiðra spurninga, þá er fjandinn laus!). Að því sögðu - það hefur ekkert ennþá gerst til að sannfæra mig að fyrsta tilfinningin um að eitthvað væri ekki með felldu í þessu kovid máli, sé ekki rétt. Allt sem hefur gerst á síðustu 20 mánúðum stýður bara við þeirri ákvörðun að sprautan er ekki svarið, allavega ekki fyrir mig.

[Theódór Norðkvist, 23.12.2021 kl. 03:00]

Sprautubakkabræður héldu að núll + núll væru tveir og kröfðust því að allir yrðu sprautaðir tvisvar. Það virkaði ekki, því ekki er búið að fella stærðfræðijöfnuna 0 + 0 = 2 úr gildi, ekki einu sinni á Alþingi.

Sprautubakkabræður virðast ekki ennþá vera búnir að læra samlagningu og ályktuðu því svo, að fyrst núll + núll væri ekki tveir hlyti núll + núll + núll að vera þrír, eða a.m.k. > 0. Þess vegna fóru þeir fram á þriðju sprautuna.

Þegar það verður fullreynt að þriðja sprautan gerir ekki jacksh*t (nema skaða) fara Sprautubakkabræður á námskeið í samlagningu? Eða munu þeir láta reyna á næstu stærðfræðijöfnuna, þ.e. hvort 0 + 0 + 0 + 0 = 4? Það verður forvitnilegt að sjá.

[Kristín Inga Þormar, 23.12.2021 kl. 09:56]

Sæl Ana,

Þetta er alveg hárrétt hjá þér, vísindin eru orðin að trúfélagi og þeir sem spyrja spurninga og/eða leyfa sér að efast eru miskunnarlaust níddir, ritskoðaðir, rægðir og þeim útskúfað af samfélagsmiðlum.

Margir ALVÖRU vísindamenn sem hafa talað gegn þessu Covid trúboði hafa verið reknir úr störfum sínum og fengið líflátshótanir sumir hverjir, en samt hætta þeir ekki að segja sannleikann.

Annað hvort eru íslenskir vísindamenn, læknar og aðrir heilbrigðisstarfsmenn rolur eða á spenanum hjá lyfjarisunum eins og er að komast upp á yfirborðið núna.

Þetta fólk sem er búið að narra 90% þjóðarinnar í þessar eitursprautur er ekkert annað en glæpahyski, og ég stend við þau orð, enda búin að sjá tengsl, og krosseignatengsl milli margra þeirra, og tengsl þeirra við yfirglæpamanninn dr. Fauci.

Og ekki bara læknar og vísindamenn, hann Bubbi sem er búinn að vera duglegur að mæra sprauturnar og hrauna yfir fólk sem vill ekki láta nota börnin sín sem tilraunadýr fyrir lyfjarisana, fékk undanþágu til að halda jólatónleikana sína.

Hann er beintengdur Kára í fyrirtækjasamkrulli! Ég mun fjalla meira um það síðar þegar ég er búin að fara betur yfir gögnin sem sýna það og sanna.

[Kristín Inga Þormar, 23.12.2021 kl. 10:00]

Sæll Theódór,

Það stendur hreint ekkert til að hætta að sprauta þjóðina, það er þegar farið að kynda undir þá fjórðu, og talað um að það verði "nauðsynlegt" að sprauta fólk a.m.k. árlega.

Steinsofandi heilaþvegnir Íslendingar verja þessa "böðla" sína af ástríðu eins og sjá má í athugasemdakerfunum, flestir örugglega tví- eða þrísprautaðir og enn sturlaðir úr veiruhræðslu!

Svo verður að stöðva þessar "bólusetningar" á 5-11 ára börnunum okkar!