Hvað býr að baki Heimsmarkmiðum Sameinuðu þjóðanna?

Mikið óskaplega líta heimsmarkmið glóbalistanna vel út. Þeir ætla að útrýma fátækt og hungri, auka jöfnuð og stuðla að friði í heiminum, tryggja okkur menntun, tryggja jafnrétti, passa að allir hafi aðgang að vatni og heilbrigðisþjónustu, og byggja sjálfbærar borgir og samfélög, svo eitthvað sé nefnt.

Heimsmarkmiðin 17

Þetta hljómar eiginlega of gott og fallegt til að vera satt, enda er það svo.

Hér má sjá frábæra yfirferð yfir markmið númer 13, aðgerðir í loftslagsmálum.

 

The Hard Truth About The United Nations Sustainable Development Goals

What Insane Sacrifices Are Required From You And Me And Every Person On The Planet To Meet Agenda 2030’s Goal 13?

 

Hér er önnur ekki síðri yfir markmið númer 2, ekkert hungur.

 

The Hard Truth About The United Nations Sustainable Development Goals: SDG 2 - Zero Hunger

 

Hér er yfirferð yfir hið göfuga markmið númer 1, að útrýma fátækt. Hlustið sérstaklega vel á lokaorðin.

 

The Hard Truth About The United Nations Sustainable Development Goals: SDG 1 - No Poverty

 

Fleiri umfjallanir um markmiðin þar sem þau eru skoðuð án alls fagurgalans um bjarta framtíð með blóm í haga má finna á netinu, en ég mæli sérstaklega með þessari grein sem skrifuð var af Mike Adams árið 2015 um þessi 17 markmið, þar sem hann útskýrir hvernig sérhverju þessara markmiða á að ná í gegnum miðstýrt stjórnvald, og í rauninni alræðisvaldi yfir heiminum.

 

Eins og sjá má hér á vefsíðu WEF.

 

 

The United Nations 2030 Agenda decoded: It’s a blueprint for the global enslavement of humanity under the boot of corporate masters

 

Mike segir: Þetta skjal lýsir hvorki meiru né minna en alþjóðlegri yfirtöku stjórnvalda á hverri einustu þjóð í heiminum. "Markmið" þessa skjals eru ekkert annað en dulmál fyrir fasistastefnu fyrirtækja og stjórnvalda sem mun fangelsa mannkynið í hrikalegri hringrás fátæktar á sama tíma og auðga öflugustu glóbalistafyrirtæki heims eins og Monsanto og DuPont.

 

Örstutt lýsing á áætlunum Sameinuðu þjóðanna, þýdd á íslensku af Björgu Sighvatsdóttur

Því miður lést Rosa árið 2021, en hér má lesa meira um þessa merku baráttukonu.

Heimsmarkmiðin um sjálfbæra þróun

Ríkisstjórn Íslands hefur tengt heimsmarkmið Sameinuðu þjóðanna inn í stefnur sínar og áætlanir til ársins 2030, (ársins þegar við munum ekkert eiga, og vera hamingjusöm).

Markmiðin sem gilda á tímabilinu 2016-2030 eru 17 talsins, með 169 undirmarkmið. Ákaflega vel útfært plan í ótal liðum.

Kunnuglegir aðilar úr Davos klíkunni

Festa, miðstöð um samfélagsábyrgð og sjálfbærni var stofnuð fyrir 11 árum. Í janúar árið 2021 héldu þau ráðstefnu.

Yf­ir­skrift hennar var The Great Re­set eða Nýtt upp­haf í anda áherslna hjá leið­andi stofn­un­um eins og Al­þjóða­efna­hags­ráðs­ins (e. World Economic For­um) og B Team sem eru leið­andi í þeim umbreyt­ing­um sem þurfa að verða á við­skipta- og stjórn­ar­hátt­um á heimsvísu.

Þar ein­blín­dum við á að sú upp­bygg­ing sem blas­ir við okk­ur í kjöl­far af­leið­inga Covid-19 verði byggð á sjálf­bærni, þar sem við byggj­um upp at­vinnu­líf sem hug­ar að hag allra hag­að­ila.

• Halla Tómasdóttir - forstjóri B Team
• Nicole Schwab fram­kvæmd­ar­stjóri Nature Based Soluti­ons @World Economic For­um (dóttir Klaus Schwab) (Áherslan er mín)
• Michele Wucker met­sölu­höf­und­ur og for­stjóri Gray Rhino & Comp­any
• John McArth­ur for­stjóri mið­stöðv­ar um sjálf­bæra þró­un hjá Brook­ings stofn­un­inni
• Sa­sja Beslik for­stjóri sjálf­bærra fjár­fest­inga hjá J. Safra Saras­in Bank

Eins og sjá má hér að ofan, þá er Ísland fullgildur aðili að aðförinni gegn mannkyninu núna, (sjá 5 mínútna vídeó um "The Great Reset" hér plús hlekki á fleiri vídeó), þessari svokölluðu endurræsingu eða Nýja upphafi eins og það er kallað hér.

Lesist: Aðförinni að gagnslausu súrefnisþjófunum sem eru fyrir viti firrtri elítu sem er núna í óðaönn við að endurskapa heiminn að eigin hugmynd, vill stjórna hver fær að lifa og hver eigi að deyja og fækka mannkyninu niður í "ásættanlegan fjölda".

Þetta fór í gang fyrir alvöru með þessum svokallaða "heimsfaraldri", og "bólusetningunum" í kjölfar hans.

Ein af aðgerðunum til að ná þessu fram er að WHO taki yfir stjórn á heilbrigðismálum heimsins.

Sjá einnig: The World Economic Forum’s Ten Creepy Goals

Heimsmarkmiðin líta afskaplega vel út á yfirborðinu, eiginlega allt of vel, en ef þið lesið og horfið á þetta efni sem ég hef sett hér inn, þá sjáið þið fljótt að þetta eru ekkert annað en fagrar umbúðir utanum illvirki gegn okkur "þessum óþörfu".

Ó borg mín borg....

Reykjavíkurborg, sem Dagur B. Eggertsson borgarstjóri er búinn að keyra í þrot, vinnur að sjálfsögðu að þessum "háleitu markmiðum", enda má sjá það á þrengingu umferðargatna, þéttingu byggðar, borgarlínunni, grænum plönum og fleiru.

Á næstu sjö árum á að galdra fram úr tómum borgarsjóði einhverja tugi eða hundruði milljarða í þessi markmið, þannig að væntanlega verður seilst enn meira í okkar vasa.

Davos ráðstefnan byrjar 16. janúar 2023

Nú streyma glóbalistarnir ásamt ýmsum þjóðarleiðtogum til Davos á sína árlegu ráðstefnu um að halda áfram að ráðskast með örlög okkar hinna, og er nú haldin undir yfirskriftinni "Samstarf í sundruðum heimi".

3.000 útvöldum aðilum hefur verið boðið, og 5.000 hermenn munu gæta þeirra.

Eftir því sem ég best veit, þá verða engir á vegum Íslands núna, hins vegar verður Björgólfur Þór Björgólfsson þar sem fulltrúi UK.

Á síðasta ári flugu 1.040 einkaflugfélar með þetta fólk sem vill "bjarga loftslaginu" með því að við hin hættum að fljúga og keyra bíla sem ganga fyrir jarðefnaeldsneyti. Þar að auki eigum við að fara að leggja pöddur okkur til munns.

Ég held að við getum öll verið sammála um nauðsyn þess að draga úr sóun og fara betur með umhverfið og það sem við eigum. Ég minnist þess þó ekki að hafa lesið mikið um alla milljarðana af plastgrímunum sem enda í sjónum með skelfilegum afleiðingum fyrir lífríki sjávar. Hvar er allt "græna" fólkið núna?

En að treysta þessum sturluðu illmennum fyrir því að "bjarga heiminum" er jafn gáfulegt og að treysta minki fyrir því að gæta hænsnahúss.

 

 

 

 

Athugasemdir

[Tómas Ibsen Halldórsson, 15.1.2023 kl. 00:25]

Sæl Kristín og takk fyrir enn einn frábæran pistil.

Þetta með Heimsmarkmið SÞ vekur upp spurningar um hvers vegna ekki er farið að gera neitt í þessum markmiðum sem eiga að bæta líf fólks?

Íslenska ríkið sem er þátttakandi að þessum markmiðum virðist ekki gera neitt til að sinna þeim fátæku í landinu, margt fólk á ekki fyrir mat, heilbrigðiskerfið er í molum, menntakerfið í molum og svo mætti lengi telja. Þetta á ekki bara við hér á Íslandi heldur út um allan heim.

Til þess að ná þessum markmiðum og það vita þeir vel sem að þessu standa, er að fækka fólki á jörðinni allverulega eða eins og þeir segja sjálfir um að minnsta kosti 90%. Mér sýnist Kínverjar vera byrjaðir að vinna að þeim markmiðum og það á fullum krafti.

[Kristín Inga Þormar, 15.1.2023 kl. 01:17]

Sæll Tómas og þakka þér kærlega fyrir.

Ég, þú og allir þeir sem eru "vakandi" vitum nákvæmlega hvað er í gangi í heimumum í dag.

Þessi "heimsmarkmið" hafa ekkert að gera með að það að bæta líf okkar og gera heiminn að betri stað fyrir okkur öll sem hér búum, heldur þvert á móti.

Ég er bara ansi hrædd um að margsprautaðir Íslendingar muni seint vila skilja þetta.

[Guðjón E. Hreinberg, 15.1.2023 kl. 09:02]

Það sem er merkilegast við heimsmarkmið sameinuðu þjófanna, er að ekkert þessara atriða koma alþjóðastofnunum neitt við, auk þess sem allt sem þetta net 47 stofnana er að gera eða þykjast aðhafast, hafði vestræn menning búið við síðan 1650 því sem nær samfellt, sumsé, að nútímaborgarinn og þá sérstaklega háskólamenntaði nútímaborgarinn er bæði ómeðvitaður um þetta og ófær að ræða það málefnalega.

Þegar þessar kommúnista stofnanir klára heimsyfirtökuna, hrynja öll mannleg samfélög heimsins innanfrá.

[Kristín Inga Þormar, 15.1.2023 kl. 09:57]

Sæll Guðjón,

Ætli vel lesna bókaþjóðin sem við stærum okkur af á hátíðastundum að vera sé hætt að geta lesið sér til gagns? Mér sýnist flest benda til þess.

[Guðmundur Ásgeirsson, 15.1.2023 kl. 14:39]

"11.1 Eigi síðar en árið 2030 geti allir orðið sér úti um fullnægjandi og öruggt húsnæði á viðráðanlegu verði, fátækrahverfi verði endurbætt og grunnþjónusta standi öllum til boða."

Hmmm... sjö ár til stefnu að laga almennilega til í húsnæðismálum.

Ekk slæmt markmið, en raunhæft...?

[Kristín Inga Þormar, 15.1.2023 kl. 15:17]

Sæll Guðmundur,

Þetta er allt bara froða frá upphafi til enda, árið 2030 eigum við víst ekkert að eiga og vera hamingjusöm í einhverjum SMART leiguíbúðum og undir eftirliti 24/7.

Það er að segja, ef hinar raunverulegu áætlanir illvirkjanna ná fram að ganga. En miðað við hversu margar löggur eiga að gæta þeirra í Davos núna, þá hljóta þeir að vera orðnir eitthvað stressaðir, enda hafa þeir fengið andóf alls annars staðar frá en sofandi Íslendingum.

[rhansen, 15.1.2023 kl. 22:56]

islendingum almenn virðist það algjörlega um megn að skilja hvað er i gangi ...

og fjöldi fólks telur þetta samsæriskenningar  þeirra sem seu svo heimskir að afneita loftslagsvánni !

[Rúnar Már Bragason, 15.1.2023 kl. 23:37]

Reykjavíkurborg með Dag B. í fararbroddi hafði háleitar hugmyndir fyrir 2020. Ef ég man rétt þá átti borgarlína að vera komin og byggðin orðin vel þétt en þetta var í upphafi þess áratugsr. Þessi markmið UN er af sama meini og ef þau nást ekki þá er bara tuggið áfram.

Minnir líka á slagorð Framóknar frá aldamótum um fíkiniefnalaust Ísland.

[Kristín Inga Þormar, 15.1.2023 kl. 23:43]

Sæl/l Rhansen,

Eru Íslendingar ekki bara húðlatir og hlýðnir upp til hópa? Ég er virkilega farin að hallast að þeirri skoðun núna.

Ég er sannfærð um að okkur sé ekki sagt satt um "loftslagsvána", enda hef ég horft á mörg viðtöl við alvöru sérfræðinga sem segja að engin vá til staðar, heldur séu breytingar á veðurfari bara eðlilegt ferli.

Samt eru þeir ritskoðaðir og þeim úthýst alls staðar, en sænskri unglingsstelpu með Asperger var leidd fram sem einhver sérfræðingur í loftslagsmálum.

Förum aðeins að kafa betur ofan í það sem okkur er sagt alla daga, og skoðum hver hinn raunverulegi sannleikur er.

[Kristín Inga Þormar, 16.1.2023 kl. 00:00]

Sæll Rúnar,

Við höfum verið skuldbundin til þess að framfylgja þessum plönum SÞ, en hvernig í ósköpunum ætlar Dagur að framfylgja þeim þegar hann er þegar búinn að gera borgina nánast gjaldþrota?

Þessar áætlanir eru einmitt alveg jafn gáfulegar og slagorðin um fíkniefnalaust Ísland fyrir árið 2000.