Er þetta samsæriskenning eða sannleikur?

Í nýlegum pistli skrifaði Björn Bjarnason sjálfstæðismaður og fyrrverandi ráðherra um það sem hann telur trúnaðarbrest gagnvart WHO, og í stórum dráttum var þar gefið í skyn að ótti við væntanlega samþykkt á farsóttasáttmála þeirra væri óþarfur, og frekar í ætt við samsæriskenningu. Pistilinn má finna í viðhengi hér neðar.

Skoðum þetta aðeins nánar.

Ótti viðmæl­and­ans vakti áhuga á að kanna málið. Reynd­ist auðvelt að afla upp­lýs­inga um stöðu þess á vefsíðu WHO og í sam­tali við spjall­menni. Tíma­lín­an er nefnd hér að ofan til að sýna að texta­gerðin hef­ur þró­ast fyr­ir opn­um tjöld­um hjá WHO. Niðurstaðan er að ís­lenska ríkið af­sal­ar sér eng­um rétti með því að til­kynna ekki fyr­ir­vara vegna umræðuskjals­ins fyr­ir 1. des­em­ber 2023.

Hér dettur skrifari í þá gryfju að trúa og treysta upplýsingunum sem fram koma á þeirra eigin vefsíðu, og frá einhverjum hugbúnaði keyrðum af gervigreind sem gera má ráð fyrir að búið sé að forrita fyrirfram til að gefa aðeins ákveðnar upplýsingar.

Þær upplýsingar eru alveg jafn "áreiðanlegar og sannar" og t.d. fullyrðingar lyfjarisanna, stjórnvalda, lækna og vísindamanna um "öryggi og virkni" þessara svokölluðu "bóluefna", sem löngu er búið að sanna að hafa valdið ómældum skaða og dauða um heim allan.

Sóttvarnalæknir okkar er jafn trúverðugur og WHO (og spjallmenni), eða þannig, og lýgur áreynslulaust í fjölmiðlum um "öryggi og virkni" þessara eiturefna.

Sannleikann er oftast að finna allt annars staðar, hafi maður fyrir því að leita hans.

Sá sem fullyrti þetta við Björn sagði satt

Við þann sem þetta rit­ar var full­yrt að umræðulaust og með leynd væri unnið að því að lauma í gegn alþjóðasátt­mála þar sem WHO yrði í raun veitt umboð til að ráðskast með líf okk­ar og lík­ama kæmi til nýs heims­far­ald­urs. 

Í stuttu vídeói á þessari síðu má sjá Dr. Abdullah Assiri segja:

"Forgangsröðun aðgerða sem geta takmarkað frelsi einstaklinga ... eru ... nauðsynlegar meðan á heimsfaraldri stendur".

Svo þar höfum við það!

Við erum mörg hér á landi sem tökum undir þessa ósk, en við vitum að hún mun ólíklega rætast:

Var þess ein­dregið farið á leit að stuðlað yrði að op­in­ber­um umræðum um málið áður en það yrði um sein­an og við yrðum of­urseld WHO.

Í þessum skrifum mínum frá 10. ágúst s.l. má lesa um hvernig WHO er þegar farið að herða krumlurnar, og hlekki á eldri skrif mín um stofnunina, meðal annars hvernig Katrín Jakobsdóttir forsætisráðherra Íslands tengist henni og er í sendiherraembætti fyrir.

Brynjar Níelsson

Ég var að hlusta á áhugavert viðtal sem Frosti Logason á Brotkast.is tók við Brynjar Níelsson flokksbróður Björns og fyrrverandi þingmann nú á dögunum.

Í lok viðtalsins spurði Frosti Brynjar út í þennan heimsfaraldurssáttmála, og hvort hann þekkti til hans. Brynjar svaraði því játandi og sagði jafnframt að lýðræðið væri í hættu því við værum búin að færa völdin til umboðslauss fólks sem er ekki kjörið, t.d. ýmissa alþjóðastofnana. Að lýðræðið sé á undanhaldi.

Aðspurður sagði hann líka þekkja til lokafrestsins 1. desember um að segja sig frá eða samþykkja sáttmálann. Honum hugnast ekki að færa þetta vald í annarra hendur, og að sífellt sé verið að þrengja meira og meira að einstaklingnum.

Áskrifendur Brotkasts geta hlustað á þetta hér, og þessi hluti byrjar á c.a. mínútu 67.

Jaðarsvæðin

Að því er virðist fullur yfirlætis og vandlætingar segist Björn hafa þurft að fara út á jaðarsvæði til að finna upplýsingar um farsóttarsáttmálann á heimamiðum. Það er ekki skrítið, því litlar eða engar upplýsingar er að finna um hann á þessum helstu meginstraumsfjölmiðlum, ekki einu sinni RÚV.

Undir þessi jaðarsvæði falla að hans mati Útvarp Saga, sjónvarpstöðin Kla.TV, og undirskriftasíðan gegn yfirtöku WHO á Mittval.is.

Af þeirri síðu les hann upp ýmsa efnisliði, en segir ekki skýrt hverjar þessar breytingar eru. Samt eru u.þ.b. 40 greinar á síðunni sem hann hefði getað lesið, hefði hann nennt því.

Það eru akkúrat svona "jaðarmiðlar" sem fjalla um mikilvæg málefni eins og WHO og blekkingarnar í kringum Covid og "bóluefnin", sem ríkisstyrktu fjölmiðlarnir þora - eða mega ekki að snerta á.

Hvað eru vandaðar upplýsingar að mati Björns?

Vegna skorts á vönduðum upp­lýs­ing­um magn­ast rang­hug­mynd­ir sem sum­ar minna á sam­særis­kenn­ing­ar.

Samflokksmenn ósammála Birni

Þarna segir meðal annars:

Samþykki Ísland aðild að sátt­mál­an­um geng­ur hann í gildi þegar nægi­lega mörg ríki hafa full­gilt hann. Sátt­mál­inn skuld­bind­ur ekki ís­lenska ríkið nema alþingi samþykki og það sam­ræm­ist stjórn­ar­skrá Íslands.

Jón Steinar Gunnlausson lögmaður og fyrrverandi hæstaréttardómari er ekki á sama máli, frekar en Brynjar.

Fyrir hverja vinna íslensk stjórnvöld?

Þau virðast tilbúin að veita ókjörinni og ólýðræðislegri stofnun sem stýrt er af hryðjuverkamanni og fjármögnuð að stórum hluta til af Bill & Melinda Gates Foundation, þetta ægivald yfir heilbrigðismálum okkar og heimsins alls.

Fyrir utan það að hafa hagnast óhemju mikið á Covid "bóluefnunum", þá hefur Bill Gates lagt það til við heimsleiðtoga að byrja að tala um "dauðanefndir", sem dæmi venjulegt fólk til dauða fyrir það eitt að vera einskis nýtt elítunni. Hér má líka lesa sitthvað um svarta sögu hans.

Því miður er fyrirhuguð valdayfirtaka WHO á heilbrigðismálum heimsins allt annað en samsæriskenning, heldur sannleikur.

Til eru víðtækar heimildir um það, bæði hér og víðar, síst þó á meginstraumsmiðlunum, reynsla undanfarinna ára hefur kennt manni það.

Dagar samsæriskenninganna eru löngu liðnir, enda hafa þær flestar, ef ekki allar ræst.

Hlustið á ESB-þingkonuna Christine Anderson:

The Fight Is On! - EUROPEAN CITIZENS’ INITIATIVE against WHO Power Grab

 

Umfjallanir á "jaðarsvæðum" um fyrirætlanir WHO

• James Roguski
• Door to Freedom
• Nokkur blogg mín þar sem WHO kemur við sögu
• Prevent Genocide 2030

 

 

 

 

Skrár tengdar þessari bloggfærslu:

• Trúnaðarbresturinn gagnvart WHO

Athugasemdir

[Skúli Jakobsson, 27.11.2023 kl. 05:29]

Munurinn á staðreyndum og samsæriskenningum er líklegast komið niður í um 4 vikur.

[Kristín Inga Þormar, 27.11.2023 kl. 07:41]

Sæll Skúli,

Já sá tími er alltaf að styttast meira og meira.

[Sigurður Kristján Hjaltested, 27.11.2023 kl. 10:18]

Björn Bjarna eru evrópusleikjusinni og lepur allt upp sem þaðan kemur

sem heilagan sannleik. Honum er nákvæmlega sama um lýðræði og íslenskar

hefðir. Þykist vera sjálfstæðismaður. Fruss á hann.

Ekkert annað en hreinn og beinn laumu-kommi.

[Kristín Inga Þormar, 27.11.2023 kl. 10:50]

Sæll Sigurður,

Hann hefur áhyggjur af einhverjum trúnaðarbresti gagnvart Alþjóðaheilbrigðiskrimmunum, það hefði verið nær að hann hefði áhyggjur af trúnaðarbresti íslenskra stjórnvalda gagnvart sinni eigin þjóð undanfarin tæp fjögur ár eða svo!

[Geir Ágústsson, 2.12.2023 kl. 07:50]

Í þessu máli fer ekki saman hljóð og mynd:

Ef samþykkt á þessu plaggi WHO skerðir ekki fullveldi Íslands og er meira eins konar leiðbeiningabæklingur, af hverju þá að eyða bleki í að skrifa undir það?

Úr því verið er að skrifa undir eitthvað þá hlýtur það að hafa einhver áhrif - eins og löggjöf. Hvaða áhrif? 

[Kristín Inga Þormar, 2.12.2023 kl. 13:17]

Sæll Geir,

Það kemur okkur þegnum þessa lands víst ekkert við hvort þetta muni hafa einhver áhrif á okkar líf eða ekki, svo ég spyr enn og aftur, hvaða herrum þjóna íslensk stjórnvöld?

Okkur ætti öllum að vera orðið löngu ljóst að þau vinna gegn okkur en ekki fyrir, eins og þau voru kosin til.

[Guðjón E. Hreinberg, 3.12.2023 kl. 11:46]

Var Bjössi enn eina ferðina að viðurkenna með dulmáli að hann er marxískur alþjóðasinni ... en ég undrandi.

Bestu kveðjur.

[Kristín Inga Þormar, 3.12.2023 kl. 22:05]

Sæll Guðjón,

Það skyldi þó ekki vera!