Nei takk, ég vil ekki svona manneskju í embætti forseta Íslands!

Þetta eru stór og fögur orð og fyrirheit hjá fráfarandi forsætisráðherra Íslands, sem bætist nú í stóran hóp umsækjanda um embætti forseta Íslands.

„Þetta er mik­il­vægt embætti. For­set­inn þarf að skilja gang­verk stjórn­mála og sam­fé­lags. Þarf að geta sýnt for­ystu og auðmýkt. Að gæta hags­muna Íslands á alþjóðavett­vangi. Hann þarf að geta tekið erfiðar ákv­arðanir óháð stund­ar­vin­sæld­um,“ seg­ir Katrín m.a.

Reyndar er langt síðan ég hef séð forystu og auðmýkt hjá þessari manneskju, og ég velti fyrir mér hvað hún meinar með því að gæta hagsmuna Íslands á alþjóðavettvangi, þegar hún hefur ekki einu sinni gætt hagsmuna okkar hér innanlands, að minnsta kosti lengi vel að mínu mati, og margra annarra.

Og hvers vegna ekki? - Nokkrar ástæður:

Fyrir það fyrsta, þá kæri ég mig ekki um útjaskaðan pólítíkus í þetta embætti, og hún er orðin það umdeild að hún mun aldrei geta orðið sameiningartákn þjóðarinnar.

Alþjóðaefnahagsráðið (WEF)

Svo er hún s.k. Agenda Contributor hjá The World Economic Forum (WEF).

Fyrir þá sem enn ekki vita hvað WEF er, þá eru það í stuttu máli samtök ókjörinna milljarðamæringa og annarra sem eru að reyna að koma á alræðisvaldi (Global Governance) yfir heiminum með því sem þeir kalla The Great Reset.

Þessi samtök stæra sig af því að hafa komið ungum heimsleiðtogum fyrir í stjórnum margra ríkja, ég skal játa að ég veit ekki hvort hún sjálf sé útskrifuð úr heimsleiðtogaskóla WHO, en hún er í góðu vinfengi við marga þeirra, eins og t.d. Emanuel Macron, Justin Trudeau, Boris Johnson og Jacinda Ardern.

Þess má líka geta að annar forsetaframbjóðandi, Halla Tómasdóttir er forstjóri B Team, sem er í samstarfi við WEF.

Alþjóðaheilbrigðismálastofnunin (WHO)

Svo má líka nefna það að árið 2023 hélt Katrín velsældarþing í Hörpu fyrir ókjörnu stofnunina WHO, þar sem hún fékk afhenta skýrslu þeirra um "velsældarhagkerfið" á Íslandi. Það verður að segja að sú lesning er vægast sagt hrollvekjandi.

Af því tilefni var hún skipuð sendiherra þessa velsældarverkefnis WHO á Íslandi til tveggja ára.

WHO vinnur nú að því markmiði að ná einræði yfir heilbrigðis- og farsóttamálum heimsins, eins og ég hef skrifað margoft um, sjá t.d. hér og hér.

Sameinuðu þjóðirnar (UN)

Ríkisstjórnin undir forystu Katrínar hefur tengt hin skelfilegu 17 heimsmarkmið þeirra inn í stefnur sínar og áætlanir til ársins 2030, ársins þegar við munum ekkert eiga, og vera hamingjusöm.

Eitt af þessum heimsmarkmiðum, það fjórða, gengur út á innrætingu LGBT stefnunnar, þótt opinber skýring á þeim sé hið fallega markmið um að tryggja sanngjarna gæðamenntun og símenntunartækifæri fyrir alla.

Kynvæðing barnanna okkar

Ekki má gleyma þessari skelfilegu kyn, kynlífs - og transvæðingu íslenskra skólabarna, allt niður í leikskólaaldur, en það er komið beint frá UN, WEF, WHO og öðrum slíkum stofnunum og aðilum.

Hér getið þið sjálf náð ykkur í skjal sem sýnir "Standards for Sexuality Education in Europe".

Á myndinni hér til vinstri sjáið þið leiðbeiningar um "kynfræðslu" fyrir 0-4 ára börn, sem hafa engar hugmyndir ennþá um kynlíf, kynferðislega ánægju, hvernig börn verða til eða neitt slíkt.

Lítil börn eru ekki kynverur, og það er stórskaðlegt fyrir þau að fá svona "fræðslu" svona ung!

Í sama skjali má sjá sambærilegar "leiðbeiningar" fyrir aðra aldurshópa.

Ég vísa svo í önnur skrif mín um kynvæðingu íslenskra barna, sem er í boði ríkisstjórnar Katrínar Jakobsdóttur. Þar finnið þið líka hlekki á önnur blogg og vefsíður um skyld efni.

Covid

Ég ætla ekki að fjalla hérna um bóluefnakaup ríkisstjórnar Katrínar upp á marga milljarða, eða leynilegu bóluefnasamningana sem eiga að vera læstir inni í 70 ár eða svo.

Ekki heldur um þennan svokallaða "heimsfaraldur", nógu mikið hafa ég og margir aðrir fjallað um þetta tímabil undanfarin ár.

Við ættum öll að vera búin að gera okkur grein fyrir blekkingunum sem við höfum verið beitt síðan árið 2020, og skaðanum sem þessi "bóluefni" hafa valdið þjóðinni, en er haldið tryggilega leyndum fyrir okkur.

Svo þá er það spurningin

Fellur allt sem hér hefur verið ritað undir það að gæta hagsmuna Íslendinga á alþjóðavettvangi, þegar búið að innleiða erlendar tilskipanir, - margar frá ókjörnum alþjóðastofnunum, og þar af margar sem vinna gróflega gegn hagsmunum og velferð þjóðarinnar?

Er manneskju með þennan bakgrunn og stjórnmálaferil treystandi til þess að gegna æðsta embætti þjóðarinnar með velferð hennar í huga?

Svar mitt er einfaldlega, nei.

 

Katrín býður sig fram til forseta

Athugasemdir

[Tómas Ibsen Halldórsson, 5.4.2024 kl. 19:56]

Sæl Kristín Inga Þormar.

Ég tek heilshugar undir með þér. Fyrir rúmu ári síðan eftir að Klaus Schwab, formaður WEFarana, lagði til að stjórnmálamenn á hans vegum kæmu á hatursorðræðu í löndum sínum. Ekki liðu nema um það bil tvær vikur þar til Kata var komin með sína tillögu. Ég hef grun um að ekki séu allir þingmenn stjórnmálaflokkanna tilbúnir að skrifa undir slíka þvælu. Og þó má maður aldrei vita fyrir víst hvað í þeim býr þegar kemur að því að halda í völdin.

[Ásgrímur Hartmannsson, 5.4.2024 kl. 21:22]

Hún vildi lög um "hatursorðræðu."

Nóg fyrir mig, hún út.

Held annars að hún eigi ekkert í Gnarr.  Gnarr hefur persónufylgi, hun ekki. 

[Kristín Inga Þormar, 5.4.2024 kl. 21:32]

Sæll Tómas,

Takk fyrir að minna mig á þetta, þetta bætir enn einni "skrautfjöðrinni" í hattinn hennar.

Ég vil ekki trúa því að það sé vilji allra á þinginu að skrifa undir þetta, en það er löngu orðið augljóst að límið í stólunum niðri á Alþingi er ansi sterkt!

[Kristín Inga Þormar, 5.4.2024 kl. 21:44]

Sæll Ásgrímur,

Akkúrat, og þetta en enn ein ástæðan fyrir því að hún á ekkert erindi í þetta embætti.

Kannski sigrar Gnarr kosningarnar, það á bara eftir að koma í ljós, það eina sem ég vil er að við fáum heiðarlega manneskju í þetta embætti sem ber hag þjóðar sinnar fyrir brjósti, þekkir stjórnarskrána, og hefur ekki vægast sagt vafasamar tengingar við svona ókjörnar stofnanir eins og þessar sem ég nefndi.

[Helga Dögg Sverrisdóttir, 5.4.2024 kl. 22:47]

Hún veit ekki hvað kona er. Katrín vildi lög á hatursorðræðu líkt og Skotar hafa nú viðtekið í sínu þingi. Hún heldur að karlmaður geti alið barn. Hún styður hormónagjafir og blokkhormóna fyrir börn og ungmenni. Hún tekur ekki upp hanskann fyrir kvennaíþróttir sem víða eru í hættu vegna þátttöku karlmanna sem skilgreina sig konur. Hún ver ekki einkarými kvenna. Katrín lætur stúlkur og konur blæða fyrir fámennan hóp sem hún vill ganga í augun á. Hún hefur dælt út fé í trans Samtökin 78 sem boða hugmyndafræði ekki staðreyndir. Svona væri endalaust hægt að telja upp.

Að þessi kona telji sig þess verða að fara á Bessastaði er óskiljanlegt.

[Kristín Inga Þormar, 5.4.2024 kl. 23:24]

Sæl Helga,

Þú átt miklar þakkir skildar fyrir bloggin þín um þessi mál hér á þessum vettvangi, og hvet ég alla til að lesa þau.

Enginn með fullri rænu getur neitað því að Katrín fylgir háskalegum straumum, reglugerðum og tilmælum erlendis frá.

Án þess að ég geti staðfest það, þá hafa einhverjir haldið því fram að með því að halda þessa milljarða króna montráðstefnu í Hörpunni í fyrravor hafi hún viljað gera sig gjaldgenga í einhver feit embætti erlendis, en hafi ekki uppskorið árangur fyrir erfiði sitt.

Þetta gerði hún á kostnað íslenskra skattborgara, og notaði m.a. til þess sjóð sem átti að nýta ef kæmi til náttúruhamfara hér á landi.

Sá sjóður er víst nánast uppurinn í dag, og var notaður í eitthvað allt annað en til er ætlast.

Því var bara reddað með því að leggja nýja skatta á skattborgara landsins.

Ég er hjartanlega sammála þér, þessi manneskja á ekkert erindi á Bessastaði, ekkert frekar en í embætti hjá spilltum erlendum stofnunum sem eru leynt og ljóst að vinna að því að koma á einni alheimsstjórn, með skelfilegum afleiðingum fyrir okkur hin.