Mannréttindasamtökin Mín Leið - Mitt Val berjast gegn valdatöku einkahlutafélagsins WHO á fullveldi Íslands í heilbrigðismálum

Mannréttindasamtökin MÍN LEIÐ - MITT VAL berjast af fullum krafti gegn valdatöku einkahlutafélagsins WHO á fullveldi Íslands í heilbrigðismálum, og krefjast svara.

Forseti Íslands og ráðamenn fá 7 daga til að svara neðangreindu bréfi sem sent var í morgun mánudaginn 16.05.22 með stefnuvottum frá Héraðsdómi, og samhljóða fréttatilkynning verður send öllum helstu fjölmiðlum landsins.

Mannréttindasamtökin MÍN LEIÐ – MITT VAL hafa í dag 16.O5.22, sent eftirfarandi aðilum það bréf sem hér fylgir með.

Bréfið er sent á heimilisfang þeirra með stefnuvottum, en umræddir aðilar eru:

1. Guðni Th. Jóhannesson forseti Íslands
   
2. Katrín Jakobsdóttir forsætisráðherra Íslands
   
3. Willum Þór Þórsson heilbrigðisráðherra
   
4. Sigurður Ingi Jóhannsson innanríkisráðherra 
5. Þórdís Kolbrún Reykfjörð Gylfadóttur utanríkisráðherra

Bréfið

Ágæti viðtakandi

Þér er hér með bent á að allar aðgerðir til að stuðla að stofnun, breytingum, framlagningu og/eða samþykktum samninga eða sáttmála, sem reyna að sniðganga, grafa undan og/eða skaða fullveldi Íslenska lýðveldisins, eins og sett er fram í stjórnarskránni, og/eða framselja þessa heimild, að öllu leyti eða að hluta, til erlendra ríkja eða annarra aðila, eru brot á stjórnarskrá Íslands.

Þátttaka í slíkum aðgerðum er talin landráð og einstaklingar sem fundnir eru sekir um brot geta átt yfir höfði sér sektir eða fangelsi í samræmi við íslensk lög. Þú ert eindregið hvött/hvattur til að stöðva allar frekari tilraunir sem passa við þessa lýsingu með tilliti til breytinga á Alþjóða heilbrigðissáttmálanum skv. í 12. kafla, liðum 2., 3. og 5. sem lagðar eru til og/eða til skoðunar á 75. Alþjóðaþingi WHO í Genf dagana 22.-29. maí 2022.

Ennfremur er óskað eftir nákvæmum upplýsingum um hverjir þeir aðilar eru, sem hafa umboð frá forseta Íslands, samkvæmt 21.gr. 1.mgr. Stjórnarskrár lýðveldisins til að fara fyrir hönd Íslenska lýðveldisins á fund Alþjóðaheilbrigðismálastofnunarinnar dagana 22.-29. maí í Genf í Sviss, þar sem fulltrúar frá 192 þjóðum munu mæta.

Svar óskast innan 7 daga frá dagsetningu þessa bréfs.

Með kveðju

f.h. félaga í Mannréttindasamtökunum
MÍN LEIÐ — MITT VAL

Sigurlaug Þ. Ragnarsdóttir, formaður

VIÐAUKI I:

Bendum jafnframt á eftirfarandi greinar í almennum hegningarlögum:

X. kafli. Landráð.
86. gr.

Hver, sem sekur gerist um verknað, sem miðar að því, að reynt verði með ofbeldi, hótun um ofbeldi, annarri nauðung eða svikum að ráða íslenska ríkið eða hluta þess undir erlend yfirráð, eða að ráða annars einhvern hluta ríkisins undan forræði þess, skal sæta fangelsi ekki skemur en 4 ár eða ævilangt.

XI. kafli. Brot gegn stjórnskipan ríkisins og æðstu stjórnvöldum þess.
98. gr.

Veki maður eða stýri uppreisn í þeim tilgangi að breyta stjórnskipun ríkisins, þá varðar það fangelsi, ekki skemur en 3 ár eða ævilangt.

Hver, sem tekur þátt í þess konar uppreisn, svo og hver sá, sem sekur gerist um verknað, er miðar að því að breyta stjórnskipuninni á ólögmætan hátt, skal sæta fangelsi allt að 8 árum.

 

 

 

 

 

Frekari heimildir - sem fjölmiðlar fjalla lítið sem ekkert um!:

• Fljótum við sofandi að feigðarósi?
• WHO hefur áform um áframhaldandi faraldra smitsjúkdóma næstu 10 ár!
• Sex dagar í að WHO fái gríðarleg völd yfir heilbrigðismálum 194 landa – Málið hefur ekki enn verið rætt á þingi
• Barist gegn valdatöku WHO á fullveldi Bandaríkjanna í heilbrigðismálum
• Öldungadeildarþingmaðurinn Rick Scott varar við því, að ríkisstjórn Bidens veiti Kína og WHO þjóðarfullveldi yfir heilbrigðismálum Bandaríkjanna
• AÐVÖRUN! Stefnt að afnámi þjóðlegs fullveldis í heilbrigðismálum á komandi Alþjóðaheilbrigðisþingi WHO 22. – 28. maí

Ritari þessarar bloggfærslu er gjaldkeri í mannréttindasamtökunum Mín Leið - Mitt Val.

WHO hefur áform um áframhaldandi faraldra smitsjúkdóma næstu 10 ár!

Stærsta lygi heimssögunnar er þessi svokallaði Covid "heimsfaraldur", það var í raun aldrei neinn alvöru heimsfaraldur í gangi.

Gögn hafa verið fölsuð í stórum stíl og hömlurnar sem voru settar á mannkynið áttu aldrei neinn rétt á sér, voru í raun gjörsamlega tilhæfulausar, rétt eins og þessi svokölluðu "bóluefni" sem búið er að sprauta í stóran hluta mannkyns.

Að rústa 190 fullvalda ríkjum félagslega, pólitískt og efnahagslega getur ekki verið "lausn" á baráttu gegn vírusnum. En það var hin þvingaða "lausn" sem var innleidd í nokkrum áföngum alveg frá upphafi "heimsfaraldursins" í janúar 2020. Þetta var eyðilegging á lífum fólks og borgaralegum samfélögum.

Fölsuð vísindi voru notuð til að styðja við þessa skelfilegu áætlun, og lygunum var haldið uppi með gríðarlegum einhliða áróðursherferðum í fjölmiðlum um heim allan.

Hræðsluáróðurinn var linnulaus nánast allan sólarhringinn og fólk stöðugt minnt á "ógnina" í fjölmiðlunum.

Söguleg lokun (lockdown) þann 11. mars 2020 olli skelfilegum efnahagslegum og félagslegum glundroða um heim allan. Þetta var í raun efnahagslegt stríð, stríð gegn mannkyninu.

Þessi djöfullega áætlun hefur grafið undan fullveldi þjóðríkja, stuðlað að öldu gjaldþrota og gert fólk fátækt um heim allan og leitt til vaxandi skuldasöfnunar.

Sterkir innviðir alþjóðlegs kapítalisma, auðmagn, ásamt njósna- og herbúnaði eru drifkrafturinn.

Með því að nota háþróaða stafræna tækni og fjarskiptatækni, eru lokanirnar og skemmdarverkin á heimshagkerfinu fordæmalaus í heimssögunni.

Ítarleg heimild og meira efni

Blekkingarnar

Fólk hefur verið sent í þessi PCR próf í milljarðavís, þrátt fyrir að vitað sé að þau voru aldrei hönnuð til að greina hvort einhver sé veikur eða ekki.

"Vísindin" hafa breyst nánast dag frá degi, og undir því yfirskyni hafa verið réttlættar meiri hömlur á okkur.

Nærtækt dæmi er þegar sóttvarnalæknir okkar vísar í einhver "ný vísindi" eða "nýjar rannsóknir" án þess að sýna fram á nokkur gögn, og segist gjarnan vera að fylgja tilmælum WHO, sem vill svo til að er að sækjast eftir því að ná fullkomnum yfirráðum yfir heilbrigðismálum heimsins núna síðar í maí!

Sjá umfjöllun mína um það hér í færslunni Fljótum við sofandi að feigðarósi?

Heiðarlegir vísindamenn og læknar hafa verið smánaðir, bannaðir og útskúfaðir fyrir að "dirfast" að tala á móti þessari einu leyfðu umræðu um "bóluefnin" og "faraldurinn", á meðan menn eins og Dr. Fauci fá að eiga senuna alveg skuldlaust, rétt eins og Bill Gates sem er ekki læknir né hvað þá sérfræðingur í heimsfaröldrum.

Hér er eitt dæmi um Dr. Fauci og hér er annað.

Faraldurinn er notaður til að koma á alræði í heiminum!

Í þessu einstaka 30 mínútna vídeói er dreginn fram hluti af atburðarrásinni mánuðina og árin fyrir "heimsfaraldurinn", þar á meðal klippur með sláandi ummælum ýmissa aðila. Horfið á það allt til enda.

Nokkrir punktar úr vídeóinu:

• Árið 2017 fullyrti Fauci að upp kæmi óvæntur faraldur á næstu árum, og ekki bara hann, heldur líka hjónin Bill og Melinda Gates, forstjóri WHO, og fleiri.
• Karl Bretaprins sem er virkur þátttakandi í áætlunum The World Economic Forum hótar fleiri faröldrum og hörmungum nema heimsbyggðin gangist undir endurræsinguna miklu, eða The Great Reset.
• Hollenskur veirufræðingur hjá WHO segir þar vera 10 ára áætlun um áframhaldandi faraldra smitsjúkdóma.
• Árið 2010 gaf Rockefeller stofnunin út "Scenarios for the future", eða einhvers konar atburðarás fyrir framtíðina, þar sem fjallað var um faraldur kórónuveiru, sem endaði með alheimseinræði, Operation Lock Step, "A world of tighter top-down government control and more authoritarian leadership, with limited innovation and growing citizen pushback".
• Á árunum 2017 - 2018 var hundruðum milljóna Covid prófa dreift um allan heim - löngu fyrir "heimsfaraldurinn".
• Mánuðum áður en "heimsfaraldurinn" skall á, var Fauci þegar tilbúinn með "bóluefni".
• Mánuðum fyrir Covid ræddi pallborð nauðsyn alþjóðlegs truflandi atburðar til að gera heiminn reiðubúinn að samþykkja tilraunabóluefni.
• Árið 2017 gaf John Hopkins háskólinn út framúrstefnulega framtíðarsýn um faraldur kórónuveiru.
• Fjórum mánuðum fyrir Covid stóð Bill Gates fyrir Event 201, sem var æfing í viðbrögðum við kórónuveirufaraldri.
• Fjórum mánuðum fyrir Covid ræddu Fauci og starfsmenn HHS um nauðsyn alheimsatburðar til að sprengja "kerfið" upp til þess að gera almenning viljugan til að þiggja mRNA tilraunabóluefni.
• Fimm mánuðum fyrir Covid var gefin út handbók í Ástralíu um kórónuveirufaraldur.
• Fimm mánuðum fyrir Covid fyrirskipaði WHO öllum ríkisstjórnum að undirbúa yfirvofandi heimsfaraldur kórónuveiru.
• Sex mánuðum fyrir Covid kallaði The Global Vaccination Summit eftir öflugum eftirlitskerfum til að tryggja áframhaldandi bólusetningar á öllu mannkyninu.
• Einu ári fyrir Covid þjálfaði evrópskur veirusérfræðingur alþjóðlega leiðtoga í því hvernig ætti að undirbúa almenning fyrir heimsfaraldur, þar sem hann kenndi þeim m.a. hvernig ætti að skapa ótta með fölsuðum dánartölum til að fá fólk til að bólusetja sig.
• Hvernig fólk er búið undir framtíðar atburði í gegnum afþreyingarefni til að fá það til að meðtaka það sem sé um það bil að gerast. Má þar nefna sjónvarpsþætti og bíómyndir sem lýsa nákvæmlega því sem er að gerast í dag.
• Þúsundir lækna og vísindamanna um allan heim segja að þessi faraldur hafi verið planaður í þeim tilgangi að ná valdi yfir heiminum og fækka mannkyninu.

Það er ekki lengur hægt að kalla allt þetta samsæriskenningar, sannanirnar blasa við þeim sem nenna að leita sér upplýsinga og staðreynda - hjá öllum öðrum en þeim sem hafa viðhaft og stutt þennan skelfilega hræðslu- og bólusetningaráróður í rúm tvö ár núna.

Hér á landi mætti nefna þríeykið með Þórólf fremstan í fararbroddi, Kára Stefánsson, Ragnheiði Ósk Erlendsdóttur, og fleiri, með dyggum stuðningi flestra fjölmiðla. Þetta fólk eru beinir þátttakendur í þessari samræmdu alþjóðlegu aðför gegn þjóð sinni, og í raun heimsbyggðinni allri.

 

 

 

 

 

 

Fljótum við sofandi að feigðarósi?

Á meðan þjóðin rífst um Íslandsbankasöluna og önnur mál, eru aðrir og miklu skelfilegri atburðir í vændum, sem flestir fjölmiðlar steinþegja yfir.

Bill Gates hefur tilkynnt um stofnun heimsfaraldursteymis sem mun fylgjast með fullvalda ríkjum og ákveða hvenær þau þurfa að stöðva borgaraleg réttindi fólks, komi upp nýr heimsfaraldur.

Hann segir meðal annars:

Við þurfum samtök sérfræðinga sem eru að fullu fjármögnuð og reiðubúin að koma á samræmdum viðbrögðum við hættulegum faraldri hvenær sem er.

Í bók minni legg ég til að við köllum þennan hóp GERM - Global Epidemic Response and Mobilization - teymið.

Sjúkdómseftirlitssérfræðingar samtakanna myndu leita að hugsanlega hættulegum faröldrum.

Þegar þeir hafa fundið einn slíkan, ætti GERM að hafa getu til að lýsa yfir faraldri og vinna með innlendum stjórnvöldum og Alþjóðabankanum að því að safna fjármagni til að bregðast við honum mjög fljótt.

Sérfræðingar í vöruþróun myndu ráðleggja stjórnvöldum og fyrirtækjum um forgangslyf og bóluefni.

Ennfremur segir hann að teymið myndi með ýmsum löndum samræma ákvarðanatöku um hvernig og hvenær eigi að innleiða lokun landamæra og mæla með grímunotkun.

Samkvæmt honum mun alþjóðlegt teymið samanstanda af 3.000 sjúkdómssérfræðingum sem heyra undir Alþjóðaheilbrigðismálastofnunina (WHO) og mun fá um 1 milljarð dollara á ári í fjárframlög.

Sjá meira hér.

Við munum fá annan faraldur segir hann

We’ll have another pandemic. It will be a different pathogen next time, Gates said.

Sjá hér og hér.

Saga "mannvinarins" Bill Gates er kolsvört, eins og ég fór aðeins yfir hér í fyrrahaust.

Hans fjárhagslegu tengingar eru víða, hann veitir gríðarlegum fjármunum til fjölmiðla, háskóla, lyfjafyrirtækja, sjúkrahúsa, vísindamanna, og WHO, svo fátt eitt sé nefnt, og hver og einn getur getið sér til um ástæðurnar að baki þessarar "gjafmildi" hans.

Á sama tíma - er tímasetningin tilviljun?

Það fer ekki mikið fyrir því í fréttunum að stefnt er að afnámi þjóðlegs fullveldis í heilbrigðismálum á komandi þingi WHO 22. - 28. maí næstkomandi!

Þó hefur Gústaf Skúlason gert þessu frábær skil á Útvarpi Sögu, og þetta er skyldulesning!

Alþjóðaheilbrigðismálastofnunin mun á komandi Alþjóðaheilbrigðisþingi í lok maí gera tilraun til valdatöku yfir þjóðum heims með tilllögu um ein miðstýrð alþjóðaviðbrögð við komandi heimsfaröldrum í framtíðinni. Verði tillagan samþykkt og henni framfylgt, þá munu þjóðir heims ekki lengur hafa sjálfsforræði yfir eigin viðbrögðum við sjúkdómum sem skilgreinast sem heimsfaraldur.

Hvað mun þetta þýða?

Þetta mun meðal annars þýða að þessir vitfirrtu glæpamenn muni hafa fullt leyfi til að svipta okkur frelsinu aftur, loka okkur inni, skella öllu í lás, neyða okkur til að láta sprauta í okkur einhverjum "bóluefnum", og neyða okkur til að nota grímur, nánast þegar þeim dettur í hug.

Þetta mun líka þýða að þeim leyfist að setja hömlur á okkur undir hvaða yfirskini sem þeim dettur í hug, í nafni "alþjóðaheilbrigðis", til dæmis setja á okkur "loftslags" lokanir!

Ætla íslensk stjórnvöld að skrifa undir þennan sáttmála "fyrir hönd" þjóðar sinnar?

Ef þau gera það, í hverra þágu eru þau að starfa? Ekki þjóðarinnar sem kaus þau til starfa fyrir okkar hönd, svo mikið er víst!

Já, við fljótum svo sannarlega að feigðarósi núna

Þegar mannleg samfélög tapa frelsi sínu, þá er það venjulega ekki vegna þess að harðstjórar hafi tekið það af þeim, heldur vegna þess að fólk lætur það af hendi af fúsum og frjálsum vilja til að fá vernd gegn einhverri utanaðkomandi ógn sem því er sagt að steðji að.

Covid "heimsfaraldurinn" var bara byrjunin og eftirleikurinn ætlar að verða glóbalistunum auðveldur, nú þegar heimsbyggðin er búin að sýna þeim fram á að hversu auðvelt er að fá fólk til að trúa hverju sem er, og hlýða öllu því sem því er sagt að gera.

Kannski verður okkur bara slétt sama ef framtíðaráætlanir þessa "herramanns" fá að rætast.

 

Nú virðast spár margra því miður vera að rætast.

Sláandi frétt birtist í fjölmiðlunum í dag um að óvenjumikið hafi verið um andlát fyrstu þrjá mánuði ársins, eða 50 á mánuði umfram það sem "eðlilegt" er, og að ekki hafi jafn margir látist á einum ársfjórðungi frá því Hagstofan byrjaði að birta tölur um andlát árið 2010.

Þórólfur

Embættið fylgist vel með dánartölum. Við samanburð á tölum frá árinu 2012 til 2019 annars vegar og hinsvegar við tölur árin 2020 til 2022 hafi komið í ljós að andlátum fjölgaði í marsmánuði í ár meðal fólks hjá einstaklingum 70 ára og eldri en ekki í febrúar.

Í þessari ómíkron bylgju sem við höfum séð núna á þessu ári og sérstaklega í febrúar og mars. Þá eins og við höfum áður verið að benda á virðist covid hafa verið meðvirkandi þáttur í andláti hjá mjög mörgum eldri borgurum og fólki sem er með undirliggjandi sjúkdóma,“ segir Þórólfur. 

RÚV

Þessi útskýring hans að faraldurinn gæti haft áhrif á fjölda andláta heldur ekki vatni. Hvar er verndin í öllum sprautunum sem hann og fleiri blekktu stærstan hluta þjóðarinnar í, og suma jafnvel þrisvar eða fjórum sinnum?

Gleymum aldrei orðum hans sjálfs

„Og það eru bara tveir kostir í boði, annaðhvort að fá Covid eða að fá bólusetningu,“ bætir hann við." 

Því miður er það að rætast sem margir óttuðust að myndi gerast. Sumt fólk sem hefur fengið þessar sprautur er ekki aðeins að deyja, heldur er líka mikill fjöldi fólks sem þjáist illa af aukaverkunum, sem sumar eru óafturkræfar.

Ég búin að heyra og sjá frásagnir fjölda Íslendinga - allt niður í börn sem eru sködduð, fyrir utan allt fólkið sem hefur orðið bráðkvatt, eða komið með sjúkdóma eða krabbamein sem hafa blossað upp (aftur).

Ég veit líka um fjöldann allan af fólki sem hefur veikst af "drápsveirunni ógurlegu", þrátt fyrir allar sprauturnar, og sumir illa.

Ég veit líka um fólk sem hefur ekki veikst, þrátt fyrir að hafa ekki látið sprauta sig og aldrei notað grímur.

Upptaka með forstjóra AstraZeneca frá desember 2020 sem lak út

Hér má meðal annars heyra hann segja að ekki megi bólusetja milljónir manns sem hafa ónæmissjúkdóma eins og rauða úlfa, MS eða aðra ónæmissjúkdóma, fólk verði að fá vernd annars staðar frá, eins og með "monoclonal antibody treatment", sem ég kann ekki að útskýra nánar.

Samt voru þessar meðferðir sem höfðu fengið viðurkenningu og samþykki hjá hinu bandaríska FDA bannaðar, í þágu nýju "bóluefnanna".

Rétt eins og Nóbelsverðlaunalyfið Ivermectin sem búið er að gefa í milljarðaskömmtum í áratugi.

Það var víst ekki nógu vel rannsakað....

Gleymum heldur aldrei orðum Ragnheiðar Óskar Erlendsdóttur

„Öll bóluefnin eru góð,“ segir Ragnheiður. „Við erum að tala um aukaverkanir sem eru svo örlitlar að það er örugglega meiri hætta af því að bara fara út í búð,“ bætir hún við.

Ég er ekki viss um að þessir 6.160 einstaklingar séu sammála henni.

Fólk sem er örugglega ekki heldur sammála Þórólfi og Ragnheiði

• Ítarlegur listi yfir fólk sem lést eftir sprauturnar
• Tví/þrísprautaðir eru núna 81% þeirra sem látast úr Covid á Nýja Sjálandi
• Covid "bóluefnin" valda 16.633% fleiri fósturlátum en flensubóluefni
• Yfir 50.000 Bandaríkjamenn yfir 65 ára aldri létust innan tveggja vikna eftir sprauturnar
• Lygar Anthony Fauci um virkni og öryggi "bóluefnanna"
• 1.000 Covid sögur
• Frásagnir fórnarlamba "bóluefnanna"

Fólk ársins 2021

Þau voru kosin fólk ársins 2021, fólkið sem hefur verið andlit bólusetningarherferðarinnar útávið. Þau hafa aldrei talað um aukaverkanirnar né þá sem létust strax í kjölfar sprautanna, en þeir eru vel á fjórða tug núna skv. síðustu tölum.

Þau, Kári og fleiri hafa aldrei gert annað en að dásama þessi "bóluefni", sem eru ekki bóluefni eins og við höfum þekkt hingað til, og hafa valdið skelfilegum skaða og dauðsföllum hér á landi og á heimsvísu.

Það er löngu kominn tími til að þjóðin fari að horfast í augu við það hún hefur verið stórkostlega blekkt í yfir tvö ár núna.

Stóra spurningin er hins vegar hvort það sé ekki orðið of seint - fyrir marga?

 

 

Hérna sé ég stórt hættumerki!

Að minnsta kosti þrjár fréttir hafa verið birtar á Mbl.is í dag um afléttingar á takmörkunum, þrungnar af áhyggjum af heilbrigðiskerfinu.

En af öðru hef ég miklu meiri áhyggjur

Tvær þessara frétta segja:

Þá seg­ir Katrín ekki úti­lokað að aðgerðir verði tekn­ar upp aft­ur mjög hratt ef ástæða þykir, til að mynda vegna til­komu nýrra af­brigða.

og

Yf­ir­völd þurfa áfram að vera til­bú­in að grípa til op­in­berra sótt­varn­aráðstaf­ana með litl­um fyr­ir­vara ef hingað ber­ast ný af­brigði kór­ónu­veirunn­ar sem valda al­var­leg­um sjúk­dómi og ónæmi af fyrri sýk­ing­um eða bólu­setn­ing­um vernda illa gegn.

Þau ætla sér þá semsagt að beita enn og aftur sömu aðgerðunum sem hafa ekkert virkað hingað til þegar ný "afbrigði" spretta upp, þrátt fyrir bólusetningar, sóttkvíar, einangranir, spritt og grímur.

Þau vilja geta skellt öllu í lás, skella á grímuskyldu og hvetja fólk í "örvunar"sprautur, enda nóg eftir af "bóluefninu".

En við erum orðin svo hlýðin og meðfærileg eftir tveggja ára stanslausan hræðsluáróður og heilaþvott, að það verður örugglega lítið mál.

En þá er stóra spurningin, hversu oft og hversu lengi eigum við að sætta okkur við að vera svipt sjálfsögðum mannréttindum og frelsi í nafni einhvers "öryggis"?

Fyrst var það gert undir því yfirskini að vernda gamla fólkið, fólk með undirliggjandi sjúkdóma, og heilbrigðiskerfið.

Nú er gamla fólkið og það viðkvæma flest löngu orðið þrísprautað og raunar lunginn af þjóðinni líka, og byrjað er á fjórðu sprautunni einhvers staðar - á viðkvæmu hópunum.

Dettur engum í hug að efast um að aðgerðir undanfarinna tveggja ára hafi með eitthvað allt annað að gera en einhverja veiru?

Hvernig getur þetta staðist?

Það hafa vissulega margir verið lasnir undanfarið, en einhverra hluta vegna hefur gamla góða flensan lítið eða ekkert greinst í tvö ár núna, bara Covid!

Á vef landlæknis segir (síðast uppfært 09.12.2021!):

Á vetri hverjum gengur inflúensan yfir norðurhvel jarðar á tímabilinu október til mars og er hún 2–3 mánuði að ganga yfir. Sambærilegur faraldur gengur síðan yfir á suðurhveli jarðar á tímabilinu júní til október. Í þungum faraldri eykst álag á heilbrigðiskerfið og í samfélaginu verður áberandi aukning á fjarvistum vegna veikinda, frá vinnu og skóla.

Árleg inflúensa kemur verst niður á eldri kynslóðinni og einstaklingum með undirliggjandi sjúkdóma með auknum fjölda dauðsfalla í kjölfar inflúensunnar vegna alvarlegra fylgikvilla hennar. Fyrir flesta er inflúensan hins vegar óþægileg veikindi sem ganga yfir á nokkrum dögum án alvarlegra afleiðinga.

Einkenni inflúensunnar koma oftast snögglega með háum hita, skjálfta, höfuðverk, beinverkjum, þurrhósta og hálssærindum.

Hvernig getur flensa gengið yfir norðurhvel jarðar á tímabilinu október til mars, en samt nánast hvergi greinst, bara Covid?

Hér er fín grein um hvers vegna flensan "hvarf".

However, deaths in 2020 for influenza were recorded at just 394 and pneumonia at 13,619.

So what happened to the other 20+ thousand UK flu deaths? Simple, they were called Covid deaths, to instil fear in the population.

The fraudulent distortion if these numbers have been replicated across all nations especially those that are controlled by governments of a certain political leaning for political fearmongering to support their political objectives.

Lesið síðustu málsgreinina hér fyrir ofan, sama handritið hefur líka verið notað af íslenskum stjórnvöldum!

Hræðsluáróðurinn

Um daginn var það gert að frétt að sonur Katrínar hafi verið greindur með veiruna, svo Katrín, svo Bjarni Ben., svo Sigurður Ingi, og kannski fleiri.

En það er ekki annað að sjá en að þetta fólk sé bara við bestu heilsu í dag.

Svo er það núna gert að forsíðufréttum að fólk, jafnvel á ní- og tíræðisaldri deyi með veiru í sér, ekki vegna hennar. Þessi andlát voru kannski ekkert aldurstengd....

Og endalausar daglegar tölur um smit sem greind eru með þessum fölsku PCR prófum sem nú á að leggja af að mestu, og notast við einhver hraðgreiningarpróf.

Slík próf hafa gefið "jákvæðar" niðurstöður þótt engin sýni hafi verið tekin úr fólki, eða sýni tekin úr ávöxtum, kóki, rauðvíni, geitum og fleiru.

Sjáum til hvort ný "afbrigði" skjóti upp kollinum fyrir páskana. Hún er óttalega hrekkjótt þetta kvikindi og líkar best að láta á sér kræla rétt fyrir jól, páska og verslunarmannahelgar.

Sjáum til hvort eina leiðin (eina ferðina enn) út úr "heimsfaraldrinum" verði ekki að skella öllu í lás aftur og sprauta ykkur meira.

Frelsið virðist ekki skipta fólk neinu máli í dag, vegna sjúklegrar hræðslu  sem búið er að innprenta í fólk við einhverja veiru, og það narrað í þessar sprautur sem stjórnvöld og þríeykið vita fullkomlega hversu skaðlegar þær geta verið og hafa valdið mörgum varanlegum örkumlum og andlátum hér á landi.

Allt er þaggað niður hér á landi, rétt eins og annars staðar.

En það er skelfilegt að upplifa hversu auðvelt er að ná stjórn á okkur í nafni einhvers "öryggis".

Skemmtilegar "auglýsingar frá lyfjarisunum"

"Auglýsing" frá Schizer | Because We Care (About Our Profits)

"Auglýsing" frá Murderna - Innovative Malpractice

Öllum takmörkunum aflétt á föstudag

Umsögn mín um frumvarp heilbrigðisráðherra til sóttvarnalaga - mál nr. 26/2022.

Nú eru síðustu forvöð að skila inn umsögnum um þetta frumvarp, og það er ánægjulegt að sjá hvað margir eru þegar búnir að skila góðum umsögnum inn.

Mér datt í hug að taka annan vinkil á þetta, en það varðar fréttaflutninginn í þessum "heimsfaraldri" öllum, því ég tel nauðsynlegt að vekja athygli á þeirri hlið mála líka.

HEILBRIGÐISRÁÐUNEYTIÐ
Skógarhlíð 6
105 Reykjavík

Reykjavík 15. febrúar 2022

Efni: Umsögn um frumvarp heilbrigðisráðherra til sóttvarnalaga - mál nr. 26/2022.

Fréttaflutningur í heimsfaraldri

Þótt það komi ekki beint þessari umsögn um sóttvarnalög við,  þá tel ég nauðsynlegt að vekja athygli á fréttaflutningnum í þessum Covid-19 faraldri, og hvernig upplýsingagjöf til þjóðarinnar hefur verið háttað.

Það er mat mitt að hann hafi verið ámælisverður, ákaflega einhliða, og einkennst af hræðsluáróðri með aðaláherslu á að fá fólk til að bólusetja sig með tilraunalyfjum sem lítil reynsla var komin af.

Daglega eru birtar nýjustu smittölurnar, og birtar sérstakar fréttatilkynningar um að einhver hafi látist úr veirunni, og nú síðast ef einhver hefur látist með hana í sér.

Aldrei eru birtar sérstakar fréttatilkynningar um þá sem létust í kjölfar bólusetninganna, sem eru 36 til og með janúar 2022.

Sjaldan eða aldrei hefur verið fjallað í fréttum um þá sem hafa fengið aukaverkanir eftir bóluefnin, sem samkvæmt nýjustu upplýsingum frá Lyfjastofnun eru 6.110, þar af 246 alvarlegar og lífsógnandi, og 36 andlát.

Þarna virðist upplýsingum sem sannanlega varða almannaheill hafa verið kerfisbundið haldið frá almenningi.

Mega völd á fárra höndum stjórna því hvað telst fréttnæmt og hvað ekki þegar þjóðin glímir við heimsfaraldur?

Þessi gríðarlegi fjöldi aukaverkana og andláta í kjölfar bólusetninganna vekur líka upp þær áleitnu spurningar hvers vegna þær voru ekki stöðvaðar strax og tilkynningar fóru að berast í janúar 2021 þegar 6 aldraðir einstaklingar höfðu látist í kjölfarið.

Hvar liggur sú ábyrgð?

Kristín Þormar
Gjaldkeri í stjórn Mannréttindasamtakanna MÍN LEIÐ MITT VAL

Jafnframt vísa ég í umsögn Guðrúnar Bergmann sem færð var inn í þessa samráðsgátt fyrr í dag.

 

Sjáið allar umsagnirnar hér.

Að deyja með veiru eða vegna hennar.

Það hlýtur að vera munur þarna á, að vera með einhverja veiru í sér á dánarstund, en deyja af öðrum orsökum ætti ekki að vera sérstakt fréttaefni.

Fólk á öllum aldri deyr af ótal orsökum og með alls konar veirur í sér án þess að það birtist í fréttunum, nema helst ef það deyi af völdum hræðilegra slysa.

Þá er fréttaflutningur réttlætanlegur.

En ekki til þess eins að halda uppi þessum skipulögða hræðsluáróðri með tilheyrandi heilaþvotti sem hefur dunið á okkur í tvö ár núna.

Stjórnvöld og sóttvarnalæknir hafa markvisst haldið þjóðinni í hlekkjum í nafni einhverra sóttvarna, sem hafa valdið ómælanlegum skaða í samfélaginu, sem verður aldrei bættur.

Margfalt meiri skaða en einhver veira.

Svona fréttaflutningur er óboðlegur en skilaboðin eru skýr, haldið áfram að vera hrædd!

 

 

 

Þau ætla að ríghalda í grímuskylduna eins lengi og þau geta.

Einhverjar tilslakanir voru gerðar á sóttvörnum í dag, en eins og búast mátti við þá var grímuskyldan ekki afnumin.

Það er með ólíkindum að fólk skuli ennþá eftir allan þennan tíma trúa að þessar grímur geri nokkuð skapað gagn gegn örsmáum veirum.

Þær virðast vekja einhverja öryggiskennd hjá fólki, enda er búið að trylla sumt fólk svo úr hræðslu að það þolir ekki lengur að sjá grímulaus "nakin" andlit.

Að horfa á fólk úti að ganga, úti að vinna, og jafnvel aleitt í bílnum með þetta fyrir öndunarfærunum er bara sorglegt.

Grímur veita falskt öryggi og gera heilbrigðu fólki ekkert gagn

Horfið á þetta á YouTube og lesið svo athugasemdirnar undir.

Meira að segja sagði Dr. Fauci það áður en "vísindin" breyttust, nú telur hann að það verði "nauðsynlegt" að nota grímur um ófyrirsjáanlega framtíð.

"Blessaðar" grímurnar

Þær virka jafn vel og þorskanet sem maður reynir að veiða hornsíli í. Gúgglið bara mismuninn á stærð vírusa og möskva grímna.

Prófið líka að standa úti í frosti með grímu og athugið hvert fráblásturinn ykkar fer. Út með öllum hliðum og beint í gegn.

Kynnið ykkur líka heilsuspillandi "partýið" sem myndast í grímunum ykkar eftir tiltölulega stutta notkun.

Veiruhrædda fólkið

Hafði hár lífaldur ekkert með andlátið að gera?

Með fyllstu virðingu fyrir blessaðri konunni sem lést á tíræðisaldri, gætu hár aldur hennar og mögulega aldurstengdir undirliggjandi sjúkdómar ekki hafa átt neinn þátt í andláti hennar?

Nógu mikið er hamrað á undirliggjandi sjúkdómum fólks sem lést í kjölfar "bólusetninganna".

Það er ekki einu sinni sagt að hún hafi látist úr Covid, heldur bara að hún hafi verið með það, svo hvers vegna er þetta gert að frétt?

Að gera andlát fólks á ní- og tíræðisaldri að sífelldu fréttaefni er gjörsamlega út í hött, hver maður hlýtur að sjá það!

Ég vil samt trúa því að fólk sé aðeins farið að sjá í gegnum þennan ömurlega og sífellda hræðsluáróður.

Kona á tíræðisaldri með Covid-19 lést

Á hvaða tímapunkti er eðlilegt að staldra aðeins við?

Það er fróðlegt að skoða ýmis fyrri ummæli sóttvarnalæknis okkar um bóluefni, svona áður en "vísindin" breyttust.

Hann birti grein í Læknablaðinu árið 2018 með yfirskriftinni "Árangur og mikilvægi bólusetninga - og sögulegt samhengi".

Þetta er löng grein þar sem hann fer yfir sögu bólusetninga og ágæti þeirra.

Lesið þessa málsgrein tvisvar

Fá lyf undirgangast eins viðamiklar og strangar rannsóknir hvað öryggi og árangur varðar og bóluefni áður en þau eru tekin í almenna notkun. Áður en bóluefni eru sett á markað eru þau rannsökuð hjá mörg þúsund einstaklingum til að kanna árangur þeirra og öryggi. Þessar rannsóknir geta hins vegar misst af mjög sjaldgæfum aukaverkunum og því er einnig fylgst náið með hugsanlegum aukaverkunum bóluefna eftir að þau hafa verið tekin í almenna notkun. Með þessu móti er hægt að finna mjög sjaldæfar aukaverkanir og endurmeta notkun bóluefnanna.

Þetta á við um þekkt bóluefni sem hafa gengist undir margra ára rannsóknir og prófanir áður en þau fengu grænt ljós til almennrar notkunar.

En ekki Covid "bóluefnin" sem þróuð voru á mettíma og byrjað var að sprauta fólk með innan við einu ári frá því að "heimsfaraldurinn" braust út.

"Vísindin og nýjustu rannsóknirnar" sem hann vitnar gjarnan í en er aldrei beðinn um að sýna hafa séð til þess.

Þetta sagði hann meðal annars í viðtali 9. september 2020

Þórólfur Guðnason sóttvarnalæknir segir að Íslendingar eins og aðrir verði að vera vissir um að bóluefni séu virk og örugg og rannsóknir eigi að tryggja það eins og hægt er. Bóluefni AstraZeneca er eitt þeirra bóluefna sem Ísland fær gegn kórónuveirunni.

Og

... „og eins og við höfum talað um áður að þá þurfum við bara eins og allir aðrir að vera viss um að bóluefnið sé virkt og sé öruggt og til þess eru þessar rannsóknir á þúsundum og tugum þúsunda manna til að tryggja það eins og hægt er að það séu ekki einhverjar alvarlegar aukaverkanir sem fylgja bólusetningunni.“ 

Rúmu ári seinna og eftir mörg þúsund tilkynningar um aukaverkanir

 

Hvenær?

Á hvaða tímapunkti teljast alvarlegar aukaverkanir mjög sjaldgæfar? Ef ekki þegar þær eru orðnar 282, hvenær þá?

Og á hvaða tímapunkti er eðlilegt að staldra við og jafnvel "endurmeta notkun bóluefnanna", svo notuð séu hans eigin orð?

Eftir 1 andlát í kjölfar sprautanna, eða kannski 2? Hvað með 34 árið 2021 og 2 á þessu ári?

Eða yfir 6.100 tilkynningar, þar af 246 sem hafa jafnvel valdið fólki varanlegum örkumlum, fyrir utan öll andlátin?

Hvert er viðmiðið hjá honum og landlækni?

 

Að sjálfsögðu hefði átt að stöðva þessar "bólusetningar" strax og fólk fór að deyja eftir þær!

Erum við þá ekki löngu búin að ná hjarðónæminu?

Þessi málsgrein er líka úr Læknablaðinu.

Bólusetningar verja ekki einungis þá sem eru bólusettir heldur einnig þá sem eru óbólusettir (hjarðónæmi), að því gefnu að almenn þátttaka í samfélaginu sé 80-95%. Því er mikilvægt að halda uppi góðri þátttöku í bólusetningum svo koma megi í veg fyrir faraldra hættulegra smitsjúkdóma.

Það vekur furðu hvers vegna svo margir eru að greinast með smit þessa dagana, þrátt fyrir búið sé að "bólusetja" stærstan hluta þjóðarinnar, og nú allt niður í 5 ára börn. Hvað varð um hjarðónæmið?

Við þekkjum söguna um Thalidomide

Barnshafandi konur fengu lyfið gegn ógleði og svefnvandamálum á meðgöngu, en það tók 5 ár að fá úr því skorið að þúsundir barna hefðu fæðst með vanskapaða útlimi eða aðra fæðingargalla af völdum lyfsins.

Rannsóknir leiddu í ljós að prófunum á þeim hefði verið áfátt, engir lyfleysuhópar notaðir, né þau prófuð á dýrum sem gengu með afkvæmi.

Þessi harmleikur varð til þess í Bretlandi að stofnuð var nefnd um öryggi lyfja og lyfjalaga árið 1968.

Það er spurning hvort þessi stofnun sé enn starfandi....

Sannleikurinn sem þjóðin vill ekki sjá

Nú er búið segja okkur í á annað ár núna að Covid bóluefnin sé örugg og áhrifarík, og Þórólfur hefur meira að segja sjálfur sagt að það séu bara tveir kostir í stöðunni, annað hvort að láta bólusetja sig eða fá Covid.

Þá beinu tilvitnun í hann má finna í eldri bloggum mínum.

Sannleikurinn um allt annað blasir við þeim sem vilja sjá það. Þessi svokölluðu "bóluefni" eru búin að stórskaða og/eða drepa milljónir manna, kvenna og barna um allan heim.

Ættu ríkisstjórn Íslands, Lyfjastofnun, Þórólfur sóttvarnalæknir og Alma landlæknir ekki að vera löngu búin að stöðva þessar "bólusetningar" miðað við staðreyndirnar sem blasa við?

Svo mætti líka spyrja þau hvers vegna gengið var til samninga við lyfjafyrirtækið Pfizer sem hefur þurft að greiða hæstu sektir samtímans fyrir markaðssvik, vörusvik og mútur.

Ítarefni:

• Nú þarf fólk að fara að vakna fyrir alvöru
• Svínaflensan 2009, og "heimsfaraldurinn" sem er byggður á tómum lygum
• Allt er gert til að breiða yfir sannleikann
• Enn meiri talnafalsanir Lyfjastofnunar
• Ungt hraust íþróttafólk er að veikjast eða deyja um allan heim eftir sprauturnar
• Hvers vegna er Þórólfur ALDREI spurður út í aukaverkanirnar?
• Sannleikurinn um þennan meinta "heimsfaraldur" á 40 mínútum
• Getur maður verið veikur án þess að finna fyrir einkennum?
• Nú verðið þið hinir sofandi Íslendingar að vakna, annars munuð þið leyfa það að við verðum svipt öllu!