Breskur útfararstjóri leysir frá skjóðunni, 2020 var venjulegt ár hvað varðar dauðsföll, og fleiri útfararstjórar taka undir. "Faraldurinn" byrjaði ekki fyrr en farið var að bólusetja fólk!

Breskur útfararstjóri sem hefur 15 ára starfsreynslu í faginu ákvað að gerast uppljóstrari, því honum ofbýður blekkingarnar varðandi meint dauðsföll vegna vírussins.

Árið 2020 voru dauðsföll í Bretlandi ekkert fleiri en í meðalári segir hann, en tölurnar ruku upp fyrstu 3 mánuði þessa árs eftir að þessar "bólusetningar" byrjuðu. Hann vill meina að hinn raunverulegi "faraldur" hafi byrjað þá.

Ég get vissulega ekki sannað að þetta viðtal við hann hafi ekki verið sviðsett, en miðað við blekkingarnar sem hafa verið í gangi í eitt og hálft ár núna, þá hef ég enga ástæðu til að halda að hann sé ekki að segja satt.

Það má finna úrdrátt úr viðtali við hann hér, en í þessu vídeói eru hljóðgæði viðtalsins miklu betri.

Þessir svokölluðu meginstraumsfjölmiðlar segja margir nákvæmlega sömu "fréttirnar" af atburðum sem eiga sér stað í heiminum, svo hvers vegna ættum við að trúa þeim núna?

Og einhverra hluta vegna eru Bretar og Skotar að að biðja um tilboð til fjögurra ára í líkgeymslur vegna "hugsanlega" aukinna fjölda látinna. Hvers vegna skyldi það vera?

Holskefla andláta eftir sprauturnar hefur átt sér stað í Bandaríkjunum og Evrópu, en árið í ár virðist vera ár hinna mörgu tilviljana, þar sem "óháðir sérfræðingar", bæði hér á landi og annars staðar finna sjaldnast neinar tengingar milli "bólusetninga" og andláta fólks, jafnvel þótt fólk hafi á andlátsdag verið ungt og heilbrigt.

Svo er það þessi könnun sem allir verða að horfa á, þar sem ung kanadísk kona hringir í nokkrar útfararstofnanir og spyr hvort dauðsföll árið 2020 hafi verið eitthvað fleiri en í venjulegu ári.

Nánast allar segja að síðasta ár hafi hreint ekkert verið verra eða betra en árin á undan.

Svo hverjir er að ljúga? Sannleiksleitandi borgarar eða aðilar sem hagnast gríðarlega á pinnunum sem eiga að greina "smit" af veirunni, á "nauðsynlegum" sóttvarnarbúnaði, eða bóluefnunum sjálfum?

Síðasti viðmælandi hennar hvetur hana til að halda áfram að spyrja spurninga, og niðurstaða hennar er, þarna hafið þið það, allir eru að ljúga að ykkur, ríkisstjórnin ykkar, pólitíkusarnir og læknarnir ykkar, það var aldrei neinn raunverulegur faraldur í gangi!

Þessi unga kona endar á þessum skilaboðum: Slökkvið á sjónvarpinu og farið bara að lifa lífinu.

Halló allir, 99,7% manns lifir af veikindi vegna þessarar veiru, svo hvers vegna í ósköpunum liggur svona á að sprauta allt mannkyn, allt niður í börn sem eru ekki í nokkurri einustu hættu, með einhverju tilraunaglundri sem enginn veit hvað inniheldur?

Hvað eru margir dánir "úr" veirunni hér á landi á þessu ári? Ein manneskja! Og hvað eru margir látnir í kjölfar inngjafa á þessum tilraunabóluefnum á þessu ári? Opinbera talan er 23, og tilkynntar aukaverkanir eru 1.733 miðað við gærdaginn, og þar af hátt í 100 lífsógnandi.

Gott fólk, ég skil vel að flestir eigi erfitt með að trúa því að búið sé að ljúga að okkur í meira en ár, enda höfum við verið stanslaust minnt á í fréttum og reglulegum Almannavarnarfundum á þessa ósýnilegu ógn sem á víst að geta drepið okkur eða valdið skelfilegum veikindum.

Ég var sjálf í byrjun síðasta árs alveg skíthrædd við þessa "drápsveiru", forðaðist fólk og þreif vel hverja einustu vöru sem ég keypti í búðinni, ég ætlaði sko ekki að smitast af þessu. Ég bara hlæ að þessu í dag.

En ég er svo heppin að eiga yndislega heilbrigðismenntaða vinkonu sem sagði við mig þegar ég spurði hana í fyrravor hvort hún væri ekki líka hrædd: "Ég er ekki hrædd við einhverja veiru, heldur hvað það er auðvelt að hræða fólk og í skjóli þess að fá það að trúa hverju sem er".

Einhverra hluta vegna erum við báðar, og fullt af fólki sem er löngu búið að sjá í blekkingarnar sem eru í gangi enn fullfrísk og við fulla heilsu þrátt fyrir að hafa skipulega hunsað þessar fáránlegu sóttvarnarreglur og hamlanir sem hafa verið settar á okkur núna í rúmt ár.

Og við erum ÖLL óbólusett og munum ALDREI láta sprauta okkur með þessum svokölluðu "bóluefnum"!