Þetta er löngu hætt að snúast um að verja líf og heilsu Willum ...

... ef það þá gerði það nokkurn tímann. Hvernig geturðu látið eins og svo sé, er það kannski vegna leynilegu bóluefnasamninganna sem búið er að skuldbinda þjóðina til að efna?

Þú veist það VEL að það er EKKERT sem réttlætir það að svipta þjóðina ítrekað sjálfsögðu frelsi og mannréttindum, og halda henni trylltri úr hræðslu við einhverja veiru sem margbúið er að sanna að það eru 98-99,98% líkur á að lifa veikindi af, og engin börn eða ungt og hraust fólk deyr vegna hennar!

En hræðsluáróðurinn hefur tekist fullkomlega hjá ykkur öllum, og tví- og þrísprautaðir Íslendingar virðast aldrei hafa verið veiruhræddari en núna, og tala um lítið annað en Covid þegar þeir koma saman.

Bergþór Ólason þingmaður sem hefur fengið mjög góðar og vel rökstuddar greinar birtar í fjölmiðlum undanfarið um heimsfaraldurinn, spurði í ræðustól á Alþingi í dag hvort ekki væri kominn tími til að líta á Covid-19 sem inflúensu.

„Í liðinni viku lýstu for­sæt­is- og heil­brigðisráðherr­ar Spán­ar því yfir að nú væri kom­inn sá tími að rétt væri að nálg­ast heims­far­ald­ur Covid-19 sem hverja aðra in­flú­ensu. Ný nálg­un væri nauðsyn­leg þar sem eig­in­leg­um heims­far­aldri væri lokið í ljósi þess að hið svo­kallaða ómíkron-af­brigði veirunn­ar væri mun mild­ara en þau fyrri.“

Hann benti jafnframt á efasemdir Ragnars Freys Ingvarssonar læknis sem sagði réttilega Íslendinga skima allt of marga við veirunni. (Loksins orð af viti frá læknastéttinni!)

„Þegar við ber­um okk­ur sam­an við aðrar þjóðir verðum við að taka inn í mynd­ina að við erum á ólík­um stað í bylgj­unni, ef við tök­um til að mynda Spán. Við erum mjög dug­leg, í sam­ráði við sótt­varna­yf­ir­völd, sótt­varna­lækni, að skoða hvað er að ger­ast ann­ars staðar,“ sagði Will­um.

Sóttvarnalækni sem er búinn að vera nánast alvaldur hérna (með dyggum stuðningi embættislauss Kára) frá upphafi þrátt fyrir að hafa mistekist herfilega hvað eftir annað að kveða faraldurinn niður?

„Það er alltaf það sem okk­ur ber skylda til að gera. En frum­skyld­an verður alltaf sú sama, og við meg­um ekki láta regl­urn­ar verða yf­ir­sterk­ari mark­miðunum að því leyti, þ.e. að verja líf og heilsu og sjá til þess að heil­brigðis­kerfið sé hvern dag í stakk búið til að tak­ast á við ástandið.“

Hvað eru margir heilbrigðisstarfsmenn í jafnvel óþörfum og vita gagnslausum sóttkvíum og einangrunum núna? Er þetta ekki frekar innanhússvandamál fjársvelts heilbrigðiskerfis?

Hvað með líf og heilsu þeirra sprautusködduðu?

Frá 3. - 17. janúar hefur tilkynningum um aukaverkanir fjölgað um hvorki meira eða minna en 95, og þar af alvarlegum aukaverkunum um 13, sem samsvarar tæplega einni á dag!

Hvers vegna hringir það ekki neinum viðvörunarbjöllum?

Af þessum 13 er 1 andlát, en það hefur líklegast "gleymst" að tilkynna um það í fjölmiðlunum, það er miklu meiri frétt að gamalmenni á ní- og tíræðisaldri sem eðli málsins samkvæmt hljóta flest að hafa nokkra undirliggjandi sjúkdóma, deyi víst "úr" Covid.

Ein sprautusködduð sem ég kannast við hefur þurft að greiða nokkur hundruð þúsund krónur fyrir læknishjálp úr eigin vasa, en er farin að fá einhvern kostnað endurgreiddan af ríkinu núna. Hún er samt enn að glíma við aukaverkanirnar.

Hún er langt í frá eina manneskjan, og vonandi munu fleiri sprautuskaddaðir leita sér sjálfsagðra bóta líka, því við vitum um að engir þeirra voru varaðir við hugsanlega slæmum aukaverkunum eða að þeir gætu hugsalega látist eftir sprauturnar.

Ekki endilega strax, heldur jafnvel vikum eða mánuðum seinna, og hvað þá eftir bústin!

Og ekki voru þeir beðnir um samþykki sitt fyrir því að taka viljugir þátt í lyfjatilraun sem mun standa yfir til 2026.

Látnir í kjölfar sprautanna eru (að ALLRA minnsta kosti) 35 núna, sem er töluvert fleiri en létust "úr Covid" á síðasta ári (miðað við að 29 hafi látist 2020).

Hvers vegna þykir það ekki fréttnæmt?

Furðulegar forgangsraðanir

Þetta endalausa væl um að verja þurfi fjársvelt heilbrigðiskerfið dettur steindautt um sjálft sig, á meðan hægt er að eyða daglega 50-100 milljónum í tilgangslitlar sýnatökur með fölskum PCR prófum, sem gera lítið annað en að magna upp og viðhalda hysteríunni hjá fólki.

Brandarafrétt dagsins!

98% "smitaðra" á göngudeild Landspítalans í dag eru einkennalitlir eða einkennalausir.

Þökk sé rándýrum og tilgangslitlum massasýnatökum hjá veiruhræddum og kannski tví- eða þrísprautuðum Íslendingum!

Þetta er orðin langþreytt langavitleysa, í guðanna bænum farið að hrista af ykkur doðann gott fólk, nennið þið virkilega að byrja þriðja árið í þessu dómadags rugli með ykkur?

Hvað er eiginlega að ykkur, ætlið þið að láta teyma ykkur endalaust á asnaeyrunum?

Ítarefni:

• Nú verðið þið hinir sofandi Íslendingar að vakna, annars munuð þið leyfa það að við verðum svipt öllu!
• Þetta er fjölmiðla- og samfélagsmiðladrifinn "heimsfaraldur".
• Sagan endalausa - þetta stoppar ekkert fyrr en við segjum hingað og ekki lengra!
• Allt er gert til að breiða yfir sannleikann.
• Þöggunin um aukaverkanirnar og andlátin hér á landi eftir sprauturnar er ekkert annað en glæpsamleg!
• Öllum ætti að vera löngu orðið ljóst að grímur gera ekkert gagn
• Lygin um "bóluefnin", elítan, og skyggnst á bakvið tjöldin
• Upp komast svik um síðir, og nú eru til beinharðar sannanir um þau!
• Svört saga "mannvinarins mikla" sem ætlar að fækka mannkyninu með bóluefnum.
• Hvort er þetta ormalyf fyrir hesta, eða lyf sem hefur fengið Nóbelsverðlaun? Svarið er, hvort tveggja!
• Undarlegt að mest bólusettu þjóðirnar séu með flestu smitin núna, meira að segja ein 100% sprautuð.
• Þetta eru sögurnar sem verða líka að fá að heyrast.
• Hvers vegna er Þórólfur ALDREI spurður út í aukaverkanirnar?
• Faraldur meintra óútskýrðra andláta unglinga heldur áfram að sjokkera okkur, segir breskur læknir
• Hjartabólga hefur verið staðfest hjá 5-11 ára börnum í USA eftir "bólusetningarnar".

 

 

 

 

 

 

 

 

Tími til að líta á Covid-19 sem inflúensu?

Athugasemdir

[Ari Tryggvason, 17.1.2022 kl. 23:05]

Vá, orð að sönnu, allt saman. 

[Kristín Inga Þormar, 17.1.2022 kl. 23:23]

Sæll Ari,

Já segðu, það er bara spurning hvort þetta nái eyrum og augum þeirra sem ríghalda í blekkingarnar sem þeir hafa trúað hingað til, kannski vegna þess að þeir megna ekki að viðurkenna fyrir sjálfum sér eða öðrum að þeir hafi verið stórkostlega blekktir í bráðum á þriðja ár núna.

[rhansen, 18.1.2022 kl. 00:49]

Alls ekki að rengja neitt en bið þig að visa mer á heimildir um þá sem látist hafa af bolusetningunum her á landi ? kveðja 

[Sigurður Kristján Hjaltested, 18.1.2022 kl. 01:05]

Já þetta komið meira en nóg. Vorkenndi Willum fyrirað apa beint upp ræðuna sem Þórólfur setti honum.Þessi orð voru Þórólfs. En gleymum því ekki líka að flest allir á þingi eru litlir hræddir forgangs sprautufíklar,flestir þrí sprautaðir og dásama hversu gott það er að vera sprautaðir svo þeir verði ekki of mikið veikir þegar þeir fá kvef. Einn og einn er þó farinn að efast,en það þarf miklu meira til.

Áróðurinn í ríkisreknu fjölmiðlunum þarf að stöðva. Okkur vantar blaðamenn en ekki blaðursmenn. 

 

Fréttir alls staðar í Evrópu, þar á meðal RUV sem er í samráði við aðra erlenda fréttamiðla í gegnum EBU (Samtök um Evrópskra ríkismiðla) um samræmdan covid fréttaflutning og hvernig haga eigi hinum eina stóra „sannleika“ eru ærandi.

Heimurinn er algjörlega ruglaður orðinn. Stjórnmálamenn eru undir hælnum á lyfjarisunum, sem aldrei hafa þénað frá stofnun eins mikla peninga og nú vegna ræfilsskapar þeirra sem stjórna. Sorglegt en satt.

[Kristín Inga Þormar, 18.1.2022 kl. 08:59]

Sæl rhansen,

Þetta kemur fram hér: https://www.lyfjastofnun.is/frettir/covid-19-sundurlidun-tilkynninga-vegna-gruns-um-alvarlega-aukaverkun-i-kjolfar-bolusetningar-22/.

Þarna eru að sjálfsögðu eins og alltaf birtir einhverjir fyrirvarar um að "að svo komnu sé ekkert bendi til orsakasamhengis milli tilkynntra andláta og bólusetninga gegn COVID-19."

Taktu eftir að varðandi andlátin er oft tekið fram að fólk hafi verið með staðfesta undirliggjandi sjúkdóma, sem er merkilegt í ljósi þess að aldrei er nokkuð slíkt er tekið fram þegar t.d. fólk á ní- eða tíræðisaldri deyr "úr covid". 

[Kristín Inga Þormar, 18.1.2022 kl. 09:00]

Sæll Sigurður,

Já þessu þarf að ljúka, og ekki seinna en strax. Willum virtist byrja ágætlega sem nýr heilbrigðisráðherra, en hvort búið sé að múlbinda hann eða ekki veit maður ekki, hann er eins og þú segir farinn að apa allt beint upp eftir Þórólfi.

Það var sláandi að uppgötva þetta samráð RÚV við erlenda fréttamiðla í gegnum EBU, en það skýrir einfaldlega þessa skelfilegu og einhliða umræðu og hræðsluáróður sem RÚV hefur viðhaft í tvö ár núna.

Nú veit ég ekki hvort aðrir fjölmiðlar séu líka í þessu sama samráði, en það mætti svo sannarlega halda það, það er ekki lengur til neitt sem heitir rannsóknarblaðamennska hér á landi.

Nánast allur fréttaflutningur í þessum "heimsfaraldri" hefur verið á sömu leið, og sjaldan eða aldrei leitað til annarra álitsgjafa en þeirra hér á landi sem vilja sprauta okkur öll.

Og við skulum ekki láta okkur dreyma um að íslensk stjórnvöld séu eitthvað saklaus og viti ekkert hvað sé í gangi!    

[Rúnar Már Bragason, 18.1.2022 kl. 12:23]

Þórólfur rígheldur í að mega koma oftar í fjölmiðlum með einhverja steypu eins og þessa: https://www.visir.is/g/20222210066d/born-upp-undir-helmingur-smitadra

Hef ekki hugmynd um hvað maðurinn er að fara nema að hann vilji ekki aflétta. Hann myndi aldrei viðurkenna að sprauturnar ýti undir smit hjá börnunum, flokkar það sem samsæriskenningu. Samt mjög athyglisvert hvað smitum hjá börnum fjölgar eftir sprauturnar.

Athyglisvert er að nú fáum við 5 daga gamlar tölfræðiupplýsingar en ekki síðan í gær (nema fjölda smita). Af hverju er ekki lengur hægt að gera eins og gert var fær mann til að hugsa, er þetta enn eitt áróðurstækið?

Fagna því samt að spítalinn fór að gera betur enda fjarar undan málflutningi Þórólfs í framhaldinu.

[Kristín Inga Þormar, 18.1.2022 kl. 13:37]

Sæll Rúnar,

Hann er eins og rispuð plata maðurinn, og talar alltaf um einhvern "heimsfaraldur", aðeins til að viðhalda óttanum hjá fólki.

Ekki veit ég til þess að eitt einasta barn eða ungmenni hafi farið illa út úr þessari pest, hvað þá dáið, hins vegar er búið að tilkynna um 34 aukaverkanir, þar af 4 alvarlegar hjá 12-15 ára börnum eftir þessar sprautur, og eina í aldurshópnum 5-11 ára, sem ekki er talin alvarleg.

Þetta er í mínum huga miklu meira áhyggjuefni en hvort börnin fái kvefpest eins og gerist á hverju einasta ári hjá langflestum börnum.

Hingað til hafa foreldrar aldrei nánast sturlast úr hræðslu þótt krakkarnir fái hor í nös, en þökk sé Þórólfi aðallega, þá hefur tekist að magna upp múgsefjun hjá þorra almennings.

Sem betur fer er þó eins og þú segir farið að fjara undan málflutningi hans.

[Loncexter, 18.1.2022 kl. 19:42]

Best væri að þeir sem óttast þessu veiru haldi sig heima og horfi á gömul skaup á you tube eða hemma gunn. og láti senda sér mat heim þar til hysterían er gengin yfir. Svo geta þeir unnið annann hvern dag og þeir óbólusettu hina dagana.

Þeir sem kjósa að vera óbólusettir labbi þá um  borg og bí og haldi uppi búðum og búllum sem fara þá ekki á hausin á meðan. Málið leyst ekki satt ?

[Kristín Inga Þormar, 18.1.2022 kl. 20:27]

Sæll Loncexter,

Haha, ekkert svo galin hugmynd, og ef ég mætti aðeins bæta við, þá yrði grímuskylda gerð valkvæð, og þeir sem vilja endilega halda áfram að nota margnotuðu og skítugu einnota grímurnar sínar geta bara haldið því áfram, og okkur hinum leyft að anda að okkur hreinu súrefni óhindrað.

Ég reikna ekkert með að Þórólfur aflétti henni svo glatt, það er jú "HEIMSFARALDUR" í gangi, svona ef einhver skyldi hafa gleymt því!

[Þröstur R., 18.1.2022 kl. 20:50]

Ég sá komment á erlendu spjalli fyrir nokkrum mánuðum síðan sem er einhvernvegin á þessa leið.

Umræða var sem sagt á spjallinu um hvernig þú færð fólk um alla veröld til að taka höndum saman og vinna í að koma mRNA erfðabeyttu gena og frumulyfi í fólk án þess að spyrja critical spurning eða efast um agenda´ið.

Ef þú tekur lykilfólk inn á lokaðan fund, eins og íslenska þríeykið og fleiri. Þú upplýsir þau um, að sjálfsögðu algjört trúnaðarmál að Bio Weapon - Lífefnavopn slapp út úr rannsóknarstofu í Whuhan, Kína. Eina leiðin til að bjarga heiminun og fólkinu eru þessi lyf sem vill svo til að sé hægt að framleiða á stuttum tíma.. What do you do? 

The Trojan horse.

[Kristín Inga Þormar, 18.1.2022 kl. 22:33]

Sæll Þröstur,

Ætli það sé hægt að verða svo kyrfilega fastur í einhverjum lygavaðli að maður geti ekki "æru sinnar vegna" bakkað út og auðmjúklega viðurkennt að maður hafi verið blekktur þegar maður uppgötvar það? Og þannig festast í að viðhalda blekkingunni til þess eins að bjarga eigin skinni?

Það er eins og Þórólfur (maður ársins 2021!) geri allt hvað hann geti til að hrella þjóðina áfram með því að það sé einhver ægilegur drápsfaraldur í gangi. Það er tóm lygi eins og hann ætti að vita manna best.

Gleymdu því ekki að ein tillagan á síðasta minnisblaði hans var að skella útgöngubanni á okkur!

Svo má líka spyrja sig að því hvort hans hagsmunir séu peningalegs eðlis, því samningarnir sem Pfizer og ESB fengu þjóðir til að skrifa undir fela í sér greiðslur upp á SEK 275 sem eru um það bil 4.500 ISK fyrir hverja sprautu, og ábatinn er enn meiri fyrir að sprauta börnin.

Það er ekki nema von að Ragnheiður yfir$prauta (líka manneskja ársins 2021!) brosi útundir eyru í hverju einasta viðtali!

Sjá hér: https://mittval.is/greidslukerfi-esb-pfizer-fyrir-tilrauna-sprauturnar

Fyrir hvert barn sem er sprautað fást ISK 15.000, svo það er ekkert skrítið að mikið "liggi á" að sprauta þau núna!

Ég skrifaði einmitt blogg í fyrra um hvað breskir læknar græða á því aukalega að sprauta börn.

Hvort sem þríeykið hafi byrjað sinn hræðsluáróður á "réttum forsendum" eða ekki, þá eru þau öll löngu búin að brjóta alla þá sáttmála sem gerðir voru af gefnu tilefni á sínum tíma til þess að koma í veg fyrir að lyfjatilraunir væru gerðar á fólki.

Enginn getur lengur falið sig á bak við að hafa bara gert það sem þeim var sagt að gera.

[Þröstur R., 18.1.2022 kl. 23:17]

Sæl,

Mikið rétta allt sem þú skrifar. Maður er bara að reyna finna ástæður fyrir því að fólk er að gera það sem það er að gera. Jújú það er augljóslega mikið af peningum í þessu en hversu siðlaus getur fólk verið ef það er nákvæmlega sama um afleiðingar. Það ber að hafa í huga að þetta fólk, fyrir covid hefur væntanlega verið venjulegt fólk allavega vil ég trúa því. En rétt er það, það er ekki hægt að fela sig bak við þennan gjörning. 

Var að horfa á viðtal við Dr David Wiseman sem situr sem ráðgjafi á fundum CDC og síðast var fundur hjá þeim 5. Jan 2022 þar sem um var rætt að flýta booster sprautum unglinga 12-15 ára úr 6. mánuðum í 5. mánuði sem var samþykkt. Í dag kemur Þórólfur og tilkynnir að flýta booster sprautum úr 5 í 4 mánuði og ég hef ekki séð nein rök fyrir þessari ákvörðun hjá honum. Það er pottþétt að það er verið að drífa í þessu eins og það er verið að vinna eftir tímamörkum. Út með glundrið áður en eitthvað!! Veit ekki hvað.

Mæli með að fólk horfi á þetta viðtal hjá David Wiseman mér fannst það mjög áhugarvert og finnst að það þurfi meiri athygli það sem kemur hér fram.

https://rumble.com/vseupc-dr-wisemans-damning-quasi-vaccine-efficacy-data-ignored-by-the-fda-and-the-.html

[Kristín Inga Þormar, 19.1.2022 kl. 16:17]

Sæll aftur Þröstur,

Já þetta með siðferðið hefur mörgum verið mikið umhugsunarefni í þessum "heimsfaraldri", það er ekki með nokkru móti hægt að skilja hvað fólk virðist vera tilbúið að gera fyrir peninga, en sagan sýnir að margir virðast einskis svífast í þeim efnum.

Trúverðugleiki Þórólfs er kominn í ruslflokk, síðast í dag neitaði hann aðspurður á "hræðslufundi" dagsins að þessar bólusetningar væru lyfjatilraun!

Takk fyrir hlekkinn á þetta viðtal, það er örugglega mjög áhugavert að heyra hvað hann hefur að segja.

[Geir Ágústsson, 19.1.2022 kl. 21:32]

Mjög gott spjall á hlaðvarpi Þjóðmála (thjodmal.is) við S Andersen og Þ Víglundsson til að róa sálina og vonandi bæta í bjartsýnina um að sífellt fleirum finnst vera komið gott af þessu RUGLI.

[Kristín Inga Þormar, 19.1.2022 kl. 22:31]

Sæll Geir,

Takk fyrir áminninguna, ég ætlaði að vera búin að hlusta á þetta viðtal.

Já verðum við ekki að vera bjartsýn á það að fleiri og fleiri séu búnir að fá nóg af þessu endalausa rugli?

Það er a.m.k. mjög ánægjulegt að sjá hvað margir eru farnir að fá birta gagnrýni í fjölmiðlunum um þessa hringavitleysu.

Dropinn holar steininn segir einhvers staðar, og ég held að sífellt fleiri séu þessa dagana að átta sig á því hversu stórkostlega þeir hafa verið blekktir í tvö ár núna.