Á að fara að skella öllu í lás eina ferðina enn?

Sóttvarnalæknir er farinn að skrifa reglulega hræðslupistla á covid.is

"Þróun faraldursins hér er því enn versnandi og faraldurinn í veldisvexti. Líklegt er að þessi þróun  hvað varðar heildarfjölda smita haldi áfram sem mun leiða til versnandi ástands á Landsspítalanum."

"Hollt er hins vegar að hafa í huga þá reynslu okkar að samfélagslegum smitum fækkar ekki fyrr en gripið er til takmarkandi aðgerða í samfélaginu."

Hvers vegna endurtaka það sem ekki virkar?

Grímur virka ekki gegn örsmáum veirum, samt hefur grímuskyldu verið skellt á okkur í tvígang.

Það sem áður var sagt vera full bólusetning virkaði ekki heldur þegar upp var staðið, og fólk hvatt til að fá sér fleiri sprautur, og að sjálfsögðu flensusprautu líka. Og samt er sprautaða fólkið líka að greinast "með smit" og veikjast!

Svo hver er staðan núna?

11 af 13 Covid sjúklingum á Landspítalanum 27. október voru bólusettir, segir hér.

7 fullbólusettir starfsmenn Lögreglunnar á höfuðborgarsvæðinu eru komnir í einangrun og 10 til viðbótar í sóttkví eftir að smit greindist hjá embættinu, segir hér.

Þessu fólki hefur líklegast verið boðin "örvunar"sprautan, eins og öllu framlínustarfsfólki. Semsagt, tvær eða jafnvel þrjár sprautur virkuðu ekki betur en þetta.

Hvað ætli sé langt í fjórðu sprautuna og svo þá fimmtu og .....

Hversu lengi ætlar fólk að láta blekkja sig?

Verið áfram hrædd!

"Við getum forðast hópamyndanir með ókunnugum, viðhaft eins metra nándarreglu, notað andlitsgrímur í aðstæðum þar sem nánd við ókunnuga er undir einum metra og gætt að góðri sótthreinsun handa.

Ef við finnum fyrir einkennum sem bent geta til COVID-19 þá ættum við að halda okkur til hlés, forðast margmenni og umgengni við viðkvæma einstaklinga og fara í sýnatöku."

Merkilegt, þetta var líka sagt í fyrra áður en stærsti hluti þjóðarinnar var orðinn fullsprautaður!

Ætli þetta fólk á myndinni hér fyrir neðan sé í þeim hópi?

Það sem aldrei er sagt

Hvernig við getum eflt okkar dásamlega meðfædda ónæmiskerfi með réttum vítamínum og steinefnum, og ekki má gleyma lýsinu góða. Þetta svínvirkar!

Ótti og streita hefur slæm áhrif á ónæmiskerfið, það eiga allir að vita, líka læknar. Þessi endalausi hræðsluáróður Þórólfs, Kára og fleiri aðila gerir ekkert annað en að hafa lamandi áhrif á andlega og líkamlega heilsu fólks.

Tveir ósprautaðir og ellefu sprautaðir á bráðadeildum núna!

Þetta ætti að koma manni á óvart en gerir alls ekki. Dökkbláa súlan er yfir þá sprautuðu og sú gráa þá sem hafa afþakkað glundrið, og eins og sjá má er sú bláa í langflestum tilfellum hærri. Sjá meira hér.

 

Öllum ætti að vera löngu orðið ljóst að það er enginn drápsfaraldur vegna einhverrar veiru í gangi.

Þetta er eini faraldurinn sem er í gangi!

Í gær var fjöldi tilkynninga um aukaverkanir kominn upp í hvorki fleiri né færri en 5.486, þar af eru 193 alvarlegar plús 32 andlát, en síðan hefur ekki verið uppfærð í dag.

Fréttin.is birtir þetta á síðunni sinni í morgun:

"Til viðbótar þessum upplýsingum og frekari sundurliðun á grunuðum alvarlegum aukaverkunum hefur stofnunin svarað nokkrum frekari fyrirspurnum um aukaverkanir: 57 tilkynningar hafa borist vegna blóðtappa, 18 vegna hjartavöðvabólgu og/eða gollurshússbólgu. 

Eins hafa 68 aukaverkanir verið tilkynntar í hópnum 12-17 ára barna, þar af átta alvarlegar og 65 tilkynningar hafa borist vegna örvunarskammta."

Hér má bæta við 10 tilkynningum um fósturskaða!

Ef engin af þessum 5.486 manneskjum hefðu verið sprautaðar með þessum skelfilegu líftæknilyfjum sem eru ekki einu sinni bóluefni eins og við höfum þekkt þau hingað til, þá hefði aldrei þurft að tilkynna um þessar 5.486 aukaverkanir.

Og stóra spurningin er, hvers vegna er Þórólfur aldrei tekinn á teppið í fjölmiðlunum og spurður út í þetta?

Og hvers vegna er enn verið að þrýsta á fólk að láta sprauta sig, þegar augljóst er að þetta glundur virkar ekki, og veldur jafnvel óafturkræfum skaða og/eða andlátum hjá fólki?

Næsta mál á dagskrá hjá þessu liði er að fara að sprauta 5-11 ára börn, ætla íslenskir foreldrar að leyfa því að gerast?

Og nú virðist vera byrjað að kynda undir hömlur og lokanir eina ferðina enn, þetta er orðið sagan endalausa.

 

Er samanburður við Ísrael besta leiðin til að sannfæra okkur um ágæti og árangur "bólusetninganna"?

Sóttvarnarlæknir okkar heldur áfram að reyna að hræða okkur með þessum áhyggjum sínum af "faraldrinum", og hvetur þá enn ósprautuðu að drífa sig í þær, og hina sprautuðu að fá sér "örvun".

Örvunarbólusetning dregur verulega úr líkum á alvarlegum veikindum að mati sóttvarnarlæknis

"Sóttvarnalæknir mælir með örvunarbólusetningu fyrir alla 60 ára og eldri, heilbrigðisstarfsfólk, íbúa á hjúkrunarheimilum og tiltekna viðkvæma hópa, sbr. nánari skilgreining á vef embættis landlæknis.

Rannsókn sem gerð var í Ísrael og birt í The New England Journal of Medicine, sýnir umtalsverðan árangur af örvunarbólusetningu einstaklinga 60 ára og eldri sem voru fullbólusettir með tveimur skömmtum af bóluefni Pfizer og fengu örvunarskammt þegar a.m.k. 5 mánuðir voru liðnir frá seinni sprautunni.

Að liðnum 12 dögum frá örvunarbólusetningu voru líkur á smiti rúmlega 11 sinnum minni en hjá sambærilegum hópi sem ekki hafði fengið örvunarskammt og líkur á því að þeir veiktust alvarlega af Covid-19 voru nærri 20 sinnum minni."

Heimild.

Þarna vísar hann í rannsókn frá Ísrael, sem er eitt bólusettasta land í heimi, og "umtalsverðan árangur" af "örvunar"skotunum þar í landi.

Á vefsíðunni Ourworldindata.com er meðal annars hægt að kalla fram tölulegar upplýsingar um gengi "heimsfaraldursins", og á þessu línuriti má sjá allt aðrar upplýsingar en sóttvarnarlæknir setur fram.

 

Þetta skjáskot tók ég áðan, og þar má sjá samanburð milli nokkurra landa. Fjöldi smita og dauðsfalla hefur sem betur farið hríðlækkandi síðan "örvunin" hófst hjá Ísraelum, en það breytir ekki því að þessar tölur eru skelfilega háar.

Í ljósi þessa má velta fyrir sér hvað sóttvarnarlæknir hefur fyrir sér, þegar hann bendir á þennan "umtalsverða árangur", annað en þessa rannsókn - sem að sjálfsögðu er birt á síðu breska heilbrigðismálaráðuneytisins, sem er jafn "óspillt" og það íslenska!

Ísraelsk fórnarlömb

Hér má sjá rúmlega klukkustundar langa mynd með Ísraelum sem glíma enn við alvarlegar aukaverkanir eftir sprauturnar, og aðstandendur þeirra sem létust eftir þær.

Það var ísraelsk kona sem kallar sig Avital sem lagði gríðarlega vinnu í gerð þessarar myndar, og hérna má lesa meira um viðtöl hennar við fórnarlömbin.

Og hér er umfjöllun um ísraelskan stærðfræðing sem segir sprauturnar hafa valdið flóðbylgju í dauða ísraelskra ungmenna. Meira hér.

Svo ég svari fyrirsögninni sjálf, þá er svarið nei, heldur þveröfugt.

Faraldur meintra óútskýrðra andláta unglinga heldur áfram að sjokkera okkur, segir breskur læknir

Þau vissu að börn myndu látast eftir "bólusetningarnar", og á þar við um bresk yfirvöld.

Nemandi í Solihull var sprautaður, fékk blóðtappa, svo hjartaáfall og lést. 17 ára stúlka lést innan 24 stunda frá sprautu. Barn lést í Essex, annað í Leicester og svo framvegis segir hann.

Í grein sem hann vísar í kemur fram að barnadauði sé núna 52% meiri en meðaltal síðastliðinna 5 ára eftir að börnum var boðin "bólusetning", eftir 14% fækkun andláta meðal þeirra, samkvæmt opinberum gögnum.

Dr. Vernon Coleman

Hann er læknir sem kallar sig gamla manninn í stólnum, og hann hefur verið óþreytandi við að fjalla um "heimsfaraldurinn" frá byrjun, og (nánast?) allt sem hann hefur spáð fyrir um hefur komið fram.

Ég er búin að horfa á flest, ef ekki öll vídeóin hans sem spanna allt frá því hversu spillt og rotið heilbrigðiskerfið er orðið, upp í blekkingarnar og lygarnar sem við erum búin að búa við í vel á annað ár núna varðandi "heimsfaraldur" sem aldrei var raunverulega til.

Hann er engum háður, og þiggur engar greiðslur fyrir vinnu sína, og er að sjálfsögðu eins og allir heiðarlegir læknar og vísindamenn, opinberlega rægður, smánaður og útskúfaður af öllum þessum spilltu miðlum í dag.

Hann hefur meira að segja boðist til að taka þátt í umræðum um "faraldurinn" á BBC, en fékk að sjálfsögðu engin viðbrögð við því.

Þetta er faraldur tilviljanakenndra dauðsfalla, segir hann. Fullkomlega heilbrigð börn eru að detta niður dauð núna, eitthvað sem áður var mjög sjaldgæft, en farið að verða algengt núna.

Ísland í dag

• Sóttvarnarlæknir segir að skoða þurfi bólusetningar barna með opnum huga
• Nær ekkert smit meðal bólusettra barna á Íslandi
• Ekkert fullbólusett barn hér smitast hér á landi

Hvergi er minnst á 33 tilkynningar um aukaverkanir hjá 12-17 ára börnum, þar af fjórum alvarlegum, né lömun sem átti sér stað hjá hinni 19 ára Tinnu Katrínu Owen, sem þrátt fyrir sína lömun eftir "örvunar"sprautuna mælir ekki gegn þessum sprautum.

Í dag birtist frétt á Fréttin.is þar sem rangfærsla Stjórnarráðsins um að bólusetning barna veiti 100% vörn er leiðrétt.

Glæpir gegn börnunum

Að ætla að fara að sprauta þessum genabreytandi líftæknilyfjum í börn er ekkert annað en glæpur.

Yfirvöld hér á landi vita það alveg jafn vel og þau bresku að þessi efni skaða og drepa fólk. Fjöldi tilkynntra aukaverkana er kominn upp í 5.065 í dag úr 4.467 í gær, sem gerir fjölgun upp á 598, og aftur er Janssen hástökkvari dagsins.

Fullorðnir mega láta sprauta sig eins og þeir vilja, en börnin eru heilög og þau ber að vernda.

 

Vekur það enga athygli að landlæknir hafi haldið eftir tilkynningum um aukaverkanir ríflega 2.000 "bólusettra" einstaklinga sem síðar greindust með "smit"?

Það er óskiljanlegt að þessi frétt skyldi ekki vekja meiri viðbrögð í samfélaginu en raunin er.

Hvers vegna er ekki allt orðið brjálað, og landlæknir og Lyfjastofnun krafin svara um þetta? Hvar eru blaðamenn þessa lands?

„Öll bóluefnin eru góð,“ segir Ragnheiður. „Við erum að tala um aukaverkanir sem eru svo örlitlar að það er örugglega meiri hætta af því að bara fara út í búð,“ bætir hún við. (Yfirhjúkkan í Vaxhöllinni)

Vísir birti frétt þann 23. október, þrem dögum eftir að Lyfjastofnun byrjaði að bæta þeim við gagnagrunn sinn, eftir að ég og fleiri skrifuðum um þær.

"Embætti landlæknis hefur sent Lyfjastofnun fjölmargar tilkynningar um aukaverkanir vegna bóluefna. Tilkynningarnar varða allar einstaklinga sem hafa verið bólusettir, en síðar greinst með Covid-19 smit. Skráning tilkynninganna stendur nú yfir.

Í heildina hafa borist 4.144 tilkynningar vegna gruns um aukaverkun í kjölfar bólusetningar og þar af 224 alvarlegar. Flestar tilkynningarnar varða bóluefni Pfizer en það er mest notaða bóluefnið hér á landi. Fæstar varða bóluefni Janssen eins og sjá má í töflunni hér að neðan."

Það vekur sérstaka athygli mína, að þegar ég skrifa þetta hefur enginn smellt á Like hnappinn á Visir.is, og enginn sett inn athugasemd undir fréttina.

„Og það eru bara tveir kostir í boði, annaðhvort að fá Covid eða að fá bólusetningu,“ bætir hann við." (Þórólfur)

Mbl birti svipaða eða sömu frétt sama dag, einum líkaði þessi frétt, en enginn bloggaði beint við hana.

Ég var reyndar áður búin að blogga um þetta áður en ég sá skýringuna á þessari skelfilegu fjölgun tilkynninga:

• Hvað í ósköpunum er í gangi, tilkynningum um aukaverkanir fjölgaði um 88 síðan í gær
• Þetta hlýtur að vera heimsmet, tilkynningum um aukaverkanir fjölgaði um 721 á einum sólarhring
• Skýringin á hvers vegna tilkynntum aukaverkunum fjölgaði um 721 í gær

En ég get ekki séð að RÚV (okkar allra!) hafi enn birt þessa frétt á vef sínum, þetta þykir kannski ekki fréttnæmt þar á bæ.

Búið að bæta við 323 tilkynningum frá því á föstudag

Í þetta sinn á Janssen "vinninginn"

Eins og sjá má, þá er 312 aukaverkunum vegna þess bætt við núna, svo það verður fróðlegt að fylgjast með tölunum á morgun og sjá hvert þeirra verður hástökkvari dagsins.

Einmitt!

"Varðandi niðurstöður sem eru komnar bendir allt til þess að bóluefni við Covid-19 séu örugg og mjög virk,“ sagði Björn Rúnar Lúðvíksson, yfirlæknir ónæmisfræðideildar Landspítala og prófessor í ónæmisfræði við læknadeild Háskóla Íslands, í Bítið á Bylgjunni.

Hann benti á að mun alvarlegra væri að fá COVID með aukaverkunum þess en að láta bólusetja sig. Það hvíli samfélagsleg ábyrgð á fólki að láta bólusetja sig til að verja viðkvæmustu hópa samfélagsins."

Mikið er gott að eiga alla þessa góðu sérfræðinga úr heilbrigðisstéttinni sem er svona "annt" um okkur!

 

Ung móðir sem er sködduð eftir "bólusetninguna" lýsir martröðinni í kjölfarið, og biður um hjálp í baráttunni gegn spillingunni varðandi "faraldurinn"

Eftir því sem verið er að setja bólusetningarskyldu á fleiri samfélög, eru fleiri hópar þeirra sem hafa orðið verst úti vegna þessara svokölluðu "bólusetninga" nú tilbúnir að fletta ofan af alvarlegum, og stundum banvænum afleiðingum sprautanna.

Hér er einlægt viðtal við unga bandaríska móður að nafni Brianne Dressen, sem fúslega tók þátt í því sem hún taldi samfélagslega skyldu sína í nóvember í fyrra í baráttu gegn "heimsfaraldrinum".

Hún lét sprauta sig með AstraZeneka, og uppskar að launum alvarlega taugasjúkdóma sem leiddu meðal annars til þess að hún missti kraft í fótunum og þurfti að læra að ganga aftur.

Líkami minn fór frá því að vera fullkomlega heilbrigður, og ég var fullkomlega fær um að sinna starfi mínum og börnum, niður í að stærsta afrek dagsins er að veita þér þetta viðtal, og að ég útbjó sjálfri mér morgunmat, segir hún í þessu viðtali.

Almenningi er ekki sagt frá þessum aukaverkunum, segir hún, né sé læknasamfélagið upplýst um að svona viðbrögð og aukaverkanir vegna þessara tilraunaefna geti gerst.

Þess vegna hefur hún núna safnað saman sögum annarra fórnarlamba þessara svokölluðu "bólusetninga", bæði þeirra sem hafa skaðast alvarlega, og þeirra sem hafa misst ástvini eftir þær.

Hún vill að öll þjóðin geri sér grein fyrir því að afleiðingarnar séu raunverulegar, en ekki sjaldgæfar eins og fólki sé talin trú um.

Þessar frásagnir má finna hér á þessari síðu.

Að hennar frumkvæði ætla fórnarlömb "bóluefnanna" að efna til mótmæla í Washington DC 2. nóvember næstkomandi, sem verður stýrt af einu fyrsta fórnarlambi Covid "bóluefnanna".

Þar munu þau sýna fram á óhrekjanleg sönnunargögn frá læknisfræðimenntuðum vísindamönnum um að aukaverkanir þeirra hafi sannanlega verið vegna sprautanna.

Ernest Ramires verður eitt fórnarlambanna sem mun koma fram þarna, en hann missti einkason sinn, hinn 16 ára gamla Ernesto sem lést 5 dögum eftir að hafa fengið Pfizer sprautu í apríl.

Örfá fórnarlömb (af milljónum!) í viðbót, smellið á myndirnar til að stækka þær.

 

 

 

Fullbólusettir Ástralir munu héðan í frá teljast óbólusettir nema þeir þiggi allar framtíðar "örvunar"sprautur

Daniel Andrews, sem er forsætisráðherra Viktoríu fylkis í Ástralíu setti fram þessa sturluðu yfirlýsingu á dögunum.

Hann sagði líka að ósprautaðir munu verða heftir frelsi á næsta ári, og það muni líka eiga við þá sem hafi "aðeins" fengið eina eða tvær sprautur.

Hann lýsti því yfir að óbólusettir Viktoríubúar yrðu áfram útilokaðir frá efnahagslegri og félagslegri þátttöku langt fram á 2022. Forsætisráðherrann varaði einnig tvísprautaða Viktoríubúa við að þeir gætu verið lokaðir inni ef þeir fái sér ekki "örvunar"skot ef þess verður krafist.

Ástralir reisa einangrunarbúðir vegna "áframhaldandi aðgerða"

Sagt er að verið sé að reisa þessar búðir fyrir þá sem hafi ekki haft aðgengi að "bólusetningunum".

Samkvæmt frétt í ABC Australia, þá er gert ráð fyrir að einar slíkar með 1.000 rúmum verði tilbúnar í lok mars 2022.

Á þessu stigi verði húsakynnin notuð fyrir innfædda sem séu að ferðast af Covid "áhættusvæðum".

Þeim verður skipt niður á mismunandi svæði, og munu geta hýst einstaklinga, pör og fjölskyldur, og muni verða undir eftirliti lögreglu og öryggisvarða 24 tíma á sólarhring.

Svo er talað um að áætlað sé að það verði áframhaldandi þörf fyrir einangrunarbúðir vegna nýrra "afbrigða" og fólks sem hafi ekki haft aðgengi að "bólusetningum". (Lesist: Fólki sem hefur engan áhuga á fá þessum genabreytandi líftæknilyfjum sprautað í sig).

Greinin fjallar líka um að sömu aðgerðir séu í gangi í Bandaríkjunum, Kanada, Nýja Sjálandi og Þýskalandi.

Ástralir vilja ekki láta bjóða sér þetta lengur!

Hugrakkur ástralskur lögreglumaður hefur tekið afstöðu gegn harðstjórn og lygum stjórnvalda og fjölmiðla um Covid-19 sem hefur leitt landið niður í einræðisbrjálæði, álíka og myndi gera leiðtoga kínverska kommúnistaflokksins, Xi Jinping, stoltan - og allt í nafni "heilsu".

Í færslu sem hann birti á Facebook vegg sínum segir hann meðal annars:

Þessari spurningu sé enn ósvarað, - Hvers vegna eru leiðtogar Ástralíu og stjórnvalda annarra þjóða að ljúga að borgurum sínum um Covid-19 og nota það til að reyna að beita forræðishyggju?

Þessir Ástralir flykktust út á göturnar fyrr í mánuðinum þegar stjórnvöld í Viktoríu boðuðu skyldubólusetningu fyrir alla "authorised workers".

Fólkið sem telst til þessa hóps yrði að fá fyrstu sprautuna fyrir 15. október og þá síðari fyrir 26. nóvember, annars ættu þeir á hættu að vera reknir.

Krafan spannaði margar starfsgreinar, sem 1 - 1,25 milljónir manna í starfa í. Lokafrestur þessi væri aðskilinn frá öðrum fresti sem var settur á þá sem starfa við öldrunarþjónustu, heilsugæslu, byggingarstarfsemi, menntun og vöruflutninga.

Ég hef áður fjallað um það sem er að gerast í heiminum í dag, svona til upprifjunar:

• "No Jab No Pay" hótun í Ástralíu!
  
• Haldiði ennþá að þetta snúist um baráttu gegn einhverri veiru? Hvað er að gerast í Ástralíu?
• Handtekinn og sektaður um 5.050 dollara fyrir að drekka kaffi grímulaus í Ástralíu
• Forsætisráðherra Nýja Sjálands er endanlega genginn af göflunum og farinn í NWO gírinn
• Írland er farið í hundana, það er orðið að algjöru lögregluríki
• Kanadískum læknum skipað að þegja, annars missi þeir læknisleyfið eða verða reknir

Sannleikurinn er, hvort sem fólki líkar betur eða verr, það var aldrei neinn alvöru "heimsfaraldur" í gangi.

Nánast allt sem okkur hefur verið sagt í fjölmiðlunum og af völdum sérfræðingum eru hræðsluáróður, og lygar.

Fréttirnar sem okkur eru ekki sagðar í meginstraumsfjölmiðlunum eru skrifaðar af þúsundum manns um heim allan sem vilja koma sannleikanum um það sem raunverulega er í gangi, upp á yfirborðið.

Þar á meðal eru heimsfrægir, óháðir og virtir vísindamenn, læknar og lögfræðingar sem eru útskúfaðir frá miðlum eins og YouTube, Facebook og Google.

Þessu fólki eigum við að treysta, ekki glæpamönnum eins og Dr. Fauci, eða Bill Gates sem er búinn að fremja hroðalega glæpi í nafni "mannúðar", en hefur margoft sagt að það þurfi að fækka mannkyninu, og að bóluefni séu frábær leið til þess.

Við erum hreint ekkert undanskilin hvítþvotti og "hálfsögðum" fréttum hér á landi, nýjasta dæmið um það eru þessar ríflega 2.000 aukaverkanir bólusettra einstaklinga sem hafa greinst með smit sem verið er bæta inn í grunn Lyfjastofnunar þessa dagana.

 

 

 

Skýringin á hvers vegna tilkynntum aukaverkunum fjölgaði um 721 í gær!

Landlæknisembættið hefur einhverra hluta vegna setið á ríflega 2.000 tilkynningum, sem nú er búið að senda til Lyfjastofnunar.

Það gefur augaleið, að þetta hefur hingað til skekkt stórkostlega daglegar tilkynningar stofnunarinnar, sem voru þó nógu margar fyrir.

Það er svolítið merkilegt að upplýsingar um aukaverkanir og andlát eftir sprauturnar virðast ákaflega lítið hreyfa við fólki almennt!

Enda er búið að sannfæra það að allt sé betra en að fá Covid, og kerfisbundið búið að viðhalda hræðsluáróðrinum með daglegum "smittölum", sem allir ættu núna að vita að eru byggðar á prófum sem gefa allt að 97% falskar jákvæðar niðurstöður.

Óskiljanleg fjölgun tilkynninga

Í fyrradag, 20. október skrifaði ég um fjölgun um 88 á einum degi, og þótti líklegast að það tengdist "örvunar"sprautunum, enda voru þær allar vegna skaðlegasta efnisins sem notað er til þess.

Í gær, 21. október skrifaði ég um sprengingu í tilkynningum, þær voru allt í einu komnar upp í 495 á einum degi, og breytti síðan færslunni þegar Lyfjastofnun fjölgaði þeim upp í 721.

Síðan kom í ljós að Lyfjastofnun birti færslu dagsetta 21. október:

"Tilkynningum vegna gruns um aukaverkun fjölgar til muna

Embætti landlæknis hefur sent Lyfjastofnun ríflega 2.000 tilkynningar um aukaverkun. Þær varða allar bóluefni gegn COVID-19.

Lyfjastofnun hafa borist ríflega 2.000 tilkynningar vegna gruns um aukaverkun frá embætti landlæknis. Embættið hefur safnað gögnunum saman frá því hafist var handa við bólusetningar gegn COVID-19 í lok síðasta árs. Þessar upplýsingar hafa nú verið sendar Lyfjastofnun og nú stendur yfir skráning þeirra í aukaverkanagrunn Lyfjastofnunar samkvæmt leiðbeiningum um lyfjagát.

Allar tilkynningarnar varða einstaklinga sem hafa verið bólusettir en hafa greinst með COVID-19 smit. Þessar upplýsingar hafa áður birst í daglegum smittölum frá sóttvarnalækni en hafa ekki verið færðar inn í aukaverkanagrunn Lyfjastofnunar fyrr en nú.

Tölur á upplýsingasíðu með fjölda tilkynntra aukaverkana í kjölfar bólusetningar gegn COVID-19 munu smám saman endurspegla þessa aukningu."

Var þessi tilkynning send til fjölmiðlanna?

Hvort hún hafi verið send eða ekki, þá hefur hún að minnsta kosti ekki birst í neinum af þessum stærstu fjölmiðlum hérna, ekki einu sinni RÚV, sem segist vera okkar allra!

En það er að sjálfsögðu rækilega passað upp á að segja okkur daglega frá "smittölum" gærdagsins.

Bólusettir en hafa greinst með smit

Hvað þýðir þetta í rauninni? Hefur þetta blessaða fólk bæði fengið aukaverkanir og greinst með "smit"? Það hlýtur að vera fyrst það er verið að bæta þeim við fjölda aukaverkana.

En hvers vegna þurfti að taka þessar tölur til hliðar þangað til þær voru komnar yfir 2.000 og fyrst þá bæta þeim í gagnagrunninn?

Og miðað við að þann 20.10. voru birtar tölur um 3.420 aukaverkanir, og verið sé að bæta ríflega 2.000 við, þá hljóta "réttar" tölur að vera milli 5 og 6.000!

Lyfjastofnun hefur verið staðin margoft að því að segja bara hálfa söguna um þessar aukaverkanir, fyrir utan þessa nánast hlægilegu fyrirvara um að ekkert bendi til samasemmerkis á milli sprautanna og aukaverkananna!

Nýjustu tölur kl. 11:00 þann 22.10.

Það hafa "aðeins" 2 tilkynningar um aukaverkanir bæst við síðan í gær, en ég mun fylgjast með því hvort Lyfjastofnun uppfæri tölurnar eins og hún gerði í gær.

Við þurfum að fara að átta okkur á svolitlu!

Það er búið að halda þjóðinni í hlekkjum ótta við einhverja veiru, taka af henni mannréttindi með lokun fyrirtækja, einangrun aldraðra, rústun efnahagslífsins og að neita fólki um lífsbjargandi læknisaðgerðir svo fátt eitt sé nefnt.

Ég las minningargrein í morgun um íslenska konu sem féll í hyldýpi þunglyndis eftir að allar þessar aðgerðir hófust hér á landi. Hún sá enga leið út, og tók sitt eigið líf.

Og haldið þið að hún sé eina dæmið? Ónei! Það hefur orðið aukning í áfengis- og vímuefnanotkun, heimilisofbeldi og ýmsum samfélagslegum vandamálum, en það er lítið sem ekkert fjallað um það.

Allar þessar aðgerðir hafa aldrei snúist um að vernda líf, ömmu gömlu og heilbrigðiskerfið!

Ég ráðlegg öllum að kynna sér hvað er að gerast í Ísrael, Ástralíu, Nýja Sjálandi, Kanada, Frakklandi, Ítalíu og fleiri löndum, þar sem verið er að innleiða harðstjórnir, og neyða fólk í þessar svokölluðu "bólusetningar".

Og spyrjið ykkur svo, var raunverulegur heimsfaraldur í gangi, eða býr eitthvað miklu stærra og hræðilegra þarna að baki?

 

 

 

Þetta hlýtur að vera heimsmet, tilkynningum um aukaverkanir fjölgaði um 721 á einum sólarhring!

Mig skortir hreinlega orð núna, ég trúði ekki mínum eigin augum þegar ég sá tölur dagsins.

Uppfærsla: Það var verið að benda mér á að þær væru ekki 495, heldur er búið að uppfæra og leiðrétta fjöldann, sem er í raun 721!!!

Mér varð alveg nóg um í gær þegar ég sá að tilkynntar aukaverkanir þann daginn væru 88, en aldrei hefði ég átt von á svona hryllilegri tölu eins og núna.

Og allar nema ein tilheyra efninu sem nú er verið að gefa fólki til að "örva" ónæmiskerfi þeirra. Og ein alvarleg tilkynning bættist við lista þessa efnis sem voru þó skelfilega margar fyrir!

Tilkynntar aukaverkanir 21.10.21., uppfærðar tölur!

Þetta er ekkert annað en sturlun!

Tilkynntar aukaverkanir 20.10.21.

COVID-19: Sundurliðun tilkynninga vegna gruns um alvarlega aukaverkun í kjölfar bólusetningar

"Mikilvægt er að hafa í huga að um er að ræða tilkynningar vegna gruns um aukaverkun. Það merkir að tilkynnt tilvik hafa átt sér stað í kjölfar bólusetningar gegn COVID-19, en segir ekki til um hvort um orsakasamhengi er að ræða milli tilvikanna og bólusetningarinnar."

Hvers vegna er þetta ekki forsíðufrétt í öllum fjölmiðlum í dag?

Einu fréttirnar eru "smittölur" gærdagsins! Það birtist aldrei stafkrókur um aukaverkanir nema þegar þrýst er á Lyfjastofnun um svör.

En ef einhver deyr víst úr pestinni, þá er það að sjálfsögðu birt í öllum fjölmiðlum með tilheyrandi kertaljósum og samúðarkveðjum til aðstandenda.

Lyfjastofnun - Lygastofnun

Mér blöskraði greinin sem birtist í Morgunblaðinu nýlega þar sem þrjár konur sem allar eru starfsmenn Lyfjastofnunar skrifa. Þar segja þær meðal annars, "Stakar aukaverkanatilkynningar segja lítið um möguleg orsakatengsl við tiltekið lyf". 

Einmitt, þetta eru allt tómar tilviljanir bara....

Mér blöskraði ekki síður niðurstöður "óháðrar" nefndar á "rannsókn" á röskun á tíðahring kvenna í kjölfar sprautanna, sem birtist um svipað leyti.

Hvað þarf til þess að fólk fari að vakna um skaðsemi þessara tilraunaefna?

Ef 721 tilkynning á aðeins einum degi duga ekki til, þá veit ég hreinlega ekki hvað getur hrist upp í hugum fólks.

Þórólfur hefur viðurkennt að aldrei hafi verið gerðar neinar rannsóknir á því að sprauta fyrst einu efni í fólk, og svo öðru til að "örva" það.

Og vitiði, það stendur hreint ekkert til að stöðva þessar eiturgjafir og næst á að taka fyrir börn á aldrinum 5-12 ára!

Þið sem eruð foreldrar, afar og ömmur, eruð þið tilbúin að spila rússneska rúllettu með líf og heilsu barnanna ykkar, bara af því að Þórólfur segi ykkur að gera það?

Hann sagði í viðtali fyrr á árinu eitthvað á þessa leið, það er bara tvennt í stöðunni, annað hvort að fá Covid eða láta bólusetja sig.

Og Ragnheiður sem var yfir "bólusetningunum" í Höllinni sagði að öll bóluefnin væru góð, og að það væri miklu hættulegra að fara út í búð en að láta sprauta sig.

Finnst ykkur þetta fólk enn vera trúverðugt?

Uppfærsla: Landlæknir hélt eftir upplýsingum um ríflega 2.000 aukaverkanir sem hún er núna að senda til Lyfjastofnunar, svo áfram má búast við gríðarlega háum tölum næstu daga.

Þetta er bara enn eitt dæmið um þöggunina og yfirhylmingarnar um skaðræði þessara efna!

Svo ég spyr ykkur aftur, finnst ykkur þetta fólk enn vera trúverðugt?

 

 

Hvað í ósköpunum er í gangi, tilkynningum um aukaverkanir fjölgaði um 88 síðan í gær!

Hvað veldur þessari gríðarlegu aukningu á aðeins einum degi? Er þetta út af "örvunar"sprautunum? Það er að minnsta kosti það fyrsta sem manni dettur í hug.

Og athugið, allar 88 eru tilkomnar vegna P F I Z E R!

Tilkynntar aukaverkanir 20.10.21.

Hér sjáið þið þetta svart á hvítu:

Tilkynntar aukaverkanir 19.10.21.

 

Örvunarskammar

Bóluefnið Pfizer er notað í örvunarskammta.

Örvunarskammtar eru í boði fyrir þessa hópa:

• Fólk sem fékk Jansen og meira en 28 dagar eru liðnir frá bólusetningunni.
• Fólk sem er 70 ára og eldra ef 3 mánuðir eru liðnir frá seinni skammti.
• Fólk sem er 60 ára og eldra ef 6 mánuðir eru liðnir frá seinni skammti. 

Heimild.

Hvað er hægt að gera til að stöðva þetta?

Ég hef því miður ekki svarið við því, en ráðlegg þeim sem eru að hugsa um að fara í þriðja skotið eða eiga ættingja eða vini sem ætla að fara, að staldra aðeins við og hugsa hvort það sé áhættunnar virði.

Þetta tiltekna "bóluefni" hefur valdið lang mestum skaða á fólki hér á landi, og valdið dauða að allra minnsta kosti 24 manns.

Ég treysti bara Þórólfi, hann er sérfræðingurinn!

Þetta er því miður viðhorfið hjá allt of mörgum ennþá. Hann virðist hafa endalausar áhyggjur af "smitum" og útbreiðslu "faraldursins", en ég man ekki til þess að hann nokkurn tímann tjáð sig um áhyggjur af öllum þessum aukaverkunum, né um þá sem eiga um sárt að binda eftir sprauturnar. Eða alla þá sem eru látnir eftir þær.

Eftir yfirlýsingar svo mánuðum skipti um miklar væntingar til þessara efna sem áttu að leiða heimsbyggðina út úr "faraldrinum", þá byrjaði bólusetningarhátíðin með pompi og prakt í byrjun þessa árs.

Byrjað var á hrumasta hópnum, 8 létust í janúar, en það kveikti greinilega ekkert á neinum viðvörunarbjöllum, ekki frekar en öll hin 24 í kjölfarið.

Vonbrigðin og "örvunar"sprauturnar

Eftir að hann lýsti yfir vonbrigðum með virkni þessara efna í sumar, þá var farið að kynda undir tilhugsunina um "örvunar"sprautur, og eru þegar tæplega 57.000 manneskjur búnar að fá þær núna.

Og í þetta skiptið, þrátt fyrir að hann viðurkenni að engar rannsóknir liggi fyrir um áhrif þess að gefa fólki einn skammt af einu efni og annan af öðru, þá var þetta keyrt af stað. Hann viðurkennir jafnframt að það hafi ekki verið gert annars staðar.

Semsagt, með þessu er hann að viðurkenna að hann sé að gera tilraunir með fólk!

En það er ekki bara hér á Íslandi sem þessi tilraunaefni eru að stórskaða og drepa fólk, heldur líka um allan heim.

Hér getið þið séð opinberlega tilkynntar aukaverkanir í Bandaríkjunum, og talið er að ekki sé nema 1-10% aukaverkana rati þarna inn.

Spurning er þá hvernig þessu er háttað hér á landi, hvort allt rati inn til Lyfjastofnunar?

 

 

Dellan heldur áfram, fleiri sprautaðir en ósprautaðir "greindust smitaðir" í gær!

80 manns greindust víst með veiruskrattann í gær, 36 þeirra voru óbólusettir, sem hlýtur að þýða að 44 séu bólusettir. Frábær vörn í þessu glundri, eða hitt þó heldur!

En hvað þýðir að "greinast" með veiruna? Er allt þetta fólk veikt, eða bara með falska jákvæða 40 snúninga niðurstöðu úr PCR prófi?

7 eru á spítala en enginn á gjörgæslu, og 2.126 í einangrun eða sóttkví. 2.126 manns sem er kippt út úr starfi eða skóla um lengri eða skemmri tíma!

Margir sprungu úr hlátri í sumar yfir frétt í Mbl þar sem segir að 97% þeirra sem hefðu "greinst" deginum áður væru einkennalítil eða einkennalaus.

Í minni orðabók þýðir þetta bara að maður sé bara hreint ekkert veikur! Í sömu frétt segir að 3 liggi inni með lungnabólgu, 2 bólusettir og 1 ekki. Já já, svona líka fín vörn í þessu görótta glundri.

Yfirlæknir smitsjúkdómadeildar segir þarna að tíðni smita meðal bólusettra hafi verið meiri en búist hafði verið við, og hefur helst áhyggjur af þeim sem eru veikir og lasburða.

Líklega sama fólkinu og búið var að tvísprauta þarna því það var í áhættuhópum.

Er þetta öll vörnin?

Samkvæmt þessari mynd virðast töluvert fleiri sprautaðir smitast en þeir sem vilja ekki glundrið í sinn kropp.

Við höfum alla vegana sloppið við þessar óþverra aukaverkanir sem að á fjórða þúsund manns hafa tilkynnt um.

Vitað er að þær eru miklu fleiri, t.d. eru á þriðja þúsund konur í Facebook hóp sem hafa orðið fyrir röskunum á tíðahring, þótt það séu "aðeins" nokkur hundruð konur samkvæmt Lyfjastofnun.

Ég fylgist daglega með nýjustu tölum um tilkynntar afleiðingar og sé að þeim fjölgaði hvorki meira né minna en um 16 síðan í gær, og þar af bættist 1 við þær alvarlegu.

Og nú er þriðja umferðin á heilbrigðisstarfsmönnum byrjuð! Mér skilst á hjúkrunarfræðingi að starfsfólkið sé ekki alveg jafn "spennt" fyrir þriðju sprautunni eins og þeim tveim fyrri.....

Munið þið að fólk var alveg að veikjast og jafnvel deyja hér áður fyrr?

Það mætti halda að það væri fyrst að gerast núna!

Hér eru alls konar veirur sem hafa lagst á landsmenn í gegnum árin, og má finna á síðum Landlæknisembættisins:

Rínóveira, rótaveira, adenóveira, enteróveira og parainflúensa 1, 2 og 3, nóróveira, RSV, niðurgangur, caliciveirur, inflúensa A(H3).

Og samkvæmt tölfræði um dánarorsakir, þá voru sjúkdómar í öndunarfærum orsök:

• 7,9% andláta árið 2020
• 7,5% andláta árið 2019
• 10,5% andláta árið 2018
• 10,8% andláta árið 2017
• 8,2% andláta árið 2016

Árið 2020 þegar "drápsfaraldurinn mikli" var víst að drepa fólk alveg vinstri hægri (reyndar aðallega aldrað fólk með undirliggjandi sjúkdóma), þá létust töluvert færri úr öndunarfærasjúkdómum heldur en 2017 og 2018! Hvaða rugl er eiginlega búið að vera í gangi?

Meira að segja flensur geta verið skæðar!

Tekið af vef Bæjarins besta 13.3.2017

"Illvíg flensa hefur herjað á Vestfirðinga sem og aðra landsmenn upp á síðkastið og hefur hún lagt óvenju marga í bólið. Hár hiti fylgir flensunni sem byrjar oft með höfuðkvölum og fylgja henni svo beinverkir og kvef í flestum tilfella þó eitthvað sé um ólík blæbrigði. Þeir sem grípa pestina liggja í flestum tilfellum lengi eða um vikutíma."

Þórólfur sóttvarnarlæknir

Þetta sagði hann í blaðaviðtali á fyrri hluta síðasta árs, og hver er staðan núna? 3.332 tilkynningar um aukaverkanir komnar í hús takk fyrir! Þessi nýju bóluefni eru búin að valda gríðarlega miklum skaða, og að allra minnsta kosti 32 dauðsföllum.

Ef þið farið inn á vef Lyfjastofnunar og flettið aðeins niður síðuna, þá sjáið þið sundurliðun aukaverkana sem sendar eru til EudraVigilance alla mánudaga, og það er ljótur listi.

Byrjað er að sprauta heilbrigðisstarfsfólk með þriðja skammti, og 56.637 einstaklingar eru þegar búnir að fá örvunar- eða viðbótarskammt.

Fyrir hverja eru þessi maður og stjórnvöld eiginlega að starfa? Það blasir við að það er ekki fyrir þjóðina sína.

 

 

 

 

80 greindust innanlands – 36 óbólusettir