Iceland Exit WHO - undirskriftasöfnun er hafin!

Nú er gríðarleg hætta framundan, ekki í formi neinnar veiru heldur vegna þess að allt bendir til þess að íslensk stjórnvöld ætli að fremja landráð með því að samþykkja svo lítið beri á fullgildingu á heimsfaraldurssáttmála Alþjóðaheilbrigðismálastofnunarinnar (WHO).

Þetta mun þýða meðal annars að sjálfsákvörðunarvald um lýðheilsu okkar mun hverfa, og verða í höndum þessarar ókjörnu sjálfseignarstofnunar og forstjóra hennar, sem hefur ekki læknismenntun, og situr undir ákærum um hryðjuverk í sínu heimalandi.

Stofnunin mun þá geta lýst yfir "yfirvofandi ógnum" á borð við hættulega smitsjúkdóma, og jafnvel neyðarástandi vegna þessarar meintu loftslagshlýnunar eða einhvers annars sem þeim dettur í hug.

Mun hún þá hafa heimildir til þess að skella heiminum í lás eina ferðina enn, neyða okkur til að nota grímur, og jafnvel neyða okkur með lögregluvaldi í einhverjar sprautur.

Þetta mun allt vera gert undir því yfirskini að þetta sé gert til að "bjarga lífum okkar" - rétt eins og í "heimsfaraldrinum", þar sem stofnunin lék stórt hlutverk og var oftar en ekki ráðgefandi í tilmælum Þórólfs þáverandi sóttvarnalæknis til þjóðarinnar, "sællar minningar".

Baráttan gegn yfirtöku WHO er hafin á heimsvísu

Þúsundir manna og kvenna um allan heim vinna nú að því að afhjúpa sannleikann um Alþjóðaheilbrigðismálastofnunina og að vekja samlanda sína til vitundar um þennan fyrirhugaða heimsfaraldurssáttmála og fyrirhugaðar breytingar á alþjóðaheilbrigðisreglugerðinni (IHR) sem nú er verið að semja um, sem og breytingar á IHR sem voru samþykktar 27. maí 2022 og enn er hægt að hafna.

En aðeins ef við grípum til aðgerða fyrir 1. desember!

Í þessu vídeói er þetta útskýrt í stuttu máli, svo horfið á þetta!

• StopTheWHO.com
• ScrewTheWHO.com
• ExitTheWHO.com

Undirskriftasafnanir

Margar þjóðir hafa sett í gang undirskriftasafnanir gegn þessu landráði í löndum sínum og nú hefur Ísland bæst í hópinn!

Við í mannréttindasamtökunum Mín Leið - Mitt Val erum búin að leggja á okkur ómælda vinnu við að setja upp undirskriftalista sem nú er kominn í loftið.

Svo nú ríður á því að allir landsmenn kynni sér vel og vandlega hvað hér er í húfi, ekki bara fyrir okkur heldur komandi kynslóðir líka - og alla heimsbyggðina.

Illir og siðblindir auðjöfrar eru búnir að vinna að því í áratugi að koma á einni alheimsstjórn, og fækka mannkyninu, og var þeirri áætlun hrint í framkvæmd fyrir alvöru árið 2020, þegar WHO lýsti yfir heimsfaraldri.

Restina þekkjum við öll, og fólk hlýtur að vera farið að gera sér grein fyrir þeim skelfilegu blekkingum og lygum sem við vorum beitt þá í þeim tilgangi að narra okkur í þessar "bólusetningar" (eitursprautur) sem voru stærsti samræmdi læknisfræðilegi glæpur sem framinn hefur verið á þessari öld!

Blekkingum sem voru hafðar í frammi af sömu íslensku stjórnvöldunum og eru núna um það bil að fremja enn eitt landráðið með samþykkt þessa samnings.

Takið þátt í þessari mikilvægu undirskriftasöfnun, og látið aðra vita af henni líka!

Smellið hér: -> ÍSLENSKT ÁKALL GEGN WHO: NEI við einræði í heilbrigðismálum

Eldri greinar þar sem WHO kemur við sögu:

Fljótum við sofandi að feigðarósi?

Bill Gates hefur tilkynnt um stofnun heimsfaraldursteymis (GERM) sem mun fylgjast með fullvalda ríkjum og ákveða hvenær þau þurfa að stöðva borgaraleg réttindi fólks, komi upp nýr heimsfaraldur.

Alþjóðlegt teymi muni samanstanda af 3.000 sjúkdómssérfræðingum sem heyra undir Alþjóðaheilbrigðismálastofnunina (WHO) og muni fá um 1 milljarð dollara á ári í fjárframlög.

Þess má geta að Bill & Melinda Foundation er einn stærsti styrktaraðili WHO, og Bill Gates hefur opinberlega sagt að hans arðbærustu fjárfestingar hafi verið í bóluefnum.

WHO hefur áform um áframhaldandi faraldra smitsjúkdóma næstu 10 ár

Hér má m.a. sjá dregna fram í einstöku 30 mínútna vídeói hluta af atburðarrásinni mánuðina og árin fyrir "heimsfaraldurinn", 10 ára áform WHO um áframhaldandi faraldra smitsjúkdóma, og klippur með sláandi ummælum ýmissa aðila.

Ætlar fólk að falla fyrir þessu eina ferðina enn?

Nákvæmlega ári eftir æfingu í viðbrögðum við apabólufaraldri var tilkynnt að sjaldgæfur sjúkdómur sem kallast apabóla hefði skotið upp kollinum í Bandaríkjunum og einhverjum Evrópulöndum.

Þátttakendur í þessum æfingum voru meira og minna þeir sömu og tóku þátt í Event 201 æfingunni í heimsfaraldri kórónuveiru í október 2019, eða Bill & Melinda Gates Foundation, WHO, kínverska CDC og fleiri.

Þessi nýi hugsanlegi faraldur var snarlega kveðinn í kútinn með háðsglósum netverja, sem voru löngu búnir að sjá í gegnum allar blekkingarnar varðandi fyrri "heimsfaraldur".

Er enn einn "heimsfaraldurinn" í uppsiglingu núna?

Framkvæmdastjóri WHO birtist á skjánum nú i upphafi árs 2023 til að kynda undir hræðslu við fuglaflensu af völdum H5N1 veirunnar, og að verið væri að vinna að því að næg bóluefni og lyf yrðu til staðar yrði þetta að heimsfaraldri.

Síðan hefur lítið frést af þessari "mögulegu ógn".

Hver á að ráða hver fær að lifa og hver á að deyja?

Hver hefur heimild til að ákveða hverjir eigi að fá að lifa líf sitt til enda, eða hvort þeir eigi að deyja - með lífslokameðferð?

Nú hefur Bill Gates sagt við heimsleiðtoga að það sé tími kominn til að byrja að tala um "dauðanefndir" sem dæmi venjulegt löghlýðið fólk til dauða fyrir það eitt að vera einskis nýtt elítunni.

Bill Gates er einn stærsti fjármögnunaraðli WHO í gegnum Bill & Melinda Gates Foundation.

Opið bréf til ráðamanna varðandi yfirvofandi valdatöku WHO á fullveldi Íslands í heilbrigðismálum

Allt of fáir gera sér grein fyrir því skaðræði sem íslensk stjórnvöld eru að öllum líkindum að leiða yfir þjóðina, en það er afsal á stjórn heilbrigðismála landsins til WHO, sem mun hafa skelfilegar afleiðingar fyrir okkur og þær þjóðir sem munu líka skrifa undir.

Velsældarhagkerfið á Íslandi - Skýrsla Alþjóðaheilbrigðismálastofnunarinnar afhent forsætisráðherra Íslands 14. júní 2023

Nú á dögunum var haldið velsældarþing í Hörpu, þar sem framkvæmdastjóri WHO í Evrópu afhenti Katrínu Jakobsdóttur þessa skýrslu formlega.

Það verður að segjast eins og er, þessi skýrsla er hrollvekjandi lesning þeim sem hafa kynnt sér rækilega hvað raunverulega býr að baki áformum ókjörnu stofnunarinnar WHO, Sameinuðu þjóðanna og annarra álíka stofnana um örlög okkar hinna.

Viðbót 17. júlí

Ég var að lesa áhugaverða grein: The WHO, sovereignty and reality

The Director General of World Health Organization (WHO) reassures us that WHO’s ‘pandemic accord’ (or ‘treaty’) won’t reduce the sovereignty of WHO’s Member States. WHO trusts that these words will serve as a distraction from reality. Those driving the perpetual health emergency agenda are planning to give WHO more power, and States less. This will happen whenever WHO designates a ‘Public Health Emergency of International Concern’ (PHEIC), or considers we may be at risk of one.

Breski þingmaðurinn Andrew Brigden og Dr. John Campbell

ESB-þingkonan Christine Anderson

Nú verðum VIÐ ÖLL að bregðast við!

Tími "samsæriskenninganna" er löngu liðinn, enda hafa þær meira og minna allar ræst, það ættu allir að vera löngu búnir að sjá núna, einnig það að íslensk stjórnvöld eru ekki að vinna fyrir okkur, heldur gegn okkur.

Sannanirnar fyrir því blasa við okkur alls staðar - ef við þorum að horfast í augu við þær, og nú er ekkert annað í boði!

 

Smellið hér: -> ÍSLENSKT ÁKALL GEGN WHO: NEI við einræði í heilbrigðismálum

 

 

Skrár tengdar þessari bloggfærslu:

• The amendments that were adopted by the World Health Assembly in 2022

Athugasemdir

[Guðmundur Ásgeirsson, 16.7.2023 kl. 20:25]

Hvar er tengill á þennan sáttmála?

[Kristín Inga Þormar, 16.7.2023 kl. 21:02]

Sæll Guðmundur, þú finnur það í viðhengdri skrá og getur lesið um og horft á meira um það hér.

[Guðmundur Ásgeirsson, 16.7.2023 kl. 21:47]

Viðhengda skjalið inniheldur tillögur að breytingum á alþjóðlegu heilbrigðisreglugerðinni sem virðast í fljótu bragði snúast um formleg ferli fyrir ríki til að fullgilda eða setja fyrirvara við reglugerðina eða tilteknar breytingar á henni. Semsagt ekki efnisreglur.

Vefsíðan sem þú vísar til um meira efni inniheldur tengla á mikinn fjölda skjala sem telja hundruðir blaðsíðna. Það er miklu meira en flestir hafa tíma til að kynna sér nema vera í fullri vinnu við það.

Er einhversstaðar hægt að nálgast stutta og greinargóða samantekt á þeim efnislegu atriðum í þessum "sáttmála" sem sumir vilja meina að séu svo varasöm að það sé tilefni til svona alvarlegra varnaðaorða? Með viðeigandi tilvísunum til frumheimilda og eftir atvikum með tenglum.

Nánar tiltekið hvar í öllu textaflóðinu er hægt að finna stoð fyrir fullyrðingum eins og að "sjálfsákvörðunarvald um lýðheilsu okkar mun hverfa" eða að WHO muni "hafa heimildir til þess að skella heiminum í lás eina ferðina enn, neyða okkur til að nota grímur, og jafnvel neyða okkur með lögregluvaldi í einhverjar sprautur".

Ástæða þess að ég spyr er að ef einhver fótur er fyrir slíkum fullyrðingum hljóta þeir sem halda slíku fram að geta bent á nákvæmlega hvar þeir fundu þann fót. Mig langar einfaldlega bara að vita hvar hann er.

Til að útskýra betur hverju ég er að fiska eftir skal ég taka dæmi: Nú held ég því fram að ekki megi aka hraðar en 15 km/klst á svokölluðum vistgötum. Ef einhver sem heyrir eða sér mig halda því fram og efast um þá fullyrðingu gæti hann spurt mig: Hvar stendur það? Ég gæti þá bent honum á að það stendur nákvæmlega í 1. málsgrein 9. greinar umferðarlaga nr. 77/2019. Hér er tengill sem vísar lóðbeint á þá tilteknu lagagrein.

Það sem ég myndi vilja fá er sambærilega nákvæm tilvísun á texta þar sem það stendur sem er haldið fram að sé svona varasamt í þessum "sáttmála" sbr. efni pistilsins hér að ofan. Ef ekki með tengli þá a.m.k. með nákvæmri tilvísun eða beinni tilvitnun í textann sjálfan. Miðað við hvað margir fara mikinn yfir þessu hlýtur það að vera mögulegt.

[Elías Halldór Ágústsson, 16.7.2023 kl. 22:27]

Hvaða óráðshjal er þetta?

Gerirðu þér grein fyrir að það er ekki ein einasta vísbending um að þetta gæti verið satt sem þú ert að segja?

[Kristín Inga Þormar, 17.7.2023 kl. 09:05]

Sæll aftur Guðmundur,

Þúsundir manna og kvenna í tugum landa hafa sameinast um að berjast gegn þessum breytingum, og það gerðu þau eftir að hafa lagt á sig þá vinnu að kynna sér málin, ég legg til að þú gerir það líka, t.d. með því að lesa tvær ítarlegar greinar sem eru á síðunni með undirskriftasöfnuninni.

Þar geturðu m.a. skoðað 307 breytingar á samningnum sem hafa verið lagðar til, og 10 helstu ástæðurnar fyrir því að vera á móti þeim, og þar geturðu lesið sjálfur nokkur frumskjöl.

Þetta er allt of flókið og viðamikið til að fjalla um í einni grein, en ef fólk nennir ekki að leggja á sig smá vinnu til að fræða sig, þá verður bara að hafa það.

[Kristín Inga Þormar, 17.7.2023 kl. 09:06]

Sæll Elías,

Ég fæ ekki séð að þú hafir nennt að kynna þér þessi mál sjálfur, og ekki kemurðu með neinar sannanir fyrir því að þetta sé eitthvað óráðshjal.

Hvað varðar seinni athugasemdina frá þér sem ég ætla ekki að birta, "Þú ert bara að vinna fyrir nasistana núna. Ertu Nasisti?", hún er ekki svaraverð og lýsir best þér sjálfum, þú ert bara dóni.