Eru Íslendingar hlýðnir og sofandi sauðir upp til hópa?

Ég sagði einhvern tímann að mér fyndist ég lifa í einhverri hliðarveröld, þar sem ég fylgdist með geggjuninni sem er í gangi í þessum meinta "heimsfaraldri".

Þessi tilfinning mín hefur svo sannarlega ekki breyst á öllum þessum mánuðum!

Þetta sagði Víðir Reynisson á hræðslufundi dagsins þann 19. apríl síðastliðinn og ég gat aldrei gleymt þessu því ég hló svo mikið!:

"Skilaboð dagsins til almennings voru skýr: „Farið í sýnatöku ef minnstu einkenna verður vart.“ 

„Ef þú ert með beinverki farðu í sýnatöku, ef lyktar og bragðskyn breytist farðu í sýnatöku, ef þú ert með niðurgang farðu í sýnatöku ef þú ert með óvenjulega þreytu farðu í sýnatöku,“ sagði Víðir Reynisson á upplýsingafundinum og hélt áfram upptalningunni, nefndi hósta, hálssærindi, hálsþurrk, hita og höfuðverk. 

Svo virðist sem fólk hafi tekið Víði á orðinu því langar raðir mynduðust í skimun við Suðurlandsbraut í Reykjavík. 2800 létu reka pinna upp í nefið á sér - Ragnheiður Ósk Erlendsdóttir, framkvæmdastjóri hjúkrunar hjá heilsugæslu höfuðborgarsvæðisins, segir að sjaldan hafi fleiri mætt í skimun."

Hraðspólum til dagsins í dag

Þegar búið var að sprauta stærstan hluta þjóðarinnar "kom í ljós" að þær virtust ekki virka nógu vel þrátt fyrir loforð (út í loftið?) um það, og enn á ný gaus "faraldurinn" upp.

Og hver var lausnin? Að sprauta meira!

Vísað var í einhverjar "nýjar rannsóknir", um að þriðja sprautan myndi gera útslagið í baráttunni við drápsfaraldurinn.

Tæplega 160.000 manns hlýddi því sem sóttvarnarlæknir vor sem er búinn að leiða okkur svona líka "ljómandi vel" í gegnum farsóttina sagði, og skellti sér í "örvunarskammtinn".

Svo spratt upp enn eitt "afbrigðið" í Afríku sem læknar þar í landi sögðu að væri frekar milt, og þið sjáið helstu einkenni þess á myndinni hér fyrir neðan.

En þjóðin trúir enn og treystir fólkinu sem hefur brugðist sínu hlutverki herfilega hvað eftir annað, allar þeirra yfirlýsingar og loforð um meint "öryggi og gæði" þessara genabreytandi líftæknilyfja sem eru í tilraunafasa til ársins 2026, eru löngu fallin um sjálf sig.

Fólk þyrfti í fúlustu alvöru að fara að kynna sér tengsl þessa fólks við manninn sem kallaður er Dr. Dauði (Fauci) í heimalandi sínu, Bill Gates og glæpalyfjafyrirtækin sem hafa þurft að greiða milljarða dollara í skaðabætur fyrir vörusvik, mútur, og fleira miður geðslegt.

Jólin 2021

Enn einn skimunarfaraldurinn var settur í gang:

• Jóladagur: Örtröð í Ármúla: Sjáðu myndir af gríðalega langri röð í skimun á jóladag – Hundruð freista þess að losna úr sóttkví
• Annar í jólum: Bíða á aðra klukkustund hóstandi í sýnatökuröðinni
  
• Þriðji í jólum: 3.000 mætt í sýnatöku það sem af er degi

Og enn var mikið skimað í dag á fjórða degi jóla....

Miðað við að stærstur hluti þjóðarinnar er þegar "grunnbólusettur" og tæplega 150.000 búinn að fara í bústið, þá hlýtur það að gefa augaleið að flest af þessu blessaða fólki í biðröðunum sé kannski margsprautað, og samt enn skíthrætt við þessa veiru.

Af því að Þórólfur, Víðir og Kári segja því að vera það.

Ég get fullyrt það að fáum ósprautuðum einstaklingum myndi láta sér detta í hug að norpa í kuldanum í gríðarlangri röð til að láta reka pinna nánast upp í heilann á sér (eina ferðina enn?), til að athuga hvort það væri veikt!

Halló, er enginn heima á þessum bæjum?

Er runnið æði á þjóðina?

Nú er ekki hægt að fara í jarðarfarir eða á viðburði nema fara í hraðpróf, og meira að segja er fólk farið að gera það að skilyrði til að fólk komi í jólaboð!

Hvað ætli þessi sjúklega veiruhræðsla sé búin að sundra mörgum fjölskyldum og vinasamböndum undanfarin tvö ár? Ég veit því miður um allt of mörg tilfelli.

Á sama tíma og 37 manns hafa víst látist úr pestinni, langflest eldra fólk með alls konar undirliggjandi sjúkdóma, hafa að allra minnsta kosti 32 látist í kjölfar sprautanna, á þriðja hundrað manns hlotið óafturkræfan skaða, hafa tæplega hundrað manns tekið eigið líf!

„30 af þeim 37 sem hafa látist af völdum Covid voru eldri en 70 ára, 20 eldri en 80 ára og þrír yngri en 60 ára. Til samanburðar voru 35 af þeim 47 sem tóku eigið líf árið 2020 yngri en 60 ára. 17 voru yngri en 29 ára og þrír yngri en 18 ára.“

Ég fékk nýlega leyfi ungrar vinkonu minnar sem er með sálfræðigráðu til að birta pistil hennar um geðheilbrigðismál, og í ljósi þessa skelfilega fjölda sjálfsvíga er vert að rifja hann upp.

Það er búið að svipta okkur sjálfsögðum mannréttindum og frelsi í tæplega tvö ár núna, rústa fjárhagsgrundvelli margra fyrirtækja og setja þau í þrot, senda fólk heim í atvinnuleysi og vonleysi, og koma í veg fyrir að börn og ungmenni geti stundað skóla, íþróttir og félagsstarfsemi.

En allt er betra en að drepast úr Covid segja flestir, því það er búið að telja þeim trú um það....

Kunnuglegt stef

Man einhver eftir reglulegum fréttum á síðustu árum um neyðarástand á spítölunum vegna fjölda sjúklinga, jafnvel í öndunarvélum vegna hinnar árvissu flensu sem hvarf þegar Covid bankaði uppá?

Árið 2009 þegar svínaflensan kom, vildi svo til að Þórólfur nokkur Guðnason var starfandi sóttvarnalæknir.

Hérna sagði hann meðal annars:

Ef almenningur trassar að láta bólusetja sig, faraldurinn breiðist verulega út og innlögnum fjölgar mikið gæti það þýtt að senda þyrfti fólk af spítalanum og stöðva einhverja starfsemi. (Áherslan er mín)

Eins og öllum ætti að vera kunnugt, þá urðu nokkur íslensk ungmenni og mörg erlend varanlegir öryrkjar eftir þessar svokölluðu bólusetningar.

Þessi sami maður sagði í viðtali í fyrravor að tryggja þyrfti að bóluefni gegn Covid sem voru að fara í framleiðslu yllu ekki skaða, og væru örugg.

Hann hefur líka sagt að það sé bara tvennt í boði, að láta bólusetja sig, eða fá Covid. En það er bara hrein lygi.

Ítarefni:

• Þetta er fjölmiðla- og samfélagsmiðladrifinn "heimsfaraldur"
• Svínaflensan 2009, og "heimsfaraldurinn" sem er byggður á tómum lygum
• Enginn myndi láta bólusetja sig eða sína ef....
• Hvers vegna er Þórólfur ALDREI spurður út í aukaverkanirnar?
• Tilkynntum aukaverkunum hefur fjölgað um 331 á einum mánuði, þar af 26 alvarlegum síðan "örvunarbólusetningarnar" hófust.
• Enn meiri sönnun þess að þessi svokallaði "heimsfaraldur" sé byggður á lygum
• Undarlegt að mest bólusettu þjóðirnar séu með flestu smitin núna, meira að segja ein 100% sprautuð
• Krítísk hugsun er stórhættuleg!
• Í tilefni þess að nú á að fara að sprauta litlu krakkana...
• Hvað ætlar fólk að láta blekkja sig lengi, eru Íslendingar bara sofandi sauðir?

Miðað við spurninguna sem ég varpaði fram í fyrirsögninni, þá sýnist mér svarið því miður vera já.

Ég sjálf hef aldrei viljað fá mér neinar flensusprautur, hef aldrei fengið flensur og verð sárasjaldan lasin, og hef ekki einu sinni fengið hor í nös siðan þessi "heimsfaraldur" birtist, þrátt fyrir að hafa með einbeittum brotavilja hunsað allar þessar fáránlegu sóttvarnarreglur.

Enda hef ég frábært meðfætt ónæmiskerfi sem ég hef í gegnum lífið, og sérstaklega í þessum meinta "drápsfaraldri" haldið í stöðugri þjálfun með ónæmisstyrkjandi vítamínum og með því að taka í hendur fólks, knúsa það og kyssa, jafnvel fólk sem var greint með pestina.

Þessir sprenglærðu "vísindamenn" okkar hafa aldrei talað um að byggja upp ónæmiskerfin okkar, bara að einhverjar sprautur sem enginn má vita hvað innihalda, séu einhver töfralausn.

 

 

 

 

 

 

Athugasemdir

[Guðjón E. Hreinberg, 29.12.2021 kl. 00:19]

Ný rannsókn hefur leitt í ljós að skólaganga nútímans kveikir ekki á hugsun heldur býr til hlíðna vísindasauði sem þykir vænna um sjónvarpið sitt en börnin sín.

[Kristín Inga Þormar, 29.12.2021 kl. 10:05]

Sæll Guðjón,

Það kæmi mér hreint ekkert á óvart að slík rannsókn væri til!

[Sigurður Kristján Hjaltested, 29.12.2021 kl. 14:30]

Takk fyrir góðan pistil.

Allt með OMICRON var vitað löngu fyrir jól, en stjórnvöld ákváðu

að nota tækifærið í enn eitt hræðslu áróðurs kjaftæðið og

lokuðu og læstu og eyðilögðu jólin hjá hundruð manns.

Hvenær skyldi sá hópur vakna upp og sjá hvað var gert.?

Skyldu þrísprautuðu þingmennirnir sem eru heima vakna líka

og sjá hvaða geðveiki er í gaangi.?

Nú er búið að ákveða að fyrsti skóladagur yngri barna á nýju

ári verði "sprautudagur". Þeir foreldrar sem þar mæta, eru

lýsandi á fyrisögn þessa pistils. Ég er svo grófur að segja

að þeim hlýtur að þykja ekkert vænt um sín börn.

En, þar sem Svanhvít keypti svo mikið af "bólu efna sulli" þá

þarf einhvern veginn að koma því út þrátt fyrir að það liggur

fyrir að covdið er byrjað að fjara út.

Óska þér svo gæfu og gengis á nýju ári.

M.b.kv.

[Kristín Inga Þormar, 29.12.2021 kl. 15:52]

Sæll Sigurður og þakka þér kærlega fyrir.

Já blessaður vertu, þetta er orðið svo fyrirsjáanlegt að það er næstum því fyndið. Auðvitað var skellt í enn eitt afbrigðið fyrir jólin, rétt eins og er búið að gerast í hvert einasta skipti sem hátíðir eru framundan.

Er það ekki aðallega "fullbólusetta" fólkið er enn tryllt af hræðslu við "drápsveiruna" ógurlegu? Mér sýnist það á því sem ég sé í kringum mig. Þetta blessaða fólk verður líklega síðast til að vakna.

Er þetta ekki bara leikrit í kringum þingmennina? Það er búið að ljóstra svo miklu upp um þetta hyski sem er búið að gabba stærstan hluta þjóðarinnar í þessar eitursprautur, að maður er hættur að trúa nokkru einasta orði sem frá því kemur. Meira um það síðar.

Mér hefur skilist af konum sem eru í alls konar FB grúppum að þar séu margar konur sem ætla að fara eða séu þegar búnar að fara í bústið, ætli þessar sömu konur vilji ekki líka láta sprauta börnin sín?

Ég vil frekar trúa því að búið sé að heilaþvo gagnrýna hugsun og heilbrigða skynsemi úr fólki, sem yfirtekur kærleika þess gagnvart börnunum sínum.

Svo óska ég þér sömuleiðis gæfu og gengis á nýju ári.

[Jóhann Elíasson, 29.12.2021 kl. 16:21]

Ég tek sko heilshugar undir með þér og þessi "upplýsingafundur" Velferðanefndar Alþingis var "dropinn" sem fyllti mælinn algjörlega.  

[Loncexter, 29.12.2021 kl. 16:29]

Ef það er eitthvað bóluefni sem íslendingar þurfa, er það bóluefni við heilaþvotti. En þar sem væntanlega yrði bannað að sprauta því í hlýðna og fáfróða íslendinga, er bara að vona að sem flestir átti sig á bloggsvæði þessu og útvarpi sögu.

[Kristín Inga Þormar, 29.12.2021 kl. 16:29]

Sæll Jóhann,

Ég hef enn ekki haft tök á því að hlusta á þennan fund, en eftir því sem heyri í hópunum mínum, þá eru allir þar algjörlega á sama máli og þú!

[Kristín Inga Þormar, 29.12.2021 kl. 17:30]

Sæll Loncexter,

Já það væri bóluefni sem svo sannarlega veitti ekki af!

Sem betur fer er engin ritskoðun á þessu bloggsvæði, og margir flottir aðilar eru mjög duglegir að skrifa gott og fræðandi efni.

Útvarp Saga á mikinn heiður skilinn fyrir að leyfa öllum röddum að heyrast, og svo má ekki gleyma nýja miðlinum frettin.is sem birtir fréttirnar sem ríkisstyrktu fjölmiðlarnir gera ekki.

[Tómas Ibsen Halldórsson, 29.12.2021 kl. 18:45]

Það er sko ekki í lagi með þetta lið.

Að ætla sér að gera börnin að tilraunardýrum er glæpsamlegt, þetta getur ekki verið löglegt og í raun brýtur gegn Nürnbergsáttmálanum.

Þarf virkilega að fara í mál við stjórnvöld og láta það finna til tevatnsins???

Þarf það virkilega að gerast að börn örkumlist og deyi til að opna augu yfirvalda??????????  

Er þetta fólk algerlega heilaþvegið??? eða hvað? Hefur þeim kannski verið mútað af "Big Farma"???????

Eins og fram kemur í pistli þínum Kristín, þá er þetta ekki í fyrsta skiptið sem Þórólfur vinnur fyrir lyfjarisana. Sorglegt er að sjá hversu augu fólks eru lokuð fyrir því sem í gangi er, en þó verð ég var við að það eru sumir sem eru að vakana til lífsins. Óskandi er að enn fleiri sjái ljósið og taki afstöðu með sannleikanum í þessum efnum.

[Hörður Þórðarson, 29.12.2021 kl. 19:42]

Takk fyrir þetta, Krístín. Að fólk standí í röðum til að láta skima sig í kulda og frosti er undarlegt. Skiptir það einhverju máli lengur hvort fólk er með þessa pest eða ekki? Margir hafa engin einkenni...

Það fer enginn pinni upp í nefið á mér nema ég verðu neyddur til þess. Ef ég er með einkenni flensu forðast ég annað fólk. Ég hef alltaf gert það og mun gera það í framtíðinni. Ég sé ekki að þetta omicron sé neitt öðruvísi, kannski er það ögn vægara en slæm flensa en ég læt það vera... 

[Kristín Inga Þormar, 29.12.2021 kl. 21:46]

Sæll Tómas,

Með þessum glæpum er verið að fremja öll hugsanleg lög gegn þjóðinni.

Ef þú kíkir á bloggið sem ég var að birta rétt í þessu, þá sérðu að við í mannréttindasamtökunum Mín leið - Mitt val erum að byrja að þjarma að þessu liði, fyrst út af þessum kolólegu sms sendingum.

Fáum við ekki fullnægjandi svör, þá verður því mætt með hörku!

Við erum búin að afla gagna sem sanna að flest af þessu fólki er meira og minna samkrullað í tengslum og krosseignatengslum, og einhver þeirra hafa meira að segja unnið að rannsóknum með Dr. Fauci!

Segir það ekki allt sem segja þarf?

Ég mun skrifa um þetta á næstu dögum eða vikum, en þangað til munum við öll sem vitum sannleikann halda áfram að reyna að vekja fólk.

[Kristín Inga Þormar, 29.12.2021 kl. 21:47]

Sæll Hörður,

Það er búið að heilaþvo fólk með vísindalegum aðferðum og óttaáróðri í tæp tvö ár núna.

Aldrei dytti mér heldur í hug að láta stinga pinna nánast upp í heilann á mér þótt ég yrði lasin, og aldrei mun ég heldur fara í einhver hraðpróf.

Og pældu í óttaáróðrinum undanfarið gagnvart börnunum, akkúrat þegar verið var að ganga frá undirbúningi undir það að fara að sprauta þau?

Er það tilviljun? Ónei!