Hinar djöfullegu áætlanir Alþjóðaheilbrigðismálastofnunarinnar um börnin!

Alþjóðaheilbrigðismálastofnunin er nú að vinna að því að ná einræði yfir heilbrigðismálum aðildaþjóða sinna, en það er ekki það eina.

Það sem fólk hefur almennt ekki hugmynd um, er að hún hefur gefið öllum stefnumótandi yfirvöldum í Evrópu og þeim sem hafa yfirumsjón með heilbrigðis- og kennslumálum um allan heim staðla um hvernig kynfræðslu barna skuli háttað.

Íslensk stjórnvöld hafa samþykkt þessa staðla stofnunarinnar, sem og samsvarandi staðla sem Sameinuðu þjóðirnar gefa út.

Eru þau þegar farin að innleiða þau í íslenskum skólum, en hvað felst raunverulega í þessum stöðlum, og ...

... hvað á að gera börnunum?

Guðrún Bergmann rithöfundur og stjórnarmaður í mannréttindasamtökunum Mín Leið - Mitt Val, hefur skrifað tvær ítarlegar og vandaðar greinar um þessi mál, og var sú fyrri opið bréf til Ásmundar Einars Daðasonar mennta- og barnamálaráðherra, Willums Þórs Þórssonar heilbrigðisráðherra og til foreldra og forráðamanna barna og unglinga.

• Hvað á að gera börnunum?
• Meira um börnin

Þetta eru greinar sem allir foreldrar, afar og ömmur, og þeim sem er umhugað um velferð barna verða að lesa!

Íslensk stjórnvöld og WHO - nokkur atriði

Stefna fyrir íslenska heilbrigðisþjónustu til ársins 2030 var kynnt þann 4. júní 2019 af þáverandi heilbrigðisráðherra, Svandísi Svavarsdóttur, en hún var unnin í samstarfi við WHO.

Þann 14. júní 2023 var haldið velsældarþing í Hörpu þar sem framkvæmdastjóri WHO í Evrópu afhenti Katrínu Jakobsdóttur forsætisráðherra Íslands skýrslu stofnunarinnar um "Velsældarhagkerfið á Íslandi".

Sama dag var Katrín skipuð sendiherra þessa velsældarhagkerfisverkefnis stofnunarinnar, eitthvað sem lítið eða ekkert var fjallað um í fjölmiðlunum.

Það má því gefa sér það miðað við þetta nána samstarf milli WHO og íslenskra ráðamanna, að ekki sé mikill vilji þar á bæ til að hafna því að þessi ókjörna stofnun fái einræðisvald yfir okkar eigin heilbrigðismálum.

Við hljótum öll að þurfa að spyrja okkur hvers vegna íslensk stjórnvöld eru að vinna gegn okkur þjóðinni en ekki fyrir okkur eins og þau voru kjörin til.

WHO og SÞ - Burtu með perraputtana frá börnum!

Sjónvarpsstöðin Kla.TV hefur nýlega birt fréttaumfjöllun um það sem raunverulega býr að baki þessari svokölluðu "kynfræðslu" þessara stofnana. Það sem þarna kemur fram er ólýsanleg illska í garð barna!

Þarna segir:

Sérhver heilvita maður veit að sannur kærleikur verndar börn. Sérstaklega verndar hann börn gegn kynferðisofbeldi og afskræmingu. Hins vegar er það sem WHO og SÞ selja með ómannúðlegum krafti sem frelsi fyrir börn er einfaldlega viðurstyggileg persónueyðing á öllum þroskastigum þeirra.

Athugasemd frá ritstjórninni: Kla.TV biður alla foreldra að taka fyrst þá ákvörðun eftir að hafa skoðað útsendinguna, hvort þeir treysti börnum sínum eða ungmennum til að sjá hana!

Í niðurlaginu með fréttaumfjölluninni segir:

Við höfum öll þann valkost að loka augunum og verða samsek með þögn okkar - eða vera hugrakkt fólk sem stendur upp og upplýsir mannkynið með því að dreifa þessari útsendingu, gera skólum, kennurum og fóstrum viðvart...

Börn geta ekki varið sig gegn þessum skrímslum. Gerum það fyrir þau!

Börnin okkar hér á landi

Nú fer skólastarf bráðum að hefjast aftur. Byrjað er að innleiða þessa "kynfræðslu" í að minnsta kosti einhverjum íslenskum skólum, og vitað er til þess að hún hefur farið fram í einhverjum skólum að minnsta kosti, án þess að foreldrarnir hafi haft neina vitneskju þar um.

Því er gríðarlega áríðandi að foreldrar og forráðamenn barna fari fram á að fá að sjá kynfræðsluefni barna þeirra fyrir næsta skólaár, og ekki hvað síst hverjir eigi að sjá um þessa fræðslu!

Nýleg skrif mín um mál þessu tengt:

• Er kynfræðsla barna á Íslandi á réttri vegferð?
• Útþurrkun konunnar, kynlífsvæðing ungra barna, barnaníð - og opið bréf til ráðherra Íslands og annarra er málið varðar
• Hæstvirtu leghafar og legleysingjar á Alþingi!
• Að umbera allt er uppskrift að hörmungum - og ákall til foreldra skólabarna!
• Út á hvað gengur fjórða heimsmarkmið Sameinuðu þjóðanna?

Það er ekki nóg með að verið sé að - eða búið í mörgum íslenskum skólum að innleiða þetta "kynfræðsluefni" WHO og SÞ - sem gengur út á að kynlífsvæða þau, heldur er ríkisstjórn Íslands um það bil að afsala sér fullveldi okkar í heilbrigðismálum (sem einnig fela í sér þessa "kynfræðslu") til þessara hreinræktuðu glæpamanna sem stjórna WHO.

Nákvæmlega þetta sama er að eiga sér stað í öllum 194 aðildarlöndum þessarar ókjörnu stofnunar.

Mig langar að biðla til fólks að kynna sér vel og vandlega það sem hér er skrifað, og/eða leita sér upplýsinga annars staðar en í þeim innlendu fjölmiðlum sem eru á ríkisstyrkjum, þar finnið þið ekki stafkrók um þetta.

 

 

 

 

 

 

Katrín Jakobsdóttir forsætisráðherra hefur verið skipuð sendiherra "velsældar"hagkerfis verkefnis WHO!

Ég skrifaði nýlega um velsældarhagkerfið á Íslandi, og skýrslu Alþjóðaheilbrigðismálastofnunarinnar sem var afhent Katrínu Jakobsdóttur forsætisráðherra Íslands 14. júní 2023.

Þá vissi ég ekki að hún hefur verið skipuð sendiherra stofnunarinnar fyrir þetta verkefni til næstu tveggja ára.

Katrín Jakobsdóttir forsætisráðherra hefur verið útnefnd sendiherra velsældarverkefnis Alþjóðaheilbrigðismálastofnunarinnar (e. Champion for the WHO Well-being Economy Initiative) til næstu tveggja ára.

Markmið verkefnisins er að styðja við verkefni sem bæta velferð samfélaga og tryggja heilbrigðari, sanngjarnari og farsælli framtíð fyrir komandi kynslóðir. Hlutverk sendiherra verkefnisins er að vekja athygli á velsældaráherslum á alþjóðavísu og kynna fyrir ríkjum heims og alþjóðastofnunum þau tækifæri sem felast í velsældarhagkerfum.

Er þetta ekki bara heiður fyrir hana - og okkur þjóðina?

Nei alls ekki, heldur þvert á móti! Varla er annað hægt að lesa út úr þessu en að hún - og þar af leiðandi ríkisstjórnin öll séu hlynnt fullgildingu á heimsfaraldurssáttmála WHO sem íslensk stjórnvöld virðast ætla að samþykkja með þögn sinni, en hér má lesa umfjöllun mína um drögin að honum.

Það er ekki bara ríkisstjórn Íslands sem þegir um þennan illa gjörning, heldur líka allir helstu fjölmiðlarnir hér á landi! Því er ekkert skrítið að fólk hafi enga hugmynd um hvað í húfi er fyrir okkur öll.

Einu fjölmiðlarnir sem eru óhræddir við að gera það eru Frettin.is og Útvarp Saga, enda þeir einu sem eru ekki háðir ríkisstyrkjum. Þess má geta að ég var í viðtali um heimsfaraldurssáttmálann á þeim síðarnefnda í gær með Leifi Árnasyni félaga mínum, og má finna það hér.

Ætlum við bara að þegja og láta þetta yfir okkur ganga?

Þjóðin þarf virkilega að fara að spyrja sig hvaða herrum íslensk stjórnvöld þjóna, því ekki þjóna þau okkur sem kusum þau til að gæta hagsmuna okkar, við hljótum öll að vera farin að sjá það.

Nærtækt dæmi er gegndarlaus peningaaustur í stríðsrekstur í öðru landi á meðan okkar eigin innviðir svelta!

Þess vegna verðum við að sýna hug okkar til þeirra í verki, og segja öll NEI!

 

Rýnt í drögin að heimsfaraldurssáttmála Alþjóðaheilbrigðismálastofnunarinnar

Hér verður fjallað um hluta af drögunum að heimsfaraldurssáttmála Alþjóðaheilbrigðismálastofnuninnar sem verið er að reyna að innleiða, meðal annars um samhæfð viðbrögð á heimsvísu, brjótist út nýr og hættulegur smitfaraldur.

Þar má meðal annars sjá að stofnuninni er mjög umhugað um mikilvægi "sanngjarns aðgangs" að bóluefnum til að nota í heimsfaraldri sem og til reglubundinna bólusetninga, og að vinna verði bug á tregðu fólks til að láta bólusetja sig með viðeigandi fræðslu.

Augljóslega hljótum við öll að furða okkur á því vegna stofnunin minnist hvergi á mikilvægi heilbrigðs lífernis, á eflingu ónæmiskerfis okkar, eða að gott hreinlæti hafi jákvæð áhrif á heilsufar fólks.

Bætt heilsa og björgun mannslífa felst einungis í sprautum samkvæmt skjölum þeirra, en það kostar peninga, og það mikla.

Ákall eftir stjarnfræðilegum árlegum fjárframlögum

Nú eru Alþjóðaheilbrigðismálastofnunin og Sameinuðu þjóðirnar að kalla eftir aukalegum 30 milljörðum dollara á ári til að "koma í veg fyrir, undirbúa, og bregðast við næsta faraldri".

Hér fyrir neðan koma lauslegar þýðingar á "Begging For Billion$" sem skrifað er af James Roguski, en hann hefur sýnt fádæman dugnað og elju við rannsóknir sínar og skrif um WHO, og innskot mín koma þar á milli.

Fjármögnun árangursríks neyðarviðbúnaðar á landsvísu, svæðisbundnum og á heimsvísu mun krefjast um það bil 30 milljarða Bandaríkjadala á ári, fyrir utan núverandi opinbera þróunaraðstoð.

Þetta snýst einfaldlega um enn meiri tilflutning fjármagns frá okkur fólkinu til hinna ofurríku.

Tryggja tímanlegan, sjálfbæran og sanngjarnan aðgang að vörum tengdum heimsfaraldri, þar á meðal bóluefnum, greiningu, meðferðum og skora á Alþjóðaheilbrigðismálastofnunina að samræma þetta með viðeigandi samstarfsaðilum, tryggja samræmi við áframhaldandi umræður milliríkjasamninganefndarinnar og vinnuhópsins um breytingar á alþjóðaheilbrigðisreglugerðinni í Genf (2005).

"Vörur tengdar heimsfaraldri" eru margmilljarða gróðatækifæri, sem verða í höndum útvalinna aðila.

Gera ráðstafanir til að bregðast við neikvæðum áhrifum rangra og misvísandi upplýsinga um lýðheilsuráðstafanir sem og líkamlega og andlega heilsu fólks, og til að vinna gegn mis- og rangupplýsingum, sérstaklega á samfélagsmiðlum, í samhengi við heimsfaraldursforvarnir, viðbúnað og viðbrögð og til að efla traust á heilbrigðiskerfum og bóluefnum, um leið og viðurkenna að skilvirk þátttaka hagsmunaaðila krefst aðgangs að tímanlegum og nákvæmum upplýsingum;

Fordæmalausri ritskoðun hefur verið beitt undanfarin þrjú - fjögur ár, hvort sem það sé á samfélagsmiðlum, leitarvélum eins og Google, YouTube, RÚV, og öðrum fjölmiðlum sem þiggja ríkisstyrki eða önnur fjárframlög. Mörg erlend fjölmiðlafyrirtæki eru í eigu auðjöfra.

Á mannamáli þýðir þetta enn strangari ritskoðun á þeim sem fylgja ekki meginstraumnum, og enn meira eftirlit. Aðeins "réttar" upplýsingar frá WHO fáist birtar.

Hvetja einnig til að bæta reglubundnar bólusetningar-, ná til fleiri til að bólusetja, þar á meðal með því að veita gagnreyndar upplýsingar um hvernig að vinna gegn tregðu til bólusetninga, og auka umfang bóluefna til að koma í veg fyrir uppsprettu og endurkomu smitsjúkdóma, þar á meðal vegna sjúkdóma sem þegar hefur verið útrýmt með bólusetningum sem og fyrir áframhaldandi upprætingarraðgerðir, eins og fyrir mænusótt.

Í þessu samhengi má geta þess að alþjóðlegar bólusetningarherferðir Bill Gates (sem er einn stærsti fjármögnunaraðili WHO!) gegn mænusótt hafa valdið lömunarveiki í kjölfarið - en fært honum óhemju auð. Hér má sjá stutta umfjöllun um nokkur "afrek" hans í þágu mannkynsins, og hlekk á vídeó um hann.

Virkja innlend opinber úrræði sem aðaluppsprettu fjármögnunar fyrir viðbúnað og viðbrögð gegn heimsfaraldri, með pólitískri forystu, í samræmi við getu landsmanna, og auka samruna fjármagns sem úthlutað er til heilbrigðismála, finna nýja tekjustofna og bæta skilvirkni opinberrar fjármálastjórnunar.

Þetta þýðir að þarf að skattleggja okkur enn meira, í samvinnu við (íslensk) stjórnvöld. Þetta mun raungerast, hafni íslensk stjórnvöld ekki fyrirhuguðum breytingum á alþjóðlegri heilbrigðisreglugerð WHO, og alþjóðlega heimsfaraldurssamningnum.

Kalla einnig eftir því að samningaviðræðum milliríkjasamninganefndarinnar í Genf verði lokið árið 2024, metnaðarfullum og lagalega bindandi sáttmála, samningi eða öðrum alþjóðlegum gerningi um forvarnir, viðbúnað og viðbrögð við heimsfaraldri, með það fyrir augum að samþykkja samkvæmt 19. gr. efla forvarnir, viðbúnað og viðbragðssvið heimsfaraldurs og bjóða öllum öðrum frumkvæðisverkefnum til að styðja þessa miðlægu viðleitni, og til að ljúka árið 2024 samningaviðræðum vinnuhóps um breytingar á alþjóðlegum heilbrigðisreglum (2005), að veita stuðning við allar heilsu- og heilsutengdar ráðstafanir sem nauðsynlegar eru til að koma í veg fyrir, vernda gegn, stjórna og veita alþjóðleg lýðheilsuviðbrögð við sjúkdómum.

Eins og sjá má hér að ofan, þá er talað um metnaðarfullan og lagalega bindandi sáttmála. Það mun meðal annars þýða að ef einhver af þessum "smitfaröldrum" sem WHO er búið að boða næstu 10 árin eða svo "brýst út" að þeirra sögn, þá verða viðbrögð stofnunarinnar ekki lengur ráðgefandi, heldur bindandi.

Og hér er lykilorðið bólusetningar, en þess má geta að bóluefni eru afskaplega arðbær fjárfesting sem hefur gert marga auðjöfra enn ríkari undanfarin þrjú ár, og skapað marga nýja.

Spotlight Conference 2023 í Stavanger, Noregi

Fyrr á þessu ári var haldin ráðstefna um "heimsfaraldurinn", sem heldur áfram að hafa skelfileg áhrif á heiminn - (þó ekki vegna neinnar veiru), og þau ólýðræðislegu öfl og stofnanir sem eru núna að vinna að því að koma á einni alheimsstjórn til framtíðar.

Ég sjálf er búin að skrifa um það margoft með sönnunargögnum beint í upprunann.

Þarna má finna marga góða fyrirlestra lækna, vísindamanna, lögfræðinga, blaðamanna, bresks alþingismanns, og annarra, - fólks sem er ótengt lyfjaiðnaðinum, WHO, SÞ og álíka stofnunum, og sætir ritskoðunum alls staðar.

Þar á meðal ákaflega ítarlega og vandaða umfjöllun svissneska lögfræðingsins Philipp Kruse um umhugsunarverðar og víðsjárverðar framtíðaráætlanir WHO, en þar segir meðal annars:

Í dag er WHO einkarekin stofnun undir sterkum áhrifum frá, og stjórnað af einka- og viðskiptahagsmunum. Þarna útskýrir Philipp Kruse hvernig hann og aðrir lögfræðingar eru skipulega að vinna að því að koma í veg fyrir að WHO taki sér völd sem stofnunin ætti ekki að hafa.

Þetta er fyrirlestur sem mikilvægt er að horfa á og hann má finna um miðbik síðunnar.

Hvað ef?

Getur fólk ímyndað sér hvað mun gerast ef/þegar WHO verður komið með einræði yfir heilbrigðismálum okkar, og Tedros forstjóri tilkynnir (eina ferðina enn!) að nú sé hætta mögulega yfirvofandi út af einhverjum hættulegum nýjum smitfaraldri?

Það verður endurtekning á síðasta "heimsfaraldri", nema að í þetta skiptið munum við ekkert fá að hafa að segja um líf okkar, heilsu og líkama.

Orð hans verða lög, og hann getur látið gera allt við okkur sem honum og stofnunni sýnist - undir því yfirskini að verið sé að "bjarga lífum okkar".

Það þarf ekki ríkt ímyndunarafl til geta sér til um að "björgin" muni felast í "bólusetningum", sem enginn mun lengur mega afþakka.

Þetta er því miður ógnin sem allar 194 aðildarþjóðir WHO standa frammi fyrir.

En til að koma í veg fyrir að það gerist hér á Íslandi þarf þrýsting og samstöðu frá þjóðinni sjálfri, því ekki fæst betur séð en að íslensk stjórnvöld ætli að samþykkja þessar stórhættulegu breytingar á heimsfaraldurssáttmála WHO með því að gera ekki athugasemdir við hann.

Margar þjóðir hafa sett af stað undirskriftalista til koma í veg fyrir þennan landráðagjörning, og nú hefur Ísland slegist í hópinn.

Ég mátti til með að setja hér inn athugasemd eins sem hefur sett nafn sitt á undirskriftalistann:

Þar vil ég vitna í Albert Einstein “The world is a dangerous place to live; not because of the people who are evil, but because of the people who don’t do anything about it.”

Tökum þessi orð til okkar, ekki vera manneskjan sem gerir ekki neitt.

 

Smellið hér: -> ÍSLENSKT ÁKALL GEGN WHO: NEI við einræði í heilbrigðismálum

 

 

 

 

 

Höfnum fullgildingu á heimsfaraldurssáttmála WHO!

Undirskriftasöfnunin ÍSLENSKT ÁKALL GEGN WHO: NEI VIÐ EINRÆÐI Í HEILBRIGÐISMÁLUM hófst sunnudaginn 16. júlí 2023, og höfum við sem stöndum að henni fundið fyrir miklum stuðningi þeirra sem vilja koma í veg fyrir að þessi ókjörna stofnun nái fram þessum áætlunum sínum - með samþykki íslenskra stjórnvalda.

Alþingi hefur enga heimild til að framselja vald til erlendra stofnana

Jón Steinar Gunnlaugsson lögmaður og fyrrverandi hæstaréttardómari segir forgangsreglu ESB og bókun 35 ganga í berhögg við stjórnarskrá Íslands og vera fullveldisafsal!

"það er verið að setja þetta til þess að geta tekið evrópskar reglur fram yfir íslenskar lagareglur. Ef það er bara verið að segja, að það felist í þessu yngri lög gagnvart eldri lögum þá þarf ekkert þetta ákvæði vegna þess að ef Alþingi setur ný lög með öðru efni, heldur en eldri lagareglur þá gilda alltaf þær nýju.

Það er því augljóst að það er verið að gera þetta til þess að koma til móts við ESB og samhæfa íslenskar reglur við evrópskar reglur án þess að það sé heimilt"

Við skulum gera okkur grein fyrir því að það er engin tilviljun að Þórdís Kolbrún Reykfjörð Gylfadóttir utanríkisráðherra Íslands lagði bókun 35 fyrir Alþingi nú í vor. Allar líkur eru á því að reynt verði áfram að koma henni í gegn á haustþinginu.

Við hljótum að þurfa að velta fyrir okkur hvers vegna sumum alþingismönnum og ráðherrum sé svona mikið í mun að ná þessu í gegn, akkúrat á þeim tímapunkti sem WHO er að reyna að ná fram fullgildingu á heimsfaraldurssáttmála stofnunarinnar.

Verði bókun 35 samþykkt af Alþingi, þá mun það vera nóg, að geri íslensk stjórnvöld ekki athugasemdir við eða hafni þessari tilraun þeirra til að ná einræði yfir heilbrigðismálum aðildaþjóðanna sinna 194 fyrir 23 nóvember 2023, þá munu ný einræðislög WHO taka gildi.

Samþykki þeirra mun felast í að hafna ekki fyrirhuguðu breytingunum.

Þetta fólk skilur mikilvægi þess að þjóðin segi nei!

Þegar fólk skrifar nafn sitt á undirskriftalistann (getur gert það án þess að nöfn þess séu birt), þá getur það skrifað athugasemd með sinni ástæðu fyrir því að hafna þessari tilraun til landráðs algjörlega.

Hér eru fáeinar athugasemdir af nokkuð hundruðum valdar af handahófi, og það er samhljómur í þeim öllum, fólk hafnar því alfarið að láta þessi völd í hendur hinnar ókjörnu stofnunar, WHO.

Það gladdi mig mikið að sjá hversu margir gera sér grein fyrir afleiðingum þess fyrir okkur ef af þessu verður.

Smellið á myndirnar til að stækka þær.

Starfshættir RÚV

Þjóðin verður að gera sér grein fyrir því að RÚV hefur stórkostlega brugðist lögbundnum skyldum sínum varðandi fréttaumfjallanir, eins og berlega hefur komið í ljós undanfarin þrjú ár.

Á vef RÚV er hlekkur á lög um Ríkisútvarpið, sá hlekkur leiðir mann inn á vef Alþingis með lögunum. Það er athyglisvert að sjá þar athugasemd um að þetta sé ekki nýjasta útgáfa lagasafnsins, en hana má finna hér.

Nokkur atriði úr lögunum um RÚV:

• Hafa í heiðri lýðræðislegar grundvallarreglur, þ.m.t. um mannréttindi og frelsi til orðs og skoðana.
• Veita víðtæka, áreiðanlega, almenna og hlutlæga frétta- og fréttaskýringarþjónustu um innlend og erlend málefni líðandi stundar.
• Vera vettvangur fyrir mismunandi skoðanir á málum sem efst eru á baugi hverju sinni og almenning varða.
• Miðla upplýsingum og veita landsmönnum innsýn í alþjóðamál, mismunandi menningarheima og ólík sjónarmið.

Þar segir einnig um starfshætti Ríkisútvarpsins að það skuli vera til fyrirmyndar um gæði og fagleg vinnubrögð, ábyrgjast skuli að sanngirni og hlutlægni sé gætt í frásögn, túlkun og dagskrárgerð, og leitað sé upplýsinga frá báðum eða öllum aðilum og sjónarmið þeirra kynnt sem jafnast.

Og sannreyna skuli að heimildir séu réttar og að sanngirni sé gætt í framsetningu og efnistökum. 

Maður þarf að vera blindur til að sjá ekki að allt þetta hefur verið þverbrotið!

Nærtækast er að nefna fréttaflutning af "heimsfaraldrinum" og "bóluefnunum", þar sem nánast aðeins var fjallað um eina hlið málsins, og raddir þeirra sem leyfðu sér að gagnrýna sóttvarnaaðgerðir yfirvalda eða virkni og gæði "bóluefnanna" fengu lítinn eða engan hljómgrunn þar.

Það sama má segja um þessa tilraun WHO til yfirtöku á heilbrigðismálum heimsins, RÚV skautar gjörsamlega framhjá henni, og það er grafalvarlegt mál!

Pistill minn um Fjórða valdið frá 2021.

Þar birti ég meðal annars þessa skilgreiningu á hvað það er.

Fjórða valdið er hugtak sem vísar til fjölmiðla (á eftir löggjafarvaldi, dómsvaldi og framkvæmdavaldi). Hugtakið vísar til þess að fjölmiðlar geta oft, beint eða óbeint, stýrt atburðarás ákveðinna mála, með umfjöllun sinni. (Áherslan er mín)

Þarna mætti kannski bæta við aftast: Eða með því að sleppa eða smætta umfjöllun um atburðarásina, eins og langflestir fjölmiðlar gera.

En er þetta raunverulega að gerast?

Svarið er því miður já, - þótt þið finnið það hvorki á RÚV né flestum hinna fjölmiðlanna, en það er á okkar eigin ábyrgð sem fullorðið fólk að fræða okkur um það sem er að gerast heima fyrir og í heiminum, og við ættum aldrei taka því sem gefnu að fréttirnar sem okkur eru færðar séu endilega sannar, ekki einu sinni á RÚV!

Eins og heimurinn er í dag, þá fæst sannleikurinn í ákveðnum málefnum ekki í þessum hefðbundnu fjölmiðlum, þar er bara hálf sagan sögð, eða bara alls ekki.

Dr. Elizabeth Evans

Hér er skjáskot af umfjöllun breska læknisins Dr. Elizabeth Evans sem fer ítarlega yfir þessa tilraun WHO til yfirtöku á heilbrigðismálum heimsins, algjört skylduáhorf!

Lausleg þýðing:

Fyrirhugaðar breytingar á IHR (International Health Regulations - Alþjóðlegum heilbrigðisreglum)

• Grein 59 (samþykkt maí 2022) - helmingar tímann frá atkvæðagreiðslu WHO til gildistöku (24 mánuðir í 12 mánuði). Frestur til að hafna nóvember 2023
• Neyðarleiðbeiningar WHO uppfærðar úr ráðgefandi í bindandi
• Afnám ákvæðis sem krefst þess að WHO haldi uppi "fullri virðingu fyrir reisn, mannréttindum og grundvallarfrelsi einstaklinga"
• *** Að veita framkvæmdastjóra WHO heimild til að lýsa yfir PHEIC "mögulegri" (Public Health Emergency of International Concern - Alþjóðlegu neyðarástandi vegna lýðheilsu) - frekar en "raunverulegri" hættu
• Alþjóðlegt heilbrigðisvottunarkerfi
• Ritskoðun andófsmanna

*** Framkvæmdastjóri WHO er búinn að gera nokkrar tilraunir síðan 2022 til að lýsa yfir "mögulegu hættuástandi", fyrst vegna apabólu, og svo "skemmtilega vill til" að æfing í viðbrögðum við "apabólufaraldri" var haldin akkúrat einu ári fyrr, rétt eins og Event 201 æfingin í heimsfaraldri kórónuveiru var haldin í október 2019.

Svo hefur hann lýst yfir hugsanlegum faraldri fuglaflensu, og svo nú síðast fuglaflensu í köttum, eða einhverju álíka trúverðugu. Ætlum við endalaust að falla fyrir svona tilhæfulausum hræðsluáróðri og lygum?

Door to Freedom samtökin

Hér getið þið frætt ykkur enn betur um skaðræðið sem verið er að leiða yfir okkur, og hreinlega eigið að gera það!

 

Lausleg þýðing:

Við erum Door to Freedom, ný samtök stofnuð til að hjálpa fólki að átta sig á ört breytilegum og oft ruglingslegum heimi.

Við viljum einnig upplýsa ykkur um viðleitni W.H.O. að taka yfir stjórnun neyðarástands í lýðheilsumálum. W.H.O. leggur til að stofnunin stjórni hvernig farið er með heimsfaraldra og önnur neyðarástand í lýðheilsu í framtíðinni. Það myndi mæla fyrir um samræmda læknismeðferð og takmarkanir fyrir alla - um allan heim.

Leiðin til að ná þessu fram væri með 2 nýjum lagaskjölum sem nú er verið að semja um: Heimsfaraldurssáttmála og breytingum á gildandi alþjóðlegum heilbrigðisreglum hans.

Hvað kýs þjóðin?

Okkar er valið kæra þjóð, viljum við samþykkja að ókjörin erlend stofnun fái einræði yfir heilsufarsmálum okkar?

Við hljótum öll að segja NEI, við ætlum halda sjálfstæði okkar í okkar eigin heilbrigðismálum og höfnum þar af leiðandi alfarið þessum fyrirhuguðu breytingum á alþjóðlegri heilbrigðisreglugerð WHO og alþjóðlegum heimsfaraldurssamningi!

Takið ábyrgð og takið þátt, ekki ætlast til að einhverjir aðrir geri það fyrir ykkur, hver einasta undirskrift skiptir máli!

Smellið hér: -> ÍSLENSKT ÁKALL GEGN WHO: NEI við einræði í heilbrigðismálum

 

 

 

 

 

 

 

 

 

 

Iceland Exit WHO - undirskriftasöfnun er hafin!

Nú er gríðarleg hætta framundan, ekki í formi neinnar veiru heldur vegna þess að allt bendir til þess að íslensk stjórnvöld ætli að fremja landráð með því að samþykkja svo lítið beri á fullgildingu á heimsfaraldurssáttmála Alþjóðaheilbrigðismálastofnunarinnar (WHO).

Þetta mun þýða meðal annars að sjálfsákvörðunarvald um lýðheilsu okkar mun hverfa, og verða í höndum þessarar ókjörnu sjálfseignarstofnunar og forstjóra hennar, sem hefur ekki læknismenntun, og situr undir ákærum um hryðjuverk í sínu heimalandi.

Stofnunin mun þá geta lýst yfir "yfirvofandi ógnum" á borð við hættulega smitsjúkdóma, og jafnvel neyðarástandi vegna þessarar meintu loftslagshlýnunar eða einhvers annars sem þeim dettur í hug.

Mun hún þá hafa heimildir til þess að skella heiminum í lás eina ferðina enn, neyða okkur til að nota grímur, og jafnvel neyða okkur með lögregluvaldi í einhverjar sprautur.

Þetta mun allt vera gert undir því yfirskini að þetta sé gert til að "bjarga lífum okkar" - rétt eins og í "heimsfaraldrinum", þar sem stofnunin lék stórt hlutverk og var oftar en ekki ráðgefandi í tilmælum Þórólfs þáverandi sóttvarnalæknis til þjóðarinnar, "sællar minningar".

Baráttan gegn yfirtöku WHO er hafin á heimsvísu

Þúsundir manna og kvenna um allan heim vinna nú að því að afhjúpa sannleikann um Alþjóðaheilbrigðismálastofnunina og að vekja samlanda sína til vitundar um þennan fyrirhugaða heimsfaraldurssáttmála og fyrirhugaðar breytingar á alþjóðaheilbrigðisreglugerðinni (IHR) sem nú er verið að semja um, sem og breytingar á IHR sem voru samþykktar 27. maí 2022 og enn er hægt að hafna.

En aðeins ef við grípum til aðgerða fyrir 1. desember!

Í þessu vídeói er þetta útskýrt í stuttu máli, svo horfið á þetta!

• StopTheWHO.com
• ScrewTheWHO.com
• ExitTheWHO.com

Undirskriftasafnanir

Margar þjóðir hafa sett í gang undirskriftasafnanir gegn þessu landráði í löndum sínum og nú hefur Ísland bæst í hópinn!

Við í mannréttindasamtökunum Mín Leið - Mitt Val erum búin að leggja á okkur ómælda vinnu við að setja upp undirskriftalista sem nú er kominn í loftið.

Svo nú ríður á því að allir landsmenn kynni sér vel og vandlega hvað hér er í húfi, ekki bara fyrir okkur heldur komandi kynslóðir líka - og alla heimsbyggðina.

Illir og siðblindir auðjöfrar eru búnir að vinna að því í áratugi að koma á einni alheimsstjórn, og fækka mannkyninu, og var þeirri áætlun hrint í framkvæmd fyrir alvöru árið 2020, þegar WHO lýsti yfir heimsfaraldri.

Restina þekkjum við öll, og fólk hlýtur að vera farið að gera sér grein fyrir þeim skelfilegu blekkingum og lygum sem við vorum beitt þá í þeim tilgangi að narra okkur í þessar "bólusetningar" (eitursprautur) sem voru stærsti samræmdi læknisfræðilegi glæpur sem framinn hefur verið á þessari öld!

Blekkingum sem voru hafðar í frammi af sömu íslensku stjórnvöldunum og eru núna um það bil að fremja enn eitt landráðið með samþykkt þessa samnings.

Takið þátt í þessari mikilvægu undirskriftasöfnun, og látið aðra vita af henni líka!

Smellið hér: -> ÍSLENSKT ÁKALL GEGN WHO: NEI við einræði í heilbrigðismálum

Eldri greinar þar sem WHO kemur við sögu:

Fljótum við sofandi að feigðarósi?

Bill Gates hefur tilkynnt um stofnun heimsfaraldursteymis (GERM) sem mun fylgjast með fullvalda ríkjum og ákveða hvenær þau þurfa að stöðva borgaraleg réttindi fólks, komi upp nýr heimsfaraldur.

Alþjóðlegt teymi muni samanstanda af 3.000 sjúkdómssérfræðingum sem heyra undir Alþjóðaheilbrigðismálastofnunina (WHO) og muni fá um 1 milljarð dollara á ári í fjárframlög.

Þess má geta að Bill & Melinda Foundation er einn stærsti styrktaraðili WHO, og Bill Gates hefur opinberlega sagt að hans arðbærustu fjárfestingar hafi verið í bóluefnum.

WHO hefur áform um áframhaldandi faraldra smitsjúkdóma næstu 10 ár

Hér má m.a. sjá dregna fram í einstöku 30 mínútna vídeói hluta af atburðarrásinni mánuðina og árin fyrir "heimsfaraldurinn", 10 ára áform WHO um áframhaldandi faraldra smitsjúkdóma, og klippur með sláandi ummælum ýmissa aðila.

Ætlar fólk að falla fyrir þessu eina ferðina enn?

Nákvæmlega ári eftir æfingu í viðbrögðum við apabólufaraldri var tilkynnt að sjaldgæfur sjúkdómur sem kallast apabóla hefði skotið upp kollinum í Bandaríkjunum og einhverjum Evrópulöndum.

Þátttakendur í þessum æfingum voru meira og minna þeir sömu og tóku þátt í Event 201 æfingunni í heimsfaraldri kórónuveiru í október 2019, eða Bill & Melinda Gates Foundation, WHO, kínverska CDC og fleiri.

Þessi nýi hugsanlegi faraldur var snarlega kveðinn í kútinn með háðsglósum netverja, sem voru löngu búnir að sjá í gegnum allar blekkingarnar varðandi fyrri "heimsfaraldur".

Er enn einn "heimsfaraldurinn" í uppsiglingu núna?

Framkvæmdastjóri WHO birtist á skjánum nú i upphafi árs 2023 til að kynda undir hræðslu við fuglaflensu af völdum H5N1 veirunnar, og að verið væri að vinna að því að næg bóluefni og lyf yrðu til staðar yrði þetta að heimsfaraldri.

Síðan hefur lítið frést af þessari "mögulegu ógn".

Hver á að ráða hver fær að lifa og hver á að deyja?

Hver hefur heimild til að ákveða hverjir eigi að fá að lifa líf sitt til enda, eða hvort þeir eigi að deyja - með lífslokameðferð?

Nú hefur Bill Gates sagt við heimsleiðtoga að það sé tími kominn til að byrja að tala um "dauðanefndir" sem dæmi venjulegt löghlýðið fólk til dauða fyrir það eitt að vera einskis nýtt elítunni.

Bill Gates er einn stærsti fjármögnunaraðli WHO í gegnum Bill & Melinda Gates Foundation.

Opið bréf til ráðamanna varðandi yfirvofandi valdatöku WHO á fullveldi Íslands í heilbrigðismálum

Allt of fáir gera sér grein fyrir því skaðræði sem íslensk stjórnvöld eru að öllum líkindum að leiða yfir þjóðina, en það er afsal á stjórn heilbrigðismála landsins til WHO, sem mun hafa skelfilegar afleiðingar fyrir okkur og þær þjóðir sem munu líka skrifa undir.

Velsældarhagkerfið á Íslandi - Skýrsla Alþjóðaheilbrigðismálastofnunarinnar afhent forsætisráðherra Íslands 14. júní 2023

Nú á dögunum var haldið velsældarþing í Hörpu, þar sem framkvæmdastjóri WHO í Evrópu afhenti Katrínu Jakobsdóttur þessa skýrslu formlega.

Það verður að segjast eins og er, þessi skýrsla er hrollvekjandi lesning þeim sem hafa kynnt sér rækilega hvað raunverulega býr að baki áformum ókjörnu stofnunarinnar WHO, Sameinuðu þjóðanna og annarra álíka stofnana um örlög okkar hinna.

Viðbót 17. júlí

Ég var að lesa áhugaverða grein: The WHO, sovereignty and reality

The Director General of World Health Organization (WHO) reassures us that WHO’s ‘pandemic accord’ (or ‘treaty’) won’t reduce the sovereignty of WHO’s Member States. WHO trusts that these words will serve as a distraction from reality. Those driving the perpetual health emergency agenda are planning to give WHO more power, and States less. This will happen whenever WHO designates a ‘Public Health Emergency of International Concern’ (PHEIC), or considers we may be at risk of one.

Breski þingmaðurinn Andrew Brigden og Dr. John Campbell

ESB-þingkonan Christine Anderson

Nú verðum VIÐ ÖLL að bregðast við!

Tími "samsæriskenninganna" er löngu liðinn, enda hafa þær meira og minna allar ræst, það ættu allir að vera löngu búnir að sjá núna, einnig það að íslensk stjórnvöld eru ekki að vinna fyrir okkur, heldur gegn okkur.

Sannanirnar fyrir því blasa við okkur alls staðar - ef við þorum að horfast í augu við þær, og nú er ekkert annað í boði!

 

Smellið hér: -> ÍSLENSKT ÁKALL GEGN WHO: NEI við einræði í heilbrigðismálum

 

 

Skrár tengdar þessari bloggfærslu:

• The amendments that were adopted by the World Health Assembly in 2022