Flett ofan af þessum skelfilegu 17 heimsmarkmiðum Sameinuðu þjóðanna!

Sameinuðu þjóðirnar (SÞ) hafa samið, og þegar hafið í aðildarlöndum sínum innleiðingu 17 heimsmarkmiða með 169 undirmarkmiðum um það sem kallað er sjálfbær þróun.

Við hér á Íslandi tökum þessu verkefni alvarlega, erum með okkar eigin stofnun (Festu) í kringum heimsmarkmiðin, og 182 framúrskarandi fyrirtæki, sveitarfélög og stofnanir mynda samfélag Festu, eins og segir á heimasíðunni.

Eins og sjá má á myndinni hér fyrir neðan, þá eru þau afskaplega heillandi, og sett upp í fallegum og líflegum litum.

Búið verður bókstaflega að leysa öll vandamál heimsins og mannkynsins þegar þessu metnaðarfulla verkefni verður lokið.

Eða hvað?

Skyldi allt vera eins og sýnist, ætli það sé raunverulegur vilji ókjörinna alþjóðastofnana og margra samstarfsaðila þeirra að bókstaflega leysa öll vandamál heimsins fyrir okkur, og skapa frið á jörð?

Trúið þið því?

 

Staðreyndin er sú að þessu er því miður alveg öfugt farið, endatakmarkið með þessum heimsmarkmiðum er að svipta okkur öllu og koma á einni alheimsstjórn.

Eldri skrif mín um heimsmarkmiðin

• Hvað býr að baki heimsmarkmiðum Sameinuðu þjóðanna?
• Út á hvað gengur fjórða heimsmarkmið Sameinuðu þjóðanna?

Mér hefur gefist einstakt tækifæri til taka þátt í útvarpsþættinum Menntaspjallið á Útvarpi Sögu til að ræða um SÞ, undirstofnanirnar, og heimsmarkmiðin 17. Í þessum þætti fjallaði ég stuttlega um hvert þessara 17 heimsmarkmiða, hvað þau eru sögð eiga að gera, og hvað þau þýða í raun, og er það vægast sagt hrollvekjandi!

Í þættinum kom meðal annars fram að heimsmarkmiðin fjalli í raun um að stýra mannkyninu í ákveðna átt og breyta verulega lífsháttum manna að öllu leyti. Framsetningin á heimsmarkmiðunum sé sakleysisleg en að baki býr mikil grimmd sem fólk getur ekki séð í fyrstu.

Undirstofnanir Sameinuðu þjóðanna eru meðal annars World ecconomic Forum og WHO alþjóðaheilbrigðismálastofnunin og er þeim ætlað það hlutverk að framfylgja heimsmarkmiðum SÞ.

Bloggfærslur sem ég nefndi í þættinum:

• Hvað eru 15 mínútna borgir? Lausn á "loftslagsvánni", eða meiri fjötrar?
• Velsældarhagkerfið á Íslandi - Skýrsla Alþjóðaheilbrigðismálastofnunarinnar afhent forsætisráðherra Íslands 14. júní 2023

Umfjöllun okkar byrjaði viku fyrr þar sem við fórum m.a. yfir stofnun SÞ, WHO, WEF, fasisma og margt fleira, og þarna kom gríðarlega margt fram sem okkur er aldrei sagt frá eða kennt í skóla.

Þennan þátt má finna hér.

Tekið verði upp félagslegt stjórnunarkerfi þar sem fólki sem er undirgefið valdaöflunum sé umbunað. Þá sé stefnt að því að alþjóðastofnanir eins og WHO hafi völd yfir farsóttarmálum landa og geti teygt hugtakið faraldur út í hið óendanlega til þess að geta nýtt það til hræðslustjórnunar. Að öllu ógleymdu er einnig stefnt að því að koma á einni heimsstjórn.

Ekki er ólíklegt að við munum útvarpa fleiri þáttum um þessi mál.

Athugið, svona umfjöllun fengist aldrei birt í neinum af meginstraumsfjölmiðlunum, og á Útvarp Saga miklar þakkir skildar fyrir að halda vörð um málfrelsið, því það er því miður á hröðu undanhaldi, bæði hér og annars staðar í heiminum.

Það er gríðarlega mikilvægt fyrir okkur Íslendinga að vita hvað verið að, og búið er að gera okkur og öllu mannkyninu á bak við tjöldin, því framtíð okkar allra er í húfi!

Atburðir undanfarinna fjögurra ára eru bara forsmekkurinn að örlögunum sem okkar bíða - ef við spyrnum ekki á móti.

 

 

 

 

Hvers konar manneskja getur haft svona skelfilega skoðun?

Hvernig getur henni sem þriggja barna móður þótt í lagi að drepa barn sem jafnvel komið er að fæðingu, og hver er munurinn á því að drepa fullburða barn í móðurkviði, eða þegar það er nýfætt?

Ég ætla að leyfa mér að stórefast um að flestar konur, kannski sérstaklega þær sem hafa reynsluna af því að ganga með og fæða börn séu sammála þessu, og ekki karlmenn heldur.

Og myndu íslenskir læknar vilja taka að sér að fremja drápin á fullburða börnum?

En hvað með rétt barnsins til að fæðast og lifa?

Þá lýsti Katrín því yfir að hún teldi rétt að kon­ur hefðu rétt til þess að eyða fóstr­um allt fram að fæðingu, en hefðbund­in meðganga er tal­in 37 til 42 vik­ur. Seg­ist hún treysta kon­um til að taka rétt­ar ákv­arðanir um lík­ama sinn og að engri konu sé það létt­bært að láta eyða fóstri.

Það eru konur sem ganga með börn, ekki "fólk"!

En lög­in eru upp­full af laga­bálk­um þar sem við treyst­um ekki fólki. Þetta er vænt­an­lega ekki eina málið þar sem við treyst­um fólki ekki. Fólk get­ur líka tekið hræðileg­ar og sví­v­irðileg­ar ákv­arðanir og ríkið bregst við eða reyn­ir að koma í veg fyr­ir slíkt.

„Ja, það er eins og ég segi með þess­ar ákv­arðanir að þær eru ekki tekn­ar af léttúð, þegar fólk ákveður að fara í þung­un­ar­rof. Þess vegna vil ég ekki tala um slík­ar ákv­arðanir sem sví­v­irðileg­ar, eins og að ráðast í glæpi eða eitt­hvað slíkt.“

En mörg­um þætti það sví­v­irðilegt að deyða barn degi fyr­ir fæðingu.

„Ég held líka að það sé ekki raun­in og bendi á reynsl­una af lög­un­um,“ svar­ar Katrín.

Manneskja sem hefur svona ógeðfellt viðhorf til lífsins á ekkert erindi á Bessastaði að mínu mati, og örugglega margra annarra líka, svo það er gott að hún skyldi vera spurð að þessu svona í byrjun kosningabaráttunnar.

Ef henni þykir ekkert tiltökumál að láta drepa ungabörn, hverju öðru getum við þá búist við af henni?

Sagt er að hún hafi mikið fylgi meðal eldri borgara, en ég á bágt með að trúa því.

Rifjum aðeins upp orð hennar frá 2017:

„Stjórnvöld eiga ekki að biðja fátækt fólk á Íslandi að bíða eftir réttlætinu,“ sagði Katrín Jakobsdóttir, formaður Vinstri-grænna, í umræðu um stefnuræðu forsætisráðherra. Hún sagði núverandi ríkisstjórn gera ráð fyrir að öryrkjar og aldraðir hokruðu áfram og byggju við skammarleg kjör. Á sama tíma dygðu lægstu laun ekki til framfærslu og fólk á lægstu launum væri beðið um að vera þakklátt fyrir 20 þúsund krónur því hlutfallslega væri það ekki lítið.

Restina af froðunni má lesa hér.

Það voru til nægir peningar í ríkiskassanum til að verja 5-6 milljörðum í þessi "bóluefni", álíka upphæð til að senda til stríðsreksturs í öðru landi, og gleymum ekki montráðstefnunni í Hörpu í fyrra sem kostaði eitthvað álíka.

Hvað þá milljarðatugirnir sem fara á ári hverju í flóttamannahítina. Allt hefur þetta gerst í forsætisráðherratíð hennar!

Og gamla fólkið og fátækir bíða enn, sjö árum síðar ...

Nýleg skrif mín þar sem Katrín kemur við sögu:

• Nei takk, ég vil ekki svona manneskju í embætti forseta Íslands!
• Á forseti Íslands að verja hagsmuni Íslendinga, eða ókjörinna erlendra alþjóðastofnana?
• Viljum við fulltrúa WEF og Davos Klíkunnar á Bessastaði?
• Sameinuðu þjóðirnar og heimsmarkmiðin 17

Margir halda því fram að búið sé að ákveða að hún verði næsti forseti Íslands, og kæmi það mér hreint ekkert á óvart, enda fáum við ekkert að vita um hvað fram fer bak við tjöldin í þessu blessaða gjörspillta landi okkar.

En kjósum einhverja allt aðra en fólk sem er að vinna fyrir ókjörnar alþjóðastofnanir sem þykjast "ætla að bjarga heiminum fyrir okkur", en eru í raun að koma á einni alheimsstjórn.

 

 

 

 

Vill engin tímamörk á fóstureyðingum

Sameinuðu þjóðirnar og heimsmarkmiðin 17

Mig langar að benda fólki á útvarpsþátt sem Valgerður Snæland Jónsdóttir stjórnandi þáttanna Menntaspjallið bauð mér og Leifi Árnasyni að taka þátt í.

Umræðuefnið var Sameinuðu þjóðirnar (SÞ), undirstofnanir þeirra, og svo heimsmarkmiðin 17.

Efnið er svo viðamikið að ákveðið var að þetta yrði tveggja tíma þáttur.

Leifur byrjaði á ítarlegri yfirferð yfir SÞ, fasisma og fleira, og þar kom ýmislegt fram sem fæstir hafa hugmynd um, og í seinni hlutanum byrjaði ég á að fara yfir þessi skelfilegu heimsmarkmið sem verið er að innleiða af fullum krafti hér á landi í boði Katrínar Jakobsdóttur.

Þar sem tími vannst ekki til að klára að fara yfir þau öll, mun það verða gert í Menntaspjallinu næstkomandi miðvikudag.

Það er gríðarlega mikilvægt að fólk geri sér grein fyrir því hvað er að eiga sér stað fyrir framan nefið á okkur án þess að við höfum hugmynd um!

Ég vil því hvetja sem flesta að að gefa sér tíma til að hlusta á þennan þátt sem þið getið fundið hér.

 

 

 

 

Viljum við fulltrúa WEF og Davos klíkunnar á Bessastaði?

Ég óttast að fólk sé grunlaust um hættuna af því að fá fólk sem er tengt WEF og Davos klíkunni inn á Bessastaði, enda hafa fæstir líklega heyrt um hana.

En hvað er þessi Davos klíka?

Í örstuttu máli sagt, þá er þetta hópur forríkra elítuglóbalista úr fjármála-, viðskipta- og fjárfestingageiranum, sem hittast í janúar á hverju ári í Davos í Sviss, og þangað kemur líka fólk úr ríkisstjórnum og stórfyrirtækjum víðsvegar að úr heiminum, ásamt frægum poppstjörnum, leikurum, og jafnvel kóngafólki.

Greta Thunberg er þar líka tíður gestur, eins og "mannvinurinn mikli", Bill Gates, og þar hefur sést til forstjóra lyfjafyrirtækjanna sem bjuggu Covid "bóluefnin" til á undraverðum hraða, og að sjálfsögðu mæta þangað líka fulltrúar Alþjóðaheilbrigðismálastofnuninnar (WHO), Sameinuðu þjóðanna (SÞ), Nato og sjálfsagt fleiri.

Og ekki má gleyma Al Gore, sem er búinn að reyna að hræða úr okkur líftóruna með alls kyns dómsdagsspádómum um bráðnun íss og jökla, útdauða ísbjarna, að hafið sé að suðu komið og fleira í þeim dúr.

Þrátt fyrir stjarnfræðilegar greiðslur til hans hafa engir spádómar hans ræst, og hér má sjá 50 ára yfirlit yfir dómsdagsspár sem hafa að sjálfsögðu ekki ræst heldur.

Þessar Davos ráðstefnur eru haldnar að undirlagi Alþjóðaefnahagsráðsins/The World Economic Forum (WEF), sem var stofnað árið 1971 af Klaus Schwab, en lærimeistari hans var Henry Kissinger (horfið á þetta!)

Þar tekur þetta fólk ákvarðanir um framtíð mannkynsins, ræðir næstu "heimsfaraldra", og hefur sagt að Covid hafi veitt (þeim) einstakt tækifæri til að endurræsa heiminn (The Great Reset), og vinna að því að koma á einni alheimsstjórn, að sjálfsögðu til að "bjarga heiminum".

Bak við tjöldin er endatakmarkið þó að fækka mannkyninu niður í "ásættanlegan fjölda".

Þetta fólk flýgur til Davos í einkaþotum sínum, á meðan það prédikar um hamfarahlýnun af völdum okkar hinna, og að við verðum að fara að venja okkur á að éta pöddur.

Ég er búin að skrifa 20 blogg síðan árið 2021 þar sem WEF kemur við sögu, yfirlit yfir þau má finna hér.

Ógnin af "The Great Reset"

Hér er frábær yfirferð yfir hrollvekjandi plön þeirra um örlög okkar hinna, og hvernig Kína er mikil fyrirmynd þeirra.

Það er líka fróðlegt að lesa ummælin undir vídeóinu.

Forsetakosningarnar

Eins og staðan er í dag, þá eru þrjár konur í framboði til embættis forseta Íslands sem hafa tengingar við, og/eða eru að vinna fyrir WEF, Katrín Jakobsdóttir, Halla Tómasdóttir og Halla Hrund Logadóttir.

Ég hef nýlega skrifað tvær færslur um Katrínu Jakobsdóttur, þá fyrri um störf hennar "í þágu" Íslands fyrir WEF, WHO og SÞ, og í þeirri síðari spyr ég hvort forseti Íslands eigi að verja hagsmuni Íslendinga, eða ókjörinna erlendra alþjóðastofnana.

Hallur Hallsson skrifaði nýlega beinskeytta grein um kolsvart elítu-framboð Höllu Tómasdóttur, sem lesa má hér.

Halla Hrund Logadóttir er "Agenda Contributor" hjá WEF.

Nái einhver þessara þriggja kvenna kjöri, sérstaklega Katrín, þá óttast ég að það muni hafa skelfilegar afleiðingar fyrir þjóðina, miðað við hversu mikið hún hefur þjónað þessum erlendu glóbalista öflum í forsætisráðherratíð sinni, í stað þjóðar sinnar.

Þess má líka geta að sökum starfa sinna hefur hún hitt og fundað með mörgum þjóðarleiðtogum sem hafa útskrifast úr "The Young Global Leaders" skóla Klaus Schwab, t.d. Emmanuel Macron, Jacinda Ardern, Angela Merkel og Justin Trudeau.

Það hefur ekki farið framhjá neinum að hún, og ríkisstjórn hennar hafa sent háar fjárhæðir (milljarða!) til Úkraínu, og nú síðast til vopnakaupa í vonlausu stríði þar, svo hægt sé að drepa fleira fólk.

Heimurinn stendur á stórhættulegum tímamótum núna, við virðumst vera á barmi heimsstyrjaldar, og þessi illu öfl eru á góðri leið með að koma á einni alheimsstjórn, WHO reynir lævíst valdarán í 194 aðildarlöndum sínum (líka á Íslandi), og SÞ vinnur að innleiðingu þessara skelfilegu 17 heimsmarkmiða sinna (líka á Íslandi).

Ég er búin að skrifa 91 blogg síðan árið 2021 þar sem WHO kemur við sögu, yfirlit yfir þau má finna hér.

Aldrei í fréttum á RÚV "okkar allra" né öðrum meginstraumsfjölmiðlum:

• The Dark Origins of the Davos’ Great Reset
• An Open Letter To The Davos Crowd
• Technocratic globalists plotted our subjection at the 2024 WEF meetings in Davos
• Globalist elites at Davos 2024 made it clear that censorship is one of their top priorities
• Davos 2024 EXPOSED
• Davos Leaders Sing Praises of GMO Soil Microbes, But Critics Warn of ‘Irreparable Consequences’
• Davos billionaires like George Soros are pulling the strings of globalist ‘green’ policies
• Davos WEF is Promoting Impossible Zero Carbon Green Agenda
• Bill Gates Touts New Vaccines At Davos
• WSJ Editor-in-Chief tells Davos Elites ‘We No Longer Own The News’
• Davos 2024: Queen Maxima advocates global digital ID for financial services, vaccine verification
• How to Wrap up Davos 2024
• A history of Davos meetings in context of events at the time
• WEF – Davos 2024. The World Is Falling Apart But the Show Must Go On…
• Archbishop Viganò: Bergoglio supports the efforts of Davos elites to establish the New World Order
• Pope Francis praises Klaus Schwab, World Economic Forum in message sent to 2024 Davos summit
• WHO’s Dr. Tedros says new global pandemic is matter of ‘when’ not ‘if’ at 2024 Davos summit
• WHO’s Dr. Tedros Confronted at Davos on ‘Disease X’, COVID Lockdowns and Vaccines (Video)
• Zelensky calls for direct military intervention of European nations in Ukraine at WEF Davos meeting

Svo hvað segir íslenska þjóðin?

Er hún sátt við að fulltrúi WEF og Davos klíkunnar verði næsti forseti Íslands, eða ætlar hún að hafna því?

Það kemur í ljós 1. júní 2024.

 

Á forseti Íslands að verja hagsmuni Íslendinga, eða ókjörinna erlendra alþjóðastofnana?

Alltaf fjölgar þeim sem bætast í baráttuna um sætið á Bessastöðum í sumar.

Nokkrir hafa þegar náð tilskildum meðmælendafjölda, svo baráttan mun standa á milli þeirra sem hafa náð þeim fjölda þegar framboðsfrestur rennur út þann 24. apríl n.k.

Hættan er því á að sá eða sú sem nær kjöri muni því ekki hafa stóran hluta atkvæða á bak við sig, ef þau dreifast jafnt.

Vöndum því valið þegar í kjörklefann er komið!

Í mínum huga á næsti forseti Íslands ekki að vera fyrrverandi forsætisráðherra sem segist ætla að gæta hagsmuna Íslands á alþjóðavettvangi, en hefur verið að gera akkúrat hið gagnstæða, eins og þið getið séð hér.

Hér ætla ég að fjalla nánar um djöfullegar áætlanir um örlög mannkynsins sem koma frá ókjörnum erlendum stofnunum og milljarðamæringum, og verið er að innleiða af fullum krafti undir hennar stjórn hér á landi, eða ...

Agenda 2030

Þessi orð hér fyrir neðan eru hluti af opnunarávarpi Katrínar Jakobsdóttur fyrrverandi forsætisráðherra á velsældarþingi í Hörpu 14. júní 2023, sem haldið var í tilefni þess að framkvæmdastjóri WHO í Evrópu afhenti henni skýrslu um velsældarhagkerfið á Íslandi.

Við sama tilefni var hún skipuð sendiherra stofnunarinnar fyrir þetta verkefni til næstu tveggja ára.

Við erum nú hálfnuð með dagskrá 2030 (Agenda 2030, innsk. mitt) og þurfum að sýna fordæmalausa einbeitni í því að hraða aðgerðum á heimsmarkmiðunum.

Á heimsvísu eru aðeins 12% tilkynntra sjálfbærra þróunarmarkmiða (SDG) á réttri leið og fjöldi fólks sem býr við mikla fátækt hefur aukist síðan 2019, sem er mjög mikið áhyggjuefni.

Við á Íslandi erum staðráðin í að leggja okkar af mörkum. Ísland er tiltölulega ofarlega í innleiðingu SDG (17 heimsmarkmiðum Sameinuðu þjóðanna um sjálfbærni, innsk. mitt), en það er pláss fyrir umbætur á mörgum sviðum, sérstaklega hvað varðar skilning og stjórnun á skaðlegum áhrifum okkar.

En hvað er Agenda 2030?

Oft er sagt að ein mynd segi meira en þúsund orð, og hér má sjá raunverulegar fyrirætlanir um afdrif mannkynsins (reyndar að því forspurðu), teknar saman á einni mynd.

Er það svona heimur sem við viljum fyrir börnin okkar, og myndum við samþykkja innleiðingu heimsmarkmiðanna ef við gerðum okkur grein fyrir því hvað raunverulega býr að baki þeirra?

Við erum nú hálfnuð með dagskrá 2030 og þurfum að sýna fordæmalausa einbeitni í því að hraða aðgerðum á heimsmarkmiðunum.

Það vantar ekki að þau er sett fram á afskaplega fallegan hátt, þar sem nánast á að gera allt fyrir alla og skapa himnaríki á jörð, en hvert "göfugt" markmið þeirra þýðir akkúrat hið gagnstæða, ef grannt er skoðað.

Hér eru heimsmarkmiðin 17 í átt að þrældómi okkar þýdd á mannamál í stuttu máli.

Við ættum ekki að trúa því að ýmsar ókjörnar alþjóðastofnanir eða gráðugir milljarðamæringar hafi einhverjar hugsjónir um eða áhuga á að útrýma fátækt og hungri, stuðla að menntun fyrir alla, koma á friði í heiminum, "bjarga loftslaginu" (sem er enn ein blekkingin) eða neitt slíkt.

Þá væru þeir löngu búnir að gera eitthvað í því, það hljóta allir að sjá það.

Ég skrifaði fyrir rúmu ári síðan um hvað býr að baki heimsmarkmiðum Sameinuðu þjóðanna, og ég mæli sterklega með því að allir horfi þar á vídeó þar sem Rosa Koire fer yfir þessi heimsmarkmið, sem áður voru þekkt sem Agenda 21.

Síðar fjallaði ég um hvað býr að baki fjórða heimsmarkmiðinu, og er það raunverulega eitthvað allt annað en um menntun og jöfn tækifæri fyrir alla.

Við erum nú hálfnuð með dagskrá 2030 og þurfum að sýna fordæmalausa einbeitni í því að hraða aðgerðum á heimsmarkmiðunum.

Það er búið að koma þessum heimsmarkmiðum inn í borgarstjórnir, bæjarstjórnir, skóla, og jafnvel kirkjurnar, og má víða sjá merki um það, þ.e.a.s. ef maður veit hvað býr að baki þeirra.

Því miður óttast ég að margir þeirra sem vinna að innleiðingu þeirra hér á landi geri það í góðri trú, og geri sér enga grein fyrir hvaða djöfullegu aðgerðir þetta í raun eru.

Það sem við þurfum að vita um Agenda 2030, en hefur "gleymst" að segja okkur:

Hér má sjá hluta af því sem Katrínu Jakobsdóttur liggur svo á að hraða hér á landi.

• What you need to know about Agenda 2030 and the Fourth Industrial Revolution
• Who is behind Agenda 2030 and the push for a One World Government?
• Agenda 2030: A Power-Mad Document
• Bill Gates push for DIGITAL ID with $1.27 billion donation to Agenda 2030 ”Global Goals”
• Immunisation Agenda 2030: Bill Gates’ latest plan to vaccinate every man, woman and child on Earth
• Climate Change Lockdowns disguised as “15 Minute Cities” are being introduced under the UN Agenda 2030 Directive & WEF Great Reset plan
• The Hegemonic UN-WEF-NATO Triad: U.N. “Sustainable Development” (SDG 2030) = Endless Wars, Poverty and Famine Worldwide
• Enormous Danger – UN Agenda 2030
• One World Government of the UN through Agenda 2030?
• Agenda 2030: A Recipe for a Global Farming Disaster and Man-Made Famine–Roman Balmakov
• „Næring sem vopn“ sem tengir saman bændamótmæli, ‚Agenda‘ 2030 og ...
• „Hlaðborð Frankensteins à la Agenda 2030“ – Það sem er áríðandi að þú vitir um kjötuppbótarefni!
• Spanish Bishop: Behind Agenda 2030 lies an attempt to change civilisation, a new world order that will change people’s beliefs
  
• Video: Archbishop Viganò: “Wake Up From Your Slumber”

Ný frétt frá Bretlandi:

Öllum flugvöllum í Bretlandi fyrir utan þá allra stærstu verður búið að loka árið 2029 og nautakjöt og lambakjöt til manneldis verður bannað til að ná markmiðum um loftslagsmálin samkvæmt skýrslu bresku ríkisstjórnarinnar.

... eða öllu heldur loftslagssvindlinu, en þetta er partur af Agenda 2030, The Great Reset, New World Order, eða hvað sem við viljum kalla það.

Það sama má segja um 15-mínútna borgirnar og pödduátið sem við eigum að fara að venja okkur við.

Við erum nú hálfnuð með dagskrá 2030 og þurfum að sýna fordæmalausa einbeitni í því að hraða aðgerðum á heimsmarkmiðunum.

Fólk þarf að gefa sér tíma til að kynna sér sjálft þessar aðgerðir sem Katrín  Jakobsdóttir er löngu byrjuð á að innleiða, og vill hraða hér á landi.

Þetta eru engar samsæriskenningar, eins og fólk ætti að gera sér grein fyrir núna, heldur napur sannleikur um áætlanir illra afla um örlög okkar og okkar afkomenda.

Frændur okkar, Svíar, eru farnir að bakka út úr Agenda 2030, og ég tek hattinn ofan fyrir þeim að sýna það hugrekki.

Mun ný ríkisstjórn Íslands líka sýna slíkt hugrekki? Ég stórefast um það.

 

 

 

 

Nei takk, ég vil ekki svona manneskju í embætti forseta Íslands!

Þetta eru stór og fögur orð og fyrirheit hjá fráfarandi forsætisráðherra Íslands, sem bætist nú í stóran hóp umsækjanda um embætti forseta Íslands.

„Þetta er mik­il­vægt embætti. For­set­inn þarf að skilja gang­verk stjórn­mála og sam­fé­lags. Þarf að geta sýnt for­ystu og auðmýkt. Að gæta hags­muna Íslands á alþjóðavett­vangi. Hann þarf að geta tekið erfiðar ákv­arðanir óháð stund­ar­vin­sæld­um,“ seg­ir Katrín m.a.

Reyndar er langt síðan ég hef séð forystu og auðmýkt hjá þessari manneskju, og ég velti fyrir mér hvað hún meinar með því að gæta hagsmuna Íslands á alþjóðavettvangi, þegar hún hefur ekki einu sinni gætt hagsmuna okkar hér innanlands, að minnsta kosti lengi vel að mínu mati, og margra annarra.

Og hvers vegna ekki? - Nokkrar ástæður:

Fyrir það fyrsta, þá kæri ég mig ekki um útjaskaðan pólítíkus í þetta embætti, og hún er orðin það umdeild að hún mun aldrei geta orðið sameiningartákn þjóðarinnar.

Alþjóðaefnahagsráðið (WEF)

Svo er hún s.k. Agenda Contributor hjá The World Economic Forum (WEF).

Fyrir þá sem enn ekki vita hvað WEF er, þá eru það í stuttu máli samtök ókjörinna milljarðamæringa og annarra sem eru að reyna að koma á alræðisvaldi (Global Governance) yfir heiminum með því sem þeir kalla The Great Reset.

Þessi samtök stæra sig af því að hafa komið ungum heimsleiðtogum fyrir í stjórnum margra ríkja, ég skal játa að ég veit ekki hvort hún sjálf sé útskrifuð úr heimsleiðtogaskóla WHO, en hún er í góðu vinfengi við marga þeirra, eins og t.d. Emanuel Macron, Justin Trudeau, Boris Johnson og Jacinda Ardern.

Þess má líka geta að annar forsetaframbjóðandi, Halla Tómasdóttir er forstjóri B Team, sem er í samstarfi við WEF.

Alþjóðaheilbrigðismálastofnunin (WHO)

Svo má líka nefna það að árið 2023 hélt Katrín velsældarþing í Hörpu fyrir ókjörnu stofnunina WHO, þar sem hún fékk afhenta skýrslu þeirra um "velsældarhagkerfið" á Íslandi. Það verður að segja að sú lesning er vægast sagt hrollvekjandi.

Af því tilefni var hún skipuð sendiherra þessa velsældarverkefnis WHO á Íslandi til tveggja ára.

WHO vinnur nú að því markmiði að ná einræði yfir heilbrigðis- og farsóttamálum heimsins, eins og ég hef skrifað margoft um, sjá t.d. hér og hér.

Sameinuðu þjóðirnar (UN)

Ríkisstjórnin undir forystu Katrínar hefur tengt hin skelfilegu 17 heimsmarkmið þeirra inn í stefnur sínar og áætlanir til ársins 2030, ársins þegar við munum ekkert eiga, og vera hamingjusöm.

Eitt af þessum heimsmarkmiðum, það fjórða, gengur út á innrætingu LGBT stefnunnar, þótt opinber skýring á þeim sé hið fallega markmið um að tryggja sanngjarna gæðamenntun og símenntunartækifæri fyrir alla.

Kynvæðing barnanna okkar

Ekki má gleyma þessari skelfilegu kyn, kynlífs - og transvæðingu íslenskra skólabarna, allt niður í leikskólaaldur, en það er komið beint frá UN, WEF, WHO og öðrum slíkum stofnunum og aðilum.

Hér getið þið sjálf náð ykkur í skjal sem sýnir "Standards for Sexuality Education in Europe".

Á myndinni hér til vinstri sjáið þið leiðbeiningar um "kynfræðslu" fyrir 0-4 ára börn, sem hafa engar hugmyndir ennþá um kynlíf, kynferðislega ánægju, hvernig börn verða til eða neitt slíkt.

Lítil börn eru ekki kynverur, og það er stórskaðlegt fyrir þau að fá svona "fræðslu" svona ung!

Í sama skjali má sjá sambærilegar "leiðbeiningar" fyrir aðra aldurshópa.

Ég vísa svo í önnur skrif mín um kynvæðingu íslenskra barna, sem er í boði ríkisstjórnar Katrínar Jakobsdóttur. Þar finnið þið líka hlekki á önnur blogg og vefsíður um skyld efni.

Covid

Ég ætla ekki að fjalla hérna um bóluefnakaup ríkisstjórnar Katrínar upp á marga milljarða, eða leynilegu bóluefnasamningana sem eiga að vera læstir inni í 70 ár eða svo.

Ekki heldur um þennan svokallaða "heimsfaraldur", nógu mikið hafa ég og margir aðrir fjallað um þetta tímabil undanfarin ár.

Við ættum öll að vera búin að gera okkur grein fyrir blekkingunum sem við höfum verið beitt síðan árið 2020, og skaðanum sem þessi "bóluefni" hafa valdið þjóðinni, en er haldið tryggilega leyndum fyrir okkur.

Svo þá er það spurningin

Fellur allt sem hér hefur verið ritað undir það að gæta hagsmuna Íslendinga á alþjóðavettvangi, þegar búið að innleiða erlendar tilskipanir, - margar frá ókjörnum alþjóðastofnunum, og þar af margar sem vinna gróflega gegn hagsmunum og velferð þjóðarinnar?

Er manneskju með þennan bakgrunn og stjórnmálaferil treystandi til þess að gegna æðsta embætti þjóðarinnar með velferð hennar í huga?

Svar mitt er einfaldlega, nei.

 

Katrín býður sig fram til forseta

Er þetta samsæriskenning eða sannleikur?

Í nýlegum pistli skrifaði Björn Bjarnason sjálfstæðismaður og fyrrverandi ráðherra um það sem hann telur trúnaðarbrest gagnvart WHO, og í stórum dráttum var þar gefið í skyn að ótti við væntanlega samþykkt á farsóttasáttmála þeirra væri óþarfur, og frekar í ætt við samsæriskenningu. Pistilinn má finna í viðhengi hér neðar.

Skoðum þetta aðeins nánar.

Ótti viðmæl­and­ans vakti áhuga á að kanna málið. Reynd­ist auðvelt að afla upp­lýs­inga um stöðu þess á vefsíðu WHO og í sam­tali við spjall­menni. Tíma­lín­an er nefnd hér að ofan til að sýna að texta­gerðin hef­ur þró­ast fyr­ir opn­um tjöld­um hjá WHO. Niðurstaðan er að ís­lenska ríkið af­sal­ar sér eng­um rétti með því að til­kynna ekki fyr­ir­vara vegna umræðuskjals­ins fyr­ir 1. des­em­ber 2023.

Hér dettur skrifari í þá gryfju að trúa og treysta upplýsingunum sem fram koma á þeirra eigin vefsíðu, og frá einhverjum hugbúnaði keyrðum af gervigreind sem gera má ráð fyrir að búið sé að forrita fyrirfram til að gefa aðeins ákveðnar upplýsingar.

Þær upplýsingar eru alveg jafn "áreiðanlegar og sannar" og t.d. fullyrðingar lyfjarisanna, stjórnvalda, lækna og vísindamanna um "öryggi og virkni" þessara svokölluðu "bóluefna", sem löngu er búið að sanna að hafa valdið ómældum skaða og dauða um heim allan.

Sóttvarnalæknir okkar er jafn trúverðugur og WHO (og spjallmenni), eða þannig, og lýgur áreynslulaust í fjölmiðlum um "öryggi og virkni" þessara eiturefna.

Sannleikann er oftast að finna allt annars staðar, hafi maður fyrir því að leita hans.

Sá sem fullyrti þetta við Björn sagði satt

Við þann sem þetta rit­ar var full­yrt að umræðulaust og með leynd væri unnið að því að lauma í gegn alþjóðasátt­mála þar sem WHO yrði í raun veitt umboð til að ráðskast með líf okk­ar og lík­ama kæmi til nýs heims­far­ald­urs. 

Í stuttu vídeói á þessari síðu má sjá Dr. Abdullah Assiri segja:

"Forgangsröðun aðgerða sem geta takmarkað frelsi einstaklinga ... eru ... nauðsynlegar meðan á heimsfaraldri stendur".

Svo þar höfum við það!

Við erum mörg hér á landi sem tökum undir þessa ósk, en við vitum að hún mun ólíklega rætast:

Var þess ein­dregið farið á leit að stuðlað yrði að op­in­ber­um umræðum um málið áður en það yrði um sein­an og við yrðum of­urseld WHO.

Í þessum skrifum mínum frá 10. ágúst s.l. má lesa um hvernig WHO er þegar farið að herða krumlurnar, og hlekki á eldri skrif mín um stofnunina, meðal annars hvernig Katrín Jakobsdóttir forsætisráðherra Íslands tengist henni og er í sendiherraembætti fyrir.

Brynjar Níelsson

Ég var að hlusta á áhugavert viðtal sem Frosti Logason á Brotkast.is tók við Brynjar Níelsson flokksbróður Björns og fyrrverandi þingmann nú á dögunum.

Í lok viðtalsins spurði Frosti Brynjar út í þennan heimsfaraldurssáttmála, og hvort hann þekkti til hans. Brynjar svaraði því játandi og sagði jafnframt að lýðræðið væri í hættu því við værum búin að færa völdin til umboðslauss fólks sem er ekki kjörið, t.d. ýmissa alþjóðastofnana. Að lýðræðið sé á undanhaldi.

Aðspurður sagði hann líka þekkja til lokafrestsins 1. desember um að segja sig frá eða samþykkja sáttmálann. Honum hugnast ekki að færa þetta vald í annarra hendur, og að sífellt sé verið að þrengja meira og meira að einstaklingnum.

Áskrifendur Brotkasts geta hlustað á þetta hér, og þessi hluti byrjar á c.a. mínútu 67.

Jaðarsvæðin

Að því er virðist fullur yfirlætis og vandlætingar segist Björn hafa þurft að fara út á jaðarsvæði til að finna upplýsingar um farsóttarsáttmálann á heimamiðum. Það er ekki skrítið, því litlar eða engar upplýsingar er að finna um hann á þessum helstu meginstraumsfjölmiðlum, ekki einu sinni RÚV.

Undir þessi jaðarsvæði falla að hans mati Útvarp Saga, sjónvarpstöðin Kla.TV, og undirskriftasíðan gegn yfirtöku WHO á Mittval.is.

Af þeirri síðu les hann upp ýmsa efnisliði, en segir ekki skýrt hverjar þessar breytingar eru. Samt eru u.þ.b. 40 greinar á síðunni sem hann hefði getað lesið, hefði hann nennt því.

Það eru akkúrat svona "jaðarmiðlar" sem fjalla um mikilvæg málefni eins og WHO og blekkingarnar í kringum Covid og "bóluefnin", sem ríkisstyrktu fjölmiðlarnir þora - eða mega ekki að snerta á.

Hvað eru vandaðar upplýsingar að mati Björns?

Vegna skorts á vönduðum upp­lýs­ing­um magn­ast rang­hug­mynd­ir sem sum­ar minna á sam­særis­kenn­ing­ar.

Samflokksmenn ósammála Birni

Þarna segir meðal annars:

Samþykki Ísland aðild að sátt­mál­an­um geng­ur hann í gildi þegar nægi­lega mörg ríki hafa full­gilt hann. Sátt­mál­inn skuld­bind­ur ekki ís­lenska ríkið nema alþingi samþykki og það sam­ræm­ist stjórn­ar­skrá Íslands.

Jón Steinar Gunnlausson lögmaður og fyrrverandi hæstaréttardómari er ekki á sama máli, frekar en Brynjar.

Fyrir hverja vinna íslensk stjórnvöld?

Þau virðast tilbúin að veita ókjörinni og ólýðræðislegri stofnun sem stýrt er af hryðjuverkamanni og fjármögnuð að stórum hluta til af Bill & Melinda Gates Foundation, þetta ægivald yfir heilbrigðismálum okkar og heimsins alls.

Fyrir utan það að hafa hagnast óhemju mikið á Covid "bóluefnunum", þá hefur Bill Gates lagt það til við heimsleiðtoga að byrja að tala um "dauðanefndir", sem dæmi venjulegt fólk til dauða fyrir það eitt að vera einskis nýtt elítunni. Hér má líka lesa sitthvað um svarta sögu hans.

Því miður er fyrirhuguð valdayfirtaka WHO á heilbrigðismálum heimsins allt annað en samsæriskenning, heldur sannleikur.

Til eru víðtækar heimildir um það, bæði hér og víðar, síst þó á meginstraumsmiðlunum, reynsla undanfarinna ára hefur kennt manni það.

Dagar samsæriskenninganna eru löngu liðnir, enda hafa þær flestar, ef ekki allar ræst.

Hlustið á ESB-þingkonuna Christine Anderson:

The Fight Is On! - EUROPEAN CITIZENS’ INITIATIVE against WHO Power Grab

 

Umfjallanir á "jaðarsvæðum" um fyrirætlanir WHO

• James Roguski
• Door to Freedom
• Nokkur blogg mín þar sem WHO kemur við sögu
• Prevent Genocide 2030

 

 

 

 

Skrár tengdar þessari bloggfærslu:

• Trúnaðarbresturinn gagnvart WHO

Getur lesbía ekki bara áfram verið amma og hommi afi?

Ég er sem betur fer ekki ein um að blöskra frekjan í þessum háværa minnihlutahópi hér á landi sem virðist fá öllu sínu framgengt, í góðri samvinnu við íslensk yfirvöld.

Hvers vegna þarf að búa til kynhlutlaust orð yfir foreldri foreldris, hvaða rugl er þetta? Eigi samkynhneigt fólk börn, þá voru þau getin með eggi konu og sæði karlmanns, þeirra einu tveggja kynja sem til eru og geta getið af sér afkvæmi saman.

Hvernig í ósköpunum er hægt að gera það kynhlutlaust? Er það til að móðga ekki öll þessi 100 kyn sem núna er búið að "skilgreina"?

Ég sjálf er amma, og frábið mér þann möguleika að vera kannski kölluð stórforeldri.

Stórforeldri er kynhlutlaust orð yfir foreldri foreldris. Það sem flestir þekkja sem ömmu eða afa.

Þetta er alveg stórkostlegt!

Aðkynhneigð er svo þýðing á orðinu allosexual. Allosexual er fólk sem finnur fyrir kynferðislegri hrifningu á öðru fólki. Kynhneigð þeirra getur verið hver sem er. 

Það hljóta þá líka að vera til einhver nýyrði yfir þá sem hneigjast kynferðislega að t.d. sokkum, geitum eða snjóblásurum, annað væri bara móðgun við það fólk.

Það þyrfti að gefa út orðabók með þessu:

Önnur orð sem hafa verið valin í samkeppninni fyrri ár eru kvár, stálp, mágkvár, svilkvár og eikynhneigð. Í fyrra voru í keppninni valin hýr tákn í táknmál. 

Hrífst fólk sem er mágkvár og svilkvár kynferðislega að mágum sínum og svilum? Spyr sú sem ekki veit!

Það hlýtur að fara að koma að aðför gegn fallega starfsheitinu ljósmóðir og gera það líka kynhlutlaust, væri t.d. fæðingatæknir ekki fínt og nógu hlutlaust?

Ég, um mig, frá mér, til mín

Það er mikilvægt fyrir hinsegin fólk og sjálfsákvörðunarrétt þess að geta talað um tilfinningar sínar, sjálfsmynd og samfélagsformgerðir á íslensku og það er enn fremur forsenda fyrir því að samfélagið sé í stakk búið að ræða málin,“ segir í tilkynningunni.

Getur þetta blessaða fólk ekki bara talað um þetta sín á milli, gæti aldrei hvarflað að því að það t.d. særði tilfinningar okkar sem eigum barnabörn að vera kölluð orðskrípinu stórforeldri en ekki amma eða afi, gæti það ekki skemmt sjálfsmynd okkar?

Hvers eigum við að gjalda sem viljum ekki sjá þetta í íslensku samfélagi og íslensku máli, en viljum að sjálfsögðu að allir hafi sömu mannréttindi, ekki að sumir hafi meiri en aðrir?

Ég hef persónulega engan áhuga á eða þörf fyrir að vita nokkuð um kynhneigðir eða kynhvatir annarra, hvað þá að sjá einhver íslensk nýyrði yfir þetta allt saman.

Eru kynhlutlausir foreldrar næstir?

Verður bannað að tala um foreldra sem móður og föður, svona til að móðga engan af öllum hinum kynjunum og kynhneigðunum, eins og lagt var til í Frakklandi?

Fólk verður að fara að átta sig á að þessi trans, hinsegin og LGBTQ áróður og réttindabarátta er hreint engin tilviljun, og ekkert eðlilegt við það hvað þessir hópar fá mikið pláss í fréttum og samfélagsmiðlum, og (fjárhagslegan) stuðning frá stjórnvöldum.

Hér á landi eins og víðast hvar annars staðar er unnið eftir þessum skelfilegu Heimsmarkmiðum Sameinuðu þjóðanna, og þetta er innifalið í því fjórða, sjá blogg mitt um það hér.

Að umbera allt er uppskrift að hörmungum - og ákall til foreldra skólabarna!

Að umbera allt er uppskrift að hörmungum sagði maður að nafni Stephen Hilton meðal annars í vídeói sem þið sjáið hér neðst.

Þessi orð hans urðu mér hugleikin, því erum orðin svo vön því að eiga að fagna fjölbreytileika mannlífsins og vera umburðarlynd gagnvart minnihlutahópum eins og t.d. samkynhneigðum, semsagt, að vera fordómalaus.

Það höfum við svo sannarlega verið og þykir flestum sem betur fer eðlilegt að styðja við mannréttindabaráttu samkynhneigðs fólks, sem hefur fært þeim sjálfsögð réttindi sem þau höfðu ekki áður.

Þetta hér að ofan er yfirskriftin á bloggi sem ég skrifaði 9. maí 2023, lesið það endilega!

Þessi hópur fólks er búinn að berjast fyrir sjálfsögðum mannréttindum í áratugi og hefur sem betur fer unnið marga sigra, en þetta bakslag og hatursorðræða sem það kvartar hástöfum yfir núna á það sjálft algjörlega skuldlaust.

Ég hef aldrei áður séð jafn mikið hatur og núna gegn fólki, sérstaklega öðru samkynhneigðu fólki sem frábiður sér þennan fordæmalausa áróður þeirra.

Bara ein skoðun er leyfð, og það er þessa freka og háværa hóps.

Umburðarlyndið getur verið stórhættulegt!

Að umbera allt sem rétttrúnaðurinn, samfélagsmiðlarnir, fjölmiðlarnir - og stjórnvöld segja okkur að fagna og umbera getur svo sannarlega verið uppskrift að hörmungum.

Áður en við vitum af verðum við komin í 15 mínútna borgir, étum pöddur til að "bjarga lofslaginu", og verðum neydd í sprautur, jafnvel með lögregluvaldi þegar hryðjuverkamaðurinn Thedros forstjóri WHO verður kominn með einræði yfir heilbrigðismálum okkar og heimsins alls.

Ekki spyrja þá: Ha, hvernig í ósköpunum gat þetta gerst?

Spyrjið heldur: Hvers vegna gerði ég ekki allt sem í mínu valdi stóð til að koma í veg fyrir að þetta gæti gerst?

 

 

 

Dauðaskotin

Nýlega kom út heimildarmyndin Shot Dead, en þar er talað við foreldra tveggja ungmenna sem dóu eftir sprautur með "bóluefnunum" frá glæpafyrirtækinu Pfizer, og móður sem neyddist til að fara tvisvar í sprautur með þessu sama efni á meðgöngu til þess að halda vinnunni.

Hún fæddi barn með það mikla fæðingargalla að það lifði aðeins í einn sólarhring eftir fæðingu.

Einnig eru þar viðtöl við virtan hjartalækni, fæðingalækni og hjúkrunarfræðing um það sem þau hafa séð og upplifað í sínum störfum síðan byrjað var að "bólusetja" heimsbyggðina. Þarna má líka sjá glæpsamlegan sprautuáróður í Bandaríkjunum.

Þarna kemur fram að Danmörk hafi síðla árs 2022 - að gefnu tilefni stöðvað þessar sprautur fyrir fólk undir fimmtugu, og Bretland fyrir fólk undir tólf ára, kannski vegna þessa faraldurs meintra óútskýrðra andláta unglinga þar í landi, sjá færslu mína frá 2021.

En hér á Íslandi?

Hér hafa verið slegin met í umframdauðsföllum, og hvorki landlæknir né sóttvarnalæknir kannast við að sprautunum geti verið um að kenna, og Guðrún Aspelund sló líklega met í lygum og þvættingi í nýlegu viðtali.

Enn er verið að bjóða viðkvæmum hópum, allt niður í börn í enn eitt Covid bústið, plús flensu sprautu. Hér má sjá að það er kannski ekki svo góð hugmynd.

Sóttvarnalæknir mælir með því að eftirtaldir áhættuhópar fái forgang við bólusetningar við Covid-19:

• Allir einstaklingar 60 ára og eldri.
• Öll börn og fullorðnir sem þjást af langvinnum hjarta-, lungna-, nýrna- og lifrarsjúkdómum, offitu, sykursýki, illkynja sjúkdómum eða eru ónæmisbæld af völdum lyfja eða sjúkdóma.
• Barnshafandi konur.
• Heilbrigðisstarfsfólk sem annast einstaklinga í áhættuhópum sem taldir eru upp hér að ofan.
  

Læknastéttinni er að sjálfsögðu fullkunnugt um skaðann sem hlaust af því að gefa barnshafandi konum lyfið Thalidomide við morgunógleði, en það hefur aldrei stöðvað hana í að hvetja barnshafandi konur hér á landi í þessar mRNA sprautur.

Hér á landi er eftir því sem ég best veit núorðið eingöngu notast við Pfizer "bóluefnið", sem kallast í dag Comirnaty, einmitt það sem olli dauða þessara ungmenna og nýbura.

Hverjir eru að ljúga?

Opinberar tölur yfir andvana fæðingar Kaliforníu í Bandaríkjunum 2017-2022:

Þetta má hinsvegar finna á fylgiseðli Comirnaty (Pfizer) í tilkynningu frá landlækni um bólusetningu gegn COVID-19 veturinn 2023-2024:

Meðganga

Umtalsverðar upplýsingar úr áhorfsrannsóknum (observational data) frá þunguðum konum sem bólusettar voru með Comirnaty á öðrum og þriðja þriðjungi meðgöngu hafa ekki sýnt aukningu á óæskilegum útkomum meðgangna. Þrátt fyrir að upplýsingar um útkomur úr meðgöngum eftir bólusetningu á fyrsta þriðjungi meðgöngu séu enn takmarkaðar, hefur ekki sést aukin hætta á fósturláti.

Dýrarannsóknir benda hvorki til beinna né óbeinna skaðlegra áhrifa á meðgöngu, þroska fósturvísis/fósturs, fæðingu eða þroska eftir fæðingu (sjá kafla 5.3). Nota má Comirnaty á meðgöngu.

Ég held að spurningunni hér að ofan sé auðsvarað!

Eitt af fórnarlömbum Pfizer sem fjallað er um í myndinni er hin átján ára Trista Martin, sem fór í sprautu án þess að láta foreldra sína vita, og þurftu þau að bíða í á annað ár eftir niðurstöðum krufningar á henni.

Þetta kemur fram í lok myndarinnar:

Þann 4. ágúst 2022 skilaði Oklahoma Medical Examiner’s Office skýrslu sinni til Martin fjölskyldunnar, þar sem fram kom að Trista hefði verið með með bráða öndunarbilun, bráðan lungnabjúg, lítið lungnasegarek, bráða nýrnabilun, bráðan heilakvilla, hjartabilun í hægri slegli, blóðrásarbilun, blóðsýring, storkukvilla, bráða blóðleysi, blóðþurrð í þörmum, hækkuð skjaldkirtilsörvandi hormón, blóðpróteinhækkun, blóðkalíumlækkun, blóðnatríumhækkun, hækkuð lifrarensím, og blóðsykurshækkun.

Frekari greining leiddi einnig í ljós heilabjúg, þung lungu, byrjun á hjartadrepi og blæðingar í meltingarvegi.

... Niðurstaða krufningarinnar var, að opinber dánarorsök sé "óútskýranleg."

Þetta er dauðans alvara!

Það er sorglegt að vita til þess hversu lengi íslensk heilbrigðisyfirvöld og læknastéttin hafa fengið að komast upp með að ljúga að okkur um allt sem varðar "heimsfaraldurinn" og þessi svokölluðu "bóluefni" - og eru enn að.

Enginn ætti að fara í fleiri Covid sprautur segir Dr. Peter McCullough hjartalæknir!

Horfið á myndina, þetta er umfjöllun sem getur ekki skilið neinn eftir ósnortinn og vekur vonandi marga til umhugsunar, sérstaklega þá sem hafa treyst og trúað stjórnvöldum, læknastéttinni og heilbrigðiskerfinu hingað til.

Þetta fólk er búið að ljúga að okkur í tæplega fjögur ár núna, og það sama hefur átt sér stað um heim allan - með skelfilegum afleiðingum fyrir tugi eða hundruðir milljóna manna, kvenna og barna.

Og bíðið bara, okkur eru ætlaðar enn meiri "bólusetningar" ef/þegar Alþjóðaheilbrigðismálastofnunin verður komin með alræði yfir heilbrigðismálum okkar og heimsins alls, og þá verður hægt að neyða okkur í þær með lögregluvaldi.

Allar líkur eru á því að íslensk stjórnvöld samþykki þetta þegjandi og hljóðalaust!

Hvaða "herrum" er allt þetta fólk að þjóna?

 

 

 

Nokkrar athugasemdir við viðtal við Guðrúnu Aspelund sóttvarnalækni

Enn og aftur fær sóttvarnalæknir að vaða uppi með gaslýsingum og lygum í drottningarviðtali í íslenskum fjölmiðli, og nú þegar hún var meðal annars beðin að tjá sig um frábæra grein eftir Helgu Birgisdóttur hjúkrunarfræðing og ljósmóður sem birtist í Morgunblaðinu nýlega, en hana má finna í viðhengi hér neðar.

Þarna var skautað yfir ansi margt af því sem Helga gerir að umræðuefni í grein sinni, og það er eftirtektarvert að Guðrún var ekki krafin svara við mörgu af því sem þarna kemur fram, heldur fékk hún að dásama þessi "bóluefni" algjörlega gagnrýnislaust, og gera eins og venjulega lítið úr aukaverkunum.

En í rauninni er það kannski ekkert eftirtektarvert, heldur akkúrat það sem mátti búast við af þessum aumu meginstraumsfjölmiðlum hér á landi.

Skoðum nokkur ummæli hennar:

Þetta á ekki við rök að styðjast. Bóluefnin eru mjög örugg og virka gegn veikindum, sérstaklega alvarlegum veikindum og andlátum í Covid.

Það er vægast sagt undarlegt af henni að reyna að hrekja rök með engum rökum til að sanna mál sitt, heldur órökstuddri og ósannaðri fullyrðingu. Og hvers vegna var hún þá ekki beðin um heimildir til að sanna ummæli sín um öryggi og virkni þessara "bóluefna"?

Sóttvarnalæknir segist hafa orðið vör við aukna gagnrýni á bólusetningar. Raddirnar hafi orðið háværari í kórónuveirufaraldrinum. Hún telur óþarfa að óttast, langflestir séu bólusettir. Aukaverkanir hafi verið sjaldgæfar og flestar vægar.

Já er það Guðrún? Yfir 400 læknar frá 34 löndum lýstu yfir alþjóðlegu neyðarástandi (medical crisis) vegna sjúkdóma og andláta sem tengjast Covid-19 "bóluefnunum" í september 2022, og yfir 1.000 ritrýndar (Peer reviewed) rannsóknir segja að bóluefnin séu hættuleg.

Krabbameinin

Það eru engin bóluefni sem valda krabbameinum. Og þar að auki veit ég ekki hvaðan þetta kemur, að krabbamein hafi aukist. Það eru upplýsingar á síðu Krabbameinsfélagsins, þar eru töflur og mælaborð, og þar er hægt að skoða tíðni krabbameina hér á Íslandi aftur í tímann.

Hér eru nokkrar heimildir Guðrún:

• COVID-19 mRNA Vaccine Turbo Cancers, Excess Deaths, Pilots collapsing, children injured & more
• Reports From the Front Lines of the Vaccine Catastrophe - Part 3
• Fatal Craniofacial Cancer 5 Months After COVID-19 Vaccination
• Dr. Harvey Risch: Cancers Appearing In Ways Never Before Seen After C-19 Jab
• U.S. Gov. data confirms a 143,233% increase in Deadly Cancer cases due to COVID Vaccination
• Oncologist warns Cancers are rapidly developing Post-COVID-19 Vaccination: “I am experienced enough to know this is not a Coincidence”
• Whistleblowing UK doctor exposes Pfizer COVID jab study showing ‘turbo cancers’ in mice
• Dr. Peter McCullough: Multiple mRNA COVID shots may promote ‘turbo cancer’
• Skelfileg aukning krabbameina í heiminum eftir "bólusetningarnar" - hvernig er staðan á Íslandi?
• Dr.William Makis - Turbo Cancers are exploding

Og hvað tölfræði varðar hér á Íslandi, þá treysti ég henni ekki fyrir horn, sérstaklega varðandi allt sem viðkemur "faraldrinum" og þessum eitursprautum, þöggunin var nánast áþreifanleg, og ég persónulega veit um fólk sem er að glíma við eða hefur látist úr krabbameinum undanfarin tvö ár eða svo, stundum sjaldgæfum og illviðráðanlegum - og jafnvel á stuttum tíma.

.... fyrir utan allt blessaða fólkið sem verður bráðkvatt, slíkar dánartilkynningar má lesa nánast á hverjum degi, jafnvel tvær til þrjár.

Ef þetta eru ekki lygar, þá veit ég ekki hvað eru

Guðrún segir bóluefnin hafa verið gefin í milljörðum skammta og að því væri komið í ljós ef það væri „stóraukning á fylgikvillum“ í tengslum við bóluefnin. Hún segist ekki ætla að deila við höfund greinarinnar, til dæmis með því að kalla skrifin óábyrg, og leggur áherslu á mikilvægi bóluefna.

Hefurðu séð þetta, þetta eða þetta Guðrún, eða þetta?:

• The COVID “Killer Vaccine.” People Are Dying All Over the World. It’s a Criminal Undertaking
• Killing babies – the covadoodle killjabs and the decimation of fertility
• Died Suddenly” reports have increased by 82% and 1,400 athletes have died since the rollout of covid injections
• PfizerGate: Tragic Truth of COVID Vaccines reveals 50k Brits Died Suddenly in just 8 Months due to the 5-Month Countdown to Death caused by C-19 Vaccination
• The "died suddenly" vax vs. unvaxxed statistics tell you everything you need to know
• New Zealand is a Crime Scene: In one clinic, in one day 30 people were covid injected and all 30 have died
• Western Australia health authority data shows we are killing 5 people for every person we might save if the vaccine worked (which it doesn’t)

Já einmitt, mjög sjaldgæfar og fátíðar ....

Síðan hafa verið sjaldgæfar og alvarlegri aukaverkanir. Hjartabólgur og gollurshúsbólgur í hjarta þar á meðal. En voru mjög fátíðar og miklu sjaldgæfari heldur en þessir sömu fylgikvillar eftir Covid-sýkinguna.

• mRNA COVID Vaccines Form Spike Protein in Heart Cells, but Cause Different Anomalies: Research Article
• COVID-19 vaccination-related myocarditis: a Korean nationwide study
• Expert Doctor swears 100 million+ Americans may have seriously damaged their Heart due to COVID-19 Vaccination
• Repeated mRNA injections can activate the complement cascade
  ...and result in myocarditis
• Myndi mæla gegn bólu­setningu ungra karla gegn Co­vid-19
• HALF of all young men who got jabbed for COVID and developed myocarditis now have PERMANENT heart damage

Það sem Guðrún Aspelund og aðrir læknar og vísindamenn "gleyma alltaf" að nefna varðandi Covid sprauturnar er að þær innihalda ekki eiginleg bóluefni eins og við höfum þekkt þau hingað til.

Munurinn á hefðbundnum bóluefnum og mRNA Covid líftæknilyfjunum

Bóluefni er efni sem bætir ónæmiskerfi dýra gagnvart tilteknum smitsjúkdómi. Bóluefni eru unnin úr veikluðum veirum eða bakteríum eða innihalda efni sem finnast í sýklum. Bóluefnið virkar þá þannig að þegar því er sprautað inn í líkama bregst ónæmiskerfi dýrsins við með því að mynda mótefni gegn bóluefninu. Þannig ber ónæmiskerfið kennsl á efnið næst þegar það kemst í tæri við það og myndar þá öflugri vörn en ella.

Markvissar og almennar bólusetningar barna hafa dregið úr tíðni margra barnasjúkdóma, svo sem mislinga, barnaveiki, kíghósta og lömunarveiki.

Fyrsta bóluefnið var þróað gegn bólusótt og dregur því nafn sitt af því. Með því að sýkja viljandi einstaklinga af mildara afbrigði bólusóttar, það er kúabólu, urðu einstaklingarnir ónæmir fyrir svæsnara bannvæna afbrigðinu. Af því dregur ennfremur enska heitið nafn sitt frá latínu, vacca - kýr.

Wikipedia

mRNA COVID-19 efnin eru enn kölluð "bóluefni", jafnvel þó að þau uppfylli allar skilgreiningar á genameðferð og enga skilgreiningu á bóluefni.

Sú staðreynd að þau eru genameðferð, og heilu þjóðfélögin voru skylduð til að fara í þessar sprautur án fullnægjandi prófana, bætir enn einu svívirðilegu lagi við hin mörgu grimmdarverk sem áttu sér stað í COVID-19 heimsfaraldrinum.

• COVID Vaccines Are Gene Therapy, Contrary to Claims by Media ‘Fact-Checkers’
• Viral and nonviral delivery systems for gene delivery"; whenever you hear someone arguing that COVID injections are vaccines, show them this study and what defines "gene therapy"
• Geert Vanden Bosshe: “No mRNA-based injectable product should ever be used for immunisation purposes”

Raunveruleikinn

Hér er nýtt skjáskot úr Facebook grúppu sem heitir Died Suddenly News, en þar fær fólk að tjá sig um reynslu sína og/eða ástvina af þessum "góðu og öruggu bóluefnum".

Ég er búin að lesa þúsundir svona frásagna undanfarin tvö ár í sambærilegum grúppum og víðar og hef birt þær í eldri bloggum mínum.

Hvað varð um Hippókratesareiðinn: Fyrst, ekki skaða?

Hippókratesareiðurinn er eitt af elstu bindandi skjölum í sögunni, skrifaður af Hippókratesi, og enn haldinn heilagur af læknum: Að meðhöndla sjúka eftir bestu getu, að varðveita friðhelgi sjúklings, að kenna næstu kynslóð leyndarmál læknisfræðinnar og svo framvegis.

Okkur ætti að vera orðið ljóst að hann er ekki lengur haldinn heilagur af Guðrúnu Aspelund, Ölmu Möller, Þórólfi Guðnasyni, Kára Stefánssyni og öðrum slíkum sem blekktu þjóð sína í þessar sprautur.

Og það er orðinn ansi holur hljómur í Guðrúnu sem kannast sjaldan eða aldrei við neitt neikvætt við "bóluefnin" eða afleiðingarnar fyrir marga af þeim, eða við rannsóknir sem henni hefur verið bent á.

Hér getið þið séð hvað læknastéttin hefur brotið á okkur undanfarin ár, og einnig er þar hlekkur á eina af mörgum þeim færslna sem ég hef skrifað, sem sýnir hvað liggur þarna að baki.

Það mun taka langan tíma fyrir marga að fara að treysta heilbrigðiskerfinu aftur, ef það mun þá nokkurn tímann gerast.

Skrár tengdar þessari bloggfærslu:

• Grein Helgu Birgisdóttur hjúkrunarfræðings og ljósmóður