Þórólfur hangir eins og hundur á roði á þessum endalausu skerðingum á frelsi okkar og mannréttindum.

Hann lætur eins og við séum enn í hættulegum faraldri og mótmælir því að veiran sé orðin hættulaus.

Annar læknir virðist ekki mega segja sitt álit á "stöðu faraldursins" án þess að heiðursorðuhafinn móðgist.

Þórólf­ur Guðna­son sótt­varna­lækn­ir seg­ir af­stöðu fyrr­ver­andi yf­ir­manns Covid-göngu­deild­ar Land­spít­ala gagn­vart ástand­inu á spít­al­an­um koma sér á óvart. Hann seg­ir ekki nóg að ein­blína á inn­lagn­ir á gjör­gæslu þegar staða far­ald­urs­ins sé met­in og að taka þurfi mið af fleiri þátt­um, meðal ann­ars víðtækra veik­inda í sam­fé­lag­inu. 

Eiga þessi orð annars læknis ekki fyllilega rétt á sér?

Er kannski ekkert að marka lækninn sem var í eldlínunni sem yfirmaður Covid-göngudeildarinnar?

Ragn­ar Freyr Ingvars­son, sér­fræðing­ur í lyf- og gigt­ar­lækn­ing­um og fyrr­ver­andi yf­ir­maður Covid-göngu­deild­ar Land­spít­ala, hef­ur kallað eft­ir umræðu um hvenær neyðarástandi verði af­lýst vegna veirunn­ar þar sem svo fáir séu að veikj­ast al­var­lega. 

Takið eftir þessu, Ragnar kallar eftir umræðu, og þetta er að ég held í fyrsta skipti sem ég sé lækni kalla eftir slíku undanfarin tvö ár.

Hvað hefur Þórólfur að fela, mega ekki loksins fara fram umræður frá fleiri hliðum um þetta stærsta mál sem þjóðin hefur nokkurn tímann staðið frammi fyrir og þurft að ganga í gegnum?

Hann ætti kannski líka að hlusta á Runólf Pálsson kollega sinn:

„Ég held að við á Covid-göngudeildinni þurfum til dæmis að draga úr þjónustu við þá sem finna ekki fyrir neinum veikindum svo við getum einbeitt okkur að þeim sem eru veikastir.

Pælingar þess sem tók viðtalið við Runólf:

Það er áhugavert að stjórnendur á Landspítalanum telja mikilvægt að starfsfólk hans hætti að lækna og hjúkra fólki sem ekki er veikt áður en ráðist er í afléttingar. Þetta veitir ákveðna innsýn í hvernig heilbrigðisyfirvöld hafa nálgast úrlausnarefni faraldursins til þessa.

Önnur umræða sem þarf líka að eiga sér stað

Hún varðar þessar "bólusetningar" sem búið er að narra yfir 90% þjóðarinnar í, og þann skaða sem þær hafa valdið þúsundum, bara hér á landi og milljónum um heim allan.

Engin umræða hefur farið fram um þessi efni, mantran hefur stöðugt verið að þau séu góð, örugg, og verji fólk gegn smiti og veikindum, og að aukaverkanir séu litlar sem engar, þótt sannleikurinn um allt annað blasi við þeim sem vilja sjá það.

Ég er margoft búin að fjalla um þessar "bólusetningar", áhugasamir geta skoðað eldri blogg mín.

Þetta er sannleikur sem landlækni, sóttvarnalækni og Lyfjastofnun er fullkunnugt um, en þöggun þeirra um (hugsanlega?) skaðsemi þessara efna er vítaverð.

Og afleiðingarnar fyrir marga eru hroðalegar, og jafnvel óafturkræfar.

Rennið niður þessa síðu til að sjá sundurliðun tilkynntra aukaverkana sem sendar eru vikulega í evrópskan grunn.

Þrefalt fleiri dóu eftir sprauturnar en "úr" Covid 2021!

Í síðustu viku fjallaði ég um misræmi hjá Lyfjastofnun í uppgefnum fjölda andláta eftir þessar sprautur.

Óhugnanleg staðreynd sem lesa má út úr opinberum gögnum:

• Árið 2021 létust 11 manns "úr" Covid.
• Árið 2021 létust 34 manns í kjölfar sprautanna.

Nú ættuð þið að spyrja ykkur hvers vegna þessar "bólusetningar" voru ekki stöðvaðar um leið og fólk fór að deyja eftir þær?

Og athugið, fólk er ekkert endilega að veikjast eða deyja daginn eftir sprautu, skyndileg andlát og nýtilkomin óútskýrð veikindi og jafnvel krabbamein geta orðið/komið fram töluvert síðar.

Þess vegna er fólk að öllum líkindum ekki að tengja neitt við sprauturnar.

Þyrfti þjóðin ekki að kalla eftir umræðu um þetta?

Ég spyr í veikri von því þjóðin mun aldrei gera það eða ekki fyrr en sannleikurinn mun koma upp á yfirborðið.

Þangað til mun sofandi tví- og þrísprautuð þjóðin hlýða Víði og Þórólfi, halda áfram að fara í sýnatökur - með bölvuðu grímurnar framan í sér, og það sem verra er, hlaupa með litlu börnin sín í þessar sprautur.

Af því að Þórólfur, sem ætlar að $prauta okkur öll, segir henni að gera það.

Hann er samt að missa tökin og veit það vel.

En hjarðhegðun og þrælsótti Íslendinga hlýtur að vera heimsmet.

Orð Ragnars koma á óvart

Þvílíkt leikrit sem okkur er boðið upp á!

Fjallið tók jóðsótt og það fæddist mús í gær, þegar tilkynnt var um rýmkun á fyrri sóttvarnarráðstöfunum.

Fjöldatakmarkanir úr 10 í 50, nándarregla úr 2 metrum í 1 metra, á sitjandi viðburðum heimilt að taka á móti 500, 1 metra nándarregla, og áframhaldandi grímuskylda....

.... og meira bla bla bla ....

Samanburður á einkennum kvefs og "drápspestarinnar"

Hér má sjá lýsingu breskra heilbrigðisyfirvalda á einkennum venjulegs kvefs:

• Stíflað nef eða nefrennsli
• Hálsbólga
• Höfuðverkur
• Vöðvaverkir
• Hósti
• Hnerrar
• Hækkað hitastig
• Þrýstingur í eyrum og andliti
• Tap á bragði og lykt
  

Hér má sjá lýsingu á covid.is á einkennum "drápspestarinnar":

• Hósti
• Hiti
• Hálssærindi
• Kvefeinkenni
• Andþyngsli
• Bein- og vöðvaverkir
• Þreyta
• Kviðverkir, niðurgangur, uppköst
• Skyndilegt tap á lyktar- og bragðskyni
• Höfuðverkur

Þið hljótið að sjá að það eru sláandi líkindi þarna á milli! En aldrei fyrr hefur heiminum verið með samstilltu átaki skellt í lás út af einhverri pest, og fólki talin trú um að eina leiðin út úr henni sé einangranir, sóttkvíar, lokanir fyrirtækja, spritt, grímunotkun, og einhverjar sprautur.

Sprautur sem innihalda einhver efni sem okkur kemur víst ekkert við hvað innihalda, við eigum bara að hlýða þegar við fáum SMS sem boðar okkur í þær.

Sprautur sem okkur var lofað að væri eina leiðin út úr "heimsfaraldrinum", svo "kom í ljós" að loforðin stóðust ekki svo "nauðsynlegt" varð að sprauta meira.

Sprautur sem eru sannanlega búnar að valda skelfilegum skaða og dauðsföllum hjá milljónum manns á heimsvísu, sem og hér á landi.

Og fyrir þá sem ekki vita, þá létust hér á landi (að minnsta kosti) 34 í kjölfar sprautanna árið 2021, meðan andlát "úr" Covid voru 11.

Þessar staðreyndir eru kyrfilega þaggaðar niður hér á landi eins og alls staðar þar sem "faraldurinn" hefur gengið yfir.

Heimsbyggðin er búin að lifa undir stærstu blekkingum allra tíma í tvö ár núna.

En forsætisráðherra okkar þakkar sprautunum fyrir "árangurinn", þrátt fyrir metfjölda smita hjá sýnatökuóðri þjóð, eins og í löndunum sem eru hvað mest "bólusett".

„Við fær­um ykk­ur góð tíðindi hér í dag. Við erum að sjá að það eru að verða raun­veru­leg­ar breyt­ing­ar í bar­áttu okk­ar við far­ald­ur­inn,“ sagði for­sæt­is­ráðherra og benti á að það væri vegna til­komu Ómíkron-af­brigðis­ins ann­ars veg­ar og aðgerða heil­brigðis­yf­ir­valda hins veg­ar. Þar með tal­inn væri ár­ang­ur í bólu­setn­ingu lands­manna.

Runólfur Pálsson yfirmaður Covid-göngudeildar Landspítalans sagði í viðtali í vikunni:

„Ég held að við á Covid-göngudeildinni þurfum til dæmis að draga úr þjónustu við þá sem finna ekki fyrir neinum veikindum svo við getum einbeitt okkur að þeim sem eru veikastir.“

Pælingar greinarskrifara fyrir neðan:

Það er áhugavert að stjórnendur á Landspítalanum telja mikilvægt að starfsfólk hans hætti að lækna og hjúkra fólki sem ekki er veikt áður en ráðist er í afléttingar. Þetta veitir ákveðna innsýn í hvernig heilbrigðisyfirvöld hafa nálgast úrlausnarefni faraldursins til þessa.

Góð og löngu tímabær athugasemd.

Það er verið að hafa okkur að fíflum - eina ferðina enn

Við eigum víst að vera þakklát fyrir þessar "tilslakanir", með loforðum um að allt verði eins og blómstrið eina með vorinu.

En samt vilja þau ekki sleppa gagnslausu grímuskyldunni, sem þó virðist hægt að semja um undanþágu frá á hátíðarstundum.

Enda eru grímurnar ekkert annað en tákn um hlýðni við yfirvaldið og sýnilegt tákn um ógn vegna einhverrar veiru sem engan drepur nema aldrað fólk og/eða fólk með undirliggjandi sjúkdóma. Rétt eins og á hefðbundnu flensutímabili.

Hún hefur hvorki drepið ungt fólk né börn, samt er fólk ennþá logandi hrætt eftir allan þennan tíma.

Enda er því sagt að vera það á hverjum einasta degi.

Man einhver eftir því þegar Þórólfur sagði í viðtali þann 7. júní 2020 að hann mælti ekki með grímunotkun því þær gerðu lítið eða ekkert gagn, en tók svo 180 gráðu beygju stuttu síðar með tilvísun í einhver ný "vísindi"?

Það er verið að spila með fólk, og tví- og þrísprautuð veiruhrædd þjóðin trúir öllu - og hlýðir.

Mótmælin sem lítið eða aldrei er fjallað um hér á landi

Heimurinn logar í mótmælum vegna skyldubólusetninga, bóluefnapassa, einangrunarbúða og sviptinga frelsis og sjálfsagðra mannréttinda þeirra sem neita að láta nauðungarsprauta sig, sem RÚV og flestir aðrir fjölmiðlar passa dyggilega upp á að fjalla lítið eða ekkert um.

Nýjasta dæmið er lengsta frelsislest sögunnar þar sem yfir 50.000 kanadískir vörubílstjórar keyrðu til Ottawa til að mótmæla alræðistilburðum Trudeau forseta, sem hljóp í felur undir því yfirskini að hann, þrísprautaður maðurinn hefði verið í návist smitaðs einstaklings.

Furðufrétt RÚV um þennan stórkostlega atburð hljóðaði á þann veg að þetta væru hundruð flutningabílstjóra!

Sem er í takt við annan "fréttaflutning" og einhliða fréttir af þessum meinta heimsfaraldri.

"The New Normal - The Great Reset - Build Back Better"

Á 5 mínútum getið þið séð í stórum dráttum hvað sturluð, veruleikafirrt og ofurrík elíta er búin að ákveða fyrir hönd okkar allra að okkur forspurðum.

Klaus Schwab sem er stofnandi The World Economic Forum hefur sagt það opinberlega að Covid-19 faraldurinn sé "einstakt tækifæri" til að endurræsa heiminn.

Draumur hans er líka að bræða saman menn og vélar með því að setja einhverjar flögur inn í heila eða undir húð fólks.

Hér getið þið séð meðal annars plönin um alheimsstjórn (Global Governance) og fleira "skemmtilegt".

Uppfærsla: Bara fyrir þá sem vita hvað er í gangi í heiminum í dag, hinir skulu bara halda áfram að trúa og treysta Þórólfi og ríkisstjórninni.

Með endalausri hlýðni ykkar og þrælslund eruð þið að leyfa því að gerast að verðum svipt frelsi, mannréttindum okkar, og flestu því sem okkur er kært.

Og löngu ákveðinni fækkun mannkynsins niður í "réttlætanlegan fjölda".

Og okkur sagt að éta pöddur og lirfur í stað kjöts til að koma í veg fyrir "hlýnun heimsins". Gúgglið það bara.

Allt þetta er gert með fullri vitund og vilja íslenskra stjórnvalda.

Aflétt á sex til átta vikum

Misræmi hjá Lyfjastofnun í uppgefnum fjölda andláta eftir sprauturnar.

Á tveggja vikna fresti gefur Lyfjastofnun út sundurliðun tilkynninga vegna gruns um alvarlega aukaverkun í kjölfar bólusetningar.

Ég fylgist vel með öllum tilkynningum sem stofnunin sendir frá sér og hef oftar en einu sinni rekist á misræmi hjá þeim, og gleymum því ekki að landlæknir lúrði á yfir 2.000 aukaverkunum í einhverjar vikur eða mánuði!

Eins og við vitum þá ríkir algjör þöggun um aukaverkanir og andlát í kjölfar sprautanna. Aldrei eru sendar tilkynningar til fjölmiðla eftir að einhver deyr "hugsanlega" eftir sprautu, en við fáum svo sannarlega að frétta það strax þegar gamalmenni á ní- og tíræðisaldri eiga víst að hafa dáið "úr" Covid.

Gamalmennin virðast ekki hafa þjáðst af neinum undirliggjandi sjúkdómum, bara þeir sem létust eftir sprauturnar, þá vantar ekki fyrirvarana.

Skoðum tvær fyrstu sundurliðanir ársins

Hér má sjá sundurliðun tilkynntra andláta þann 12. janúar s.l.

• Átta tilkynningar um andlát í kjölfar bólusetningar bárust í janúar 2021.
• Tvær tilkynningar um andlát í kjölfar bólusetningar bárust í febrúar 2021.
• Fimm tilkynningar um andlát í kjölfar bólusetningar bárust í mars 2021.
• Ein tilkynning um andlát í kjölfar bólusetningar barst í apríl 2021.
• Fjórar tilkynningar um andlát í kjölfar bólusetningar bárust í maí 2021.
• Sex tilkynningar um andlát í kjölfar bólusetningar bárust júní 2021.
• Ein tilkynning um andlát í kjölfar bólusetningar barst í júlí 2021.
• Fjórar tilkynningar um andlát í kjölfar bólusetningar bárust í ágúst 2021.
• Engin tilkynning um andlát í kjölfar bólusetningar barst í september 2021.
• Ein tilkynning um andlát í kjölfar bólusetningar barst í október 2021.
• Engin tilkynning um andlát í kjölfar bólusetningar barst í nóvember 2021.
• Tvær tilkynningar um andlát í kjölfar bólusetningar bárust í desember 2021.
• Ein tilkynning um andlát í kjölfar bólusetningar hefur borist í janúar 2022.

Samtals 35 andlát.

Og hér má sjá sundurliðun tilkynntra andláta þann 26. janúar s.l.

• Átta tilkynningar um andlát í kjölfar bólusetningar bárust í janúar 2021.
• Tvær tilkynningar um andlát í kjölfar bólusetningar bárust í febrúar 2021.
• Fimm tilkynningar um andlát í kjölfar bólusetningar bárust í mars 2021.
• Ein tilkynning um andlát í kjölfar bólusetningar barst í apríl 2021.
• Fjórar tilkynningar um andlát í kjölfar bólusetningar bárust í maí 2021.
• Sex tilkynningar um andlát í kjölfar bólusetningar bárust júní 2021.
• Ein tilkynning um andlát í kjölfar bólusetningar barst í júlí 2021.
• Fjórar tilkynningar um andlát í kjölfar bólusetningar bárust í ágúst 2021.
• Engin tilkynning um andlát í kjölfar bólusetningar barst í september 2021.
• Ein tilkynning um andlát í kjölfar bólusetningar barst í október 2021.
• Engin tilkynning um andlát í kjölfar bólusetningar barst í nóvember 2021.
• Tvær tilkynningar um andlát í kjölfar bólusetningar bárust í desember 2021.

Samtals 34 andlát.

Eins og sjá má, þá var ein tilkynning um andlát í janúar 2022 í sundurliðuninni þann 12. janúar, en er horfin út af sundurliðuninni 26. janúar.

Það er heldur ekki samræmi í sundurliðuninni 26. janúar ef maður rennir niður síðuna og leggur saman andlát eftir hvert bóluefni.

27 eftir Comirnaty (BioNTech/Pfizer)
 1 eftir Spikevax (Moderna)
 7 eftir Vaxzevria (AstraZeneca)
 1 eftir Vaccine Janssen

Samtals 36 andlát.

Þarna munar tveim andlátum, annað þeirra mætti skýra með því að janúar andlátið hefði "óvart dottið út". Spurningin er þá hvort það hafi orðið annað andlát vegna Pfizer á þessum tveim vikum núna í janúar 2022, enda bætist alltaf eitt nýtt við milli sundurliðana, sjá 7. desember hér, og 21. desember hér. Allt bendir til þess í rauninni.

12. janúar "stemmir".

26 eftir Comirnaty (BioNTech/Pfizer)
 1 eftir Spikevax (Moderna)
 7 eftir Vaxzevria (AstraZeneca)
 1 eftir Vaccine Janssen

Samtals 35 andlát.

Fleiri misræmi

Þetta er ekki í fyrsta skipti sem ég rekst á misræmi hjá Lyfjastofunun. Ég fylgist daglega með síhækkandi fjölda tilkynntra aukaverkana og tek af þeim skjáskot.

Ég hef tekið eftir hringl með Janssen, tölurnar hafa stundum lækkað milli daga eða tímabila, eins og sjá má af þessum myndum:

Tilkynntar aukaverkanir 1. desember 2021

Tilkynntar aukaverkanir 11. janúar 2022

Svona til að skýra þetta nánar út:

Eins og fyrir einhverja töfra virðist aukaverkunum vegna Janssens hafa "fækkað" á þessu tímabili um 25, en staðan í dag 27. janúar er 1.390 skv. bókhaldi stofnunarinnar.

Trúverðugleiki þessarar stofnunar er - af marggefnu tilefni löngu kominn í ruslflokk, eins og meðal annars má sjá í hvítþvottargrein sem 3 starfsmenn hennar birtu í fjölmiðlunum í október s.l. og niðurstöðu "óháðrar rannsóknar" nokkrum dögum seinna.

Rúmlega þrefalt fleiri létust eftir sprauturnar en "úr" Covid árið 2021!

Árið 2020 áður en byrjað var að sprauta létust 29 úr Covid.

Árið 2021 voru þau 11, en 34 létust í kjölfar sprautanna.

Gerðuð þið ykkur grein fyrir þessu?

Ítarefni - og góð upprifjun

• Þöggunin um aukaverkanirnar og andlátin hér á landi eftir sprauturnar er ekkert annað en glæpsamleg!
• Er ekki bara best að sleppa þessum "örvunarbólusetningum"?
• Vekur það enga athygli að landlæknir hafi haldið eftir tilkynningum um aukaverkanir ríflega 2.000 "bólusettra" einstaklinga sem síðar greindust með "smit"?
• Hefur sóttvarnalæknir ekki frétt af 28.103 andlátum og 2.637.525 aukaverkunum eftir sprauturnar í Evrópu?
• Kann Lyfjastofnun ekki að telja?
• Var logið um raunverulega orsök andláts þessa manns?
• Tilkynntum aukaverkunum hefur fjölgað um 331 á einum mánuði, þar af 26 alvarlegum síðan "örvunarbólusetningarnar" hófust.

 

Það er gott að hægt sé að semja við veiruna skæðu um undanþágur.

Hún veit að hún má smita fólk meðan það gengur inn á veitingastað og pantar sér mat, en ekki meðan það situr (jafnvel þétt saman) og borðar.

Það er líka búið að semja við hana um að hún megi reyna að smita elítur heimsins þegar þær standa með grímur í myndatökum, en ekki þegar búið er að slökkva á myndavélunum og grímurnar komnar í rassvasann aftur.

Hún hlær líka að grímubrjálæðinu, því hún veit að grímur eru ekkert nema sýnilegt tákn um hlýðni og undirgefni, og til að minna fólk stöðugt á einhverja "ógn".

Í samfélagi þar sem yfir 90% þjóðar er tví- og þrísprautuð æðir veiran núna um og smitar ósprautaða - ekkert síður en sprautaða, þrátt fyrir allar sprauturnar, grímurnar, sprittið, einangranirnar, sóttkvíarnar, smitgátirnar, fjarlægðarmörkin og hvað þetta allt nú heitir.

Stærsti brandarinn - eða mesta hörmungin kannski frekar er, hvað þjóðin er búin að láta blekkja sig í tvö ár núna, og láta sprauta sig með einhverjum efnum sem eru greinilega ekkert að virka gegn veirunni, og margir fúsir í búst.

Og það sem verra er, fúsir að láta sprauta börnin sín.

Upp koma nýjar "bylgjur" í hvert skipti sem hátíðir eru framundan þar sem fólk kemur saman, þúsundir manna, kvenna og barna fara hlýðnar í endalaus PCR próf sem allir ættu að vita núna að voru aldrei hönnuð til að greina hvort maður væri veikur eða ekki.

Veiruskrattinn tók sér þó kærkomið frí í kosningabaráttunni, enda hafa ekki borist fregnir af stórkostlegu mannfalli eftir fjölmennar og grímulausar kosningavökur.

Eftir nokkrar mínútur mun verða haldinn enn einn hræðslufundur Almannavarna, þar sem gera má ráð fyrir að okkur verði sagt að veiran sé lúmskur skratti, þetta sé hreint ekkert búið og að við eigum áfram að vera hrædd.

Og veiruhrædd margsprautuð þjóðin mun trúa því og hlýða - eina ferðina enn.

Rúv með undanþágu frá sóttvarnareglum í kvöld

Er ekki bara best að sleppa þessum "örvunarbólusetningum"?

Þetta Omicron afbrigði virðist vera svo milt að margir finna lítið fyrir veikindum og hrista þetta af sér eins og hverja aðra pest í gegnum tíðina.

Nýtt "bóluefni" gegn þessu afbrigði verður hvort eð er ekki tilbúið fyrr en í mars samkvæmt þessari frétt.

Enn fjölgar aukaverkununum

Ég tek daglega skjáskot af nýjustu tilkynningunum um aukaverkanir, og þetta er staðan í dag:

Frá því að byrjað var að bústa fólk hefur tilkynningum um aukaverkanir fjölgað um 523 og þar af 47 alvarlegum, og það vakti athygli mína að þeim alvarlegu fjölgaði hvorki meira né minna en um 3, bara núna yfir helgina.

Og samtals fjölgun tilkynntra alvarlegra aukaverkana frá 12. janúar er 10, eða tæplega 1 á dag!

Svona lítur flokkun tilkynninganna sem Lyfjastofnun sendir vikulega til EuroVigilance. 

Samkvæmt þessari frétt sem bloggað er við, er boðið upp á örvunarskammt með Moderna og Pfizer. Þann 12. janúar síðastliðinn gaf Lyfjastofnun út sundurliðun tilkynninga, og þann dag var búið að tilkynna um 131 alvarlega aukaverkun eftir Pfizer, en þær eru orðnar 138 í dag.

Alvarleg aukaverkun er aukaverkun eða óæskileg áhrif lyfs sem leiðir til dauða, lífshættulegs ástands, sjúkrahúsvistar eða lengingar á sjúkrahúsvist, veldur fötlun eða fæðingargalla hjá mönnum. Einnig eru þær tilkynningar sem taldar eru klínískt mikilvægar flokkaðar sem alvarlegar.

Comirnaty (BioNTech/Pfizer):

131 alvarlegar tilkynningar hafa borist.

• 26 þeirra varða andlát. 18 andlát vörðuðu aldraða** einstaklinga, 15 þeirra með staðfesta undirliggjandi sjúkdóma. Sex andlát vörðuðu eldri*** einstaklinga, fjórir þeirra með staðfesta undirliggjandi sjúkdóma. Tvö andlát varða einstaklinga á aldursbilinu 55-64 ára, þar sem annar þeirra var með staðfestan undirliggjandi sjúkdóm.
• 71 tilkynningar varða sjúkrahúsvist (þar af ellefu lífshættulegt ástand).
• 21 tilkynningar teljast klínískt mikilvægar og þar með flokkaðar sem alvarlegar****.
• Átta tilkynningar teljast alvarlegar, þar sem beðið er eftir viðbótar upplýsingum.
• Fimm tilkynningar varða fósturmiska.

Er ekki bara öruggast að láta þetta gott heita og fara ekki í fleiri sprautur?

Uppfærsla, enn ein ástæðan til að sleppa þeim bara:

Tveir með örvunarskammt hafa þurft á gjörgæslu

Tveir ein­stak­ling­ar með örvun­ar­skammt þurftu á gjör­gæslu fyr­ir ára­mót. Ann­ar í byrj­un des­em­ber og hinn í byrj­un nóv­em­ber. Báðir lögðust á gjör­gæslu þegar inn­an við fjór­tán dag­ar voru liðnir frá þriðju bólu­setn­ing­unni. Þetta staðfest­ir Hild­ur Helga­dótt­ir, verk­efna­stjóri far­sótt­ar­nefnd­ar á Land­spít­ala.

Senda ekki boð í örvunarskammt

Er þetta ekki bara komið gott af óskiljanlegum sóttvarnaraðgerðum?

Svona líður vesalings veiruhrædda fólkinu þrátt fyrir allt sprittið, grímurnar, PCR prófin, hraðprófin til að komast í jarðarfarir, allar sóttkvíarnar, smitgátirnar og einangranirnar - og þrátt fyrir sprauturnar sínar - plús bústin, og getur samt veikst!

Hér á landi, alveg eins og í löndunum sem fylgja sama handritinu er búið að mynda gjá milli þeirra sprautuðu, sem eru núna rúmlega 90% hér á landi, og þeirra sem hafa kosið að taka sjálfir ábyrgð á eigin heilsu og afþakkað að taka þátt í þessari lyfjatilraun glæpalyfjarisanna.

En þeim er núna kennt um að sprauturnar virki ekki eins og lofað var að þær myndu gera!

Reiði þeirra ætti frekar að beinast gegn þeim sem nörruðu þau í sprauturnar sem ekki virka, ekki þeim ósprautuðu sem eru 100% lausir við áhyggjur af að fá einhverjar aukaverkanir eftir þær, (jafnvel lífsógnandi og/eða banvænar), sem geta komið fram jafnvel mánuðum eða árum seinna.

Sprautaðir eru ekkert síður að smitast þessa dagana en ósprautaðir, en þeir ósprautuðu hafa bara útvegað sér áratuga gamalt Nóbelsverðlaunalyf sem sannað er að virki mjög vel, og dælt í sig góðum vítamínum.

Allir þeir sem ég þekki til hafa hrist þetta af sér á nokkrum dögum og komist sprelllifandi frá þessum meinta "drápsvírusi".

Þetta er nú öll drápspestin gott fólk!

Fullyrðingar framleiðenda bóluefnanna sjálfra - með dyggum stuðningi Þórólfs, Kára, Ragnheiðar og co um ágæti þeirra standast enga skoðun, heldur sýna þær fram á neikvæða virkni þessara "bóluefna" þeirra.

Ein mynd getur sagt meira en þúsund orð

Ítarefni:

• Ef 6 sjúklingar á gjörgæslu setja spítalana á hliðina, þá er vandinn heimatilbúinn, ekki þeir ósprautuðu.
• Þetta er löngu hætt að snúast um að verja líf og heilsu Willum ...
• Þórólfur sagði á sínum tíma að það væru bara tveir kostir í boði, að láta bólusetja sig, eða fá pestina
• Í júní sagði Þórólfur að samfélagslegt ónæmi væri að nást með bólusetningun ...
• Getur maður verið veikur án þess að finna fyrir einkennum?
• Nei Sigmundur, það er akkúrat fólk eins og þú sem heldur okkur í herkví!
• Drullusokkshátturinn

Ég vil ekki trúa því ekki að nokkur manneskja, sprautuð eða ósprautuð vilji lifa áfram í þessum sífelldum slökunum - og svo herðingum og skerðingum á mannréttindum okkar.

Lífið snýst um svo miklu meira en baráttu við einhvern vírus sem okkur hefur sagt að sé svo skelfilega hættulegur, þótt við ættum að vita betur í dag.

Það er kominn tími til að við segjum hingað og ekki lengra, annars mun þetta halda áfram að minnsta kosti þangað til búið verður að sprauta þjóðina með þessum 1.4 milljónum skömmtum af "bóluefnum" sem búið er að skuldbinda þjóðina til að nota.

Farið að lesa ykkur til um hvað raunverulega er í gangi í heiminum í dag, en ekki nota Google, Facebook, Twitter, YouTube eða þessa miðla sem ritskoða alla umræðu andstæða þeirri einu "leyfðu" í dag.

Ef fólk fer ekki að vakna og rísa upp og mótmæla því sem verið er að gera mannkyninu í dag, þá munum við endanlega verða svipt öllum okkar eigum, lífsgildum, sjálfstæði, og öllu því sem gefur lífi okkar gildi og gleði.

Stöldrum aðeins við, hvernig viljum við sjá framtíð okkar og afkomenda okkar?

Ég veit alveg hvað ég vil, hvað með þig?

 

 

Þórólfur sagði á sínum tíma að það væru bara tveir kostir í boði, að láta bólusetja sig, eða fá pestina

Og ekki nóg með það, þá sagði hann í júní 2021 að samfélagslegt ónæmi væri að nást með bólusetningum.

Það er alltaf að koma betur og betur í ljós hversu herfilega misráðnar þessar "bólusetningar" eru, þrátt fyrir allar yfirlýsingar og loforð sóttvarnalæknis í tvö ár núna.

Eftir því sem ég sé og heyri í mínum hópi virðist sprautaða fólkið í kringum hann hafa litla vörn gegn veirunni, og er að smitast í stórum stíl, alveg eins og þeir ósprautuðu.

Handboltamennirnir okkar

Mörgum til hrellingar hafa tví- og þrísprautaðir landsliðsmenn í handbolta greinst með veiruna núna, en sýna sem betur fer lítil einkenni og eru við góða heilsu.

Þeir eru búnir að vera í einangrun frá vinum og fjölskyldu nánast frá ársbyrjun, - en smituðust samt!

„Við erum búin að vera með liðið í einangrun síðan 2. janúar. Og strákarnir búnir að leggja mikið á sig til að haldast hreinir. Þeir eru búnir að fórna félagsskap fjölskyldu og vina til að leggja allt undir í þetta.“

Það var skylda að fara í sprauturnar

„Yfirgnæfandi meirihluti er kominn með annað hvort tvær eða þrjár sprautur. Ég held það séu nánast allir með tvær og stór hluti með þrjár. Það eru þeir sem voru heima og höfðu aðgang að því,“ segir Róbert í samtali við fréttastofu.

„Það var skylda að allir ættu að vera bólusettir og þegar fréttir komu um að biðja menn að fara í boozter óskuðum við eftir því við drengina sem tóku því mjög vel.“

Tilgangslítið sóttvarnabrjálæði

„Sóttvarnir á mótinu eru ekki nægilega góðar. Hótelin er ekki nægilega góð þegar kemur að sóttvörnum. Þú sérð þegar kemur að riðlakeppninni þá vorum við öðrum gestum á hóteli.“

Mikill samgangur var í flestum rýmum hótelsins að sögn Róberts, í lyftum, matsölum og á göngum. Talsvert hefur verið um smit í öðrum liðum enda hafi þröng verið á þingi á hótelinu og mikill samgangur milli gesta. Það séu mikil vonbrigði að smit hafi komið upp. 

Með slökkt á heilbrigðri skynsemi

Það sem fæstir virðast enn tilbúnir að viðurkenna fyrir sjálfum sér og öðrum er að ekkert af ekkert af þessum aðgerðum undanfarin tvö ár hefur virkað, þrátt fyrir að vera skellt á okkur aftur og aftur.

Grímurnar virka ekki, sprittið gerir lítið gagn, hvað þá þessar endalausu sóttkvíar og einangranir og glórulausu sýnatökur sem eru búnar að kosta þjóðfélagið milljarða króna.

Sagði ekki einhver einhvern tímann að það að endurtaka sama hlutinn aftur og aftur og búast alltaf við nýrri útkomu, væri merki um geðveiki? 

Það er kannski ennþá meiri "geðveiki" að trúa öllu í blindni og leggja allt sitt traust á örfáa einstaklinga og gera ekki sínar eigin rannsóknir.

En hvað handboltamennina okkar varðar, þá ættu hraustir menn í góðri líkamlegri þjálfun að hrista þetta af sér eins og hverju öðru kvefi.

Enda er ungt fólk hreint ekkert að deyja úr veirunni, þetta er bara hystería sem búið er að heilaþvo þjóðina með.

Þjóðin mun í fyllingu tímans minnast Þórólfs sem mannsins sem lofaði betri tíð með blóm í haga - ef allir létu sprauta sig.

Með tilraunaefnum sem eru búin að valda andlátum að allra minnsta kosti 35 manneskja, skaða 240 aðra hugsanlega fyrir lífstíð, og valda hátt í 6.000 öðrum alls kyns heilsuskaða sem sumir hverjir munu kannski aldrei ná sér af.

Þegar - og ef hún loksins vaknar.

Hættum þessu!

Hættum að taka þátt í öllu þessu rugli, hendum grímunum og förum að lifa aftur eins og eðlilegt fólk. Man einhver lengur hvernig það var? Við munum aldrei lifa í veirufríu samfélagi, enda væri það bara útópía.

Gerum það sem okkur hefur aldrei verið ráðlagt af þeim sem þessu stjórna, og það er að byggja upp og efla okkar dásamlega meðfædda ónæmiskerfi, því það veitir okkur heilbrigða vörn gegn utanaðkomandi hættum, ekki einhver hraðsoðin efni sem eru búin til á tilraunastofum, sem þarf að sprauta okkur með á nokkurra mánaða fresti.

Og höfum í huga, að deyja ekki, er ekki það sama og lifa.

Í júní sagði Þórólfur að samfélagslegt ónæmi væri að nást með bólusetningum ....

.... en hver er staðan núna? Það kom í ljós að þetta stóðst bara engan veginn, ný bylgja kom upp kortér í verslunarmannahelgi, svo það reyndist "nauðsynlegt" að fara í þessar svokölluðu örvunarsprautur.

Þórólfur Guðnason sóttvarnalæknir segir samfélagslegt ónæmi vera að myndast hér á landi í kjölfar bólusetninga gegn Covid-19. „Þessi smit sem eru að greinast bæði hér innanlands og á landamærunum eru ekki að dreifa úr sér, sem segir okkur að það er komið nokkuð gott samfélagslegt ónæmi,“ segir hann.

Athugið, þetta sagði hann í júní!

Staðan í dag

Nú er svo komið að 91% þjóðarinnar 12 ára og eldri er núna tví- eða þrísprautuð, en samt kom upp enn ein bylgjan í nóvember og settur var í gang enn einn skimunarfaraldurinn.

Hvar er samfélagslega ónæmið Þórólfur?

"Árangurinn" af skimunarfaraldrinum er sá að "smitfjöldi" er í hæstu hæðum núna, en brandarafréttin 17. janúar var sú að 98% á göngudeildinni voru einkennalitlir eða einkennalausir! (Getur maður verið veikur án þess að finna fyrir einkennum?)

Hvað með þessar 23.000 manneskjur sem eru núna í einangrun eða sóttkví, hvað ætli margar þeirra séu hreint ekkert lasnar, og hvað kosta þessar sífelldu einangranir og sóttkvíar samfélagið?

Og þá er ég ekki bara að tala um peninga því þetta verður að skoðast í miklu stærra samhengi.

Það kom fram í fréttum um daginn að kostnaður vegna skimana væri líklega 50-100 milljónir á dag, svo það blasir við að búið er að henda hundruðum milljóna út um gluggann til að finna einkennalítið eða einkennalaust fólk, á meðan fjársvelt heilbrigðiskerfið vælir og gólar.

Ætli það sé enn verið að nota PCR prófin á 40 snúningunum hér á landi? Sjáið meira um þessi fölsku próf hér.

Þetta sagði Þórólfur meðal annars 21. júní 2021:

Aspurður hvort fólk þyrfti að hræðast Janssen bóluefni umfram önnur sagði hann:

„Það geta verið aukaverkanir með þessum bóluefnum, þær eru mjög sjaldgæfar og miklu sjaldgæfari heldur en af Covid-sýkingu,“ útskýrir Þórólfur. „Og það eru bara tveir kostir í boði, annaðhvort að fá Covid eða að fá bólusetningu,“ bætir hann við.

Þannig að ungar konur ættu ekki að hræðast bólusetningu með Janssen?

„Nei, nei,“ segir Þórólfur.

Eins og við vitum í dag, þá er þetta haugalygi, búið er að tilkynna um 6.037 aukaverkanir, þar af 240 alvarlegar og 35 andlát.

Andlátin eftir sprauturnar voru 34 á síðasta ári, sem er svipað og andlátin samtals "úr" Covid 2020-2021.

En það þykir ekki fréttnæmt.

Gleymum ekki heldur þessum hátt í 3.000 konum sem fengu ofsablæðingar, hættu á blæðingum, fór að blæða aftur eftir tíðahvörf, og ungu stúlkunum sem fór að blæða þrátt fyrir að vera ekki byrjaðar á reglulegum blæðingum.

Konan sem elskar bóluefnin

Ragnheiður Ósk Erlendsdóttir, framkvæmdastjóri hjúkrunar hjá Heilsugæslu höfuðborgarsvæðisins, tekur í sama streng og Þórólfur. „Öll bóluefnin eru góð,“ segir Ragnheiður. „Við erum að tala um aukaverkanir sem eru svo örlitlar að það er örugglega meiri hætta af því að bara fara út í búð,“ bætir hún við.

Það að þetta fólk hafi verið kosið fólk ársins 2021 er mér gjörsamlega fyrirmunað að skilja!

Vissulega er fullt af fólki lasið í dag, mismikið lasið þó sem betur fer, en hvernig stendur á því að hjá einni mest bólusettu þjóð í heimi séu svona mörg smit?

Það er búið að blekkja nánast alla þjóðina í tvær eða þrjár sprautur, en samt eru þeir sprautuðu að veikjast. Hvað varð um samfélagslega ónæmið Þórólfur?

Þetta er komið gott af sprautum sem virka ekki og síendurteknum skerðingum á mannréttindum, grímuskyldu og öðrum hömlum sem hafa ekki virkað í neinni af þessum bylgjum, en er samt skellt á okkur aftur og aftur.

Nú þarf fólk að spyrja sjálft sig, vill það virkilega fara inn í þriðja árið í þessari hringavitleysu - og láta jafnvel sprauta sig enn meira með líftæknilyfjum sem eru í tilraunafasa til ársins 2026?

Gleymum því ekki að íslensk stjórnvöld eru búin að skuldbinda sig til að kaupa 1.4 milljón bóluefnaskammta fyrir 370 þúsund manna þjóð, sem á að duga fyrir næstu tvö ár eða svo!

Þetta mun ekki enda nema fólk rísi upp og segi nei við hraðprófum, fleiri sprautum, fölskum PCR prófum, og neiti að fara sjálft eða setja börn sín í endalausar og tilgangslausar sóttkvíar og einangranir - eða láti sprauta þau líka!

Skyldulesning!

Ég las í dag alveg frábæra og vel rökstudda grein um afnám lýðræðis, sem varpar ljósi á hvað er á bak við þennan "heimsfaraldur".

Valdarán hefur átt sér stað fyrir opnum tjöldum. Ákvarðanir sem gilda fyrir alla heimsbyggðina eru í æ meira mæli teknar á samráðsfundum risafyrirtækja þar sem enginn fær að fara sem ekki hefur fengið boð.

Mikilvægasti samráðsvettvangurinn fyrir þessa nýju heimsstjórn er Alþjóðaefnahagsráðið, sem starfað hefur í hálfa öld og lengi unnið því markmiði að taka völdin úr höndum þjóðríkja og færa það stórfyrirtækjunum. Áætlanir sem unnar voru fyrir mörgum árum, og jafnvel áratugum, eru nú orðnar að veruleika. Covid-19 spilar þar lykilhlutverk.

Forsætisráðherra okkar

Hér er mynd af Katrínu Jakobsdóttur, sem er "Agenda Contributor" hjá The World Economic Forum, sem er að "endurræsa heiminn" núna fyrir okkar hönd, að okkur öllum forspurðum. Meltið það aðeins!

Þetta er löngu hætt að snúast um að verja líf og heilsu Willum ...

... ef það þá gerði það nokkurn tímann. Hvernig geturðu látið eins og svo sé, er það kannski vegna leynilegu bóluefnasamninganna sem búið er að skuldbinda þjóðina til að efna?

Þú veist það VEL að það er EKKERT sem réttlætir það að svipta þjóðina ítrekað sjálfsögðu frelsi og mannréttindum, og halda henni trylltri úr hræðslu við einhverja veiru sem margbúið er að sanna að það eru 98-99,98% líkur á að lifa veikindi af, og engin börn eða ungt og hraust fólk deyr vegna hennar!

En hræðsluáróðurinn hefur tekist fullkomlega hjá ykkur öllum, og tví- og þrísprautaðir Íslendingar virðast aldrei hafa verið veiruhræddari en núna, og tala um lítið annað en Covid þegar þeir koma saman.

Bergþór Ólason þingmaður sem hefur fengið mjög góðar og vel rökstuddar greinar birtar í fjölmiðlum undanfarið um heimsfaraldurinn, spurði í ræðustól á Alþingi í dag hvort ekki væri kominn tími til að líta á Covid-19 sem inflúensu.

„Í liðinni viku lýstu for­sæt­is- og heil­brigðisráðherr­ar Spán­ar því yfir að nú væri kom­inn sá tími að rétt væri að nálg­ast heims­far­ald­ur Covid-19 sem hverja aðra in­flú­ensu. Ný nálg­un væri nauðsyn­leg þar sem eig­in­leg­um heims­far­aldri væri lokið í ljósi þess að hið svo­kallaða ómíkron-af­brigði veirunn­ar væri mun mild­ara en þau fyrri.“

Hann benti jafnframt á efasemdir Ragnars Freys Ingvarssonar læknis sem sagði réttilega Íslendinga skima allt of marga við veirunni. (Loksins orð af viti frá læknastéttinni!)

„Þegar við ber­um okk­ur sam­an við aðrar þjóðir verðum við að taka inn í mynd­ina að við erum á ólík­um stað í bylgj­unni, ef við tök­um til að mynda Spán. Við erum mjög dug­leg, í sam­ráði við sótt­varna­yf­ir­völd, sótt­varna­lækni, að skoða hvað er að ger­ast ann­ars staðar,“ sagði Will­um.

Sóttvarnalækni sem er búinn að vera nánast alvaldur hérna (með dyggum stuðningi embættislauss Kára) frá upphafi þrátt fyrir að hafa mistekist herfilega hvað eftir annað að kveða faraldurinn niður?

„Það er alltaf það sem okk­ur ber skylda til að gera. En frum­skyld­an verður alltaf sú sama, og við meg­um ekki láta regl­urn­ar verða yf­ir­sterk­ari mark­miðunum að því leyti, þ.e. að verja líf og heilsu og sjá til þess að heil­brigðis­kerfið sé hvern dag í stakk búið til að tak­ast á við ástandið.“

Hvað eru margir heilbrigðisstarfsmenn í jafnvel óþörfum og vita gagnslausum sóttkvíum og einangrunum núna? Er þetta ekki frekar innanhússvandamál fjársvelts heilbrigðiskerfis?

Hvað með líf og heilsu þeirra sprautusködduðu?

Frá 3. - 17. janúar hefur tilkynningum um aukaverkanir fjölgað um hvorki meira eða minna en 95, og þar af alvarlegum aukaverkunum um 13, sem samsvarar tæplega einni á dag!

Hvers vegna hringir það ekki neinum viðvörunarbjöllum?

Af þessum 13 er 1 andlát, en það hefur líklegast "gleymst" að tilkynna um það í fjölmiðlunum, það er miklu meiri frétt að gamalmenni á ní- og tíræðisaldri sem eðli málsins samkvæmt hljóta flest að hafa nokkra undirliggjandi sjúkdóma, deyi víst "úr" Covid.

Ein sprautusködduð sem ég kannast við hefur þurft að greiða nokkur hundruð þúsund krónur fyrir læknishjálp úr eigin vasa, en er farin að fá einhvern kostnað endurgreiddan af ríkinu núna. Hún er samt enn að glíma við aukaverkanirnar.

Hún er langt í frá eina manneskjan, og vonandi munu fleiri sprautuskaddaðir leita sér sjálfsagðra bóta líka, því við vitum um að engir þeirra voru varaðir við hugsanlega slæmum aukaverkunum eða að þeir gætu hugsalega látist eftir sprauturnar.

Ekki endilega strax, heldur jafnvel vikum eða mánuðum seinna, og hvað þá eftir bústin!

Og ekki voru þeir beðnir um samþykki sitt fyrir því að taka viljugir þátt í lyfjatilraun sem mun standa yfir til 2026.

Látnir í kjölfar sprautanna eru (að ALLRA minnsta kosti) 35 núna, sem er töluvert fleiri en létust "úr Covid" á síðasta ári (miðað við að 29 hafi látist 2020).

Hvers vegna þykir það ekki fréttnæmt?

Furðulegar forgangsraðanir

Þetta endalausa væl um að verja þurfi fjársvelt heilbrigðiskerfið dettur steindautt um sjálft sig, á meðan hægt er að eyða daglega 50-100 milljónum í tilgangslitlar sýnatökur með fölskum PCR prófum, sem gera lítið annað en að magna upp og viðhalda hysteríunni hjá fólki.

Brandarafrétt dagsins!

98% "smitaðra" á göngudeild Landspítalans í dag eru einkennalitlir eða einkennalausir.

Þökk sé rándýrum og tilgangslitlum massasýnatökum hjá veiruhræddum og kannski tví- eða þrísprautuðum Íslendingum!

Þetta er orðin langþreytt langavitleysa, í guðanna bænum farið að hrista af ykkur doðann gott fólk, nennið þið virkilega að byrja þriðja árið í þessu dómadags rugli með ykkur?

Hvað er eiginlega að ykkur, ætlið þið að láta teyma ykkur endalaust á asnaeyrunum?

Ítarefni:

• Nú verðið þið hinir sofandi Íslendingar að vakna, annars munuð þið leyfa það að við verðum svipt öllu!
• Þetta er fjölmiðla- og samfélagsmiðladrifinn "heimsfaraldur".
• Sagan endalausa - þetta stoppar ekkert fyrr en við segjum hingað og ekki lengra!
• Allt er gert til að breiða yfir sannleikann.
• Þöggunin um aukaverkanirnar og andlátin hér á landi eftir sprauturnar er ekkert annað en glæpsamleg!
• Öllum ætti að vera löngu orðið ljóst að grímur gera ekkert gagn
• Lygin um "bóluefnin", elítan, og skyggnst á bakvið tjöldin
• Upp komast svik um síðir, og nú eru til beinharðar sannanir um þau!
• Svört saga "mannvinarins mikla" sem ætlar að fækka mannkyninu með bóluefnum.
• Hvort er þetta ormalyf fyrir hesta, eða lyf sem hefur fengið Nóbelsverðlaun? Svarið er, hvort tveggja!
• Undarlegt að mest bólusettu þjóðirnar séu með flestu smitin núna, meira að segja ein 100% sprautuð.
• Þetta eru sögurnar sem verða líka að fá að heyrast.
• Hvers vegna er Þórólfur ALDREI spurður út í aukaverkanirnar?
• Faraldur meintra óútskýrðra andláta unglinga heldur áfram að sjokkera okkur, segir breskur læknir
• Hjartabólga hefur verið staðfest hjá 5-11 ára börnum í USA eftir "bólusetningarnar".

 

 

 

 

 

 

 

 

Tími til að líta á Covid-19 sem inflúensu?

Ef það væri raunverulegur heimsfaraldur í gangi, þá þyrfti fólk ekkert að rífast um það ...

... né þyrftum við að vera stöðugt áminnt um það með sífelldum hræðsluáróðri í fjölmiðlum nánast allan sólarhringinn, því það færi svo sannarlega ekki framhjá okkur ef svo væri.

Í alvöru heimsfaraldri myndum við öll þekkja fólk, jafnvel fjölskyldur allt niður í börn sem hefðu veikst og/eða dáið.

En er það raunin? Nei, og það vitum við öll, langflestir sem eiga að hafa látist úr Covid voru aldraðir eða eldri einstaklingar, en við fáum aldrei að vita hvort þeir hafi verið með undirliggjandi sjúkdóma, því það er aldrei tekið fram.

Ólíkt því þegar sagt er frá andlátum eftir sprauturnar sem opinberar tölur segja að séu 35 núna, þá eru tilkynningarnar svona:

25 þeirra varða andlát. 18 andlát vörðuðu aldraða** einstaklinga, 15 þeirra með staðfesta undirliggjandi sjúkdóma. Sex andlát vörðuðu eldri*** einstaklinga, fjórir þeirra með staðfesta undirliggjandi sjúkdóma. Eitt andlátið varðaði einstakling á aldursbilinu 60-64 ára.

Og umfjöllunin um andlátin er svona:

Rétt er að geta þess að flestar tilkynningar um andlát í kjölfar bólusetningar gegn COVID-19 bárust í janúar 2021, þegar elsti og hrumasti hópurinn var bólusettur hérlendis. Sérstök rannsókn var framkvæmd af embætti landlæknis í kjölfar fyrstu fimm alvarlegu tilkynninganna vegna gruns um aukaverkun og voru niðurstöður birtar síðar í mánuðinum.

Allir hljóta að sjá að þarna er verið að hagræða fréttaflutningi í þágu ákveðins málstaðar.

Sérhvert Covid andlát fær tilkynningu í fjölmiðlunum, en aldrei andlát fórnarlambs sprautanna.

Það er að mínu mati mikill dónaskapur og vanvirðing gagnvart ættingjum þeirra því þeir hljóta að eiga um jafn sárt að binda og hinir ættingjarnir, ekki satt?

En þetta er að sjálfsögðu gert af ásettu ráði, ekkert má hagga við ótta fólks við drápsveiruna miklu.

Sama handritið er notað um allan heim

Frá fyrsta degi þessa svokallaða "alheimsfaraldurs", hafa ríkisstjórnir og fjölmiðlar um heim allan haldið því á lofti þeir væru "leiddir áfram af vísindunum" og að fólkið ætti að treysta þeim til að lifa af það sem var haldið fram að væri stærsta plága mannkynssögunnar.

Áður en langt um leið soguðust heilu þjóðirnar og samfélögin inn í fjölmiðladrifna massahysteríu þar sem fáir þorðu að efast um ríkjandi rétttrúnað (enda var það bannað, allir að hlýða Víði!), eða settu spurnir við fjárausturinn í endalausar neyðarráðstafanir, aðeins einn málstað á meðan innviðirnir blæddu.

Kostnaðurinn hefur verið valdið skelfilegum og ómældum skaða á lífum, geðheilsu, atvinnu fólks, menntun, börnunum, hagkerfinu og lýðræðissamfélögum um heim allan.

Einungis hafa verið kallaðir til útvaldir "sérfræðingar" sem álitsgjafar, en þúsundir lækna og vísindafólks um heim allan hefur verið smánað, hrakið úr störfum sínum og útskúfað af samfélagsmiðlum.

Það má færa gild rök fyrir því að flestir ef ekki allir "leyfðu sérfræðingarnir" hafi gríðarlega fjárhagslega hagsmuni af því að viðhalda óttanum og pressa á fólk að fara í þessar "bólusetningar", enda er hagnaður lyfjafyrirtækjanna slíkur núna að ágóði þeirra getur orðið stjarnfræðilegur.

Er búið að dáleiða okkur?

Hvers vegna fólk gefur frá sér frelsið sitt af fúsum og frjálsum vilja.

 

 

Mattias Desmet er prófessor í klínískri sálfræði við Ghent háskólann í Belgíu, og er einnig með mastersgráðu í tölfræði. Hann hefur rannsakað sálfræði alræðishyggju (totaliarism), sem gengur út á það að fólk er dáleitt til hlýðni, og þessi fjöldadáleiðsla er þekkt sem "mass formation", sem má kannski þýða sem fjöldamótun.

Fljótlega eftir að "heimsfaraldurinn" skall á fór hann að sjá að spálíkön um þróun faraldursins sem sett voru fram um heim allan sem stóðust engan veginn.

Hann rekur síðan aðgerðirnar sem settar voru í gang, sem eru merkilega líkar því sem við hér á landi höfum þurft að upplifa.

Og nú er byrjað þriðja árið í massahysteríu sem ekki sér fyrir endanum á, og enn og aftur búið að lýsa yfir neyðarástandi og þjóðin afskaplega þakklát Þórólfi fyrir að setja okkur eina ferðina enn í fjötra.

Leitar klárinn ekki alltaf þangað sem hann er kvaldastur? Svo segir máltækið að minnsta kosti.

Öllum er hollt, og núna hreinlega nauðsynlegt að opna augun fyrir því að ekki sé allt sem sýnist í þessum "heimsfaraldri", og hlusta á aðra sérfræðinga en bara Þórólf og Kára.

Þið ættuð að horfa á þetta viðtal við hann með opnum huga.

ítarefni:

• Er þetta alþjóðlegur "geðfaraldur"?
• Hinn skelfilegi máttur hræðslustjórnunar
• Covid snérist aldrei um neina veiru, heldur bóluefnin segir sérfræðingur í hjartalækningum og prófessor í læknisfræði
• Þöggunin um aukaverkanirnar og andlátin hér á landi eftir sprauturnar er ekkert annað en glæpsamleg!
• Öllum ætti að vera löngu ljóst að grímur gera ekkert gagn